شغالتي الزينة شردت واه منهن

صبورة والحمدلله 06-10-2008 22 رد 1,204 مشاهدة
ص
هلا بنات

صارلي شي اعرف انه مألوف بس مصدومة وايد

شغالتي الهندية من حيدراباد مسيحية شردت من البيت،،،فجأة وبلامقدمات

شغالتي وايد ممتازة حت اليوم ماقدر اعيبها ماخلتنا محتاجين شي واحنا بيتنا غرفتين وصالة وحديقة برة وولد واحد يروح الروضة الصبح وانا وزوجي نداوم بس انا كنت باجازة مرضية والكل من اهلي يحبونها لن حبوبة وهادية وشغولة

يوم 28 رمضان الصبح كالعادة زوجي طلع للدوام و ولدي ماراح الروضة ع اساس انه اخر يوم دوام

وانا تراني مسوية عملية لرجلي فكنت كالعادة ف غرفتي نطالع رسوم انا وولدي ع اللابتوب وهي جات وعطتني الريوق و شالت صحن ولدي وناولتني الدوا وبعدين اشوف سكرت علينا باب الغرفة و افتكرت ان راحت تكمل شغلها و ع الساعة 9 ونص ناديتها ماترد وبعدين قالت هاااا و بعدين انقطع صوتها فقمت وانا اتعور بس قلت اتمشى شوي لين المطبخ واشوف محد دورت كل مكان لين وصلت الشارع بس ماشفتها
من هني تاكدت انها شردت فدخلت وانا ارجف ( اول مرة تصير معي) وقفلت كل البيبان وخذيت ولدي 4سنوات واتصلت ف زوجي واتاكدت ان كبتها مافي شنطة ولا ملابس بس ملابس الشغل القديمة
والحين قدمنا بلاغ واكتشفت انها راحت تشتغل بالساعات بمنطقة ثانية لن معظم صديقاتها مال ساعات
b
موضوعك غريب

ماذا تريدين منا؟؟؟؟؟؟؟؟

الموضوع ليس له مشكله اصلا

لكن ماجعلنى اشارك فيه

ان خادمتك المحبوبه نصرانيه

فكيف تامنين نفسك وولدك وزوجك عليها

اليس هذا غريبا بعض الشئ
h
عادي حبيبتي هالشي هاليومين صار طبيعي ... تخيلي شغاله بيت خالتي هربت عليهم عيني عينك وهم قاعدين فتحت الباب وركضت هههههههههه .. وما قدروا يلحقونها

بس شغالتج يمكن الشيطان وسوس لهاااا وكل واحد فينا يحب الاحسن لاهله وعياله والشغل بالساعات يكسب فلوووس اكثر عن الشغل بالشهر ...

عادي الغاليه .. يمكن انتي انصدمتي لانها اول مره تصير معاج لا اكثر ولا اقل
أ
الله يعينك
ا
هذيالموضه الحين

تعالي قطر وشوفي البلاوي

الله ينتقم منهم

اييونا بشرهم وحقدهم
u
اختي

وانتي وينك عنها لم تطلع بالساعات عشان تخدم ..

وواضح جدا انك تخلينها تحتك مع الخدم برع .. والا شلون عرفت انها تخدم بالساعات .. برع ؟ ومن وصل لها الحجي..!!

اختي الغلط منك .. الخدامه تتمسك لين ما تتمكن .. وهي كانت مامنه انك ما تحاسبينها وماعطتها الخيط والمخيط ..

الله يعوضك خير

أم جنى
l
الله يعوضك خير
ل
حبيبتي هي ما تركت بلدها إلا علشان الفلوس فأكيد المكان اللي حتجيب منه فلوس أكتر حتروحلوا فليش يعني كنت متوقعة تبقى على العيش والملح اللي بينكم وترى حتى لو كانت مسلمة بتسوي نفس الشي ما في فرق علشان كده الواحد لازم يحبسهم طول الوقت وما يخليهم يطلعوا ويراقبهم ويسكر عليهم ترى ما ليهم أمان
ر
أخيتي :

الكثير من الخادمات في الفترة الأخيره قد هربن و سبب هروبهن له أسباب

في نظرهن الشخصية فمنها سوء المعاملة و منها العمل الملقى عليها و منها كما ذكرتِ

أنها تعمل بالساعات لدى أسره أخرى بعد هروبها و هذا ربما بدل أنها كانتِ تتحدث مع صديقاتها

إما بالهاتف أو بالجوال إذا كانت تملكه ...

فثارت لديها الغيره بأن المبلغ بالساعات أعلى من الشهري ...

الحل هو أن تستقدمي خادمة أخرى و ماعليكِ إلا الصبر ..

وفقكم الله .
ص
ماقلت ان كانت تشتغل بالساعات بره وهي ف بيتي،،،بالعكس مثلما قلت مافيه عيب و الكمال لله،، وانا صح اشتغل بس هال3 اشهر اللي طافت كنت ف البيت وهي ماقصرت ولا قصرنا معها بس هي كانت تطلع ف الشهر مرة مع شغالة ابوي ومن هنا تعرفت ع شغالات الساعات ولما شردت سارت تبدأ تشتغل بره بس هما خسرانات لن عندنا عرفو مكانها وقريب يمسكونهم ويقطونهم بالسجن ومن شهر ل 3 اشهر وبعين يلغو تاشيرتهم وع بلادهم

Noor1979;7353188:
اختي

وانتي وينك عنها لم تطلع بالساعات عشان تخدم ..

