تبين تضعفين... خلي يدج بيدي

حبيت اكون راابطه جديده ... الي بتدخل معاي والي ما بتدخل اقترحو علي اسم رابطه
ندخل بالموضوع

لمتى يا بنااات واحنا نقوول باجر نبتدي بالرجيم باجر .. الشهر الجاي
من نشووف الاكل ننقض عليه ونخلي شهيتنا هي الي تقاوومنا :sm215:
ولا ونقول لمن يجي العيد نبي يكون جسمنا جذي وجذي
انزين اذا احنا ما نلتزم اشلون بصير جسمنا مثل ما نبي

عااااد انه قررت قرار خطير>>>> حلووة منج :21_86:
ان خلاص مالي الا التزم بالرجيم وما امنع نفسي اني احققه

تدرون الي صاار ورفع المعنويات لي فووق وخلاني اصر اكثر
عبااااااااااااتي:UP202:
والله زعلااانه وبنفس الوقت هيا الداافع
سويت عباتي للعيد ويا فرحه ما تمت صارت شوه ضيقه
عاد انه نو وي البسها ضيقه .. حتى وريتها لابو الشباب وانتبه>> بالعاده ما ينتبه بسرعه
وقلت لا خلاص ما رااح البسها الا لين اضعف
مع ان قالت لي الوالده وديها يبيعونها لج قلت نوووو وييييي
بضعف وبلبسهاااا

عااد باااجر لي طلعه مع الاغراااض الي لازم اشتريها لرجيمي وانه الحين بكتب اللسته
((رووب قليل الدسم ,, وخياار)) >>> ولو ان الخيار متوفر بس بعد زياده الخير خيرين

للشوربه الي تحرق الدهون الي هي المقادير الاتيه
المقادير ..

6 بصل اخضر ( إذا لم يتواجد فيمكن استخدام البصل العادي(
2 فلفل أخضر
علبه أو علبتين من معجون الطماطم
حزمة كرفس أو بقدونس أو كزبره
حبه كبيره من الملفوف
كيس من أكياس شوربة البصل (ماجي أو ليبتون)
باللأضافه إلى الملح و الفلفل و البهارات حسب الرغبة

بس ما بشتريها بالضبط ... يعني ليش 6 بصل بنموت
انا بسويها على كيفي وبنشوووف
بشتري(( بصل)) بس بضيف للشوربه 3 وحدات ولو اني احسها وايد بس ما عليه

((وفلفل اخضر)) >> نو بربلم بما اني احبه عادي بحط ثنيتين >>> خخ مزاجيه
((معجون طماط )) ولو ان عندي بس بعد بشتريه
((بقدونس)) بما اني اعرفه
((ملفوف )) >>> ياااه ذكرت مكرونه الجاينيز >> صج متفرغه توها ريجيم
وبشتري ((شوربه)) مو بصل بشوف لي وحده ثانيه ما عجبتني البصل ذي
بااجر بقرر وبقول لكم
والبهارت كلها متوفره
>>> لا تلومونها مو متوفر عندها وايد اغراض<<<
>>> لانها تاكل مع بيت عمها <<<

اي وبشتري ((زنجبيل)) علشان الخلطه هذي
_____ خلطة عارضات الازياء لجسم رشيق

والخلطة هي ملعقتين قهوة ملعقة زنجبيل ماء ساخن
بتخلطي القهوة و الزنجبيل معا ثم تضيفين القليل من الماء الساخن حتى تصبح عجينة لا هي متماسكة كتير ولا هي رخوة وسط يعني وتضعيها على المكان المراد تنحيفه و تفركي عشر دقائق بشكل دائري بس نسيت اقلكم لازم تعمليها و انتي بتستحمي قبل ما تحطي الخلطة على المكان
لازم تغسليه بماء ساخن و على فكرة انا جربتها وحصلت على نتيجة حلوة و هاي الخلطة مرة في الاسبوع وهذي تصلح للارداف و الافخاد والاوراك و البطن و الخصر و الايدي من الاعلى

هذي سرقتها من المنتدى بعد ... سندريلا البحر اخذتها من عندها
عجبتني اكثر لانها مره بالسبوع عاد انه بحطها ثلاث مرات
زياده الخير خيرين

وبما ان عندي(( قهوة)) >>> لا حتى و عندي بشتري يقولون عادي النسكاافيه فبشتري نسكافيه صغير

اووكي الحين نجي لعصير الحارق للدهون
بشتري(( 2 اناناسات)) ويااااا ربي القاااا ولا راح اتوهق
((كيلو كيوي )) لانه لازم نضيف حبتين لكاس العصير الواحد
((ليمون)) عندي ليمون كبير بس باخذ بتاع العصير الي يجي صغير

وبشوف الفواكه وبشتري شوي منهم


وعندي شاي اخضر
يعني لازم اشتري ((نعناع )) لانه يحليه لما نشربه بدون سكر
وياا رب باجر نبتدي بداايه موفقه


والي معاااي بالريجيم خلنا نتااابع بعض علشاان التشجييع الحلووو
ترااا عندي مواضيع وايد مجمعتهم علشان تخفيف الوزن
وراح نشووف مع بعض

ترى ما خلصت
راح اكمل موضوعي بعد شوي:tv_horror: