حبا فى الله اجيب جميع اسئلتكم

تسلمى يا قمر جزاكى الله خيرا

الى اختى دوللى
حبيبتى ياريت اكون قدرت افيدك اقرى بس الموضوع بتركيز واختار الوصفة اللى انتى حاسة انها ممكن تناسبك،او اوصفى نوع بشرتك ومشاكلها بالظبط ولونها واذا كانت حساسة او لا اونا ان شاء الله هختار ليكى وصفة مناسبة جدا.

انا بشرتى تقريبا عاديه بس بحسها بقت جافه مع جو الشتا الايام دى ولون بشرتى كان فاتح بس مع الكليه والجو للاسف بقت أغمق يعنى مايل للقمحى وده مضايقنى أوى نفسى ترجع زى الاول دى المشكله الوحيده والحمد لله انا بشرتى صافيه اللى مضايقنى بس انى عايزه افتحها بسسسس ايه تشخيصك هههههههه؟؟؟؟

الى اختى دوللى
اما ماسك تفتيح البشرة:نشا+خميرة+حليب سائل+نصف ليمونة توضع نصف ساعة وتغسل بماء فاتر.

وصفة لضياء الوجه:ندهن الوجه بالعسل ويكون الجسم مرتخى ونسبح الله لمدة ربع ساعة ثم يغسل بماء فاتر ثم يدهن بزيت الزيتون يوم بعد يوم وهذه الوصفة منقوله من المنتدى بس رائعة.

مس الوجه بماء الورد بصفة مستمرة ينقى البشرة،بااضافة الى شرب الماء بماء الورد المركز المخصص للشرب مش مستحضر التجميل.

ماء الورد مع حليب بودرة نيدو ماسك تفتيح دا ماسك مشهور ورائع وانا جربته كتير.

وصفة كمان منقولة بس انا جربتها الله يكرمها البنت اللى كتبتها دى وصفة تستاهل انها تتعمل عبارة عن ارز مطحون مع ماء ورد اعملى منها ماسك ضعيه على وجهك ربع ساعة وبعدين افركى وجهك وبعدين اغسليه بماء فاتر.
ملحوظة اشترى الارز المطحون من بره لانه بيبقى ناعم جدا ومش بيؤذى البشرة ولا يجرحها.

وكمان دا ماسك جميل جدا من كتاب عندى للوصفات الطبيعية وانا طبعا جربته وكان جميل جدا،الماسك دا للتفتيح،2 ملعقة ترمس مطحون+ملعقة جلسرين+نصف ليمون+ملعقة صغيرة ماء ورد+عسل+خميرةونصف ملعقة صغيرة زبادى.
الطريقة:ضعيهم على بشرتك نصف ساعة وبعدين افركى بشرتك،وبعدين اغسلى وجهك،وبعدين امسحى وجهك بقطنة عليها ماء ورد.

بصى اختارى اللى يناسبك من كريمات التفتيح واستعمليه صباحا ومساء.

خليكى صبورة على بشرتك وان شاء الله مع نظام مستمر واهتمام كبير منك شوية هتلاقى تغيير ملحوظ باذن الله.

ولما ييجى الصيف ابقى ادخلى واكتبى اسألتك عن مشاكل بشرتك فى الصيف وانا هرد عليها ويارب اكون قدرت افيدك.

بسم الله الرحمن الرحيم
احب ارحب بكل الزوار اللى بيدخلوا على موضوع ويقروه يارب اكون قدرت افيدك وتلاقوا الاجابات المفيدة والمريحة على كل اسئلتكم.
ومش هتندموا لو اشتركتم فى المنتدى هتلاقوا كل ما يخص المرأة فى كل المجالات.

