ساعدوني متى يبين كل شي ... انا تعبانه ؟؟

ممكن تفيدوني

انا يتني الدورة تاريخ 1/10 وخلصت تاريخ 7/10 هل ممكن يبين فالتحليل اذا انا حامل ولا لا.؟؟

وخاصتا ان فيه اعراض بس ما اعرف هل هي من الغازات ولالا

احس بانتفاخ فالبطن والم في اطراف عند عظمة الحوض

وكل ساعه او ساعه الا ربع اسير الحمام (تكرمون ) وفيه شبه امساك يعني يوم ونص تقريبا

واول يومين بدت فيه هاي الاعراض كان فيه صداع والم في المعده وجبدي كانت لايعه والم فظيع فالظهر لدرجه اني كنت طالعه ويا اختي السوق في نص مشاويرنا قلتلها ما اقدر احس ظهري بينكسر ..

رحت المستشفى عطوني الدوا الابيض للمعده وحبه عشان اتخفف من الغازات بدون ما تجيك علي مجرد مواصفات عطيتها وهي وصفتلي الدوا

والحين كله احس عمري ثقيله وابا ارقد واذا وايد تحركت ظهري يعورني .. وجبدي اتلوع بالليل

ابا اعرف شو فيه بالضبط لانه شعور مب حلو الي امر فيه .. مع ان اول مرة يصيرلي الي قاعد يصير .. عشان جي متوقعه كل شي انه حمل..... ولا غازات ... ولا لخبطه

بالاول شكيت ان يكون السكر جيكت طلع السكر عندي طبيعي .. والضغط طبيعي .. والغده الدرقيه وفحوصات دم كامله سويتها من شهر تقريبا والحمدلله كل شي طبيعي ..

ساعدوني متى يبين كل شي ..

انا تعبانه ...........................؟؟؟؟