يوميات ليلي دبي في تنزيل الوزن (يرجى التشجيع)

الله يقويك ان شااء الله

وقوي ارداتك وعزيمتك اختي

والله يوفقك .. وانا منظمه في مجموعه ثاااانيه

الله يوووفقج

مشكورة الغالية روح انثى..

انا بحاول ابذل كل جهدي عسب اوصل الوزن اللي اتمنى اوصلة..

وربي يوفقج ان شاء الله.

عبووودي ولدي فديته;7407042:
الله يوووفقج

مشكوره على المرور اختي "عبووودي ولدي فديته"

و اتمنى اني استمر على الرجيم

يللا انتي قدها و قدووووووووووووووووووووووود حبوووووبه

:)

ان شاااء الله توصلييين للوزن الي تبييينه
وان شاااء الله متااابعينج .. وخلي ارادتج قووويه
بإذن الله الي تبينه ان شاء الله يصير

فديتج والله حاسه فيج :( انا وزني قبل سنه ونص كان ١٠٤ والحين ٧٥.٥ .. ماشالله

جربت انواع رجيم وايد واكثر شي فاد فيني رجيم دشتي بس مانصحج تسوينه كللش لانه يضر على المدى البعيد ووايد سمعت فالتلفزيون انه يضر بالقلب لانه يعتمد عالبروتين وبس فابتعدي عنه حتى لو كان يضعف لان اهم شي انج تضعفين بس صحتج تكون ممتازه ..
انصحج انج تشتركين في الدايت سنتر اذا كنتي من النوع اللي ماتلتزمين لانج قبل لاتاكلين اي شي وتخربطين راح تفكرين ان في وحده تتابعج وبتعرف انج خربطتي
وخاصه انه وزنج فالتسعين فآنا اتوقع انج راح تنزلين ٥-٧ كيلو بالشهر هاي اذا ماخربطتي وكلها كم شهر ان شاء الله وبتنزلين اللي زدتيه :)
وطبعا مافي رجيم بدون رياضه اذا تقدرين تشتركين في جم وتلعبين ايروبيكس بيكون حلوو والله

انا الحين اتبع نظام السعرات الحراريه .. آكل اكل صحي ومايزيد عن ١١٠٠ كالوريز باليوم
وطبعا مبتعده عن الدهون والمقالي والحلويات والجبوس والفاست فووود ( اهم شييي ) هو اللي مزيد اوزاننا

امممم صح اذا بغيتي شي حلو وخاطرج في جوكليت انا الدكتوره قالت لي اشربي دايت كووك عشان يقص على اللسان ومايخليه يبي شي سكرر او اشربي كوفي بسكر الرجيم ،، انا استخدم Tropicana Slim

فكري في ريلج قبل كل شي .. تبغينه يروح عنج( الله لايقول ان شاء الله)؟ لان الرياييل اهم شي عندهم اجسام حريمهم
تدرين انا اشكنت اسوي قبل؟ كنت احلف اول ماشوف خواتي ولا ربعي ياكلون اي شي .. احلف اني ما آكل معاهم ولا حتى اذوق ونفع معاي هالشي ونزلت ١٠ كيلو في شهر ونص ماشالله :)

الله يوفقج ان شاء الله وتنزلين كل اللي زدتيه واكثر بصحه وعافيه

حبيبتي روحي عند د نيوترشن ان شالله بعالج مشكلتج اللي هي مثل مشكلتي انا وزني 92 يعني ماشي فرق بينا
انا رحت له واتعالج عنده وباجر موعدي عند الدكتور
وهو موجود بمركز الغزال
والف سلامه عليج

