يوم الشوووووووووووفة

مواقفكم طبييعه يااااا بنات بس انا بالنسبه لي عاااااادي
الووضع لانى شفت اكثر اللى تقدموا لى كنت اجلس معاهم
واشوف طريقه كلامه يعني تقدرون تقولون ما صرت اخااااااف
وارتبك بالعكس يمكن لانى احس نفسي في بيتنا ما حس
بالخوف وطبيعي وانا يمكن لاني بالدارسه كان خلط ماحس بشي
واحد بس شوي ارتبكت منه بس للحين
ماجلين السالفه والسبب لانه ابوه مريض دعواتكم لي بالتيسير ان شاء الله
مع ان تقدموا لى عقب كذا واحد بس مادري الوحيد اللى ارتحت له
دعواتكم قبل نهايه السنه انخطب

يا اختي ممكن اعرف كيف سرقتي المعرف الخاص بي؟؟ كلمة السر؟؟؟

شكراً على الموظوع..

أما عنّي أنا.. ياني أبويه قبل يوم من يوم الشوفه وقال لي أنه في ناس بيون و يبون يشوفونج.. أنا من خبروني جاستني رعبه.. و حسيت بشعور غريب فيه من الخوف و الفرح و الربكه.. كنت أرتجف و كنت أبتسم وفجأه أسرح.. و ما ياني رقاد أبداً .. و اليوم الثاني طلعت مع صديقتي نتشرى ثياب يديده لكن ما كان لي أي مزااااج وكنت معاها و مب معاها.. و يوم رجعت البيت قمت " أرجِع" من كثر الربكه... و يوم رحت و قعدت معا أمه و خواته حسيت بالحر الشدييييييد مع أنه كان الجوّ بارد!!! حسيت ريجي نشف حتى لو ما تكلمت وايد .. المهم حتى قبل ما أقعد معاه رحت داخل شربت ماي و رجعت .. مع أنهم كانوا وايد طيبين و حبوبين لكن كنت أرجف و حفظت الزخرفه اللي على الأرض! .. والله صابني جفاف لمدة أسبوعين من بعد الشوفه رغم أني سافرت لمكان بارد وااايد بعدها بيومين على طول!

الحمد لله أزمة و عدّت .. لوووول.. كل ما أذكر هاك اليوم أظحك على نفسي و رعبتي اللي ما كان لها لزوم أبداً.. و ترى مب بس أنا كنت مرتبكه.. حتى هو كان شكله يظحك وهو مستحي :tongue:

بعدني مانخطبت :'( الله يوفق الجميع

طبعا في البداية لازم في ارتباك وخوف وخجل ومشاعر مختلطة
بس بعدين يهدأ الوضع ويصير طبيعي مع بعض الخجل طبعا

ولازم الوحدة ما تتأزم كلش لانه مسالة مستقبل وحياة يعني لازم تشوف هالانسان عدل من خلال كلامه واسلوبه وتصرفاته واخلاقه

و عليكم السلام و رحمة الله و بركاته
أهلين امممم .......... أني ما جربت بس أتخيل إني قبل ما أدخل بموت من الخوف ........ أما بعدين مادري
شكراً

هههههههههههههههه

انا قبل الشوفه بدقايق كنت عادي ماحسيت بخوف ولاخجل وكنت مستعجله علي الشوفه << مسويه قوووويه وجريئه

المهم المفروض اني ادخل اسلم واطلع اجيب العصير واقدمه لهم واجلس معه
انا اول ماحطيت رجلي بالغرفه وشفته قامت رجولي تتصافق ولا سلمت جلست علي اول كنب لان حسيت رجولي ماصارت تشيلي من الخجل<< وين راحت الجرئه ههههههه
سالني كيف حالك يافلانه ماقدرت ارد عليه قامت خالتي قالتلي هاتي العصير طلعت ومادخلت مره ثانيه الا بالقوه وبعد ماطلعت روح خالاتي المهم وانا ماشي بالصينيه ويديني ترتجف خفت اني اكب العصير عليه بس الحمدالله تمت عمليه تسليم العصير بنجاح ههههههههههههه
وجلست وطول الوقت وانا منزله راسي في الارض وامه تقولي ناظري فيه طيب ابتسمي وانا ولا كاني اسمع شوي ماحسيت الا عيوني تدمع باصيح من الخجل قام هو حس واستاذن .


والحمدالله ملك علي وبعد الملكه يقولي انه خاف علي اطيح ولا يصير فيني شي من كثر ماني خايفه عشان كذا ماطول فديته خايف علي وه بث خخخخخخخخ

وبث

ههههههههههههههههههه اما مواقفكم تضحك

بس صج شعور خجل وربكه وخوف وكل شي في هاليوم هههههه

انه جربت مره هالشعور بس ما صار نصيب مادري ما ارتحتله وما وافقت

بس يومها كنت مرتبكه وخايفه

ويوم قرب الوقت وصار وقت يجوفني دشيت انه مع خالتى الى كان الاخ قاعد مع اخته ومن اول ما جافنى انه قعدت عالكرسي قام من كرسيه وقعد مقابلنى وحزتهاااااا كنت اطالع الارض بدال من اناظره ههههههههههههه حتى صار يقولي اشفيها الارض تناظرين فيها ههههههه

بس كنت خايفه ومرتبكه ومستحيه وهو كان يناظرنى ويبتسم هههههههههههههههه اصلا من المستحى ما قدرت اسئله ولا سؤال هههه بس كم شغله عني بختصار مادري بعدها ما ارتحت ورفضت

