اروع حديقة خياليه زرتها في حياتي

ع

عيون بوظبي

مشرفة سابقة

12-10-2008 | 03:28 PM

السلام عليكم ورحمة الله وبركاته..

مثل ما وعدتكم اليوم بحط لكم ان شالله صور الحديقة الخيالية الي رحناها في هولندا ..

الحديقة رووووعة.. وبعطيكم نبذه بسيطه عنها ..

شفتوا المناظر الي في الرسوم المتحركه؟؟ سنوايت..الاقزام.. ذات الرداء الاحمر؟؟ وغيرهم من الشخصيات ؟؟ كلها موجوده في الحديقة ..

مع الاشياء الخياليه الي في الرسوم والي اخترعوها الاخوين Grimm.. يعني طول ما انتي ماشيه بهالحديقة تحسين عمرج بالرسوم مع الموسيقى والجو رووعة ..

وكل المناظر الي بتشوفونها من تماثييل تراها متحركه .. يعني تتكلم تتحرك وتتنفس بعد..:D

ومشينا في الحديقة قرب 6 ساعات وماخلصناها كلها بعد بالذات انها تعرقل في حاله وجود اطفال :confused:

والصور وااايد واختصرت وايد والله .. غير انه من كثر ما صورنا خلصت البطاريه واضطريت اكمل بالتلفون ..

بسم الله نبدأ بالمدخل ...

هذا اسم الحديقة..

هني تشوفون الحديقة كلها بس ما ركبتها عندي يهال :confused:

اول الاماكن الي دخلناها .. مكان فيه ديكورات اسلامية ومآذن اسمه Fata Morgana ترجمته السراب .. عباره عن مكان ندخله بقوارب تاخذنا بجوله مع موسيقى شرقيه وجو رائع تشوفين تماثيل واضاءات مختلفة وكل التماثيل تتحرك لا وتتكلم عربي بعد هههههه وتعبر على ما اظن عن المغرب قديما..

هذا يقلع اسنانه لا ويصارخ يقول اي اسناني هههههه

والي يقول بقشيش .. ويا الله واشياء وايد وروعة والله ما تلحقون تصورون شي بالذات انه الاضاء خافته جداً يعني التصوير متعب شوي ..ودخلناها مرتين من حلاتها..

الحين مدينه الاقزام .. تذكروا اقولكم يتحركووون وكل شي ومسوين بيوتهم وكل شي مأثثينها تستغربون والله من الاشياء الي فيها

هذا راقد وتسمعون شخيره ههههه وبطنه يتحرك اونه يتنفس

ع

عيون بوظبي

مشرفة سابقة

12-10-2008 | 03:46 PM

الحين المكان الثاني الرائع اسمه Droomvlucht يعني حلم الطيران..

شفتوا المخلوقات الي في فلم lord of the ring وشوي من الموسيقى بعد .. تقريباً نفس الشي .. تشوفين الكواكب ومخلوقات كأنها في جنه تطلع من بين الاغصان و الورود غير المدن الي فوق كواكب .. بس ياخساره الاضاءة وايد ظلام يعني التصوير صعب .. وتركبين مثل العربه ترتفع واتدور فيج المكان كاامل ..

بحط لكم الي قدرت القطه ..

المدخل..

الي تحب تشوف المزيد تدخل اليوتيوب وتكتب Droomvlucht efteling بتحصلون اول اختيار شوفوه .. وفي اشياء بالثلاثي الابعاد حلو بعد شوفوه .. على فكره حتى اول مكان مال التماثيل بتلاقون وايد اشياء عنه ادخلوا وشوفوا الحديقة فيه ..

بعض المناظر من الحديقة

هالكتاب فيه اغلب اللغات قدام كل منظر عشان تعرفون شو هو

ذات الرداء الاحمر وعلى فكره مصورين البيت كامل مع الذيب الي لابس لبس يدتها بس صورته مب حلوة طلعت عندي

بيت الاميرة النائمة ومعاها العيوز الي تحرسها

الحين هالبيت التحفة..

مثل ما فهمت انه بيت ملعون وحتى يقولون قصته بس ياحسره كله بالدتش ما نفهم شي هههه والبيت يلف ويدور فينا واحنا في كراسي مع موسيقى تقولين ياربي انا في فلم ههههههه اسمه Villa Volta في اليوتيوب حاطينه كيف يدور شوفوه ..

