لعيون أمه الله ولكل البنوتات الي طلبون الادوات يبتهم لكم احين وان شاء الله تستفيدون منها
طبعا هذا الموضوع بيكون مو متجدد بس راح اضيف له ادوات ثانيه بعدين
عشان يكون مرجع لج لمن نبلش بالدروس والتطبيقات
لانكم عارفين ان تصميم الاكسسوارات عالم بحد ذاته يقبل كل انواع الابداعات فنقصان اداه او استبدالها باداه ثانيه فأنا بضيف لكم ان شاء الله الادوات الي ضفتها .. وحتى عدم وجود بعض الادوات ما يأثر بجوده التصميم بل يغير الستايل ومن يدري
يمكن تخلقين لج الستايل الخاص فيج وممكن تدخلين اشياء بالاكسسوارات ماغيرج دخلها من قبل
فتعكسين طابع خاص فيج (y)
وفي فكره حلوه بدال ماترمين اكسسواراتج القديمه تقدرين تفكينها وترجعين تصوغينها بطريقه حلوه غير اكسسواراتج الشخصيه ممكن حتى بالاثاث انتي وابداعج ومخيلتج :wink:
يلا نبلش بالادوات :D
(1) الخيوط
طبعا الخيوط عندنا نوعين من الخيوط البلاستيكية في
1- الخيوط المطاطيه
2- الخيوط العاديه
الخيوط المطاطيه :-
احجامها : احلى احجام (7) او (8)
استخداماتها : تستخدم للاساور غالبـا
الخيوط العادية :-
احجامها : يختلف حجمها باختلاف استخدامها وعلى حسب حجم الخرز نفسه
شخصيا افضل قياس (5) لانه سلس بالتعامل وخاصه باستخام الماعسه ( راح يتم التعرف عليها لاحقا
وبالنسبه للشك ( شك الخرز الصغير في القماش او غيره) يستخدم خط مخصص للشك يكون قمه في الدقه
استخداماتها : تستخدم لجميع الاكسسوارات من عقود (قلائد) او حلق (تراجي) او نوع من الاساور وبعد يفضل استخدامها في اكسسوارات البيت والمداليات وغيره من الاستخدامات
تجدينهاا في : محلات الكلف ولوازم الخياطه
(2) الادوات القاطعة
من الادوات الي لايمكن الاستغناء عنها في تصميم الاكسسوارات الكلابتين والقاطعه والمقص
الكلابتين (زرادية او كماشة )
استخداماتها : تستخدم لثني الدبابيس (سيتم التعرف عليهم فيها بعد) ولفتح واغلاق الحلقات ولتقسيم السلاسل وفتحها وغلقها كما تستخدم ايضا لاغلاق الماعسه
تجدينيها في : محلات الكلف ولوازم الخياطه ولوازم الاكسسوارات ولوازم العائله
القاطعه (قصاصه اسلاك )
يمكن الاستغناء من قصاصه الاسلاك بـ هذي ...