وواضح جدا انك تخلينها تحتك مع الخدم برع .. والا شلون عرفت انها تخدم بالساعات .. برع ؟ ومن وصل لها الحجي..!!

اختي الغلط منك .. الخدامه تتمسك لين ما تتمكن .. وهي كانت مامنه انك ما تحاسبينها وماعطتها الخيط والمخيط ..

الله يعوضك خير

أم جنى
ص
اش يعني اش اريد منكم ،،ماريد شي انا مجرد عرضت المشكلة للمشاركة وابا اعرف الآراء وليش يعني اذا نصرانية ماتكون زينة انا اعرف كثير مسلمات العن وبالأخص الأندونيسيات و ازيد بعد

وايش اللي غريبة

الله يهدي بناتنا العربيات و الخليجيات المسلمات من بيوت محترمة ياما سرقو ازواج وخربو بيوت وعذبو عيال الزوج وتنصدمي انهم اما تكون صديقة مقربة جدا و ممكن الأخت
بس طبعا مش الكل بس بعض ضعاف النفوس

barby small;7352167:
موضوعك غريب

ماذا تريدين منا؟؟؟؟؟؟؟؟

الموضوع ليس له مشكله اصلا

لكن ماجعلنى اشارك فيه

ان خادمتك المحبوبه نصرانيه

فكيف تامنين نفسك وولدك وزوجك عليها

اليس هذا غريبا بعض الشئ
b
عزيزتى معكى فى كل ماتقولين

لكن ليس معنى ذلك ان نعطيهم الامان

فهم اعداء الله ورسوله

والذين قال الله عزوجل فيهم واذا خلوا عضوا عليكم الانامل من الغيظ

ومع ذلك فانا لااقول لكى ان فعلك حرام لما اتيتى بها

ما اردت قوله هو انك لاتعطينها الامان

لان هؤلاء لاامان لهم

وشكرا
B
لولية;7353562:
حبيبتي هي ما تركت بلدها إلا علشان الفلوس فأكيد المكان اللي حتجيب منه فلوس أكتر حتروحلوا فليش يعني كنت متوقعة تبقى على العيش والملح اللي بينكم وترى حتى لو كانت مسلمة بتسوي نفس الشي ما في فرق علشان كده الواحد لازم يحبسهم طول الوقت وما يخليهم يطلعوا ويراقبهم ويسكر عليهم ترى ما ليهم أمان


احنا مانجيب الخدم عشاان يروحون يشتغلون مكاان ثااني
والمفروووض اذا ماتبيكم تقوووول ... مو تشرد .. وانتي تقولين تركت اهلها عشان الفلوس ... ومو احصل شغله احسن واشرد .. لو كلن يبي الوظيفه الاحسن والمعااش الاكثر .. جان الكل شرد ... وصارت لخبطه .. الساالفه مب لعبه ..

والله يرزقج باللي احسن منهااا ...

على فكره هذي موضه الحييييين شي عااادي ...
s
احلا شي اللي هربت عيني عينك

اشلون ؟؟ ما قدروووا يلحقوها والله حاله

بس مت من الضحك ؛؛؛ عيني عينك
&
هالخدم صارو يهربون على اقل شي
يقصون عليهم يقولون لهم بتحصلون فلوس اكثر ويالله ركيض ورا الفلوس سواء انتي زينة معاهم ولا شينة كلهم نفس الشي
m
خخخخ شغالتنا تكرف فالبيت والبزارين ماشالله تارسين البيت وسنعه تسولف وتظحك معنا ماعمرها اشتكتمع ان البيت عوووود باقي اسبوع وتلروح ماطلع منها ولاشي
u
sulti;7353777:
ماقلت ان كانت تشتغل بالساعات بره وهي ف بيتي،،،بالعكس مثلما قلت مافيه عيب و الكمال لله،، وانا صح اشتغل بس هال3 اشهر اللي طافت كنت ف البيت وهي ماقصرت ولا قصرنا معها بس هي كانت تطلع ف الشهر مرة مع شغالة ابوي ومن هنا تعرفت ع شغالات الساعات ولما شردت سارت تبدأ تشتغل بره بس هما خسرانات لن عندنا عرفو مكانها وقريب يمسكونهم ويقطونهم بالسجن ومن شهر ل 3 اشهر وبعين يلغو تاشيرتهم وع بلادهم


اختي .. ان عرف سبب بطل العجب ..

الخدامه ما تترك بيت صاحبتها الا وريلج على ريلها ..

الله يعوضك
ه
ان شاء الله شر ونزاح عنك الله يعوضك بحسن منها حمدالله انها ماباقت شي او ضرتكم
ص
هيتاف;7393293:
ان شاء الله شر ونزاح عنك الله يعوضك بحسن منها حمدالله انها ماباقت شي او ضرتكم


الحمدلله بالفعل هن شر و ماباقت شي والحين ماابي اي شغالة قاعدة اشتغل ف بيتي واحس اني ارشق ورغم اني مريضة وزين بعد اراعي بيتي وقريب اتقاعد طبيا
للعلم انا زارعة كلى و عندي تاكل ف العظم وومشكورين جميعا ع المشاركات
ص
تصدقون ان شغالتي الشاردة اتصلت اليوم وتصيح وتبي ترجع وتقول انها غبية انها شردت وهي تعبانة برة
فقلنالها تعالي البيت بنشوفلش حل

حسيت ن زجي يفضل نخليها ترا باقيلها 11 شهر وتخلص تاشيرتها بس انا لني مستخيرة ماريدها اللي مرة يشرد مايرد وغير كذا انتظرنا شوي العصر وماجات فطلعنا

فإيش تقولو
X