لتنظيف المراحض والاحواض عزكم الله

شحالكم حبايب
حبيت افيدكم من تجاربي لتنظيف المرحاض استخدمت وايد محاليل افضل شي الكور الزرقه او الخضره تحطينها داخل فتحه السيفون من فوق او تظل لمده اسبوع افضل من الهاربك الي هو سائل تحطينه داخل المرحاض عل الاطراف لانه بس تسحبين السيفون يختفي ع طول بس الكوراللي هي تجي دائرتين او وحده مب اكثر تنباع ...
الشي الثاني بالنسبه للاحواض والبانيو انا يتكود عندي لون اصفر مااعرف اشيله فاستخدمت فلاش بس يتعب شوي او مستر مسل اللي لونه برتقالي يستحدم لكل شي رشتين ثلاث او اخليه 5 دقائق بعدين بالفرشه او يختفي الصفار كله بس عندي الحائط اللي فوق البانيو السيراميك ما يلمع مستر مسلز ما ينظفه ماعرف شو استخدمله
او المطبخ المغسله عندي ياها عاديه بالالمنيوم ماتلمع كمان اللي عندها خبره تفيدني