قصة ولادتي بنور عيني * علاية *

السلام عليكم ورحمة الله وبركاته
اولا وحشتوني موووووووووووووووت لان من فترة ما داخلة المنتدى

وثاني شي حبيت ابشركم اني ولدت بالسلامة ويبت بنوتة حلوة
مابطول عليكم بخبركم شو صاااار وياي



كااان يا مكااان في حديث الزمااان سابق العصر والاوان
الله يسلمكم انا كااان موعدي 16/9 سرت المستشفى تاريخ 15/9 وقالولي بنعطيج اسبوع زيادة اذا ما ولدتي في هالاسبوع بنسويلج طلق صنااااعي :confused: جاااااان اقولها ان شاء ماتشوفيني لين هالموعد والحمدلله عداا هاليوم ع خير يوم الخميس تاريخ 18/9 كااان فيني ويع خفيف محد يدري عااااد امي وريلي وابوي حاااااشرين عمرهم الا اسير امشي وانا ما كنت اسير امشي وااايد ما كااان لي خااطر :( المهم سرت مشيت ويا ريلي واحس ان الويع يزيد
وقلت لريلي ان فيني ويع واحسه يزيد كل ما مشيت المهم وصلت البيت دخلت "وانتو بكرامة" الحمام تسبحت وتنظفت وريلي وصى اختي ان تدير بالها علي جااان تقولي بعد بوديج تمشين قتلها اوكي وانا احس عمري رايحة فيها ورديت البيت رقدت والصبح الساعة 11:30 حسيت بويع فضيع ما قدرت استحمل وريلي يسالني شو فيج اقوله الويع زااااد علي قالي اوديج المستشفى قتله لا بعدين اتريا اشوي واتصلت في خاااالتي وخواااااااااتي قالولي بعدج شربوني زيت الخروع وماي وزعفرااان ومااااي قروا عليه سورة مريم المهم ما خليت شي ما شربته وانا الويع ذابحني ما اروم ايلس مكاااان واااحد :confused: تقريبا تميت ع هالحالة لين الساعة اربع سرت المستشفى قالولي مفتوح 4 سانتي وخلوني في حجرة الانتظار وركبوا علي مااال التخطيط تقريبا لين الساعة 8 وقالولي بعد توه مفتوح سانتي واحد وفتحوا لي المااااي وخلوني تقريبا بعد ساعتين يت الدكتورة تقولي توه سانتي واحد يعني استوى المجموع 6 سانتي مفتوح وعلطول دخلوني غرفة الولادة وانا مب قاااادرة استحمل الويع ومن كثر الويع "وانتو بكرامة " كنت ارجع واحس بحر اخر شي يتني رجفة وخالتي تقولهم خلاص الحين بتولد دخلوا الدكاترة شافووني قالولهم كل ما ايها ويع دقااات البيبي تقل والحبل السري ملتف عليها ولازم عملية في هالوقت هلي كلهم يلسوا يصيحون وحتى ريلي مب مستوعب او مب عارف كيف يتصرف واختي تقول لدكتورة يعني لازم عملية جاااان تقولها انا ما عندي مااانع بتم بالويع لمدة ساعتين وانا اخااااف ع البيبي 9 شهور ويروح من ايدكم اخر شي وقع ريلي ع العملية دخلت غرفة العمليات عطوني بنج كاااااامل ما حسيت بعمري يوم طلعوا بنتي كاااانت زرقة من كثرة ما ملتف عليها الحبل وانا وعيت من البنج الساعة 1 فاليل اول ما بطلت عيني شفت اختي اقولها بطني يعورني ويلست اصيح وهي تبى تصيح بس ميودة عمرها وكلهم يقولولي يبتي بنوته حلوة تشبهج وانا اصيح :D.... واخر شي خلوووووني روحي وسااااااروا وهذاالشي اللي ماعيبني فالعملية ان ماشفتها اول ما ولدت :(



الحمدلله ع كل شي والله يخليها وتكون من الذرية الصالحة يارب العالمين وتهديها ,,,