هذي ام عقص طويل

هذا اسمه فاكر

ودخيلكم ترا صدق تعبت من التصوير والرفع والتصغير .. يعني لا تضيعون حقوقي هههههه ...

على فكرة الحديقة ما تفتح طول السنة يعني بس من شهر 8 لين شهر 10 .. ولهم موقع تقدرون تدخلونه بالانجليزي وتعرفون كل شي تبونه .

والاروع انه لهم فندق بس غير شكل .. يعني تحجزين غرفه سندريلا بتحصلينها بأثاثها وموسيقتها وكل شي او غرفه على شكل كوخ وبيت الاقزام وغيره .. يعني قمه في الروعة

يوم واحد ما يكفي لها الحديقة لو عندكم يهال .. اكتشفت انه في اماكن ما دخلناها مع انه 6 ساعات نمشي فيها .. ولو عندكم يهال بتستانسون بس يعني بتطمعون في المزيد .. ومب زعلانه اني بفارق هولندا غير اني ما بشوف هالحديقة مرة ثانيه هههههههههه

تحياتي لكم وان شالله يعجبكم تقريري

ا

ام فطومة الحلوة

عروس فضية

12-10-2008 | 11:59 PM

ما شاء الله

عليكم بالف عافية على السفرة والله يعودكم

التصوير روعة تبارك الله والحديقة شكها جنان

يارب كل سنة تزورون مكان وتستانسون

.

..★شـــااانيل★..

مشرفة سابقة

13-10-2008 | 12:48 AM

ماشاءالله تبارك الله

رووووووووووووووووعه

تتهون بي ها الرحله

بس اختي كم تكلفه السفر لهولندا

أ

أريش العين

عروس ماسية

13-10-2008 | 01:25 AM

:eek:OMG
شو هذااا
صرااجه جناااان
احب هالسوالف انا ..اسميني لو هناك جان ما ظهرت من الحديقه خخ عسكرت فيها كمن يوم

هالمنظر شاايفه شراته قبل
اظني يا ف سنغافوره ولا ماليزيا يوم سرنا قبل سنتين
ف متحف اظني كاانو مسوين تماثيل من الشمع كنهم صدق ... روعه رووعه صدق شي يجنن

خخخخخخخخخخخخخخ هالكشيشه اذكرني بحد هع

هذا كيف جذيييه طاير ف الهوا !!!
يا سلاااام اتخيل عمري متفيزره وراه ونطير رباعه :D

باااااال هب شعر عليها خخخ
سيري باجر بتلقين شعرها طااح من عيني
الحمدلله عالنعمه ما نبى شعر هالطول بس اشويه يغلظ وراااضيه :( ففف ليش اذكريني

وبعديين تعااااالي :eek:
الصراحه ما هقيتها :eek:
صدق صدق ما توقعتها منج :eek:
عنبووووه جذيه تفضحيني !!

منوووه سمحلج منوووووووووه
:mad:

كييف تتجراين وتحطين صورتيه وانا راقده
كيييف

راااح مستقببليييه
رااح :confused:
كله منج
الحييينه الامير ماا بييني :confused:

:D خخخ حالتيه صعبه

فديتج يا عيون
موضوع متعوب عليه الصراحه
ووايد استمتعت بالصور وخاصه صورتيه الحلوه وانا منسدحه ونايمه شرى الملااك
فديتني
بس ناقص الامير :tongue: لا خليييت ياربي خخخخخخخخخخخخخخخخخخخخخخخ

لاهنتي ولاهانت يمنااااج
طااانكيوووو

م

ملح العذارى

عروس برونزية

13-10-2008 | 01:43 AM

مرة جوناااااااان ..
يسلمو يالغلاا ..
والله يديم علينا الونااسه ..

f

foo6a

عروس برونزية

13-10-2008 | 05:18 AM

ماشاء الله
الحديقه روووووووووووعه دكرتني بالافلام الكتونيه الاوليه اللي كنا نشاهدها
عليكم بالف الف عافيه

م

مناهل78

مشرفة سابقة

13-10-2008 | 08:46 AM

الصراحة روعة تجنن صار خاطري آروح لها... كنت آسمع عن جمال هولندا بس ماتخيلت عندهم حدائق بهالمستوى... هذي إن دخلت عبودي فيها ماراح يطلع هههه...

