ابي شوركم

صراحه اختى مدام زوجك مو مقصر معاكى باي شيء ليش البهدله والشغل ماشاءالله على زوجك الله يخليه لك نادر ما تلاقي زوجك يطلب من زوجته ما تشتغل وتساعد بالمصروف !! احترمه جدا بصراحه من حقه وبعدين فكري ابنك شكله لسه طفل ومحتاجك جمبه حرام وخاصه باول سنوات عمره وحتى لو طلعتى واشتغلتى الا ما يصير التقصير في بيتك او شغلك وبالنهايه بيتك اكيد رح يتاثر فاحسن اشغلى وقتك باي شيء مفيد الا لو كبر ابنك وصار بسن يستغى عنك شوي ممكن اتفكري وتقنعى وقتها والمراه بيتها اولى فيها

طالما زوجك مو مقصر معاكي ليه تدورين التعب والشغل
وابنك لسه صغيره واقري مشاكل الخدم مع الاطفال اصبري الين ماابنك يكبر شويه بعدين امكن زوجك يقتنع وتشتغلين
اذا ملانه من قعده البيت خصصي ايام تطلعي انتي وزوجك واشتري لك كتاب وبوقت فراغك اقريه وادخلي الانترنت تعلمي اشياء و اشغلي نفسك باابنك واطلعي تفسحي وروحي عند اهلك
وربنا يعينك

زوجك
وولدك الصغير
وبيتك
اولى بأهتمامك وحضنك الدافي وباقي الامور لاحقه عليها بعدين
تحياتي

اذا زوجك مو مقصر معك ليه تدورين عالعمل
وبعدين عندك ولدك اهتمي فيه واكيد هو ماخذ اكثر وقتك
خلك على كلامك زوجك وابعدي عن المشاكل

لسه ولدك صغير

وزوجك ماقال لأ الا وهوا عندو اسبابو

ومدام مو مقصر قولي الحمدلله

اعرف بنات راتبهم شي وشويااات اول ماحملو قدمو استقاله

وهما عندهم خدامات

لاتخلي بيتك يحتاج لك

عزيزتي متل ما قالو الأخوات ابنك صغير ومحتاجلك بهالفترة .. بعدين اذا حابة تشتغلي بس لأنك مليتي مو اكثر ممكن تطلعي من حالة الملل بكذا طريقة ... اقرئي ... تعلمي اشياء جديدة ... طوري نفسك تعلمي برامج كمبيوتر .. طبخات ... هيك ما رح تشعري بالملل والله يخليلك ابنك

شوفي أنا أشتغل والشغل متعب غير ثقالة بعض الناس ولازم تتحملين أخلاق ناس
العملية متعبه يعني أوقات أروح الشغل فرحانه وينكدون علي وأرجع البيت مالي مزاج واقل شي أتنرفز
وانتي متزوجه وعندك ولد وانتي ما شاء الله في السعودية توظيفكم يجي بمناطق بعيده عن بيوتكم

وأحس بعد ان زوجج خايف تقصرين معاه، الحين ما عندج سالفه غيره باجر تقولين شغلي ومديرتي وما أقدر آخذ إجازه، وما أقدر أسهر تعبانه باجر دوام، وفلانه حاطه دوبه من دوبي، وعلانه ما تسلم علي، والرجال مو فاضي يسمع شكاوي لأن جاي البيت يرتاح وانتي لا إراديا راح تتكلمين عن هالهموم لأن مالج غيره تفضفضين له.

مآآقصروا البنآآت
والله يدبر لك ماكان فيه الخيييييييييير

مشكورين خواتي على الردود
ما اشاء الله عليكم ما قصرتوا

بس اني ابي اشتغل لان ولدي الحين عمره ثلاث سنوات وتسعة اشهر
وصار يعتمد على روحة في اغلب الاشياء واني احس بملل ما اقصر اني على زوجي من الطلبات
يعني كل بعد كم يوم طالعة واقعد على النت بس ابي شيء جديد
ويش اسوي اني طماعة

ولكم جزيل الشكر

دلوعةحناني;7446707:
زوجك
وولدك الصغير
وبيتك
اولى بأهتمامك وحضنك الدافي وباقي الامور لاحقه عليها بعدين
تحياتي

نفس كلام اختي هل انتي ناقصك فلووووووووووس

يعني لازم الواحد يكون ناقصنه فلوس عشان يرغب في الشغل!!؟؟؟

شو فيها لو الوحده حبت انها تشتغل..

ماشاءالله ولدها صار فيه يدخل المدرسه ..

ما فيها شيء لو الوحده قادره توفق بين الشغل والبيت... الحمدلله كل وحده عقلها براسها.. ما فيه وحده بتضحي ببيتها عشان الشغل.. بتجرب واذا تعبت او حست نفسها مش قادره بتترك ..

انا حالي من حالج.. زوجي مب راضي اني اشتغل بعد الزواج .. وبصراحه الموضوع وايد مأثر علي.. قلت له عطني سبب واحد يخليك ترفض وانا مستعده اني اقعد.. يقول لي لا تناقشيني في هالموضوع لأنه يجيسني صداع .. الا قول ما عندي سبب واريد اسوي فيها سوبر مان ..

يعني تخصصي الحمدلله مش اي كلام .. تخصص يدعو للفخر وفيه خدمه للمجتمع .. وما فيه حاجه ابدا للاختلاط والخرابيط اللي تصير في معظم اماكن العمل ..

واحنا ان شاءلله بنسكن في مدينه ثانيه .. بنكون بعاد .. وبكون قاعده في البيت 24 ساعه .. وهو يشتغل من الصبح لين الظهر والعصر لين الساعه عشرة ونص او 11..

شو فيها لو اشتغلت؟


ان شاءالله اذا لقيت حل خبرتج ..

