سؤال عن قياس ملابس المواليد الجدد

أول وحده أرد خخخخخ شوفي الصراحه أنا ما عرف بس أخت زوجي خبره عندها والد وبنت قالت حقي أخذ حق البيبي من شهر لين أربع شهور تلاقينه مكتوب من وراء يعني جيه 4_1

.
.

انا ماعندي فكره بس انتي روحي المحل وسالي اللي تبيع هي بتخبرج وبالتوفيق

.
.
.

اختي يبالج كم بدلة نيو بورن وكم وحدة من 0-3
لانه القياسات الي كتبتيها غريبة ما عرفها

اخذي من النيو بورن مجموعة لاباس فيها , يعني مابين ستة لعشرة
واخذي من 0-3 بعد ستة واخذي من 3-6 ستة

طبعاً هالكمية تكفيش لأربع شهور للطفل قدام

اما اذا تبين تجهزين بس للشهرين الأوليين للطفل

اخذي من النيو بورن ومن 0-3 بس وبعد ماتقومين بالسلامة وتطوفين الأربعين

تشترين الباقي


إن شاءالله قدرت أفيدش

شوفي حبيبتي بتكلم اليج عن تجهيزاتي
اخذت نيو بورن 3 بدلات
ومن 0-3 6 بدلات
ومن 3-6 تقريبا 5 بدلات
ونوعت في منهم الشباح ومنهم الافارول
واخذت 7 قطع تقميط و3 لحافات
وشرابات وملابس داخليه مقاس 0-3 و 3-6


وان شالله تستفيدي

ولا تكثري ملابس لانه البيبي يكبر ماشالله بسرعه
بداية الايام ....

تاخذين لج نيوبـورن شي بسيط يعني حول 10 بدلات

والبـاقي 0-3

هاللي سويته انـا ,,, وان شاء الله الماميز يفيدوونج

اما أنا بالنسبة لي أخذت new born .. ومقاس من 0-3 .. ومقاس من 3-6 ..

وما أتذكر الأعداد لأني أخذت وايد ..

هلا اختييه ...
اخذي اول شي نيو بورن لانج ما تعرفين البيبي كم يكون وزنه
وكم كيلو ... وبعدين خذي من 0-3 ...

بس لا تكثري واايد .. لانه يقولون حجمه يتغير بعد الاربعين ..
وخذي الفوانيل بعد ... يعني اشوي كثري منهن ..

كان ودي افيدك بس انا ام مستقبل فاشله خخخخخخخخخخ

امي الله يطول بعمرها هي اللي جهزت البيبي

بس المقاسات اللي قلتي عليها مرت علي من قبل ومتتازه لاننا محصلنا منها كلها من 0-3

هذي المقاسات روعه لانها بتكون منسابه لفترة الاربعين 0-00-000

وبتكون على حسب وزن الجنين لان بعض المواليد يكونون صغارين مره فيكون مقاس 0-3 كبير عليه

انا المقاس اللي جابته لي ماما مكتوب عليه ون مونث(شهر واحد)

ونتوفيييين مرررررره كنهم حقين العاب خخخخخخخخخخخ

وادخلي على مواضيع البنات في تجهيزات الولاده بتحصلين كل ام منزله صور لتجهيزاتها للبيبي

وخذي فكره عامه

الله يهون عليك وتفرحين بالبيبي

مشكورات حبيباتي على الافادة واسفه على الرد المتاخر
انا تقريبا جهزت الملابس واثر شي اخذت مقاس من 0 الى 3 وان شاءالله اشتري بعد
واشتريت الكار سيت لانه ضروري مايطلعون البيبي الاوهو عنده الكار سيت
وبعد راح اشتري سرير وعربة الطفل
واشتري مناشف وشيت سيت للسرير وبطانه وقماط لنوم في اشياء عدنا حلوه
انا مااريد اكثر بس من اشوف الملابس او الاغراض انجن واروح اشتري
المشكله ان ولادتي تكون نهاية الصيف عدنا مدري شاخذ صيفي لو شتوي
انا اخذت النوعيه الي تكون فانيله وبكم حتى لايبرد
شنو في بعد