لكل اللي عندها خادمتين في بيتها ممكن تساعديني

السلام عليكم ورحمة الله وبركاته جيف الحال غالياتي

أنا عندي مشكله وهي اني سكنت بيتي وكل ماتيني خادمه تقول لي البيت كبير وما أبغي أقعد وأسفرها ولا تشرد
والله يشهد بإني أعاملهم معامله زينه بس مب قادرة أعرف ليش كل هذا يصير وياي؟؟

المهم قررت أييب خادمتين في البيت عندي بس مب عارفه كيف أوزع الشغل بينهم ؟؟؟؟؟
كل يوم أحط جدول والغيه فقلت ما لي غيركم وخبراتكم اتمنى تساعدوني

وصف لأسرتي :
تتكون من خمس أشخاص :أنا وزوجي (ويتواجد -الخميس والجمعه) وولدين وبنت.(البنت والولد في المدرسه)

وصف لبيتي:
فيلا تتكون من طابقين وحوش كبير وحديقه منزلية وملحق. ولا أنسى المساحه اللي خارج البيت تراني زارعتنها ويا الإنتر لوك

الطابق الأرضي :
صاله أرضيه +مجلس رجال وغرفة طعام خاصه فيهم+الحمام عزكم الله
مجلس النساء +وغرفة طعام خاصه فيهم+الحمام عزكم الله

الطابق العلوي:
صالة علوية خاصه في العائله تستخدم يوميا+حمامها+غرفتي الخاصه وحمامها+غرفه الولدين وحمامها+غرفة البنت وحمامها+غرفة المكتب.

الملحق:
مطبخ عن غرفتين(كبير )+مخزن +غرفة الخادمه وحمامها عزكم الله.


هذا وصف لبيتي أتمنى تساعدوني بوضع جدول للخادمتين وبتكسبون فيني أجر

والسموحه على الإطالة