سؤال مهم .. ؟!؟

انا مو مخطوبه ولا متزوجه ...ولا مريت في موقف جذي او سمعت عنه
لكن والله اني اليوم الصبح كنت افكر في نفس السؤال ..كنت اقول متى الوحده اتقول للي خاطبها انه شرطها اتكمل دراسه

..

ويوم جفت موضوعج حبيت اجاوبج حتى ماعندي خبره لكن الي اتوقعه
انه لمى النسوان ايون يخطبون البنت اتقول لامها من قبل شروطها والام اتقول لهم

او حتى ممكن الريايل يتفاهمون بس احس مو حلوه بين الريايل هالسوالف ^_^


وان شالله اكون افدتج

واذا كنتي على ويه زواج الله اوفقج ان شالله ويسر امورج
وامور جميع البنات ^_^

السلام عليكم والرحمه

حبيبتي الشروط تنقال قبل الملكه يعني بعد مايخلص الفحص

وبالتوفيق

يا حلو السؤال البريء :o,,,,,
طبعا بعد ما يخطبون أكيد بيسألون عن الشروط قبل الملكة ,,, أو ,,, الام تبدي وتقول شروط بنتها وطبعا هذا كله قبل الملكه ,,,,
وحلو الاتفاق على كل شي قبل لايصير أي شي ( عن تجربه الله العالم فيها )

أتمنالج التوفيق وكل خير للمسلمات ,,,,

تحياتي

كل بيت او عيله و سنعهم اما الريايل يقولون او النسوان لما يجون يتفقون ع المهر ..

قبل النظره الشرعيه ؟!؟


انزين تعالوا صج شسالفة الفحص الطبي .. كأن احنا ناقصين مشاكل

الفحص دولة قطر اعتمددته من شهر 9 يعني الي بيملجون الحين لازم لازم فحص بعدين يملجون ..
وعادي ان شاءالله مافي شي توكلي على الله بس يسسون بعض التحاليل هاي الي سمعته<<لين الحين ماجربت :(

حد يعرف شنهي التحاليل؟؟

حبيبتى الفحص الطبي عباره عن تحاليل للدم

وقايه عن الامراض الوراثيه وخصوصا فقر الدم (( السكلر))

مثلا لما وحده تكون حامله لمرض السكلر والريال نفس الشي حامل للمرض اييبون عيال مصابين سكلر وهذي طبعا خطر فما يزوجونهم هذا عندنا في البحرين جي

ولا لو كانوا الطرفين مصابين بالسكلر طبعا مستحيل الشيخ يملج عليهم

لازم يكون الطرفين سليمين

ولا طرف واحد سليم عشان الشيخ يملج

واتمنى فهمتى علي

والله يوفقج حبابه

جزاج الله خير

شكرا حبيبتي

اييه فهمت :)

الشروط قبل الملكه
والفحص ماقبل الزواج شي حلو لتفادي اي شي يحصل بعدين لاسمح الله والحلو فيه انه مو بس للامراض الوراثيه بل ايضا الكشف عن الايدز حمانا الله واياكم وهو اللحين ف السعوديه الزامي اما باقي دول الخليج ماني عارفه
وبالتوفيق

شكراً اختي عالتوضيح

:)

اكيد لازم تقولين شروطج قبل الملجة والارتباط الرسمي واذا منتي عارفة اشلون توصلين شروطج خلي ابوج او اخوج يقوله
او امج او اختج الكبيرة تقول حق امه او اخته
او اذا ييى يشوفج انتي تقوليله

المهم الشروط تكون قبل الملجة حتى تتجنبون المشاكل لاسمح الله

[GLOW="FFCC33"]
هههههههههههههه هذا الفحص يعني اذا واحد فيه فقر دم مايعرس بوحده فيها فقر دم شو ها عافانا الله ولو الريال يحبها

سلامي عليج
[/GLOW]

والله حبايبي انا خطيبي يوم تقدملي بالاول كانت النظره الشرعيه كانو يبون يتفقون عالمهر والشروط بس انا مارضيت قتلهم ابي الفحص ماقبل الزواج اول وبعدين يصير خير ماتفرق اهم شي الزوج الصالح اذا توفر كل شي يهون عشانه وسوينا الفحص والحمدلله واطلعت النتايج

حبيبتي امووره السالفه مو جذي السالفه سالفة مستقبل فكري بعيالج قبل لاتفكرين بنفسج فلا تكونين انانيه بروحج وبعدين اطييح في راس اعيالج ومالهم ذنب ايون ويتعذبون في الحياه بسبب شنو؟؟؟!!!!! انانيتج واستهزائج والله وانتي وضميرج عاااااااد وهاي شي راجع لج

حبيبتي سوق .. رسالتج واضحه ومالها داعي كل هالعصبيه :)

السلام عليكم بنااات ..

بنات اللي املجوا عليهم في شهر 9 و 10 ... هل سويتوا قبل الملجه فحص طبي ؟!؟ وهل كان الزامي .. يعني القاضي مايملج ابكم الا اذا جبتوا ورقة الفحص الطبي ؟؟


ياريت تعطوني الخبر الاكيد (a)

والله حبيبتي وردة قطر هاذي مو عصبيه بس حبيت افتح اعيون الناس المغمضه بالعكس هاي كلام كل واحد عاجل:21_11:
تقبل مروري