يوميات خاطبة نتية جدا

قصتك شوقتنى انى اكملها مين ابو الحسن وايه علاقتك بيه؟؟؟؟؟؟؟؟؟

انتظر الباقى

(2)

ليه بس المقالب دي انا زي مامتكم

بردو ومين عارف يمكن حد فيكم يدبس ع ايدي وساعتها مش حعتقه

ونرجع نقول ياريت اللي جري ما كان طبعا في سركم كده الكلمة دي دايما بيقولها الرجالة

البنات ما بتصدق تقبض ع الراجل من هنا وتقول الكلمة الشهيرة عريس يا بوي طخه ومتعورهوش ياستي يعوره ولا يعوره ( يخليه بعين واحدة) خلينا نخلص

طيب طيب طيب حسكت لحسن ولادي الشباب دايما بيقولو اني بتحامل عليهم معلش زي والدتكم استحمولوني

نيجي بقي لموضوع ابو الحسن وحكايته معايا


كان فيه مسلسل زمان كده اسمه حديث الصباح والمساء كان فيه المدعوة عبله كامل عليها عفريت اسمه ابو الحسن اهو هو: ده علشان انا كل حاجة بعرفها واجي اكمل الموضوع اكني كنت قاعدة في وسطهم

اصحابي كانو يبقو قاعدين في النادي قاعدية نماية وجايبين في سيرتي ولا بيسوسو في حاجة حيعملوها اجاي انا ورفيق الدرب ابو الحسن اكلمهم في الموضوع اكني كنت معاهم يبصو لبعض ويزبهلو

الاول كان بيفكروني بعرف وبستهبل بعد كده ابتدو يكتشفو انها جت قدرا وسبحان الله محدش كان بيفلت من تحت ايدي اللي بيكذبو بس تلاقيني سبت كل المواضيع وممسكش غير في الكدباية واكني خلقت بمضاد للكذب

وابتدي المشوار وطبعا زي ما قلت مش قريتو غلط النوادي انا فعلا كنت بتردد ع النوادي كانت قعدتي كلها فيها معرفش الكفيهات والكلام ده هو النادي وبس وكنت بلعب لعبه جماعيه كنت مدمناه
يعني مذاكرة ولعب وقعاد تحت شجرة معينة اقي كله هناك لانه كان جنب البيت وطبعا كان فيه حورات حكايات زي كل النوادي

و كان ليا اصحاب زي الرز كده معرفش ازاي بس كان ليا كتير بس ماكنتش بندمج معاهم طبيعتي بنت مستولدة معاهم ماكنتش ماشية بذات بقي

ماشاء الله كل بنتين ماسكين في خناق بعض لييييييييييييييييييييه عيزاكم تحذرو بقي ما انتم لازم تشتغلو شوية امال حقولكم كل المعلومات جاهزة كده


ها مين قال ................. البنات عايزة ايه

البنات عايزة الحرق

مش كلهم ولكن معظمهم وده اللي حقوله لكم المرة الجاية

انا ماشية وبطلو بقي التلزيق ده بحر بسرعه

خلاص مش تعيطو عارفة انكم بتحبو تنت الخاطبة وعيزنها تحكلكم ولكن دي اوامر عليا

الصبر ماهو بقي جزء منا

(3)

وبمناسبة الصبر مرة و احد ميكانيكي علق لوحة بتقول الصبر مفتاح 17

وبعد ماصبرتو حقولكم

كل بنتين ياحلوين كانو بيتخانقو ع ولد حرب علشان واحد ميسواش وياريته بيحب حد فيهم الا انه مش في باله وبيحب واحدة تانية خالص

ياماشاء الله وانا بقي كنت مستودع الاسرار كنت اعرف دبة النملة فقلت من الاول كده خليني مسترجلة علشان محدش دماغه تلعب بيه

لا والظروف خدمتي خدمة عمري كان فيه ولد قل عقله مرة وكلمني بس كان مؤدب وعمره ما كلم بنت فاللي عملته اني سبته ومشيت قعد في بيتهم 3 ايام مشش بيكلم حد

ده اللي عرفته بعدها بسنين وده اللي خلي الشباب انقسم قسمين قسم بيخاف يمشي من قدامي لانهم توقعو اني قلت له حاجة جامده اوي خليته تقوقع في بيتهم

