بجد الموضوع مضايقني - منتديات عروس

B

Boody we zady

عروس ماسية

11-10-2008 | 11:27 PM

السلام عليكم و رحمه الله

بصوا يا جماعة هي حاجة حصلت بين أهل جوزي و جوزي..........

هو الأسبوع اللي فات كان أجازة عشان العيد لكن طلبوه في الشغل الساعة 1 و نص بالليل و راح و أنا ماكنتش عارفة أنا كنت فاكرة انه مع صحابه ...

المهم اتصلت عليا حماتي الساعة 7 و نص الصبح و كانت عايزاه عشان مرات عمه اتوفت و عايزيين يسافروا البلد ( 4 ساعات سفر ) و كانت بتحاول تكلموا و تليفونه غير متاح........

المهم جوزي رجع 11 الصبح أنا كنت نايمة حسيت بيه قمت قولتله فكلم مامته و هي عايزه ايه بقه يسافر هو عشان هي تعبانة و أخوه مش متزوج أصغر منه مش عايز يسافر.........

جوزي طبعا جاي مش قادر بسند طوله و تعبان قالها مش قادر خللي أخويا يسافر ... حماتي قالت لأخوه فهو قعد يزعق و قالها كلام مالوش داعي و سافر ...

حماتي بقه و أخوات زوجي البنات زعلانيين من جوزي عشان مش سافر!! و أخوه كمان بس هو مش يعرف كده و أنا مش حأقوله عشان أنا ما ليش دعوة ....

جوزي مسافر ان شاء الله الأسبوع اللي جاي تركيا تبع الشغل فاستغربت انه حماتي و أخواته مش عايزين ييجوا يسلموا عليه و كمان أخته بتقولي انه أخوه مش حييجي قولتلها بس ده مسافر بره مصر ( ربنا يجيبوا بالسلامة يا رب ) قالتلي و لو ...تعالي انتي عند ماما و خلاص ( اللي هي حماتي ما احنا بنتجمع كل خميس ) قلتلها ما فيش مشاكل...

دلوقتي أنا مضايقة جدا جوزي مش يستاهل منهم كده ده لسه من شهرين عزم مامته و أخواته علي المصيف اسبوع و مش خلاهم و الله يدفعوا و لا مليم لا مواصلات و لا سكن و لا أكل و شرب كله علي حسابه........

انتوا ايه رأيكوا؟

m

m@hy

عروس فضية

11-10-2008 | 11:33 PM

ربنا يرجع جوزك بالسلامة

هو جوزك عارف انهم زعلانين منة؟؟؟
ولو عارف يروح يقولهم كانت ظروفة عاملة ازززززززاى اليوم دة
و اصلا اخوة سافر يعنى الموقف عدى وعملو الواجب فى البلد
ملهوش لزمة الزعل

l

love_me_more307

عروس مشرقة

11-10-2008 | 11:35 PM

واضح انك انسانه بنت اصوول
خليكي انتى حمامه سلام
ومتخبيش عن زوجك زعلهم عشان قدااام متتفهميش غلط
خدي جوزك في حضنك وهاتي له الموضوع بطريقه حلوووه
وفهميه براحه وباسلوب ميزعلهوش وتقدري ساعتها توصلي له انهم زعلانين منه شوياا ومش فيها حاجه لما يصالحهم هوو او يراضي ماماته لان خدي بالك ده على سفر ويحتاج دعوه والدته اوى حتى لو في ظلم اتحط عليه انتى قومي بدور كويس في الموضوع وهو هيشيلها ليكي طول العمر
وقربي بينه وبين اهله وحاولي تدي له اعذار عن عدم مرواحه لمامته
سيبك من اخواته المهم مامته تتراضي
وربنا يوفقكم يارب

