الله يخليكم يا خواتي ساعدوني

لا تحاتين الغالية اكيد من الضغوطات اللي اتمرين فيها
سيري الصيدلية وقولي له عطني فيتامينات لتقويه الذاكره..اظن فيتامين E
واكلي مشمش واايد
مااتشوفين شر

انتي نفسي انا انسى وااايد

و اعتقد ان سبب النسياان ان في وايد امور تصير
وظغوطات نفسيه
ومشاغل
ومشاكل

وصار الانسان يمر بـ اشيا واااااايد تخليه ينسى الاشيا اللي سواها
فـ هذا شي طبيعي
بس انتي حاولي اتسوين اشيااء اتساعد على تقوية الذاكره او تقرين كتاب عن طريقة تقوية الذاكره

يارب ان ذاكرتج تصير قويه وذااكرتي معااج :)

أختى الحبيبة ممكن أعرف عمرك لمعرفة الحالة لآن مرض النسيان فيه عدة مراحل ويتطور ممكن ترد عليا على الخاص سوف أنصحك انشاء بتمرين لتقوية الذاكرة وأعشاب الطبيبة
ألبسك الله ثوب العافية

الاحسن تروحى لدكتور

وفى كبسولات كتير فى الصيدلية بتكون لتقوية الذاكرة والقوة العقلية

شوفي حبيبتي
في اكلات تقوي الذاكره
يوميا على الريق اكلي سبع زبيبات ((عنب مجفف))
وكثري من اكل السمك والروبيان لانه يقوي الذاكره
وخففي من الاجبان والمشتقات الحليب لانه تبلد الذاكره
الله يشفيك
تحياتي

اختي علك اللبان المر نقعيه بمويه وشربيه كل يوم مو شرط على الريق......

والله انا الفتره

بس انسى لانو عندي ضغوط

والفتره الي اكون مرتاحه فيها ذاكرتي ترجع طبيعيه

فتره وتعدي ان شاء الله

والله ما عندي فكره ابداااا اتمنى حد من الاخوان يفيدج.

أول شي اتركي المعاصي هذي وصفة مجربة و لا تقدر بثمن ..

ثانيا المخ عضلة مثله مثل أي عضله في الجسم يحتاج تدريب عشان يقوى .. احفظي طالعي ذاكري و ستشعرين بتحسن .. أفضل ما عرفت لتقوية الذاكرة هو حفظ القرآن الكريم

ثالثا لا تتناولي المأكولات الحمضية .. هي عدوة الدماغ الأولى .. لا تاكلي سكر و لا أي شي يحتوي عليها مثل الحلويات المياه الغازية و ما شابه .. أيضا المواد الحيوانية .. و بشكل عام قللي أكلك

دخلي في أكلك تناول الحبوب الكامله غير المقشورة و الخضروات و البقول .. و ياليت لو تقدري تقتصري عليهم .. ستندهشين من صفاء الذهن الذي ستحصلين عليه باذن الله ..

[GLOW="FFFF66"]
ماشاءالله الخوات ماقصرو
حتى انا مرات انسي واعتقد السبب المشاكل والضغوطات
[/GLOW]

حبيبتي والله اني نفس حالتج وكله مفهيه

من كان عمري 19 لين الحين وصلت 21

صرت نسايه من قلب

وما اذكر الشي الا بطلعت الرووووح

واهلي ينرفع ضغطهم مني هههههههههه

مين منا ما ينسى؟؟؟

شوفوا أنا نساية وجربت كل سوالف الأكل وزبييب وعن السمج آنه وحده أموت في السمج بس مو نافع معاي هههههههه

فسويت طريقتي اللي فادتني وااااايد

كلنا عندنه تلفونات، المواعيد والأعياد والزواجات وكل شي له علاقة بموعد معين أسجله في التلفون وأخليله مؤقت عشان يذكرني قبل بوقت.