ميرسى يا جميل على ردودك الحلوه جزاكى الله خيراااااااااا

حبيبتى دوللى لا شكر على واجب اى خدمة ياقمراية،وان شاء الله تلاقى وشك نور وبقيتى زى القمر والعرسان واقفة طوابير ههههههههههههههههههههههه

يا بنات انقذونى انا من الاسكندريه تحديدا العصافره وانا جديده هنا وعماله اقراء فى كريمات وخلطات بس فى منها مش موجود فى مصر :mad: للاسف
انا بشرتى دهنيه او بمعنى اصح مناخيرى دهنيه فقالولى ان كده بشرتى دهنيه فاحتاجه وصفه اوى خلطه اعملها كل اسبوع وتكون فعاله وكريم او اى حاجه تانيه استعملها كل يوم بليز يا جماعه ساعدونى وغسول وحاجات من دى ظبطونى يعنى ومعطر للفم بليز وفى اخر مشكله معلش استحملونى بالنسبه للمنطقه الحساسه انا لسه ماشلتش الشعر ولا مره وخايفه على العموم يعنى انا لسه فى فترة المراهقه انا فى اولى ثانوى فاتنصحونى اشيل الشعر من ايدى ورجلى وكده لو اه ازاى
ارجوكم رودو عليا باسرع وقت :o:o:o:o
اسفه وجعت دماغك
وكمان انا مش عارفه نوع بشرتى
انا مناخيرى فيها دهون كتير ومن فوق الحواجب عادى دهون على خفيف اما الخدود والدقن مافيهمش دهون وميرسى ليكى يا جميل اوى

بسم الله الرحمن الرحيم
الى اختى عروس صغيرة وجميلة
من الواضح كده من كلامك ان على الاغلب ان تكون بشرتك نوعها مركبة لو بس الدهون بتظهر على الانف والذقن والجبين،لكن لو فى كل الوجه تبقى بشرتك دهنية،وبشرتك فى الحالة دى عاوزة اهتمام منك فى المراحل الاولى علشان متلاقيش بعد كده حبوب واسمرار وبقع حلو جدا انك سألتى واهتميتى قبل ما تدخلى فى متاهات.

بصى انا هديكى حاجات بسيطة جدا جدا وسهلة التزمى بيها كل اسبوع

اولا الماسك دا هيتعمل كل اسبوع مرة مثلا خليها يوم الاثنين
المكونات ملعقة صغيرة طمى مغربى"متوفر عند كل العطارين بمصر"
نصف ليمونة
نصف ملعقة صغيرة عسل
نقط ماء ورد
تخليطهم وبعدين تغسلى وجهك بماء فاتر وتضعيهم على بشرتك الى ان يجف وبعدين تغسلى وجهك وافركى كويس وانت بتغسلى وجهك،وبعدين بقطنة عليها ماء ورد امسحى بشرتك.
بصى الغسول الكويس قوى ليكى اشترى منتجات جونسون غسول يومى مقشر للبشرة،واشترى كمان تونر بتاعه،اشترى كريم اولاى تفتيح النهار وكريم تفتيح المساء.

فى كمان صنفرة ممكن تعمليها فى البيت وقت الحاجة يعنى خليها كل اسبوعين مرة ويبقى يوم الجمعة علشان تمشى على نظام مستمر.
المكونات:
ملعقة صغيرة سكر
ملعقة صغيرة عسل
وافركى بشرتك بهدوء جدا وبعدين اشطفى بماء فاتر وبعدين التونر او ماء ورد على قطنة صغيرة.

اما ماسك للترطيب ملعقة صغيرة ذبادى ولوكان حامض يكون افضل ونقط ماء ورد وملعقة صغيرة عسل.
الماسك دا حلو قوى.

ماسك تفتيح ملعقة صغيرة لبن نيدو+ملعقة صغيرة نشا+ملعقة صغيرة ماء ورد+ملعقة صغيرة عسل.
كل الوصفات دى للوجه والرقبة.
ابعدى عن منطقة العيون.
افضل طريقة لازالة الشعر من الجسم هى السويت،لو جاهزة او من الصيدلية او من عملك فى البيت،بلاش اى طريقة تانية.
وبعدين انتى صغيرة اهتمى بأكلك،كلى خضراوات فاكهة العبى رياضة،صدقينى هتقدرى تحافظى على جمالك طول الوقت وهتفضلى على طول صغيرة.

خلى بالك من نفسك وانا موجودة لاى سؤال.
دعواتك ليا ربنا يكرمنى بالذرية الصالحة.