B

Boody we zady

عروس ماسية

12-10-2008 | 01:04 AM

و الله اللي ردوا عليا جزاهم الله خير و 29 اللي شافوا و مش ردوا برده جزاهم الله خير ... عارفة أنا استغربت ان دي رده فعل والدته هو حكلها ساعتها و قالها الظروف هي زعلانة عشان مش سافر بعد كده طب ما هو لو هو كان سافر من الأول ماكنشي أخوه راح يا تري هي ساعتها كانت حتلوم عليه؟ كل ده عشان جوزي الكبير طب ما هو الكبير برضه بيكون عنده ظروف ... ان شاء الله ربنا يعديها علي خيرأنا قلتله انه يكلم ولاد عمه و يعزيهمو يبين ظروفه عشان مش يكون عليه عتاب

ق

قصة كبيرة

عروس ماسية

12-10-2008 | 01:08 AM

واضح أن أهل جوزك مش عارفين الظروف اللى هو كان فيها ساعتها. ولا جوزك عارف ان فى مشكلة. حاولى تفهميه. وهو يفهمهم بنفسه انه كان فى شغل وكده. مهما كان دول أهله وماينفعش يبقوا زعلانين من بعض.

ف

فيء

عروس فضية

12-10-2008 | 01:14 AM

ازيك يا boody w zady

:)

حبيبتي انا شايفه انك المفروض تحكي لزوجك انه أهله فاهمين الموضوع غلط وانهم واخدين على خاطرهم

منه .. ما تقوليش ماليش دعوة ... بالعكس خليكي واسطة خير ...

يعني اتكلمي مع حماتك وبرريلها وضع زوجك يوميها

وكلمي زوجك عن موضوع الزعل .. وانه ضروري يراضي مامته ويقولها عن اللي حصل يوميها

ويارب يرجعهولك بالسلامة

بالتوفيق

^_^

g

ghadghoda

عروس ماسية

12-10-2008 | 01:22 AM

m@hy;7402953:
ربنا يرجع جوزك بالسلامة

هو جوزك عارف انهم زعلانين منة؟؟؟
ولو عارف يروح يقولهم كانت ظروفة عاملة ازززززززاى اليوم دة
و اصلا اخوة سافر يعنى الموقف عدى وعملو الواجب فى البلد
ملهوش لزمة الزعل

وانا من ارى ماهى

B

Boody we zady

عروس ماسية

12-10-2008 | 01:23 AM

يا جماعة و الله جوزي حكي لمامته علي كل حاجة لكن هما بيقولوا ايه يعني كان نام ساعتين و صحي سافر طب اذا كان أخوه اللي سافر رجع 1 بالليل علي بال ما لقي مواصلات و حماتي بتقولوا نام في المواصلات طب اللي قاعد 9 ساعات قدام الكمبويتر بيحاول يرجع في بيانات الشغل اللي كانت ضايعة لحد ما عقله وقف مش محتاج يفرد ظهره و ينام و هما عارفين انه كتفه ييتعالج منه و رقبته كمان ده و الله دخل نام من التعب فضل نايم علي نفس الوضع لحد ما صحي و تاني يوم راح الشغل كمل باقي اللي كان مطلوب منه

ش

شونيز

عروس مشرقة

12-10-2008 | 05:17 AM

واضح انهم متعودين عليه هو وبس وكان نفسهم هو اللي يروح لانه الكبير
طيب العزا 3 ايام ليه مارح خلالها اجر كمان ؟؟

عموما اللي راح راح
قوللي لحماتك انو مسافر ربي يرجعه واكيد بيحن قلبها وخليه على اتصال بيها دايم لان هي جنته وناره وهي اكيد هيروح كل اللي ببالها

اعزميهم لما يجي من تركيا وخليه يطيب خاطرهم بهدايا حلوه صدقيني بترجع العلاقه زي زمان

N

NaaaN

عروس رائعة

12-10-2008 | 06:30 AM

البنات كفو ووفوا وفعلا انتى تحكى لزوجك انهم زعلانيين ويحكى مع والدته ويشرحلها ظروف شغله وتعبه وانها تعذره وتسامحه ومدام واجب العزاء اتعمل خلاص ...لا يكلف الله نفس الا وسعها ...ربنا يرد زوجك بالسلامه

م

ملح العذارى

عروس برونزية

12-10-2008 | 06:58 AM

مااشاء الله عليك بنت آصول وتربااية ..
الله يفرجهاا لك وقبل كل آمر آستخيري الله ..

