السلام عليكم ورحمه الله وبركاته
مراحب عراااايس اليوم حبيت انقل لكم قصة ولادتي
كانت تاريخ ولادتي 31 اغسطس الأحد المصادف الى اخر يوم من شعبان
اول علامات الولادة ظهرت يوم الاربعاء وانا كنت توني قاعدة من النوم لاحظت وجود افرازت معها دم ومن شفتها خفت وايد وبما انه ما ما بدء الطلق كنت متوترة وانتظره المهم انا مشيت حياتي طبيعي فطرت وبعدها كملت شغل البيت وتغديت وانتظرت زوجي على ما يوصل من الشغل وجهزت له الغدا وانا لسه انتظر يجي الم الطلق خلص اليوم ورحت انام وللحين ماكو الم وعلى صلاة الصبح قعدت والا الالم بادي على قمت صليت وسويت لي عشبة مريم نقعتها في ماي ساخن زوجي راح شغله وقال لي اتصلي فيني اول ما تحسين انج تبين تروحين المستشفى وكان كل ساعه يدق على واقوله للحين الالم اتحمله خبرت عمتي انه ترى بادي على الالم ومن خبرتها خافت ازيد مني انا ظليت امشي بشقتي وشربت زعفران مع ماي ورد وسويت لي زنجبيل مع ماي دافي مسحت فيه ظهري وبطني شربت دراسين وبعدها قلت خلني اتجهزت دخلت اسبح وخليت نفسي فترة في الماء الساخن وبعد ما طلعت كانت عمتي مجهز حليب ساخن مع زعفران وكان وقتها اذان الظهر وللحين الوضع ما زاد الالم وايد وكان يجي كل خمس دقايق وصل وقت الغدى خلاص مالي نفس اكل احاتي الولادة والالم حسيت نفسي تعبانه وايد لانه مو نايمة حاولت ارتاح غفت عيني ربع ساعه وقعدت وحسيت الالم صار يتباعد كل ربع ساعة وبسرعه سويت لي دارسين و زعتر وصل زوجي من الشغل وانا على هذا الحال صلينا المغرب ظليت طول اليوم امشي في البيت واركب وانزل الدرج فوق 20 مرة لين ما حيلي انهد على من التعب بعد صلاة المغرب سويت لي حليب وزعفران ونقعت لي من ثاني عشبة مريم وشربتهم وعلى الساعه 9 ونص قالت لي عمتي يالله خلينا نروح المستشفى انا جهزت اغراضي وفي الطريق كنت طول الوقت احاول اني ما اتالم ما ابي اربك زوجي وعمتي بصياحي وصلت المستشفى كشفت على الممرضة قالت 2 سم انا اول ما رحت المستشفى ما عطيت نفسي امل اني مفتوحة وايد قالت لي روحي البيت واذا زاد عليج تعالي انا قلت اوكي عمتي قالت لا خلوها اخاف تولد وما اعرف اتصرف والبيت بعيد الدكتورة ما رضت ابقى عندهم رحت مستشفى ثاني قبلوني وكان الساعة 12 ونص بالليل خلوني بجناح الحوامل الى ان اتوسع الى 3 بينقلوني الى الولادة زوجي ما خلوه يكون وياي لانه كانت معاي حامل بالغرفة ظليت في الجناح امشي طول الوقت ماكان فيني نوم من الالم دخل علينا يوم ثاني وكان يوم الجمعة من الصبح جات الدكتورة فحصتني وكانت ايدها كانها سم على ثقيلة وايد وقالت بعدك 2 سم وانا جاني احباط قلت لهم اذا بطول عطوني مهدئ ابي ارتاح وانام صار لي يومين ما نمت وعطتني حبتين بندول ولا كانهم مسوين شي بس خلت الطلق يتباعد وصار يجي كل عشر دقايق ظليت طول وقتي بالمستشفى اسبح واستغفر واصلي على النبي ص واقراء سورة مريم وزلزلة والانشقاق كنت اسويهم من دخلت التاسع بس طول ما كنت بالمستشفى على طول اقرائهم صار الوقت العصر وانا على هذا الحال ولما كنت بالمستشفى كانت غرفتي تطل على مدخل الولادة الخارجي وانا كنت اطل من غرفتي شفت مراة والده بالسيارة وبسرعه الممرضات يركضون اليها ويشيلون البيبي ويحملونها وكان زوجها مرتبك والسيارة كانت عليها دم وماي انا من شفت الموقف يعني الله يسهل على المراة هذي ومالحقت توصل المستشفى الا والده الله يسهل علي مثلها ظليت يوم الجمعة مثل الحال الالم يزيد وكانوا الاهل يزوروني وقت ما يجي الالم كنت اصيح واتالم على خفيف وجابوا الاهل معاهم ماي ورد ساخن مع زعفران ومن شربتها زاد الالم على في الليل والصبح كنت حزينة وايد