اختى رانيا خليفة

السلام عليكم ورحمة الله وبركاته

انا سبق وبعتلك رسالة على الخاص استفسر فيه على كيفية علاج السواد الى فى المنطقة الحساسة وانتى طلبتتى منى ادخل الموضوع والحمد لله وجدت الرد

بس انتى قلتى افضل شئ هو الحمام المغربي وانا استبعدت انى اعمله

بس اخترت وصفة الى هيا نصف كوب زيت زيتون+عصير ليمونة كاملة+3 ملاعق ماء ورد تعبأ ويدلك بها صباحا ومساء كل يوم.


سؤالى هو انا المفروض اتعملها كل يوم صباح ومساء طيب كم المدة التى احصل فيها على نتتيجة مرضية وهل استتعماله يوميا 2 فى اليوم ما يسببش اضرار ياريت اتجاوبنى

مشكووووره اختي ع مووضوعك ومساعدتك والله يعطيك العافيه
وانا بكتب مشكلتي
مشكلتي ان قبل كان في ظهري وصدري يعني تحت رقبه حبوب بس خف لاكن في فتره شتا الا هي احين يوم صرت اخذ شور في ماي دافي رجع لي حبوب ورجع احمر :( وصغار
ومشكله ثانيه مدري شلون اقول بس والله متعبتني ان في منطقه الخلفيه اكيد فهمتوني بعد يطلع لها حبوب ويتم اثر لها والله تعبت والي متعبني اني قريب بنخطب اوكي في خطبه ماراح يشوف شي بس لين صار زوجي عدل وش راح يكون موقفي غير ان بكون مستحيه غير ان بكون مو واثقه من جسمي طلبتكم ساعدوني لو بنص كلمه
وان شاءالله القى حل عندك

الى اختى الغالية جيجى
والله ياحبيبتى خليها على بشرتك اطول فترة ممكنه.
انا والله بعمل كده هتلاقى نعومة رهييييييييييبة بشكل سريع.

لان سبب الاسمرار هو ان البشرة جفت وبعد الجفاف الاتهاب وبعد الالتهاب اسمرار.

فلما توصل المرحلة للاسمرار لازم تبتدى من آخر مرحلة صدقينى شوية وقت مع صبر هيعمل تغيير رهيب.

كمان البودى سيلك بتاعك ويفضل يكون دوف ضيفى على العلبة كلها زيت زيتون وزيت لوز حلو وزيت لافندر ودلكى جسمك كله بعد الاستحمام والله هتلاقى اختلاف.

واشترى من الصيدلية دواء اسمه"avalon whitening cream"
ضعيه كل يوم بالليل قبل النوم يعنى تغسلى الوصفة الطبيعية وتضعى الكريم على منطقة حساسة غامقة اتبعى النظام هتلا قى نتيجة سريعة جدا واى سؤال انا جاهزة فى الخدمة ياقمر.

الى أختى الغالية قهوة سادة

ليه سادة بعد الشر خليها شربات سكر زيادة هههههههههههههه

ندخل فى الموضوع ياست الحلوين الف مبرو ك على الخطوبة ولو عاوزة راى فى حاجة من تحضيرات الخطوبة مكياج فستان او حاجة تانية انا فى الخدمة.

تانى حاجة الف سلامة عليكى ياحلوة ياقمر بصى دا شئ عادى الحبوب لان اكيد بشرتك دهنية وانتى متبعة نظام غذائى دسم جدا يعنى فيه دهون حلويات شيكولاته وفاست فود.
اعتمدى على الفواكه العصاير الخضراوات.

بالنسبة للوصفات

1-ابعدى اليومين دول عن الليفة لانها هتجرح الحبوب وهتسيب أثر.
2_تعالى نفسك واحنا فى الجو البرد دا وعملى ماسك الطين المغربى"متوفر عند كل العطارين"
خدى كمية مناسبة واخلطيها مع عصير ليمونة وملعقة عسل وماء ورد استمرى عليها مرة فى الاسبوع.
بجد هتفرق كتير قوى.

