خلاص تعبت من سالفه ترك الحفاض ..انقذوني

angel eyes 07-10-2008 23 رد 3,440 مشاهدة
a
بنات ولدي بيجنني من سالفه الحمام

كمل سنتين و شهرين وهو من عمره سنه و نص و انا اعلمه عالحمام...واوديه كل نص ساعه..بس لين الحين يوم بيسويها ما يقوووول...مع انه يته فتره في البدايه كان يقول...
طبعا لين الحين ما حاولت اطلعه من غير بامبرز..بس في البيت...او بيت اهلي او بيت امي لاني اقدر اوديه كل شوي الحمام...طبعا بالنسبه للكبيره مستحيييييييل يمكن مره بس ولا مرتين سواها في الحمام..ما يرضى وكله يسويها في ثيابه...تعبت مب عارفه كيف اتصرف معاه..لين الحين اتصرف ببرود و اكلمه بهدووووء بس شكلي لازم ابدا استخدم الشده معاه...:(

قولولي شو اسوووووووووووووووووووووي ...عقب كم شهر بولد وماابغي اثنين بحفاضات...اصلا احس ولدي خلاص كبر عالحفاض وفشله يلبسه للحين...ساعدوني بخبراتكم السالفه بدت توترني خصوصا واني اعرف ان التخلص من الحفاض في الليل سالفه ثانيه و قصه اكبر :(
م
:sad:

عارفة معاناتك و مرّيت بها...

و في الآخر...إضطريت استعمل الشدة...و لما مريم كانت تعملها على نفسها...أقول لها إفففففف مريم مش حلوة...ملابسها مش نظيفة...أخليها هي تكره نفسها...ما لقيت طريقة ثانية...لأنه 6 شهور و أنا أعلّم

و الحمد لله على سنتين و شهرين...كانت خلعتها بشكل نهائي...طبعا لا يمنع إنه حصل تجاوزات كتير و مرات كتير تعمل على حالها...و لما صرت أغضب و تشوفني معصبه...صارت تخاف و تقول لي الحمام الحمام...

أعتقد في أطفال محتاجين شويه شدة أو تهديد....بس من غير أذيه أو ضرب نهائي...

و الله يعينك و تقدري قبل الولادة...بيكون صعب عليكي إثنين في بامبرز :(
م
الله يعينك أم محمد والله كلنا عانينا بس كنا شطار في خلال شهر خلينا عيالنا يتركون الحفاظات والفضل لأختنا أسماء زكي الدين.. سوينا حملة التخلص من الحفاظات وبفضل نصائحها كلنا تخلصنا منها.. شوفي موضوعها بركن المواضيع المميزة وإن شاء الله عقب شهر تكتبين لنا خلاص تخلصت من الحفاظات...
a
هلا مرموم.. اااااااااااخ والله معاناه...اليوم كلمته بعنف و قلت له اذا ما قلت مره ثانيه بقول لبابا يسويلك طااااء(يعني يضربه) خخخ ..واسأله وين يسوون يقولي في الحمام...لا و يمسك الدبدوب ماله و يعصب عليه و يقوله عيب يسوون كاكا في الحمام

رانيا
دخلت الموضوع من زمان من قبل حتى لا ابدا مع حمودي...واستخدمت كل الطرق بس مافي فايده:(
•
يوه صغير على الحمام اختي على سنه ماعلمنها للسه على الحمام علميه ثلاث سنوات
s
والله حاسة فيج حبيبتي
ولدي الحين عمره سنتينن وتقريبا 4 شهور
اعلمه على طول واليوم عاد من يوم الصبح ما لبسته واحسه ما سواها على اي مكان
بس امبله تبول بالصالة قال ياله ماما خلصت!!