وجزء تاني ده ححكيه لكم بعدين

طبعا موضوع البنات وخنقاتهم ع الشباب وحب البنات كان عاملي مشكلة لاني دايما كنت بين اتنين وكل واحدة متخيلة اني عيزاه ياخد التانية وانا اساسا بهزق فيهم هما الاتنين

في بنات حلوات ماكنش عجبهم اني بقولهم بلالالاش ولسه بدري عيزين جنازة ويفضحو البنات انها بتحب فلان ولا ماشية مع علان

اللي بجد كانت تحفة بنت صحبتي دي كانت غلبانة كانت بتحب ع نفسها كل ما تشوف ولد تحبه اه و الله عايزة اقولكم انها في فترة 3 سنين الثانوية العامة حبتلها قد 7 ولاد

وكل واحد تتخيل انه بيحبها وكانت حتقع في مصايب لكن الحمد لله

دي كانت حكايتها حكاية انها كانت البنت الوسطي في اخواتها وكانت مهملة من الاب والام ومافيش عطف مافيش ام بتسمع ولا اب يطبطب فكانت بطلع الكبت العاطفي في احلام البنات

وطبعا دي رسالة لكل اب وام لان احتوائكم لاطفالكم بذات في سن ا لمراهقة مهم جدا وبينقذو من الوقوع في مشاكل كتير

لحد ما ربنا نتعها بالسلامة و واحد عبرها وقالها انا بحبك وعايز ارتبط بيكي ساعتها نسيت كل شئ ههههههههههه حتي انا ونصحتها كتير اوي ان لسه مش اوانه لكن هي دماغها ان هي دي الحياه

للعلم هي اتجوزته دلوقتي وحياتها معاه جحيم يكفي اقولكم كم المشاكل وانه تزوج عرفي من اول سنة وانه بيعاملها ع انها اقل منه مع انها اعلي منه في التعليم

ربنا يهدي سرهم

لكن اول ما ارتبطت قالت لي جمله غريبة اوووي قالت لي الروووس اتساوت انا كنت بغير منك زمان لكن دلوقتي خلاص جبت اعلي منك بالثانوية العامة وارتبطت

انا بصيت لها وسكت لاني مش توقعت انها تقول شئ زي ده ولكنها قالته

وللعلم مش دي الشخصية الوحيدة اللي مرت عليا وشغلها و همها في الدنيا انها ترتبط لالالالا

كتير اوي من البنات كده بس كل بنت ولها طريقتها في انها توقع الشاب

عموما كله حيتقال وحنشوف كل واحدة وصلت لايه وايه اللي حصل لها بعد كل اللي عملته

هاااااااا وبعدين كملي يا ستي

اديني حكمل عيني حببتي

(5)

ومازلنا مع حب البنات وابرز الحالات اللي مرت علينا واللي حسه انكم ممكن تستفادو منها في حياتكم

بس اهم شئ مش نمر مرور الكرام ع كل حالة صدقوني يابنات حتستفادو كتير حاولي تشوفي الجزء الغلط اللي فيكي وتتعلمي لحياة زوجية افضل

نعم اخواتي ليكن شعارنا هنا نحو حياة زوجية افضل

وليكن شعاري انا ليكي يا سيدتي الراجل متقطع مع الطماطم والخيار
واللي متحبش الخيار متزعلش ممكن اغيرلها احنا نحب نريحو الزبون

حد قال نغيير هعهعهعهع


المهم بقي كل ده والبنات لسه بتتخانق والشباب بيستهبل وزي ماقلنا دول مش الكل انا هنا بنقض الجزء الغلط وكنت مبقوقة منه اديني بطلع غيظي

يمكن ضغط عمكو ابو الحسن يتظبط الراجل خلاص قريب يهيس من عمايل الناس فيه


وفي الجامعه وياحلاوة الحب ياحلالالالالالالالاة والاقي كل اتنين جنب بعض واللي راح جامعه عين شمس حيلاقي كل اتنين قاعدين في حتة معينة كده معروفة بانها بتاعة الحبيبة

بس كان فيه اتنين مميزين بالنسبة ليا اوي بذات في الشتا كنت الاقيه قالع الجاكيت ومخليها لابساه ولما الدني تكون حر شوية الاقيها قاعدة عليه