تانى حاجة استحمى كل يوم واغسلى هدومك الداخلية كل يوم علشان تتخلصى من الفطريات المسببة للحبوب.
نشفى نفسك كويس بعد الاستحمام.
اذهبى للصيدلية واشترى دواء اسمه"بيتازول ج"وضعيه على الحبوب الى ان يجف ثم البسى ملابسك.
واذا ملاقيتيش الدواء"اذهبى لصيدلية كبرى ان شاء الله هتلاقى الدواء،لانه بجد رائع.

لكن اذا بحثتى وكان بجد مش متوفر اشترى مضاد حيوى قوى خالى من الكورتيزون لا يسبب التهاب البشرة يكون كريم مش جل.
ان شاء الله اذا اتبعتى الوصفات والحمية الغذائية والأدوية هتلاقى فرق رهيب والف مبروك وربنا يتتم بخير.

تسلمين حبيبتي ع ردك بس ايه والله صح كلامك مقصره انا من صوب فواكه وخضروات :( ونحيفه تقريبا وزني 43 بشرتي مو دهنيه كثير يعني عاديه

حبيبتى انتى كام وزنك وطولك وانا عهملك نظام غذائى سليم جدا علشان تبقى فى احسن حال مستنة ردك.

وزني 43
طولي 157

بارك الله فيكى اختى رانيا وجعله فى ميزان حسناتك ورزقك بالذريه الصالحه

الى أختى ام عمر ومعاذ
ربنا يخليكى ياجميلة على مرورك الجميل

وربنا يخليلك اولادك وانا سعيدة انك تدخلى على موضوعى وتستفادى منه انتى وباقى الاخوات.

السلام عليم اختي والله يوفقك وينولك اللي ببالك يا رب وشكرا الك على الموضوع الأكتر من رائع
انا عندي مشاكل كتير والحمدلله على كل حال
اول مشكله هي النمش والكلف وتاني مشكله هي انا بشرتي كانت عاديه وصارت حساسه ودهنيهودائما فيها حمار وهادا الأشي كتتتتتتتتتتتتتتتتتي مضايقني وكمان بيطلع فيها حبوب دهنيه صغيره وحبوب حمرا كبيره شوي وكمان بدي علاج للترهلات والخطوط البيضا والحمرا وشكرا الك حبيبتي

لو سمحتي بغيت اسال ليه بيطلعلي شعر تحت الجلد في سيقاني مع اني ما كنت اعاني من كذه قبل
واللحين صار يطلع في يدي بعد
والملمس يكون خشن مره وانحرج من زوجي مع اني استخدم الحلاوه بس الشعر يطلع خشن كأني اشيله بالموس واااااااايد مضايقتني هالسالفه ما ادري وش اسوي
يارب يكون عندك حل ويعطيكي العافيه

الى اختى قهوة سادة

تعرفى انتى لو اطول شوية كنتى بقيتى عارضة ازياء.
بصى ياستى اولا الافطار.

اعتمدى على انك تاكلى الخبز الابيض اكتر من رغيف عيش،واعملى بطاطس، وقطعة حلاوة او مربى او عسل،وكلى فول بالزيت،وبيض بالسمنة.وذبادى او لبن كامل الدسم وتفاحة او موزة طبعا مش كل على الفطار بس اختارى منهم اللى انت تقدرى تاكليه.


الغداء:هيكون ارز او مكرونة بكمية كويسة وخضار علشان الفيتامينات ولحم او سمك او دجاج وطبق السلطة دا مهم جدا جدا.


العشاء يكون حاجة خفيفة وقبل النوم بساعتين رغيفين عيش جبن ومربى وخضراوات وكوب لبن بالعسل.

كلى مكسرات بتزود الوزن وبين الوجبات كلى فواكه واشربى عصير وكلى حلويات بس كل حاجة بمقدار مناسب علشان متصابيش بالانتفاخ وعسر الهضم وان شاء الله تسمنى.


اهم حاجة تتصبحى بسبع تمرات كل يوم على الريق وبعدها ملعقة عسل ابيض.


وعن السيدة عائشة"سمنتنى امى بكل شئ ولم اسمن عدا التمر والخيار"يعنى كلى التمر مع الخيار والايام اللى جاية نسمع عنك انك بقيتى دبدوبة حلوة

ويارب اكون قدرت اساعدك ياقمراية