انا اشوف ولدي الحين بدري عليه يترك الحفاظ نهائي
لآن ولدي هذا عنيد غير عن اخوه
وانا حسيت بمعاناته لما كنت اولد النونو اليديد ولدي الكبير يلبس حفاظ
انا معطتنه فرصة لين ما احس انه تعود على ترك الحفاظ


الله يعينا يا اختي
ر
تعليم الحمام متعب ويتفاوت من طفل الى اخر اني بنتي بعد خمس ايام من تعليهم عرفت اللهم صلي على النبي

وبنت اخوي متعلمه معاه وللحين تعملها في ثيابها مع ان لسانها طويل وتفهم كل شيء وتعرف ان تصرفها خطا


انتي اختاري حلاواو ايس كريم شيء يكون يحبه واجد واشتريه ورويه اياه وقولي كل مره تعملها في الحمام


بتكون لك جائزه و تكوني معلقه جدول في ورقه واذا كل مره عملها في الحمام خليه يحط نجمه واذا عملها في ثيابه اكتبي خطا


وقولي له اذا صار فيه خطا مافيه لعبه وادخلي معاه مواقع في الانترنت ى الي يعرضو العاب اطفال وخليه يتحمس



واقولك شيء اذا ولدك نطقه سليم يعني يتكلم زين استمري معاه لكن اذا بعده كلامه مو واضح وما يفهم عليكي زين انتظري عليه شهر او شهرين
a
هلا خواتي واشكر تفاعلكن:)

اختي ملكه القلوب..لا حبيبتي شو صغير..اصلا بعد شوي وما بحصل حفاض قده ماشاء الله...واصلا انا ما احب الياهل اللي احس خلاص يتكلم عدل و فاهم و لابس حفاض احس عييييييب اقوم اخلي ولدي جيه مصيبه بيقولون الناس شو هالام المهمله

مملكتي الصغيره..شكرا لمرورج حبيبتي..ويقولون البنات اسهل بوايد من الاولاد وهذا اللي الاحظه حواليني


هلا ربيعيه
ماشاء الله تبارك الله ولدي نطقه سليم و احسه يفهم بس مادري ليش ما يقول الا يوم خلاص سواها
ادري ان كل طفل غير عن الثاني بس خلاص تعبت..ومحاولات المكافئات جربتها ..بس شكلي لازم اشتري اشياء اكثر ..الله يعين
n
ازيكو ياجماعه انا اول مره اشترك ويارب تقبلوني صديقه جديده معاكم انا عندي مازن عنده سنتين لسه مكاملهم في تالت يوم العيد الي فات وانا لسه بقالي 4ايام بعلمه يقعد علي البوتي ولكن ساعات بتعصب عليه علشان بعد اما يقعد بالساعه واول لما يلبس البامبرز يروح عامل ويجي يقولي مامي بيبي طب انا اعمل ايه ممكن حد يساعدني ويقولي اعمل ايه معاه بالطبط:21_207:
ا
موفقه....
ا
موفقه....؟؟
ا
موفقه.....؟..
ا
موفقه....؟.
أ
الله يعينك من جد معااااااااااانااااااااه
r
باختصار علشان تعلمي طفلك على استخدام الحمام ( تجربتي مع أطفالي ):
1- ابدئي على تعليمه الجلوس عالمرحاض أو النونية .( لما تدخلي تحمميه جلسيه عليها باستمرار ) و بعدين حمميه
2- أثناء التعليم لبسيه ملابس خفيفة علشان راح تكون أسهل عليك خلعها
3- توقفي عن تلبيسه البامبرز شوي شوي يعني خليه بدونه ساعه في اليوم الأول و اليوم الثاني ساعتين
بحيث كل ما تمر 10 دقايق او ربع ساعه دخليه الحمام .
و بخصوص التعليم وقت النوم في الليل قبل لا ينام دخليه الحمام في أهل يقوموا أطفالهم كل 4 ساعات يدخلوهم الحمام أني ما أنصح بهالشئ أريح لك و الى الطفل ( ممكن في هذي الحاله و خاصة إذا كان الطفل ينام لحاله على السرير وضع شئ يمنع البول من النزول عالمفرش
في الوقت اللي تخلي الطفل من دون بامبرز فيه بامبرز لتعليم الطفل عالحمام ( اني أفضل الهجيز ) لبسيه اياه علشان لا يعفس لك المكان و أهم شئ لما الطفل يعملها على نفسه تبدلي له على طول علشان يتعود عالجفاف و النظافة
على فكرة أختي في رأيي أن الطفل في عمر السنة و النصف الى سنتين يكون أسهل من الطفل الأكبر في منه في السن
الله يعينك و يهدي لك طفلك
ع
بنتي عمرها سنه و4 شهوور وناويه اعلما لما تكمل سنتيين
انشاء الله الله يسهل عليج لانه هالفتره جدددددا متعبه
*
انا بدأت مع وسام في العيد ... كنت كل شوي ادخله الحمام علشان يبول ... والحمد لله مشي الحال
بس ما قدر الى الان افهمه موضوع الكبيرة ...
بس العيد كله خرجات ... فكنت اضطر البسه الحفاظ ..
بس ابني الى الان ما يتكلم كويس وما يعبر كويس .. بس يفهم كويس ..
يمكن اخليه شوية الى ان يتحسن نطقه ...
a
الف شكر على مروركم يا بنات...