مش فاهمة ايه الحكمة بس ماعلينا مش عايزة احكي لحسن كل واحدة من البنات الحلوين تروح تقول لجوزها اقلع الجاكيت وتجري تقعد ع سلم بيتهم وتجيبه من قفاه يقعد جنباه

ساعتها حيشك في قواها العقليه

كانت من الحاجات اللي لافتة نظري في الكلية وصراحة وشهادة حق مش شوفتها في النادي كل ما ادخل الحمام الاقي البنات بيخمسو في سيجارة

لا ومرة سمعت بنت بتقول ايه ده روحتي معاه البيت بسرعه كده قالتها لا ع مين ولا قدر يمس شعرة مني


انتي متعرفنيش هيهيههييهههي وضحكو ضحكة رقيعه

صراحة ادب واخلاق مافيش بعد كده

ولا الاجمل كل واحدة نازلة من بيتها بشكل وتدخل حمام الجامعه تطلع بشكل آخر وكأن الحمام بوابة سحرية تدخل بوصة تطلع عروسة حلاوة

وشباب يتفرج وفي شباب ياخد العروسة لفة مش لازم الاخ يستفاد ويحكي التجارب العظيم له اخر النهار ع كهوة الصياعيين ( ع وزن كهوة المصريين في فيلم معرفش مين )

وخدو عندكم بقي ياماشاء الله كل واحدة من صحباتي كانت مرتبته بشاب من الصياعيين دول ويقعد ع الكهوة وكل و احد علشان يثبت انه الواد المخلص يجي يخبث لها ع زمايله الوحشيين اللي بيعرفو بنات وهو المخلص الوحيد اللي من النادي للجامعه للبيت للكهوة


ويرجع بيتهم قبل الفجر لان فيه شباب وحش بيتصرمح لبعد الفجر مؤدب ياخويا

وطبعا علشان يرضي الهانم يقعد يحب فيها لحد الفجر لحد ما ماما اللي بتداري ع الحلوة الغندورة تقولها قومي يابت ابوكي حيصحي يصلي الفجر

ونعم الابهات والامهات والله


طبعا بقي تنتكم الخاطبة كل واحدة تقولها الاسرار كنت عارفة بلاويهم كلهم وكل واحدة تقولي شايفة بيحبني بيموت فيا اقولها ايوة ياااااااختي ع يدي ( بيني وبين نفسي )

تقولي لو عرفتي حاجة كده ولاكده عنه قوليلي( ان شاء الله ياخالتي )

ما انا وصلت لدرجة السكوت لاني نصحت كتير وهزأت كتير مافيش فايدة كل واحدة متخيله انها لو مش ربطتت ع راجل من دلوقتي يبقي خلاص

وترجع تقول فات قطار العمر ياولدي

من وسط كل دول بقي وناخد مثال عن الشباب المسطهطر والجزء التاني اللي مش حكيت عنه

وده غير الشاب اللي عليه العين هو عليه العين بردو بس عايز فقع عينه الاتنين

ده بقي من نوعية الشباب ( فاكرين لما قلت لكم الشباب انقسمو اتنين جزء بقي يخاف يمشي من قدامي وجزء ححكي لكم عليه بعدين )

اهو هو ده بقلة ادبه بسفالته

نكمل المرة الجاية لحسن افتكرت ودمي اتحرق وعايزة اكتب بروااقة

طيب يا خالتي مستنينك

بتكلمني وحش

طبعا الشباب مع بعض عادي ايه المشكلة لما اصحاب واحد يعرف بنات مش قضيتي البنت هي اللي عملت في نفسها كده

طبعا مش اقدر افسر لاخويا لسبب ان ممكن تحصل مشكلة كبيرة كمان انا كنت عارفة اني الوحيدة اللي اقدر اوقفه عند حده

ساق عليا طوب الارض من البنات علشان نخرج حتي لو في جماعه واصراره كان بيزيدني عند ع عندي

وربنا يعلم كنت كل بنت اعرف انه عرفها كنت انصحها وهما ولا هما هنا كل يوم دخل النادي الا و في ايديه بنت حتي مسبش

اخت اعز صديق ليه فضل يحوم عليها لحد ماخرجت وبعدين يقول مقدرش اتجوزها و أمنها ع بيتي ( هو اللي زيك من اللي عمله في بنات الناس حيشوف بيوت)

كان مسمي نفسه الباشا ( الباشا معناها جزمة الخديوي بالتركي ) فكنت عارفة المعني وفرحانة بيه لانه لايرتقي انه يكون اعلي من الجزمة