ع

عيون بوظبي

مشرفة سابقة

13-10-2008 | 12:02 PM

تسلمون فديتكم على طلتكم الحلوة ..

شانيل حبيبتي .. والله مادري كيف احسبلج اياها .. احنا يايين على حساب الدوام ..

يعني هولندا شوي غاليه وحدايقها غاليه بعد بس الحلو الي اقل عن 4 سنوات يكون دخوله مجاني لكل مكان سواء قطار او حديقة او غيره ..

يعني لو بتييونها حق 10 ايام ان شالله ما تكلف وايد نفس اي دولة اوروبية تقريباً

رانيا .. انا بعد كنت اتوقع هولندا عاديه لأنه ما نسمع بها وايد .. بس حدايقها روعة ومرتبه .. وتخيلي ريلي كان يقولي ترا اخر مرة اييبج اوروبا هههه ما يحب السفر وايد ... ومن زرنا هالحديقة كل يوم يوعدني انه اييبني لها مرة ثانية .. وكل شوي نشوف الصور ونشغل الفيديو الي في اليوتيوب معجبين فيها وايد ترا هههه

اريوشة .. تشوفين القزم بوكشه خخخخخخخخ هذا بالذات من شفته والله اني ضحكت وذكرتج بالذات مع الرسمات الي راسمنها ..
بعدين سامحيني المناظر ما تذكرج بمكان مالي خاص ههههه هني سبيشل تماثيل تتحرك وتتكلم وتغني وترقص بعد وكل يوم يمر علي اتحسف اني ما رحت لها اكثر من مرة هههههه

والي طاير في البساط مثبت بحبال يا ذكيه ههههههه

وقاصه على عمرج انتي اونه الاميرة النائمه خخخخخ قولي انتي العيوز الي تخيط هناك ويالسه تحرسيني فديتني

س

سما روز

عروس مبدعة

13-10-2008 | 12:37 PM

مشكوووووووووووووووووووووورة

أ

أم سلمان الحلو

عروس مبدعة

14-10-2008 | 09:20 AM

السلام عليكم و رحمة الله تعالى و بركاته،

تسلمين على النقل الحلو و عليكم بالعافية على هالسفرة الحلوة

ب

بحرينية أصل

عروس ماسية

16-10-2008 | 01:28 AM

رووووووووووووووووووووووعة

اموت في الرسووم المتحركه هذي الحديقه تصلح لي ههههه

والله مره حلوة تهبل

مشكووورة ويعطيج العافية

ز

زهرة الـــربيع

عروس مشرقة

16-10-2008 | 08:26 AM

شكرا اختي على الصور

وووووووووووووايد حلوه وعليج بالعافيه على الرحله

ط

طفوف(1)

عروس مبدعة

16-10-2008 | 01:09 PM

ماشاءالله تبارك الله

رووووووووووووووووعه

تتهون بي ها الرحله

ع

عيون بوظبي

مشرفة سابقة

16-10-2008 | 01:38 PM

حياكم الله عزيزاتي على المرور الطيب ..

تحياتي لكم

ا

الجمال لوني

عروس مشرقة

16-10-2008 | 02:40 PM

مشاء الله حلوه

أ

أنا الشوق

عروس ماسية

16-10-2008 | 06:48 PM

أبييييي أبيييي أبييييي :sad:

مشكوووووره حبيبتي على التقرير الحلو مثلج
وأهم شي انكم استانستوا هناك

ا

الحـــ ام ـــلو

عروس مبدعة

16-10-2008 | 07:14 PM

رووووعه ...
رحلة سعيده ..

أ

أكبر قلب

عروس برونزية

17-10-2008 | 06:26 PM

اروع من الخيال عليكم بألف عافية

e

ema_85

مشرفة سابقة

17-10-2008 | 10:20 PM

ما شاء الله بجد روووووعه الحديقه

سبحان الله هولندا ماحد يحسبلها كثير

الناس كلها تروح فرنسا ولندن وايطاليا وسويسرا

مشكوره يالغلا ع الصور