rawiyah
غاليتي سويت هالاشياء كلها...بس مشكلتي هو انه من متى الحين وهو متعلم و من غير حفاض بس لسه يسويها و ما يقول او يقول وهو يسويها..هذي مشكلتي..ويعرف ان اللي يسويه غلط بس للحين يسويه

حتي يقوللي ماما روحي الحمام عشان ما تسوين بول في الثياب مب حلو :)

هلا ام وسام

حبيبتي لا تأخرين ...كل ما كان ابكر يكون احسن...والشتا جاي...وصعبه السالفه في الشتا
أ
اختي ضربتي على الوتر الحساس:sm215:

انا على بالي هالموضوع بس ماجربت أعرضه أو أكتبه بالمنتدى

لكن زين سويتي

انا بنتي عمرها سنتين ونص بس ليما ألحين ألبسها البامبرز

ماشاء الله عليها تفهم وتتكلم بس موقادرة أعودها على ترك الحفاظ

حاولت من فترة بس لما تبي تبول ماتقول لي مع انها تتكلم الله يحفظها

وتروح تبول على نفسها وتناديني .. يمه تعالي ..:schmoll:

ولما بتسوي الكاكا ماتقوللي على طول تعملها في الحفاظ الله يكرمكم

أمس قلت باتركها بدون حفاظ لمدة ساعة تجربة ولبستها الهاف

وماشفت إلا وبالت ولا قالت لي مع أني حرصت عليها وكررت كلامي اذا فيج قوليلي ماما.

بس الله يعطيك العافية حبيبتي على الموضوع

وياليت نستفيد من تجارب الأمهات

:1_3: شكراً :1_3:

:9_28::9_28::9_28:


a
أم نونه;7380874:
اختي ضربتي على الوتر الحساس:sm215:

انا على بالي هالموضوع بس ماجربت أعرضه أو أكتبه بالمنتدى

لكن زين سويتي

انا بنتي عمرها سنتين ونص بس ليما ألحين ألبسها البامبرز

ماشاء الله عليها تفهم وتتكلم بس موقادرة أعودها على ترك الحفاظ

حاولت من فترة بس لما تبي تبول ماتقول لي مع انها تتكلم الله يحفظها

وتروح تبول على نفسها وتناديني .. يمه تعالي ..:schmoll:

ولما بتسوي الكاكا ماتقوللي على طول تعملها في الحفاظ الله يكرمكم

أمس قلت باتركها بدون حفاظ لمدة ساعة تجربة ولبستها الهاف

وماشفت إلا وبالت ولا قالت لي مع أني حرصت عليها وكررت كلامي اذا فيج قوليلي ماما.

بس الله يعطيك العافية حبيبتي على الموضوع

وياليت نستفيد من تجارب الأمهات

:1_3: شكراً :1_3:

:9_28::9_28::9_28:




هلا حبيبتي وحياج الله في موضوعي

شوفي انا ابدا ما اتوقع من ولدي انه يقول...فكل شوي اوديه الحمام...اللي طفرني انه احيانا يسويها حتى بين النص ساعه...و الكاكا موووووووووووووول ما يقول على طول يسويها...يعني مثلا اشوفه يتعصر اوديه الحمام..يجلس شكثر و يقول خلاص مافي مافي و يحتشر ..اطلعه وعقب شوي اشوفه مسونها في الهاااااااااف :ss:
قبل كان ما يسويها الا في البامبرز...فصار له امساك من كثر ما ايودها..لاني ما البسه بمبرز الا وقت النوم فيتم ميود عمره لليل اول ما يلبس الحفاظه يسويها...الحين تطور و قام يسويها في الهاف
هاي مأساتي اللي مب لاقيه لها حل
X