أما الشغلات الثانية مثل عنوان مكان، شي مهم، تفاصيل هدية باخذها لأحد هذي كله أسجله في دفتر صغير، لأن دايما يكون عندي دفتر في شنطتي مع قلم.

وبما اني موظفة وضروري أعرف المواعيد وتفاصيل وايد للشغل فقمت أسجل كل شي أسويه وتاريخه في برنامج الوورد عشان لما أحد يسألني عن شي أو يتهمني بشي يكون عندي الدليل وبالتاريخ ههههههه وأصيدهم قبل ما يصيدوني.

اللي أحب أقوله أن الكل ينسى لكن في أشياء وايد تخليج تتذكرين شي، مثلا لما تتعرفين على شخص وتبغين تذكرين إسمه أو تبغين تحفظين رقم لا إتكررينه في بالج بس، لكن خلي أفكارج بصوت يعني قولي إسم الشخص كأنج تسمعينه لنفسج أو الرقم بنفس الطريقة.

ولازم تعرفين أنتي ذاكرتج من أي نوع هل أنت شخص بصري أو سمعي.
لأن الشخص البصري يتذكر الأشياء اللي شافها أكثر وضوح.
والشخص السمعي يتذكر الأشياء اللي سمعها أكثر وضوح.

وإذا عرفتي نفسج بتعرفين أشلون اتعبين الجانب الناقص من ذاكرتج.
مثال::
أنا شخص بصري واللي أشوفه هو اللي أذكره لكن اللي أسمعه مو كله أذكره وهذي سبب لي مشكله، ولا بد من أن كل مشكله لها حل فسويت الخطوات اللي ذكرتها فوق إني أسجل معظم الأشياء، بس ديري بالج اتسجلين أشياء سرية على الورق وبعدين اتطيح في يدين العدو. (تراني ذكرتج) يعني إحتفظي بأشياء عامة ومهمة لج أو لغيرج.

مريــم نور;7358450:
أول شي اتركي المعاصي هذي وصفة مجربة و لا تقدر بثمن ..

ثانيا المخ عضلة مثله مثل أي عضله في الجسم يحتاج تدريب عشان يقوى .. احفظي طالعي ذاكري و ستشعرين بتحسن .. أفضل ما عرفت لتقوية الذاكرة هو حفظ القرآن الكريم

ثالثا لا تتناولي المأكولات الحمضية .. هي عدوة الدماغ الأولى .. لا تاكلي سكر و لا أي شي يحتوي عليها مثل الحلويات المياه الغازية و ما شابه .. أيضا المواد الحيوانية .. و بشكل عام قللي أكلك

دخلي في أكلك تناول الحبوب الكامله غير المقشورة و الخضروات و البقول .. و ياليت لو تقدري تقتصري عليهم .. ستندهشين من صفاء الذهن الذي ستحصلين عليه باذن الله ..

أختي الفاضلة أنا الحمدلله إنسانة دينة وأخاف الله، والله باعدني عن المعاصي، ومداومة على قراءة القرآن الكريم ولله الحمد بس هذا النسيان ملعوزني واااااااااايد، والله كريم......
يمكن نقص غذاء لأني ما أهتم بأكلي الصحي أبد...

أشكر كل أخت فاضلة ردت علي وأفادتني والله يجعله في ميزان حسناتكم يارب العالمين.....

والله ياحبيبتي مو انتي لحالك تنسين انا صايره الخبط ب:21_162::sm215:ين الحلم والواقع ما ادري الي قلته هو

في الحلم او في الواقع لاكن نصحوني بالزعتر كثري منه

-
حبوبه حاولي تاكلين من هالأكلات أكثر لان مفيد حق الذاكره
طماط-ربيان-بروكلي-افاكادو-تفاح-صفار البيض
طماط والربيان ---- يحتوي علي ماده انتي اوكسيدان-سلينوم- ليكوبن اللي يساعدون في تنشيط الذاكره