ومضايقة وابكي ان ضليت يومين بالمستشفى وبعدني على 2 سم كان الالم يزيد ومن يجي ما اقدر اقعد في مكان كنت اقوم من الم الظهر والحرارة الا تجي وياه وكنت امسح على ظهري وادعي الله يسهلها بعدها جاتني الممرضة وعطتني دواء خلاني اعزكم الله اروح الحمام وقالت لي هذا بيزيد الطلق عندك صار الوقت الظهر وكان الالم يزيد قاستني الممرضة قالت خلاص 3 سم الحين لازم تروحين الولادة ولبست ثياب الولادة وجهزت اغراضي ودخلوني الولادة وكان الوقت 12 الظهر يوم السبت ركبت على جهاز التخطيط وانا انتظر وكنت تعبانه مو نايمة لي كم يوم ولا كنت اكل شي الا قليل جدا وكانت نفسيتي صفر كنت اترجاهم خلوني ارجع البيت كل ساعه تمر اسمع وحده تصرخ لها شوي وتولد 3 وحدات ولدوا و انا لسه ناس دخلت وطلعت وانا بعدني صار المغرب جاتني الدكتورة شافت حالتي عطتني ابرة انام ونمت لي ساعتين وقعدت منها على الالم كان الالم فترة يصير على بعضه وفترة يتباعد وكنت اتالم بس ما كنت اصيح كل ادعي ربي واستغفر صار الوقت نص الليل الا تقول الدكتورة انتي الحين بعدج 2 سم الا اقولها يوم دخلوتني كنت 3 شلون صار 2 وهذا الشي جاب لي احباط غير ان ما خلوا احد يدخل لي من اهلي ولا زوجي وبالليل ما نسيت هالليلة كانت اطول ليلة بحياتي طلع الفجر وانا اتوسل ربي انه يفرجها على صارت الساعة 6 الصبح وصلت الدكتورة قاستني ونزل ماي شوي وكان لونه اخضر ركبت لي خيط الى جهاز التخطيط خلتهم يعطوني ابرة محرضة الى الطلق وركبوا لي جهاز البول اعزكم الله وراحت في ذاك الوقت كان الالم لا يطاق كنت بدل ما اصارخ واصيح كنت اضرب نفسي و اشد شعري دخلت على ممرضة الا تطالعني مستغربة تقول لي ينزل منج ماي اخضر البيبي خرج في بطنج انا سمعت هالكلام تقوله خفت وظليت ارتجف وقلت خلاص اكيد بيسوون عملية صارت الساعه 8 رجعت لي الدكتورة قاستني لقتني 4 سم قالت لي البيبي خرج ودقات قلبه بدت تضعف بنسوي لج عملية موافقة ؟ وهي تعطيني ورقة علشان اوقع قلت لها لا عطيني فرصة بعد قالت اوكي وقعت على ورقة اني ابي انتظر شوي وعطتني ابرة ثانيه محرضة وكان الالم يزيد بشكل رهيب وعلى بعضه يروح دقيقتين ويرجع كان السرير يهتز من كثر ما كنت انتفض من كثرالالم وكنت اقلب نفسي على جنب لما يجي الالم وصار يجيني احساس اني ابي اروح الحمام اعزكم الله كنت انادي على الممرضة واقولها ابي اروح قالت لا سويها على السرير وانا اصر ابي اروح وكل دقيقة انادي عليها ابي اروح بعدها قالت لي هذا راس البيبي لا تدفعين بعدين يصير لك تمزق في عنق الرحم ويكون قاسي انا هني خفت اكثر غير الالم وقلق اني احتمال ما راح اولد طبيعي صار الساعة 10 جات الدكتورة قاستني شافتني 4 ونص شافت دقات البيبي وكانت تضعف اكثر قالت ها شنو قلتي توقعي على العملية انا خفت سالت الممرضة الا كانت جنبي كانت بحرينية قلت لها اسوي عملية قالت انتي ضربتي ابرتين وما استجبتين الى الطلق وعطيناج 4 ساعات قلت الى الدكتورة خلاص بوقع على العملية لانه خلاص ما فيني قوة اتحمل اكثر اخاف اتاخر اكثر وفي النهاية اقرر عملية نادوا زوجي وقع على العملية انا من شفته ارتحت وقف جنبي يمسح على راسي ويمسك ايدي كان مرتبك وايد وخايف جهزوني الى العملية ظليت انتظر وانا اقاسي الالم وكانت معانه وحده في الولادة تصيح باعلى صوتها من اعماق اعماقها تطلع الصيحة وكنت كل صيحة تصيحها اقول خلاص بتولد وبرتاح احسها سببت لي ازمة نفسية من صياحها وكنت ادعي لها تولد وارتاح من العذاب النفسي الساعة 11 ونص دخلت غرفة العمليات والساعه 11 و39 دقيقة شرف نور عيوني وائل القمر بعدها خلوني بغرفة الانتظار دخلوا الاهل وزوجي كانوا كلهم خايفين على تعبتهم 4 ايام وهم يراكضون وراي ويحاتوني والحمد الله على كل شي