جربي اختي ريجيم الكربوهيدرات وربي نفع معاي جنااااااااااااااان

وكل شي فيه خضار وفاكهه ولحوم وعصاير ومنتجات الالبان

والله يارب ان شالله يقوي ارادتك وينحفك من غير شر

الله يوفقج .. اذا عندج الاراده ان شاء الله بتنزلين

السلام عليكم أختي
والله إن مشكلتي شبيهة بمشكلتي تماما فقد تزوجت منذ سنتين تقريبا وأنجبت طفلة وكانت أجمل ما حصل لي في حياتي، لكن وزني زاد عن وزني السابق بعشر كيلوات وانا أزن اليوم 79، وزجي بارك الله فيه كل يوم يذكرني بأن جسمي لم يعد متناسقا كما كان في السابق، وكلامه يغيظني كثيرا خصوصا عندما اشاهد نفسي في المرآة وأجد أن جسمي لم يعد متناسقا وحتى ملابس النوم المثيرة لم تعد كذلك
كما أنني لا أخفيك سرا أنني بدأت أخجل من أن أظهر عارية أمام زوجي
ومما يزيد الطين بلة أنني أعيش في دولة أوربية والأوربيات أغلبهن ما شاء الله عليهن حتى وإن كن أمهات لأكثر من طفلين فإنك تجديهم في أحسن لياقتهم وأجسامهم متناسقة كما لو أنهن لم ينجبن قط
لذلك فكرت ثم قررت أن أطبق رجيمكيميائي وهو مطروح في المنتدى لمدة شهر لإنقاص وزني مع القيام بالرياضة
فإذا كانت لديك الرغبة دعينا أنا وأنت نتحدى الذهون ونرجع إلى سابق عهدنا لتزيد ثقتنا بنفسنا.
وشكرا

يالله انا وياك كلنا نعاني من زياده الوزن ولو فكرنا انه الااكل قاعد وماراح يطير لكن ايش تقولين على النفس الشينه والاراده العدم لكن ماشاء الله عليكي هاذي خطوه حلوه منك اتخذتيها واصري على الهدف ون شاء الله بتوصلين والله يوفقك

الله يوفقش ان شاء اللة وادعي لي
بدات المسيرة اشتركت في جيم
وانا الان اصوم القضاء والست البيض
ثم ابدا الريجيم

اليوم الأول.. عادي يايه متأخرة .. شو اسوي والله من كثر الرقاد اللي في راسي ما قدرت ادخل البارحه..


الفطور روووووووووب .. بعد ساعه وانا في الدوام شربت لبن تريم من المراعي .


الغدا .. ما اتغديت


العشا .. روب و عليه شوي بودره بابريكا .. يعني فلفل..


قبل ما انام شربت جاي رويال..


المهم انا نسيت العب رياضة .. لاني كنت في ادرس في الجامعه .. و يوم رجعت البيت كنت وايد تعبانه ..


بس نزلت 2 كيلو اليوم وازنة..


يالله احمدلله على كل حال


و مشكورين يا بنات على ردودكم والله وايد شجعتوني..


هيه ما بنسى د.نيوترشن مووووووووول ما نفعني نزلت اول اسبوع 4 و ثاني اسبوع 1 كيلو ,, والاسابيع اللي بعدها ازيد ليش مادري.. مع اني محافظه على رجيمي..
فطلعت من عندهم , والحبوب اللي كانوا يعطوني اياها هي الوحيده اللي تساعد .. فإذا ما خذيتها ما يسوي الرجيم نتيجة..


يالله ان شاء الله اضعف بسرعه لو اني بتعب و شعري بيطيح بس انا اخذ فيتامينات الألف لليأ بالانجليزي AtoZ وايد زينه .. المشكله فيها اني اخذ حبوب منع الحمل


يالله اتمنى اتشجعوني دوم .. وتدخلون تاخذون الخبرة

رجيمج وايد مب صحي

خفي على عمرج شوي اختي .. آخرتها بسم الله عليج ب يسبب لج فقر دم و تعب

روب بس ؟؟ و فوقه جاي رويال !!

كلي سلطه مثلا او فواكه و خيار و تركي أو سمج مشوي .. مب لهالدرجه تحرمين عمرج

الله يوفقج ويقووويج انشاء الله وتضعفيييييييين

وفكري بريلج قبل النااااس

اليوم الثاني من يومياتي

الفطووووور كان ربع خبزة سمرا وجبن قريش

وبعدها وصلت الدوام و كلت شوي روب ..

و الغدا كلت روب مكس مع شوي ملح و شوي فلفل اسود و شرايح من النعناع

العشا كلت صدر دجاج مشوي .. اليوم خربت رجيم ال 12 يوم لانه الصبح ما كان عندنا روب في البيت.. و العشا حريم يونا فإضطريت اني اتعشا معاهم..

