بنات قطر ...فيني تكيس؟؟

اختج تبين عياده خاصه والا بالولاده

ان شاء الله بنات قطر بيفيدوكي ..
بس حبيت ادعي لك انه الله يرزقك الحمل عاجل غير اجل ..

عندج دكتور عمر ابو زينب وايد يمدحووووووونه

ما انصح بدكتور عمر صاير مادي وع طول بيقولج اطفال انابيب انا قالي بس ما سمعت منه..
روحي دكتور محمد نزاز ويفهمج كل شي عكس بوزينب مايفهمني شي وانا الي اسال واستفسر وما يوضح لج .. وعندج دكتور فواز.. وعندج دكتوره هدى محمد.. ودكتوره ساميه يمدحونها

تحملي تروحين عند الدكتوره هدى ترى ماتعرف غير الكلوميد بدون لاتسوي لج فحوصات
عندج الدكتور عدنان يمدحونه في نسوان وايد احملوا بعد الله من علاجه بس صراحه اهو مايعرف غير الابر المنشطه ومايأخذ فحوصات دم ولاغيرها بس اذا شاف مانفع وياج الابر يحولج للمركز العربي عشان تسوين الاشعه المصبغيه يتأكد من سلامه الانابيب
عندج الدكتور عمر ابو زينب بنات وايد احملو عنده بعد الله يعالج بالابر بس مع فحوصات دم يعرف قوه بويضاتج وعنده الممرضه اهي الي تسوي لج السونار عكس عدنان اهو الي يسوي لج السونار وبصراحه وايد ينصح بالتلقيح بس انتي ارفضي وجربي اول شيئ الابر وعمر ابو زينب اسلوبه حلو في التعامل ويعطيج نسبه الهرمون ومدى قوه البويضات غير انه مشالله عليه صلاته مايتركها مثل غيره ويخليج تتكلمبن ع راحتج اكثر من عدنان الي يكلمج على نار ينتظر الي بعدج
عندج الدكتور فواز يمدحونه بس انا ماجربته
مانصحج في الدكتوره ساميه لاني الي اعرفه اهي شغلها افضل للحوامل لاني انا الحين احامل واروح لها وماسمعت انها شاطره في علاج المتأخرات استفسري اكثر عنها
والمسادات عندج ام جمال اذا تبين رقمها بعطيج اياه
والهاجريه ام عبدالله بعد رقمها عندي والله يارب يسر امورج ويرزقج الذريه الصالحه عاجلا غيراجلا واعرفي اهم شيئ مع العلاج الاستغفار والدعاء اخر الليل والله كريم

مشكورييين بنات وماقصرتوا

بس ممكن اعرف العلاج عند عمر ابو زينب كم يكلف مع الفحوصات يعني في حدود كم؟؟
اهم شي عندي الدكتور مع فحوصات مب ع طول علاج والله يرزقني انشالله

الله يرزقك الحمل عاجل غير اجل

محد قالي كم يكلف عمر ابو زينب؟؟؟

ممكن اعرف حد عالج عن تكيسات وراحت عنه

تعرفووون انا خاطري اعرف هالتكيسات من وشوو عقدتني :( انا بعد فيني تكيس
خاطري اروح افحص من زمان مطنشه الدكاتره ..

حد يعرف التكيس وشو اسبابه ؟؟
لاني الاحظ انه وايد زاد في الفتره الأخيره !!

الناعمه حبيبتي ,,

انا رحت للدكتور عمر ابو زينب وكنت اول مره اروح له لان صار لي ست شهور من عرست وما حملت :(

اول شي سوت لي الممرضه سونار ويطرشون السي دي للدكتور وعقب قال لي فيج تكيس على واحد من

المبايض وكان خفيف يعني .. وقال بشوف من شنو التكيس ظهر لج .. سوى لي تحليل دم للهرمونات ..

وتبين له ان عندي ارتفاع هرمون lh بس كان ارتفاعه بسيط بعد اما مبايضي ممتازه وتنتج بويضات كل شهر

بس مادري ليش ماتطلع من جرابها :(

ووصف لي حبوب بروجيلتون لتنزيل الدوره لانها كانت متاخره علي ووحبوب منع الحمل مده 3 شهور..

انا خذيت حبوب تنزيل الدوره ومانزلت وعقب جاتني المساده ام جمال ونزلت علي الدوره على طووول عقب مامسدتني ..

وانا مارتحت حق حبوب منع الحمل .. كلللللللش لان ابي احمممل ..

لاحظي ان رحت له مره وحده .. خذا علي 950 ريال .. احسه واااايد ..

