أرجوكم ساعدوني

شموخ أنثى حبيتي جربتي الجمعية الخيرية ؟
ولا شوفي المراكز النسائية المختصة بالأسرة فيها أشياء حلوة
وشوفي مراكز الأطفال ذو الإحتياجات الخاصة
ولا روحي المسجد واشتركي معاهم بالتحفيظ
أخيتي إنتي من وين؟

هلا والله اختي / قل خيراً

أنا من الرياض
بس لو رحت الجمعيه .. ما أعرف وش أقول لهم
خاصه اني خريجة الثانويه فقط :(

امممممم
وينكم ..؟؟

..؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مو لازم شهادة أهم شي تبينين إن عندك وقت فاضي وقولي لهم ماعندكم وظايف أنشغل فيها
المشكلة إني فجدة ولا كان ساعدتك حبيبتي

[GLOW="FF00FF"]
اختي ليش ماتروحين لدار المسنين لنساء اذا كان عندك سواق ومتفرغه

يمكن تلقين وظيفه او تجلسين مع المسنين راح يفرحون فيك اعرف وحده كذا كل فتره وفتره

تروح بقهوه وشاهي هي واخواتها لها وتقول يفرحون مرررررررررررررررره ويجلسون كم ساعه
[/GLOW]

قل خيرا
بجرب والله يكتب اللي فيه خير
جزاك الله كل خير
مشكوره حبيبتي



نسمة ليل
أحس قلبي ما يقوى على دار المسنين
لأني حساسه جدددداً :(
مشكوره على مساعدتك

الله يعييينك

والله جلست البيت تجيب الهم

انا جربتها سنه وندمممممت

المهم انا في هذي السنه قريت كتب واستفدت منها

انتي جربي تشتري كتب واقريها بس اختاري الكتب الحلوه الي تخليكي تقريها مره واتنين وثلاثه

مو شرط تروحي تتعلمي كمبيوتر وانقلش

انا انزل المكتبه واخذ كتب تعليم بسيط في الانقلش والفرينس ونااويه اكمل اجمع لي كم لغه تفيدني

وبرضو اتعلمت شوي تريكو بس بعدين كسلت وماكملت

بالنسبه لذوي الاحتياجات الخاصه >>انا اخوي كان من ذوي الاحتياجات الخاصه اتوفا الله يرحمو

وكنت اساعد ماما وحتى لما كان يتشنج انا كنت امسكو

بس بعد مااتوفا فكرت اروح مركز واتعلم بحكم اني اعرف اتصرف معاهم

لما بديت ادور جاااني خوف فضيع مدري ليش وبصراحه جاتني زي الصدمه من بعد وفاتو سرت اخاف من كل شي

انا افضل انك تروحي دار للعجزه او الايتام اهون من الاحتياجات الخاصه

وانتبهي انتبهي من الغراااااغ ترى يخلي افكارك غرييييييييييييييبه

الله يعينك ياريت اكون ساعدتك ولو بشي بسيييط

عيون الفهد

هلا بك أختي حلو منك إنك تفكرين تشغلين وقتك بشئ مفيد..
وأنا من رأيي إنك تسجلين في معهد كمبيوتر وتأخذين شهاده تنفعك لو لقيتي وظيفه إن شاء الله وخلي لك كل يوم صفحتين من القرآن تحفظينها ونهاية الأسبوع راجعيها وخليك مداومه يومياَ على صلاة آخر الليل والضحى والسنن الرواتب اللي مع الصلوات المفروضه وإذا أنتي تحبين النت أدخلي عليه وأنشري مواضيع تأخذين منها الأجر وسوي مطبوعات مفيده وأنشريها على اللي حواليك والله يعينك على فعل الخير وتقبلي مروري...ولاتنسيني من دعواتك إن الله يفرج همي ويشفيني...

الله يوفقك اختي شموخ البنات كفو ووفو
حتى انا اعاني من هالفراغ بس الان مع الكليه يمر الوقت شويه
حاولي تقري كتب او تعلمي اشياء في الكمبيوتر من البيت

عيون الفهد


من ناحية أفكاري غريبه .. فهي غريبه وغبيه فعلاً
والسبب وساوس الشيطان اللي يعشق أوقات الفراغ


أنا أحس بخوف مثلك .. ومن أي شي حتى لو كان تافه.. يمكن يكون هذا وسواس قهري بسبب شيطان .. ويمكن يكون بسبب وفاة جدي .. الله أعلم
عشان كذا أبي أشوف لي شغل يريحني من هـ الهم

يعطيك العافيه
مشكوره على مساعدتك

بسمة أمل


كل اللي قلتيه ممكن إن شاء الله
ما عدا الدراسه بأي قسم كان
لأني كل ما درست أوقف بالنص ولا أكمل وتروح الفلوس على الفاضي
عشان كذا تبت من الدراسه .. وفكرت بالوظيفه .. والله يعين



الله يوفقك ويسعدك ويحفظك لكل عين ترجيك وتغليك
ويرزقك ألوان الفرح والستر بالدنيا والآخره
مشكوره حبيبتي

سـاره

أنا أقرا كثير
بس حتى لو قريت كتب .. وبعدين ..؟؟
الله يعين

مشكوره على مساعدتك
لا عدمنا حسّك

السلام عليكم ورحمه الله وبركاته أختي شموخ إنثى

أعتقد إني الفراغ كل إنسان يعاني منه إلا العالم ورجل الاعمال...........إلخ

بس أنصحك تدخلي التحفيظ هذا أحسن حل صخري نفسك لحفظ القران

وأنا متأكدة إنك بتحسي براحه وسعاده ما تتصوريها وكمان تلاقي في التحفيظ

بنات صالحات يعينوكي على ذكر الله وكوني واثقه إن الله ماراح يخذلك

ويعطيك على قد نيتك ويوفقك ويرزقك الي تتمنيه

ثاني شئ حاولي تتعلمي الاعمال اليدويه

وهي مسليه وتأخذ وقتك وإنتي ما تحسي وتطلعي بالمفيد

مثل غزل الصوف والكروشيه والخياطه

والاعمال الفنيه

هذا الي قدرت عليه يارب أكون أفدك

الجوهره الثمينه


عجبتني فكرة التحفيظ
الله يجزاك كل خير ويسدد خطاك ويكبر حظك
مشكوره على المساعده