عارفين مرة كنا في فرح صديقة ليا (دي ححكيلكم عنها اكيد) وكنا كلنا قاعدين ووجه جديد موجود بنت مؤدبة جدا ومن البنات اللي بتتكعبل في نفسها حط عينه عليها

بعد اسبوع كانت صورها الناس بتتفرج عليها وانا واحدة منهم اكنهم اتنين متزوجين لسه في شهر العسل

اقولكم ايه بس والله نصحتها وقلت لها لكن تقول ايه ع التراب اللي في مخ البنات كانو بيفتكروني غيرانه طيب ماهو لو عيزاه ماهو متلقح قدامي

لكن مخ بنات

الموقف الوحيد اللي مش حنساه للشاب ده واللي لما حكيته لاحدهم غير مساره كليا وساب القاهرة واتجوز واحدة اختارتها له امه من بلدهم

مرة زمايل لنا في النادي قصدو الباشا في عربيته يزف بيها واحد من زمايلهم لسه راجع من السعودية

كان اخو الباشا رايح ( بالمناسبة ده اخو الامور اللي اتجوز البنت اللي كل ما تشوفني تعيط )


ومش راح المهم اخدو الباشا وراحو عادي لزفة زميلهم راجع من الفرح ومن ع الباب مسخسخ ع نفسه من الضحك قلت في عقلي اتعبط ولا تلاقيه شارب حاجة

بعد كده اعرف الخبر اليقين ان اللي زفها واحدة من اللي كان ماشي معاهم

واللي قاله ازاي ابوها قاله زوجتك ابنتي البكر الرشيد

تخيلو الاستهتار وفضح بنات الناس قال دي مش سابت حد من اصحابي مش مشيت معاه

تخيلو زوج راجع ملهوف تطلع البنت بأنهي اخلاق ازاي خدعته ازاي هان عليها فين ضميرها

وحكي انها اول ماشافته ماتت ع نفسها من الخوف وزوجها جابها من الكوافير وهو معاهم طبعا بالعربية وسابها معاه في العربية وراح الاستديو يسأل ع دورهم باين

وبيقول كان كفاية كل شوية ابص لها في المراية وهي ميتة اني اتكلم ولا افضحها

وفي الاخر اخدهم فين ............... اخدهم يتصورو في الحتة اللي كان بيروح معاها فيها

واخيرا

يقول الحمد لله إن الليلة عدت وسترت بنت من حريمي


حسبي الله ونعم الوكيل

انتى فيين يا احبكم فى الله

كملى

القصه الحلوه

(7)

بجد ممكن يكون تربية خطأ في البيت عدم التدين أنا عندي شئ في نفسي

بنت مش محترمة مشيت مع شاب صايع خلصت هما الاتنين يشبهو لبعض لكن ان شاب مستهتر يضحك ع بنت ناس وبنت محترمة

بدعوي الحب والزواج هو ده اللي كان بيحرق دمي

تعرفو الشاب ده دلوقتي وصل ل29 سنة وماشي في 30 ومش عارف يتزوج كل شوية يخطب ويفسخ

ربنا اكيد بيخلص ولسه حيخلص حق البنات لان ربنا انذرو كتير جدا

اتعرض للموت اكتر من مرة ولكن ربنا نجاه وفي كل مرة يقول حيتعدل ولكن سبحان الله يرجع انيل من الاول

الحسنة الوحيدة اللي عملها انه من ضمن البنات اللي بعتهم علشان يتوسطو ومثل دور التائب عليها وانه قصده شريف بالنسبة ليا

البنت دي عيلتها صديقة لعيلته وكانت زميلتي بالكليه بس اكبر مني بسنة سبحان الله انا وهي كنا اصحاب عادي

بس اللي بقينا انا وهي تؤام اختها حبيبة القلب من جوه ودي اكتر بنت انا حبيتها ( دي اللي فرحها في الجزء اللي فات وقلت ححكي لكم عنها )

بس صبرا لما يجي دورها

كان بقي فيه بنتين ع وزن الشاب ده اه ه ه ه زيه وبيعملو مع الشباب الساذج نفس الشئ

واحدة منهم من الثانوي كانت مرتبطة براجل محترم جدا فعلا انسان انا بحترمه ولكنه علشان مش ليه تجارب بت قد ركبته اتمسخرت بيه