اربع ايام مع المعاناة حتى ظهر قمري الصغير
ك
09-10-2008 | 04:05 PM
s
09-10-2008 | 04:24 PM
الحمدالله ع السلامه
يتربي بعزكم يارب
يتربي بعزكم يارب
ف
09-10-2008 | 04:42 PM
ما شاء الله يتربى في عزكم يا رب
r
09-10-2008 | 04:48 PM
الحمد لله على سلامتكم
يتربى بعزكم ان شاء الله
يتربى بعزكم ان شاء الله
ح
09-10-2008 | 04:49 PM
م
09-10-2008 | 04:57 PM
الف مبروك قدوم وائل ويتربى بعزش وعز ابوه
الحمدلله على سلامتكم
الحمدلله على سلامتكم
*
09-10-2008 | 05:43 PM
مشاء الله الحمدالله على السلامة
الف لاباس وطهور عليك وان اشاء الله كل هالمعاناة ماجورة عليها يارب
يتربى بعزك وئوولي الله يخليه لك ويجعله من الذرية الصالحة
ومشاء الله عليك وعلى صبرك .. الله يجزاك الخير
الف لاباس وطهور عليك وان اشاء الله كل هالمعاناة ماجورة عليها يارب
يتربى بعزك وئوولي الله يخليه لك ويجعله من الذرية الصالحة
ومشاء الله عليك وعلى صبرك .. الله يجزاك الخير
ل
09-10-2008 | 05:55 PM
حمد الله على سلامتك والله يخلييلك وائل ويقر عينك به
وطهور ان شاء الله..مبرررررررررررررروك حبيبتى
وطهور ان شاء الله..مبرررررررررررررروك حبيبتى
ر
09-10-2008 | 07:01 PM
والله بكيت على قد ماعانيتي وآخرتها قيصري يارب لك الحمد على كل حال واهم شي انت بخير ووائل بعد بخير وعافية الحمدلله رب العالمين ........الف الف مبروك يتربى بعزكم ان شاء الله ....
والله يسهل علينا يارب ياكريم ........يارب
والله يسهل علينا يارب ياكريم ........يارب
ج
09-10-2008 | 07:09 PM
الحمدلله على سلامتك
ويتربي في عزكم
ويتربي في عزكم
ج
09-10-2008 | 08:00 PM
الحمد لله على سلامتج حبيبتـــي
أجر وعافية ان شاء الله
الله يخلي لج وائل ويتربى بعزكم
الله يسهل علينـــا
أجر وعافية ان شاء الله
الله يخلي لج وائل ويتربى بعزكم
الله يسهل علينـــا
L
09-10-2008 | 08:06 PM
الحمد الله على سلامتك و الف مبروك
أ
09-10-2008 | 09:21 PM
الحمد لله على السلامة صج معاناة بس الزين انج ولدتي يوم عيد ميلادي
ح
09-10-2008 | 09:56 PM
صيحتيني وياج كنونة
أجر وعافية إن شاء الله
والله يحفظ لج وائل القمر وتشوفينه معرس
والحين الدور جاي علينا .. نسألكم الدعاء
أجر وعافية إن شاء الله
والله يحفظ لج وائل القمر وتشوفينه معرس
والحين الدور جاي علينا .. نسألكم الدعاء
.
09-10-2008 | 09:58 PM
الحمد لله على سلامتكم
يتربى بعزكم ان شاء الله
يتربى بعزكم ان شاء الله
ع
09-10-2008 | 10:02 PM
الحمد لله على السلامة
وألف مبرووووك
ويتربى بعزج وز أبوه
تحياتي ,,,,
وألف مبرووووك
ويتربى بعزج وز أبوه
تحياتي ,,,,
ر
09-10-2008 | 10:17 PM
الحمدلله على سلامتك
والف مبروك البيبي
الله يحفظه ويحميه
وتشوفيه عريس ..
والف مبروك البيبي
الله يحفظه ويحميه
وتشوفيه عريس ..
د
09-10-2008 | 10:36 PM
الحمدلله على سلامتج ومبروك ماجاكم
ح
09-10-2008 | 10:44 PM
والله وأنا أقرا قصتج وقلبي يعورني ودموعي نزلت مني .. حسيت فيج وفي معاناتج مع الولادة .. وتخيلت نفسي في الوضع وأسوأ! ..
الله يسهل علي وعلى كل الحوامل ..
وألف ألف مبروك .. وحمدالله على سلامتج وسلامة وائل .. ويتربى بعزكم ..
الله يسهل علي وعلى كل الحوامل ..
وألف ألف مبروك .. وحمدالله على سلامتج وسلامة وائل .. ويتربى بعزكم ..
ن
09-10-2008 | 11:02 PM
واااي عورتي قلبيييييي الله ياجرك يارب وايد قاسيتي
الحمدلله على سلامتك وسلامة البيبي والله يبلغج فيه يارب
الحمدلله على سلامتك وسلامة البيبي والله يبلغج فيه يارب