@

@ green apple @

مشرفة سابقة

12-10-2008 | 03:21 PM

معلش يا حبيبتى متزعليش

مصيرهم يصفو لبعض

لكن خليكي انتى بعيدة عن الموضوع ومتبينيش انك متضايقة او اصلحى بس بالحسنا بس ومتجيبيش سيرة اى حاجة كويسة هو كان بيعملها معاهم

وفى الاخر هما اهل واخوات وعمرهم ما هستغنو عن بعض

ربنا يبعد عنكم المشاكل

M

Moaz&ElBara

عروس رائعة

12-10-2008 | 07:23 PM

معلش يا حبيبتي........هو عشان الكبير الفي خواته مامته كانت عاوزاة هو اليروح......معلش انا من راي ان زوجك يجيب هدية لوالدته و يبوس راسها و يتاسفلها و يحكيلها الموضوع بهدوء......

انا باه المستغربة منه مش والدته لان هو يعتبر حاجه بيكره بالنسبالها بعد وافاه زوجها.....لالا اخواته........ المهم ربنا يهدي والدته .........و ربنا معاكي و يرجعهولك بالف سلامة........

س

ســــــارة

عروس مشاركة

12-10-2008 | 07:33 PM

[GLOW="000000"]مسا الخييير[/GLOW]
[GLOW="FF0000"]
المرأة (سواء كانت الأم او الأخت او الزوجة أو البنت) اللي مابتقــدّر تعب الرجل وعصيبته بعد مايجي عالبيت من شغله او من اي مكان، غير كفء انها تشيل مسؤولية لانه الرجل طفل كبير ومداراته لازمة على اي ست. واكيد من هالموقف زوجك مابيستاهل يقابلوا بهالطريقة. ادعي ربك يهديهم
تقبلوا مروري تحياتي
[/GLOW]

L

L O L Y

عروس مبدعة

12-10-2008 | 07:46 PM

المهم ان الواجب اتعمل خلااااص الموضوع انتهى بس هو برضك يروح لمامتة وانتى كانك عادى متتغيريش يمكن غصب عنها وهى مش مقدرة او مش واخدة بالها بس حتى لو مجتش تودعة هو الى يروح لها دى امة مهما عملت فية وخلى باللك متنفعليش فى لحظة غضب لانك فى يوم هتبقى حمى وام ربنا يراضيكى واسفة لو كنت طولت عليكى

ت

توتى وشيكو

عروس فضية

12-10-2008 | 11:53 PM

معلش يا جميل حاولى توفقى بينهم والناس بقت اعصابهم مولعه من اقل حاجه واللى هيعيش ياما يشوف

م

مرموم

نائبة المشرفة العامة

13-10-2008 | 10:57 AM

أختي الكريمه

برضه زوجك عليه جانب من الخطأ...كان لازم يتصل يعزّي قبل ما والدته تكون وصلت البلد أصلا...علشان لا يكون عليه لوم...

و يكلم والدته يبيّن لها إنه تعبان و مش قادر يسافر...

أكيد هي نفسها إبنها الكبير يكون عارف الواجب و يشرفها قدام الأهل...و ده حقها...

إنتي بس ما تعمليش أي حاجة في الموضوع ده...علشان ما تلاقيش الكلام لف و رجعلك...

و لو أمه أو أخته كلمتك في الموضوع...كلميهم و قوليلهم قولوله مباشرة...أنا مش بعرف أتكلم معاه لأنه بقى عصبي...يعني طلعي نفسك منها...

بكره هم يتصالحوا و يطلعوا عليكي الحق إنك ما أخبرتي إبنهم...

الله يبارك لك يا رب