رحت امشي 45 دقيقة في الفريج مع بنتي شالتنها كنجر ستايل.. كان شكلنا حلو بس حليلها اتمللت شوي .. ان شاء الله بيبلها اللعاب المره الليايه..

قبل ما انام شربت وايد ماي.. و جاي رويال..

وشكرا وايد على ردودكم التشجيعيه .. و ان شاء الله كل وحده توصل للوزن اللي تريده لترضي نفسها..وعقب ترضي غيرها

و في النهاية اقول فمان الله و في حفظ الرحمن

أنا انصحج تروحين عن دكتورة تغذيه ... واتابع حالتج مو احسن وتنقصين وياها

لازم تاكلين اكل صحي مو بس روب لازم تغذين روحج عدل شو الفايدة يوم انج بتضعفين

وشعرج يتساقط وتصلعين وبستوي فيج فقر دم يعني اتصلحين شيء واتخربين شيء واخرتها بتحملين

وبتيبين يهال وبتنعاد القصه نفسها .... حطي في بالج ان هالرجيم الصحي حقج انتي وما رح ينفعج احد.

انتي لازم تسوين stop لحياتج واتفكرين في اسلوب حياتج في الاكل هل هو صح ... غلط واتغيرين نظام البيت كامل خليه صحي واشتركي في نادي رياضي والله انه يساعد وايد ..
أو اشتري جهاز مشي في البيت ألعبي فيه في البيت مرتين في اليوم واشتركي في احواض السباحه وايد يساعد..

انا اقول هالكلام عن تجربه ضعفت خلال فترة كنت جاهله شو يعني اكل صحي وما كان يهمني ولا الاكثر من كذيه انا ما اكل لا فواكه ولا خضار يعني مصيبه خطيرة وكل دكتورة اتقول لي غريبه كيف اسوي رجيم من دون فواكه شيء صعب واخرتها اشتركت في نادي وضعفت لاكن شعري الطويل والروعه رااح تم يتساااااااااااقط فوق السبع شهوووور وصار فيني فقر دم .... شو استفدت انا ندمانه اني سويت الرجيم عالجت شيء وخربت اشياء ...


واسمحيلي حبيبتي ... طولت عليج في الكلام بس والله من قلبي ...

اختي كرستاله حمرا..

انا صح ان رجيمي صعب حتى انا مب مستحمله ..

بس ما خليت شي ما جربته قبل.. و هذا الشي الوحيد اللي بيساعدني. انا اشتركت في نادي صحي
و دخلت سباحه.. ضعفت شوي بس صارتلي عضلات في ريولي صارت ريولي مثل واحد من الشباب.. مو ريل وحده..

انا اتبع نظام كارديولوجي.. يعني اسرع دقات قلبي .. عشان احرق الدهون بسرعه

و طبعا انا اخذ فيتامينات .. و اشرب ماي وايد عشان ملوحة الجسم ما تزيد.. واهتم بشعري و اسويلي تغذية دوووم (من كريمات و حبوب فيتامينات) يعني مافي خوف بإذن الله

و انا بعد ما اوصل الوزن اللي اريده بسويلي نظام غذائي متوازن بالكالوري ..

انا كل اللي اريده اني اوصل للي اباه.. (الغاية تبرر الوسيلة) مادري اذا سمعتي عن هال مقوله بس انا اطبقها احين..
اي وحده مكاني بتحس انها ما تريد تخسر عمرها و انا بعدني صغيره توني 22 سنة.. مب حرام اتم جيه وربيعاتي كلهن ضعاف و حلوات .. والاجنبيات يحملن و يربن وشكلهم كانهم موول ماعندهم عيال و معرسات ..
انا وايد فقدت الامل فلازم اضغط على نفسي شوي واعصر على نفسي ليمونه و اضعف..

و فمان الله و في راسكم السلامه .. واتمنى من الجميع السموحه و اتمنى انكم اتشجعوني و ان شاء الله بكمل يومياتي يوم بيوم و لين ما اوصل وزني اذا الله احياني..

اختكم ليلي دبي..