وهي اصغر منه ب13 سنة تخيلو كل ما يقولها عايزة اخطبك تقوله اهلي ومش اهلي فضلت معلقاه بيها لحد ماسابها وسافر وهو متعلق مسافر علشانها

بعد كده تقول للبنات عبيط فاكرني حتجوزه

وهو فاكر انها ياحرام متشحتفة عليه وان السبب اهلها وقهرهم لها ولما نهت الموضوع امه جابت له عروسة

مش كان طايقها وكان بيقول عليها كلام مش حلو زيدي فلاحة ومش زينا عايزة اقولكم ان الفلاحة دي بقي بيبوس تراب رجلها ست صح عرفت تحببه فيها وربنا عوضه عن البلوي اللي كان مرتبط بيها

وخدو عندكم بقي من الاستاذة دي كل واحد تعلقه بيها وبعد كده تشوف غيره

النوعيات دي مريضة من جواها عايزة تحس انها دايما مرغوب فيها

التانية بقي كانت انيل واضل واللي خلاني اعرفها عن قرب انها كانت حتودي قريب ليا في داهية

في بدايتها مع الشباب

البنت دي كانت مرتبطة باحدهم وبردوخليته يحبها حب جنون وفي نفس الوقت بترسم ع صاحبه اللي حبها نفس الحب

وابتدي الصديقين يتخانقو ع الغندورة اللي محصلتش علشان واحد يفوز بيها

وهي ولا في بالها حد منهم وبترسم ع تالت اتخطبت له بعد كده
واظاهر بقي انه من نفس عينتها كانت هي بتخونه وهو كمان انا بصراحة مش اعرفه شخصيا ولا شفته

ولكن الصيت

الاستاذة دي مع انها مخطوبة وبعد كده عقدت ولكنها كانت مستمرة في المشي مع الشباب

بذات لما خطيبها اترمي في الصحراء في احدي شركات البترول وكان مش موجود ع طوووول

عرفت شاب ساذخ ( لسه صغير ومش ليه تجارب ) اصغر منها باربع سنوات طالب بإحدي الكليات العسكرية طبعا هي قالت له مش يقولي هي مين وبالفعل كانت مغيرة اسمها علشان لو جه اسمها قدامي

معرفش واقوله ع بلاويها السودا اللي اعرفها عنها وكانت بتعمل ايه ولكن مرة وقدرا وبمساعدة ابو الحسن باشا عرفت

وكان يومه منيل بنيله بذات انه حبها فعلا وكان عايز يخطبها ( عايز يخطبها وهي مخطوبة ) تخيلو قدر البنات

اصلها ياحرام كانت مفهماه انه خطيبها شرير وبيعرف عليها بنات وان ربنا ابتلاه بمرض وهي بنت الاصول مش عايزة تسيبيه بس هو اكيد

حيسبها لانه دايما بيقولها كده علشان كرامته انه مش عايز عطف منها يعني

طبعا انا اول ما عرفت ثورت وحصلت مشاكل لاني كنت فعلا خايفة عليه بذات انه شاب طيب واهله ناس طيبين وقلت له كل اللي اعرفه عنها وبلاويها مع الشباب ولاول مرة اتكلمعن بنت واقول كل افعالها بس علشان يصحي ويفوق

ولكنه زي المسحور سبحان الله وامه تكلمه وابوه مافيش فايدة في الاخر بعد ما قلت لوالدته قلت لها انا حكلمها واعرف هي عايزة ايه بالظبط

كلمتها و مثلت عليا دور السهوكة والعياط بس في الفترة دي كنت خلاص اخدت مضادات حيوية تكفيني اني مش اتأثر ولا بولد ولا ببنت

وانها ياحرام بتحبه

ووصلت الحمد لله اني اثبتله انها كذابه واني كل كلمة وصلتها ليه هي الصح والحمد لله حصلت المعجزة وانفصلت عنه بعد كام سنة من القرف

والخوف عليه انها تدبسه فيها وهو شاب خام فعلا وزي اي شاب بيفرح بكلمتين حب واحساس انه سبع الرجال

حقيقي مش عارفة عنها شئ دلوقتي غير انها تزوجت وربنا رزقها بطفل ومش شوفتها من يومها

