اسنان بنتي؟؟

bent el ba7rain 09-10-2008 6 رد 1,214 مشاهدة
b
مراحب بنات شلونكم يابنات عندي مشكلة واستفسار وياريت تساعدوني..
بنتي الله يحفظها عمرها سنة و11 شهر من يوم عمرها سنة ونص تقريبا سافرت معاها وكنت ابغي اسليها لاتغربلي خاصة انها ماتاكل الا المخلوط في الخلاط وهناك مافي اضطريت كله اعطيها حلاوة عشان تسكت
ومن يومها اسنانها انعدمت اجوفها قدام عيوني الاسنان تتأكل يوم بيومه. طبعا قللت الحلاوة بس ماشالله العيلة كله يهال ولازم تبي تاكل معاهم وتصيييييح اواوة يعني حلاوة... اضطر اعطيها بالاضافة انه قالو لي من الحليب لان فترتها بعد بدلته لنيدو مال عمر بعد السنة..

بس الحين اسنانها كلها خراب ومتأكلة ماترض تفرشهم الا بالغصب الصبح مرة بالحن والطحنة والصياح وتقوم ترجع اذا غصبت عليها..

مادري شالحل مرة سألت دكتور اسنان قالت اذا كبرت نشيلهم كلهم؟؟

خلاص الحين مايتصلحون الاسنان بس متأكل ثلاث ارباع السن اللي يبين منه جزء بسيط بس وصغر وسووس؟؟

والحل؟
r
الحل عند طبيب الأسنان
راجعيه و ضروري تعالجيهم علشان ما يأثروا على أسنانها الدائمة
و ان شاء الله ما عليها شر يا رب
ع
اكبر غلط اللي سويتيه

مو بس عشان الاسنان

الا حتى على صحتها ككل

لا تنسين ان الحلويات فيها مواد حافظة ممكن تسبب وايد امراض

قطعي الحلويات عنها فورا ومنعيها انها تدخل البيت

ووقت اللي تشوف انج جادة في الموضوع راح يقل الحاحها
ج
ام جود ما اتوقع السبب كله من الحلاوة في شهر واحد؟!!

يجوز انتي عطيتيها حديد في صغرها؟
لأن الحديد يسبب تآكل و اسوداد اللاسنان..

بعدين حسب علمي مفيش حل الا اقتلاع الاسنان
ويتراوى لي ان الطفل يتم باسنان متأكلة ولا يتم بدون ولا شيء.. !

عوديها على التفريش وغيره وان شاء الله لين طلعوا اسنانها الدائمة اهتموا فيهم وما عليها شر
أ
الحل عند طبيب الأسنان
راجعيه و ضروري تعالجيهم علشان ما يأثروا على أسنانها الدائمة
و ان شاء الله ما عليها شر يا رب
ا
راجعي الطبيب وهو عنده الحل
b
مشكورين يابنات ماقصرتو انشالله بوديها الدكتور يفحصها مرة ثانية..

جمانة الحلوة شلونششششششش مشكورة حبيبتي عالرد للحين مانسيتين انا ام جنى مو جود

شلون حسون وزيزي انشالله بخير

جمانة انا حامل بعد في الشهر الخامس هههه
وانتي؟؟

وانشالله بتجيتي جود.. جبتيها في محلها
X