وكان خاطري اعرف شكثر تكيساتي وخاطري اشوفهم .. بس حسيته وايد متسرع وينطر

الي وراج ..

****************************

ويوووم ياتني الدوره قلت باتاكد هل فيني تكيسات والا لا ..

لان المساده ام جمال يوم مسكت مبايضي قالت ممتازه وما فيج تكيس ..

رحت مستشفى الولاده ((حمد)) وسوو لي الالتراساوند .. وكان هالكلام ثاني يوم

للدوره ..وقالت لي الدكتوره مااافيج تكيسات ولا شي ... لان حجم المبايض عاديه

والحجم الطبيعي لهم ..

بس لقوا مبيض واحد فيه كيس .. وصغير .. وقالت لي لا تتعالجين .. وقالت لي المبيض

الثاني مافيه تكيسات .. بس فيه بويضات ما تلقحت .. وراح تنزل ..

**********************

لاحظوا ان ايام الدوره الكشف غير واذا خلصت بعد غير

احترررررت حدي .. مو عارفه اذا فيني تكيس والا لا .. ومادري شسالفه هالكيس :(

وهل يمنع الحمل والا لا .. وخصوصا اني بعد شهر راح اكمل سنه من

زواجي بدون حمل :(

********************

الله كريم ويرزقنا من فضله ..

يا ريومه
التكيسات ملها اسباب معروفه

ولكن غالبا بتكون وراثيه
بتلاقي كذا بنت في العيله عندها تكيسات

اذا تبين يروح التكيس لازم تخففين من وزنج

انا اصلا فيني تكيس ع المبيضين ورحت حق دكتور واستخدم معاي شهر كلوميد وشهرين ابر منشطه

بس مافي فايده

وبعد 4شهور من انقطعت عن العلاج حملت واالحمدلله بفضل رب العالمين

والحين صار لي سنتين وابي احمل

طبعا من 7 شهور حملت من الله وسقطت يمكن من التكيس

واللي اعرفه التكيس مع كل ولادة يخف ويروح

وااللله يرزقنا جميعا

عندج دكتور فواااااز ممتاز والله يرزقج يارب

سمعت ان فواز مادي وما يعطي ويه

افكر اروح حق عدنان شرايكم فيه؟؟؟ او اروح الولادة بس عند من؟؟؟

انا عند فواز ورفيجتي راحت لعند عمر وقالت مايهتم ومسويه تحاليل عنده رجعت بعد 6 شهور حاذفهم من الكمبيوتر ورجعت عملت تحاليل مرة ثانيه ...كشفه فواز 150 والسونار 250 الا اذا بتسويين تخاليل لان تحاليله بره وانا سويت تحليل للدم شامل كروموسومات وجينات 1750 احسها عاديه وكلهم نفس الشي والله يرزقج باللي تتمنينه يارب انا اتابع عنده لان عندي اسقاطات متكررة والحمد لله الله يثبت لي هالبيبي يارب وناويه اتابع عنده لين ادخل التاسع باذن الله

السلام عليكم

بنات انا مشاركاتي ما تعدت الخمسه وثلاثين .. فما اقدر اراسلكم للاسف الشديد ..

لكني اوعدكم اراسلكم وارد عليكم ان شاءالله ..

الأماكن كلها..;7393955:
انا عند فواز ورفيجتي راحت لعند عمر وقالت مايهتم ومسويه تحاليل عنده رجعت بعد 6 شهور حاذفهم من الكمبيوتر ورجعت عملت تحاليل مرة ثانيه ...كشفه فواز 150 والسونار 250 الا اذا بتسويين تخاليل لان تحاليله بره وانا سويت تحليل للدم شامل كروموسومات وجينات 1750 احسها عاديه وكلهم نفس الشي والله يرزقج باللي تتمنينه يارب انا اتابع عنده لان عندي اسقاطات متكررة والحمد لله الله يثبت لي هالبيبي يارب وناويه اتابع عنده لين ادخل التاسع باذن الله

حبوبه الله يثبت حملج انشالله وتفرحين بشوفته
وين مكان الدكتور فواز اقصد عيادته؟؟ وهل يعالج اللي فيهم تكيس
ومشكورة حبوبه ع طوله بالج

قطرية22;7398237:
السلام عليكم

بنات انا مشاركاتي ما تعدت الخمسه وثلاثين .. فما اقدر اراسلكم للاسف الشديد ..

لكني اوعدكم اراسلكم وارد عليكم ان شاءالله ..

واحنا ناطرينج يالغلا