بالتوفيق لك وللجميع

انا الان متزوجة
بس يوم الشوفة بس كنت احسبالم فظيييييع في بطني ههههه طبعا من القلق
وكان اصعب موقف انا اخجل وهو كمان
بس بعدين كتيييير ارتاحيت والحمد لله سعيييييدة


يسلمووووووووووووووووووووو

لسا ما مريت بمثل هالمواقف ادعولي انخطب و أقولكم

الله يوفج الجميع

يحليلكم يا ربنات سوالفكم تضحك خخخخخخ


انا اول ماقالو بيشوفني قلت لهم انا بكون قاعدة واهوا الى يدخل علي وفعلا امة وخالته كانو موجودين وانا دخلت وسلمت على خالته ونسيت امه ههههههههههههههههه وقعدت وبعدها دخل علينا وسلم قمة الاحراااااااااااااااااااااااااااااااج الى لفت نظري جوتية( الجزمة) كان مو مسكرها ناسي الاخ وقالي اشلونج وشلون الدراسة وانا اهز براسي بس صار فيني شد عضلي برقبتي من الاحراج خخخخخخ ماتسوي علي شوفة



واخر شي قلتله ليه مو مسكر الجوتي خخخخخخخ صج ما استحي عاد هو اانحرج مووووت وقال الى يشوفج يقدر يسكر شي يؤؤؤ مايستحي الاخ بس حبيته من اول نظرة واهوا بعد الله يتمم علينا والحين صارلنا 9 سنوات متزوجين :)

انا بصراحه كنت قبل الشوفه مرررررررره خايفه واقول لا لا مابي اتزوج امي قالت لي بس شوفيه يمكن تغيري رايك وكنت مره خايفه ومرتبكه ونفسي ابكي بس مابكيت الا بعد ماخرجت اما قبل مادخل مارضيت ادخل واقفه جنب الباب قامت اخته سحبتني ودخلتني وجلست في كنبه بعيده وعاد هو ماصدق جلس يطالع لمن خرجت عيونه انا ماقدرت اطالع جلست عيوني في الارض جلست 3 دقايق بالضبط ولارديت عليه بعدين خرجت والحمدلله صار النصيب ووافقت عليه ولبسوني الشبكه واتزوجنا بس والله يوم ماننساه ابد حتى هو دايم يقولي البسي اللبس اللي لبستيه يوم الشوفه ويقول انه عمره ماينسى شكلي بذاك اليوم. الحين لينا سنه ونص متزوجين. الموضوع جدا رائع والله يوفقك حبيبتي وتمري بهذا الموقف مع نصيبك يارب .

مشكوره اختي على الموضوع الجميل والحماااااااااااااااس من قلب


انا الصراحه هالموقف احس مستحيل ننساه انا وهو طول عمرنا بالبدايه اهله كانووو موجودين ودخلت بالغصب عليهم كنت مره مستحيه واحسه موقف كريه اني اجي للناس عشان يشوفوني المهم دخلت سلمت عليهم وقعدت يم امه وانا مادري انها امه المهم قالوو بيدخل انا تغيرت الواني وحسيت اني لازم اطلع طلعت بسرعه قلت لامي خلاص خلاص مابي اشوفه حاولو معاي قتلهم لا جات خالته قالت تعالي المهم دخلت 10 دقايق اهو يشوفني وانا مادري عنه ولاشفته الا جوتيه المهم طلعوو وقلت لامي خله يجي بعد بكره اشوفه عدل هههههههههه وجاني مره ثانيه اهو وامه وشفته عدل وارتحت والحمدلله ربي يسر امورنا ووفق بينا وعقبال كل البنات يااااااااااارب

أنا لسه ما مريت بهذه التجربة الأليمة لوووووووووووووول
اللي يجوني أرفضهم قبل لا أشوفهم

إن شاء الله ربي يرزقني و إياكم بالزوج الصالح الورع التقي
قولوا آمين

ههههههههههههه

الموضوع جنان بس ضروري الشوفه>>>توني بنوته:)

بقولكم موقف خالي خخخ

خالي من النوع الجرئ والمحرج وماعنده يمه ارحميني

لما جا يوم شوفته لخطيبته

ابوها الله يصلحه كل شوي يقول لخالي شوفها زين

طالعها

ترى موب بكرة ترجع تقول ماشفتها ترى مافيه الاهالمرة >>> حشى فلم موب مرة هههههههه

خالي طبعا من كثر ماتكلم ابوها يقول حسيت عرقي يصب من الخجل

وماعاد قدرت اطالع فيها

لأني احسها هي صاحت وغرقت بدموعها من الخجل ههههه

طبعا هي زوجته من كم سنة الظاهر انه رحمها ورحمته من هالشايب العجيب خخخ

الله يوفقنا جميع

وبرزقنا اللي فيه الخير:)

بالتوفيق

آنا بصراحة مااكنت متوترة توترت بعد النظرة انتظر الرد لكن حسبي الله ونعم الوكيل ..

[GLOW="CC0033"]
انا قبل شوفتي كنت خايفه ومتوتره وكنت افكر وفي وقت الشوفه صح كنت خايفه بس في نفس الوقت كان فيه ضحك ليه ماادري وهو اللي كان مستحي اكتر مني وبس والحمدلله ماصار نصيب والله يعوضني بلحسن منو قولو اميييييييييييييين ويسلمو ع الموضوع حياتي.....
[/GLOW]