انا موظفه يديده وظيفتي هي موظفة استقبال اريد اكون مميزه في عملي

ما عندي فكرة الغالية

ان شاء الله البنات يساعدونج

الله يوفقج ان شاء الله

مشكوره فدتج علي المرور وينكم بنات

هلا بك أختي

أهم شيء الإبتسامه ما تفارقك...حتى لو كان عندك مشاكل ما تطلعيها على تقاسيم وجهك أبدا...

ثاني شيء صوتك ما يكون عالي...يكون متوسط و يليق بمكانتك...

ثالث شيء مكتبك يكون نظيف و مرتب و منسق...لأنه بيجذب الأنظار لك...و الكل يعرف إنه في مكان راقي...من مكتب الإستقبال...

بالنسبة لنماذج العمل...محتاجة تبحثي في مواقع متخصصة في الإنترنت لهذه المهام المكتبية...دايما إبتكري...و خليهم يشعروا بالفرق...يعني مثلا لو غبتي يوم يقولوا و الله عيون النرجس كانت تقوم بوظيفة رائعة مفتقدينها...

بالنسبة لعلاقتك في العمل...خليكي بشوشه و حلوة المعشر مع كل الناس عندك...و إبتعدي عن الأحزاب و الشلل بشكل نهائي...لا تنقلي كلام من موظف لموظف بأي طريقه...و لا تتكلمي عن أحد في غيابه علشان ما تنصدمي إنه الكلام وصل له...و ما تذمّي أحد حتى لو المدير...و إعرفي كل الكلام اللي تقوليه بيوصل في يوم من الأيام...

و الله يوفقك يا رب

عزيزتي الله يوفقج و يسهل أمورج
أنا مدير مكتب و أحب اذا دخلت المكتب أشوف الإبتسامة مرسومة على وجه موظفة الاستقبال و تكون بشوشة و مكتبها مرتب و نظيف ، و انها تستقبل الناس بتحية حلوة و تعاشر الناس بالزين و ما يكون صوتها عالي و لا خفيف جدا ما ينسمع ، و ما تكون مشغولة بمكالمات كثيرة خاصة عالموبايل أو انها تخلي البعض واقف عند مكتبها و يظلون يسولفون ..

وشوفي الفايلات الموجودة و الأوراق عشان تأخذين فكرة عن الشغل و اسألي اللي معاج بإحترام و بيساعدونج لأنج حلوة معاهم ، و اذا شي استصعب عليج دوري في النت و بتلاقين نماذج كثيرة تفيدج ، وممكن تطلبين دورة قصيرة يبعثونج لها

والله يوفقج

مشكوره اختي مرموم واختي بحرينيه ماقصرتن اذا احد يعرف نماذج مرتبه ومنسقه يفيدنا

[/FONT][/FONT][/COLOR]

[/FONT][/COLOR][/FONT][/COLOR]

L0olo;7364292:

مساء الخير

آنه مو موظفة أستقبال لكن أقدر أفيدج ..

بالنسبة للـ Position الي تشغلينه حالياً فمهامج مقتصرة على التالي :
Manage the reception earea like :

[COLOR=#000000][FONT=Times New Roman][FONT=Palatino Linotype]* Great visitors and determine whether they should be given access to specific individuals..
* responsible to handle customer service line inquiries and transactions effectively
[COLOR=black]*Answering and directing any incoming inquiries like calls & so on..
* Coordinate courier activities (incoming/outgoing)..
* Type a commercial letter in Arabic or english..
* Help the other department if they need any help..

لا تكتفين بالمهام الخاصة فيج حاولي قد ماتقدرين أنج تتعلمين كل شي حواليج حتى لو شي ما يختص بشغلج لأنه رايح يفيدج بالمستقبل ..

حالياً ماعندي اللائحة الي أسويها للـ Stationery لكن إن شاء الله باجر إذا داومت راح أرفقها لج وأي شي تحتاجينه لا تترددين في طلبه راح أعطيج نماذج من الرسائل والميمو الي نسويها تقدرين تستفيدين منها صح أنها مو من مهام موظفة الأستقبال لكن معرفتها وايد مهمة ..

إذا بتسوين طلب للأدوات المكتبية تكتبين Request for Quotation وهي عبارة عن طلب تسعيرة للأدوات الي تبينها وإن شاء الله باجر راح تكون عندج ..

أقتراح بسيط ,, ليش ما يتم عمل قسم خاص بالموظفين يتم طرح فيه جميع الرسائل المستخدمة عشان تعم الفائدة للجميع سواء الموظفين أو العاطلين يتعلمون كل شي وما يتوهقون حزة الحزة ..

أقتراح أتمنى النظر فيه بما أني موظفة وأحتاج وايد لهالأشياء وبالذات إذا ماكان عندي مرجع أرجع له بالشغل ..

تحياتي

[/FONT][/COLOR][/FONT][/COLOR]

مشكوره فدتج جعله الله في ميزان حسناتج انتظر النموذج وفكره حلوه كل وموظف يفيدنا ويعطي مقترحات بحيث كل موظف يكون مميز في عمله

في انتظار النماذج الغاليه بفارغ الصبر