استخداماتها : تقص الدبابيس والسلاسل الرفيعه جدا (الضعيفه ) وسلاسل الكريستال وكل ما هو معدن وقاسي
تجدينها في : لوازم الكلف والخياطه او لوازم العائله في المعدات
أما المقص يمكن الاستغناء عنه بالمقص العادي وهو متعدد الاستخدامات
(3) الدبابيس
هذي الدبابيس خاصه بالاكسسوارات غير عن الدبابيس المتعارف عليها
واهي على نوعين :-
النوع الاول :- ( المنثنيه ) المعكوفه :tongue:
استخداماتها : تستخدم لصنع سلسه من الخرز بتوصيلها مع بعضها البعض هي بـ 4 الاوان
النوع الثاني :- الدبوس العادي ( ابو راس ) :tongue:
استخداماتها : يستخدم للخرز .. توضع في نهايه السلسله في النوع الاول المنثنيه او في سلسله حديد او سراميك عاديه وتوضع في النهايه
دورها جمالي مكمل للتصميم
تجدينها في : محلات الكلف ولوازم الخياطه او محلات تصميم الاكسسوارات
(4) الحلقات
الحلقات تتوفر بألوان متعدده واحجام متعدده
استخدامها : في توصيل السلاسل والحلقات مع بعضهم البعض وشبك ادوار العقود والقفل في السلسله .. وهي لتوصييل جزئين ببعضهم البعض
تجدينها في : محلات الكلف ولوازم الخياطه او محلات تصميم الاكسسوارات
(5) السلاسل
السلاسل وهي متعدده الالوان والاحجام
استخداماتها : متعدده الاستخدامات وتستحدهم الكبيره منها كأساس للتصميم أما الصغيره فيه مكمل لها وللزينه فقط
تجدينها في : محلات الكلف ولوازم الخياطه او محلات تصميم الاكسسوارات
(6) المــــــاعســه
الماعسه شكلها حيييييييل صغير وشكلها كأنها خرز بس لا اهي ماعسه ومصنوعه من حديد وتيي بثلاث ألوان
استخداماتها : دورها جدا مهم في الاكسسوارات فهي تغلق وتسكر كل الخيوط سواء العاديه او البلاستيكيه العاديه او المطاطيه
مثلا سويتي اسواره بالخيط المطاط وشويه خرز لمن تيين تسكرينها لازم تدخلين هالماعسه بنهايه الاسواره وتدخلين معاه بدايه الاسواره نفيها يعني البدايه والنهايه داخل حلقة وحده من الماعسه بعدين تضغطين الماعسه نفسها بالكلابتين (يعني فقصيها :tongue:) وبجي تتسكر عندج الاسواره من غير مشكله الربط وتشوهها للقطعه:wink:
تجدينها في : محلات تصميم الاكسسوارات
(7) الحلق الأقراظ ( التراجي )
الحلق وهو على ثلاث انواع حلق مستدير بثلاث احجام وحلق عادي وحلق كبس
تجدينها في : محلات الكلف والخياطه او محلات تصميم الاكسسوارات
(8) الاسلاك
اسلاك المعدن ( السيم ) المخصصه للاكسسوارات ويأتي منه بألوان متعدده بس يفضل الفضي او الذهبي ويأتي بعده احجام
استخداماته : متعدد الاستخدامات واستخداماته لا محدوده
تجدينه في : محلات الكلف ولوازم الخياطه او محلات تصميم الاكسسوارات
(9)الطربوس
الطربوش هو قبعه توضع فوق وتحت الخرز نفسه واهي بعده الوان واحجام وستايلات
استخداماتها : تستخدم لتزين الخرز ولاعطائه طابع من الجمال والاناقه
تجدينه في : محلات تصميم الاكسسوارات
(10)القفل
وهو بعده انواع واحجام والوان
النوع الأول : القفل العادي
استخداماته : لقفل سلسه او دور واحد من التصميم ويعتبر من أقوى الأقفال
النوع الثاني : قفل الثلاث طبقات او اثنين
استخداماته : لقفل كذا طبقه حيث يتم من خلاله ترتيب الطبقات ويعد من اجل انواع الأقفال
النوع الثالث : القفل المغناطيسي
استخدامه : لقفل السلاسل الخفيفه في الوزن واهو من اسهل الانواع واكثرها عمليا
تجدينهم في : محلات الكلف ولوازم الخياطه ومحلات تصميم الاكسسوارات
(11) اكسسوارات
1- اساور حديد
استخدامها : توضع بها الخرز على شكل حلزوني.
تجدونها في : محلات تصميم الاكسسوارات
2- بروش ويوجد بألون واحجام متعدده
3- فواصل للاساور والقلائد
تستخدم : لترتيب التصميم وهي لثلاث أدوار واكثر
تجدونها في :محلات الكلف والخياطه او محلات تصميم الاكسسوارات
4- فواصل مثل رقم (3) الا ان تضاف اليها لمسات من الجمال
5- قفل للادوار المتعدده ويأتي بعد الفواصل
تجدونها في : محلات تصميم الاكسسوارات
.....يتبع
