ارجو المساعده لدي مشكله في جسمي وزواجي قريب

هلا اختي الغاليه

اولا الف مبروك والله يتمم لك على خير ان شاء الله

ولاتحاتين ان شاء الله ماراح يصير الا الخير بإذن الله

شوفي حبيبتي ماعتقد موضوعك حله بالخلطات لانك قلتيها محتاج عملية تجميل

واذا كان زوجك انسان متفهم ومقتنع فيك ماراح ينظر لهالامور وبتكون آخر همه

والف مبروك مره ثانيه

حبيبتى مشكلتك من نفس مشكله صديقتى وهى تراكمات جلدية أثر عملية جراحيه وبروزها عن باقى البشرة وفعلا مالها علاج غير التجميل ولكن ايضا غير مضمون نتايجها بكلام من الطبيبة نفسها

وانا من راى الاخت رينا

ثقى بنفسك يقتنع بكى زوجك

السلام عليكم ورحمة الله وبركاته ..

حبيبتي أنا عندي آثار حرق في رجلي ..

له تقريباً 15 سنة ..

وسمعت البنات يمدحون مرهم contractubex ..

حطيه مرة باليوم في الليل ..

واتركيه لين يجف تلقائياً ..

والبسي ملابسك عادي ..

ولا تغسليه ولا شيء ..

أنا الحين لين شهر أستخدمه ..

والحمدلله الآثار اللي لونها أسود راحت (التبقعات) ..

وخف لونها بشكل كبير الحمدلله ..

اتمنى إنك تستمري عليه يومياً لا تتركيه أبداً ..

حتى لو كنتِ رايحه زيارة ..

مع تمنياتي لكِ بالشفاء العاجل ..

ادعي لي بالشفاء العاجل والزوج الصالح ..

أختكـ Live Style

هذه هي صورته ..

أنا عندي 50 جم ..

روحي سوي عمليه جراحيه أحسن يمكن الكريمات ماتنفع معاج لان الجلد عندج مخترب حبيبتي حاولي تجين كويت مستشفياتهم زينه اللي تعالج الحروق والله يسهل عليج

رينا الخليجيه و فتفوته الصغنونه
مشكوررررررررررررررين والله يجزيكم خير الجزاء ويعطيكم الف عافيه
انا قلت له عن اثر الحروق وهو قال انه متفهم بس انا منحرجه مره منه وخايفه لان شكله جدا مقزز

لايف استايل
مشكوره اختي على الكريم والله يجزاك خير الجزاء والله يشفيك ويرزقك بالزوج الصالح
انا مره رحت مستشفى حبيب واعطاني الدكتور كريم ريحته تصرع ماقدرت اتحمله واصلا هو ماجاب اي نتيجه
بسئل عن هالكريم وبشوفه ..

اهلي قالو لي استعمل العسل يعني احطه واغطيه لمدة ثلاث ايام مااشيل الغطى منه مدري فيه وحده منكم جربته ؟

حبيبتي أنا استعملته فترات متقطعه هالكريم وفعلاً ما استفدت منه ..

بس الحين ربي يشهد عليّ لي شهر استعمله ومنتظمة عليه ..

والله رهيب ..

ويكون في علمك ترى العمليات الجراحية ..

والليزر كمان .. راح يبقى لها أثر يعني ما كأنك عملتي شيء ..

انتِ بس استمري عليه شهر وشوفي ..

ربي يوفقك ..

هنونه الشمري
ابوي ارسل لي صور خارج المملكه عن الحرق والكل قالو نفس الكلام نسويلك عمليه بس النتيجه غير مضمونه وانا اصلا قد سويت عمليه وفشلت وزادة الطين بله عشان كذا خايفه اسوي اي عمليه

مشكوره حبيبتي على الرد

على فكرة ريحته بس لما تحطيه ..

بعدين عادي ماله ريحه ..

يمكن يكوون هو أنواع ما أدري ..

أنا استخدمت نفس اللي في الصورة ..

ربي يوفقك ..

انا رايي من راي الاخت رينا الخليجية الله يجزاها خير

Live Style;7368133:
السلام عليكم ورحمة الله وبركاته ..

حبيبتي أنا عندي آثار حرق في رجلي ..

له تقريباً 15 سنة ..

وسمعت البنات يمدحون مرهم contractubex ..

حطيه مرة باليوم في الليل ..

واتركيه لين يجف تلقائياً ..

والبسي ملابسك عادي ..

ولا تغسليه ولا شيء ..

أنا الحين لين شهر أستخدمه ..

والحمدلله الآثار اللي لونها أسود راحت (التبقعات) ..

وخف لونها بشكل كبير الحمدلله ..

اتمنى إنك تستمري عليه يومياً لا تتركيه أبداً ..

حتى لو كنتِ رايحه زيارة ..

مع تمنياتي لكِ بالشفاء العاجل ..

ادعي لي بالشفاء العاجل والزوج الصالح ..

أختكـ Live Style

هلا اختي مكن انج تتواصلين معانا اذا فعلا فادج الكريم
وكيف ملمس الحرق عندج
السموحة

انا رأيي من رأي اخواتي
طالما انه متفهم كوني واثقه من نفسج
والله يوفقج والف مبروك مقدما

مـــــــبـــــــروك والله يوفقك ويسعدك ياربـ وعقبالنا خخخخ


شوفي ياعسل لا تحاولي تبينين لزوجك انك منحرجه كوني واثقه من نفسك ودام اهو متفهم ولله الحمد ماكو خوف ولا احراج

بس اهم شيء لا تخاطرين بنفسح الا هالمناطق الواحد يخاف بصراحه واما اذا قالوا لج بعمليه ومضمونه ميه ميه سويها ,,


والله يفرج عنج وعنا بجاهـ الحبيب محمد

اساءل الله العظيم انه يجعل زوجك يراكي اجمل نساء الارض

حبيبتى بالنسبه للعسل فهو لازم يكون عسل ابيض اصلى

وانا معرفش ازا كان ينفع للحروق ولالا بس العسل شفاء من كل داء انا لى وحده قريبتى كان ظافرها مش بينمو وكان مشوه جامد وكذا طبقه عملت مثلما قلتى العسل ولفته كذا يوم والله انا شوفت صابعها طبيعى جدا بعد كده


وربنا معاكى يارب بس الامور دى متعنيش لزوج متفاهم اى شئ ويارب تروح كل مخاوفك دى واحمدى الله على ما بلاكى وربنا هيخليكى احلى من السليمه 100000 مره

ومبروك ليكى يارب

الله يتمم على خير ..
علشان الثقه تزيد في نفسج من راااايي تسوين عملية تجميل هي تعب في البداية بس النتيجه انشالله اكيده .. روحي الكويت تراهم شاطرين في هالشغلات .. وبعدين حبوبه لااازم لااااااااازم تتاكدين من الدكتورة ومن نتائج العمليه قبل لا تسوينها واذا ااكدت لج انه كل شي بيرجع طبيعي سووويها وتوكلي على ربج

وربي يخليج اسعد زوجه واحلى زوجه في نظر زوجج

~~
الله يشفيك حبيبتي ويتمم عليك بخير ياارب ويبارك لك فزوجك ياارب..!
والله حبيبتي العسل ان شاء الله يكون شفاء لك..@
وداومي عليه وان شاء الله ينفع..!
الله يوفقك يارب ويسعدك ويخليك قرة عين زوجك يارب..@

مشكورين اخواتي رفعتو من معنوياتي الله يجزاكم خير ويعطيكم الصحه والعافيه يارب