والله يوفقج

eternal beauty;7479623:
يعني لازم الواحد يكون ناقصنه فلوس عشان يرغب في الشغل!!؟؟؟

شو فيها لو الوحده حبت انها تشتغل..

ماشاءالله ولدها صار فيه يدخل المدرسه ..

ما فيها شيء لو الوحده قادره توفق بين الشغل والبيت... الحمدلله كل وحده عقلها براسها.. ما فيه وحده بتضحي ببيتها عشان الشغل.. بتجرب واذا تعبت او حست نفسها مش قادره بتترك ..

انا حالي من حالج.. زوجي مب راضي اني اشتغل بعد الزواج .. وبصراحه الموضوع وايد مأثر علي.. قلت له عطني سبب واحد يخليك ترفض وانا مستعده اني اقعد.. يقول لي لا تناقشيني في هالموضوع لأنه يجيسني صداع .. الا قول ما عندي سبب واريد اسوي فيها سوبر مان ..

يعني تخصصي الحمدلله مش اي كلام .. تخصص يدعو للفخر وفيه خدمه للمجتمع .. وما فيه حاجه ابدا للاختلاط والخرابيط اللي تصير في معظم اماكن العمل ..

واحنا ان شاءلله بنسكن في مدينه ثانيه .. بنكون بعاد .. وبكون قاعده في البيت 24 ساعه .. وهو يشتغل من الصبح لين الظهر والعصر لين الساعه عشرة ونص او 11..

شو فيها لو اشتغلت؟


ان شاءالله اذا لقيت حل خبرتج ..

والله يوفقج

تسلمي يا اختي اول مرررة وحدة اتحس في
اصدقي احيانا حتى الصياح اصيح من الملل بس الله اعيني واعينش
ويهدي ازواجنا ويقبلوا انحنا نشتغل

اشتغلي في بيتك مثلا كوفيرة طباعة بحوث بالكمبيوتر منها تقضي وقت فراغ وتاخذي فلوس بعد وانا اول زبونة حجيكي

ام ميرزا;7449742:
مشكورين خواتي على الردود
ما اشاء الله عليكم ما قصرتوا

بس اني ابي اشتغل لان ولدي الحين عمره ثلاث سنوات وتسعة اشهر
وصار يعتمد على روحة في اغلب الاشياء واني احس بملل ما اقصر اني على زوجي من الطلبات
يعني كل بعد كم يوم طالعة واقعد على النت بس ابي شيء جديد
ويش اسوي اني طماعة

ولكم جزيل الشكر

شوفي حبيبتي الكلمة الحلوة تلين القلوب حاولي معاه وقت ماهو مروق وبهدوء ودلع كلميه واعطيه وجهة نظرك من الموضوع وخبريه انك درستي ليش اكيد حابة تثبتي وجودك وخبريه علشان لو الله لايقوله صار ظرف يوم من الايام ماتلوميه وهيك من هالقبيل واذا تحسي الموضوع بيسوي حزازات بينك وبين زوجش ما الش الا هو تنازلي علشانه واذا على الملل كلنا ملانين من قعدة البيت

عزيزتي ام ميرزا البنات يعطيهم الف عافيه ماقصرو بردود الرائعه والمقنعه
وممكن تشتغلي وانتي بالبيت ومنها تشغلي نفسك ومنها انتي مع بيتك وعايلتك وبنفس الوقت تزيدي دخلك وتقوي مهاراتك .
وربي يوفقك الى كل خير

حبيبتي ......اشكري ربك على نعمته والحمد الله على كل حال..
انت تبغين تشتغلين طفشانه فاهمه وضعك....
بس نصيحتي لا تشتغلين....
تعرفين ليه بتفتحين عليك ابواب أولها....
بتكونين مسؤله عن مصروفك وأحنا الحريم نحب ازوجنا
يكونون مسؤلين عننا لانه هذا واجب عليهم وصدقيني كل ما تبغيتي شئ بيقول راتبك وينه اصرفي عليى نفسك اجل ليه اشتغلتي.....
ادخلي دورات كل ماخلصت دوره ادخلي دوره ثانيه
ماشاء الله تبارك زوجك مو مقصر وأبنك بتخلينه تحت رحمت الشغاله..........
وصدقيني مع الدورات بتعرفين على الناس وبتكونين
صداقات وسوي زيارات لصداقاتك ................
وربنا ييسرلك الي فيه الخير....

أنـأ أنسانه . . تعجبني اللي تبا تشتغل

شـوفـي !

+ رمسـي ريلج و اقنعيه قوليله انا ما درست
و خذت شهادتـي عسب ايلس ف البيت
الحياه الزوجـيه اصلا مساعده و مشاركـه
بين الاثنين ، ف لو ما ساعدتك في المصروف
منو بيسـأعدك ، و احنا تـألي بتكبر علينا
المسؤوليـأت عسب العيال و جيـه !

- اما اذا ريلج ما يحب يرمس بالفلوس و جي
اطري لـه سالفه انج اتملين و اتطقين ف البيت
لأنه محد عندج ،
يعني حـأولي ويـأه بالحوآر
و اذكري له انه هو مب مقصر ويـأج ابدن
من ناحيه الفلوس و جي بس هو مجرد
فراغ تبين تملينه و اذا خايف ع الوولد
انه يتبهدل ويـأ الشغاله
ترا قريب بيدخل الروضـه ، لانه عمره
كبير ما شاء الله ، صار ريـأل . .

و الله يوفقج حبيبتي
و نسمع عنج الاخبار اللي تسـر

مشكورين خواتي والله يعطيكم العافية

طالما زوجك مو مقصر ومرتاحه في حياتك ليش اختي تبين تسوين مشكله لنفسك خلاص زوجك وولك اولى باهتمامك