بجد انا كنت زمان بستعجب ان ربنا بيعطي للاشكال دي - زووجها ورزقت بطفل

ولكن اللي عرفته ان النوعيات دي ربنا بيعطيها علشان تطغي وتغلط وجايز ترجع وتتوب الي الله


ايا كان احنا يخصنا الجزء الخطأ واللي بينخدع فيه شباب كتير فعلا

ولي تعليق هنا


معظم الشباب 90% منهم فعلا فاكرين ان البنت المستقيمة مش تقدر تسعد راجل وانها حتكون معقدة في البيت

عايزة اقوله نظريتك سليمة بس انهي بنت فيه مستقيمة بوعي وثقافة بتدين ودي اعتقد جوه بيتها غير في وسط الناس

بالمناسبة اخو احدي صديقاتي ارتبط ببنت مش كويسة وكان ماشي معاها امه واخواته البنات قعدو ينصحوه كتير

قالهم جمله قالهم لما اخدها صايعة انا حعرف ازاي المها بس مش حتعقدني وحتكون فرفوشة كده

لكن ايه اللي يخليني اخد واحدة معقدة تقرفني وياعلم بعد كده يمكن تصيع

ابو الحسن شكله حيطفش مني في ناس بتساوم عليه


اشوفكم المرة الجاية ده لو الضغط اتظبط عندي

(8)

ناخد فاصل بقي واقولكم حبة عني

علشان انا بردو عملت حاجات شايفة انها غلط

ولكن قبل كده حقولكم حتة صغيرة عن بيتي ورب الاسرة ابي ربنا يرحمه

ابويا ده كان راجل مش عادي والله فعلا واللي يعرفني واللي يعرف المنطقة اللي انا فيها يعرف عنه كده سواء يعرفه شخصيا او سمع عنه من الناس

كان شديد جدا كبير المنطقة الكبير والصغير يعرفه ويساعد الصغير قبل الكبير يعني كل شئ يجيلو بالتزكية زي المجلس المحلي مثلا لكنه رفض

ههههههههههه للعلم نفس الشئ حصل معايا ولكن بشكل مختلف وبردو زي ما ابويا عمل انا عملت رفضت طبعا

المهم ابويا كان عنده الستات لها البيت مش تخرج ولا تطلع البلكونة اه اه اه ده ابويا ع فكرة

كنت انا وهو عاملين زي الشريك المخالف في الفترة الاولي من حياتي كنت ع طول ساكتة بسمع وبس بتفرج ع الناس من بعيد

عندي حجرتي دي مملكتي مدمنة اغاني لدرجة مش بنام من غيرها الوكمان كان في ودني ع طول

لدرجة في ناس كانت فكراني مغرورة يسلموعليا ومش ارد ههههههه ................ والله مش سامعه

فكرت كتير اوووي ازاي اتعامل مع ابويا ازاي اخليه يستسلم ويقول ان البنت اذكي واشطر من الولد

انا في الفترتين الابتدائي والاعدادي مش كنت بقول اني بنت بابا علشان كنت بحس ان الناس بتخاف منه وانهم ممكن يبعدو عني بسببه وكمان كان لما يجي اسمه في مكان

كل شئ يخلص وانا كنت عايزة اعتمد ع نفسي وكمان احساس بانه عايز يلغييني كنت بعند اكتر ويخليني اصمم ع اللي في دماغي

كل ده جوايا المهم مافيش كبير ولا صغير في المدرسة مش يعرفني علشان حاجتين كنت شاطرة لدرجة التناحة وكان ليا انشطة كتير كنت زيي زي المدرسين

طيب احكي لكم حكاية افتكرتها كنت في رابعه ابتدائي وكالعادة الاولي كانت في مدرسة من سنة تالتة ابتدائي حصل معاها موقف اول ما اتعينت جت لنا بدل مدرسة غايبة

دخلت الفصل لاقيته عامل دوشة قومت الكل وضربته جت عندي وجاية تضربني قلت لها انا مابضربش قالت لي نعم ياختي مش بتضربي ليه مين

قلت لها انا زينب..............

وممكن تسألي الكل انا مش بضرب وكمان انا كنت ساكتة بكتب الواجب اهو مش كنت بهيص مع العيال

راحت المفترية ضربتني ع دراعي ورجلي وانا بصراحة مش سبتها خبطتها خبطتين محترمتين

رد فعل تلقائي لاني كنت بخاف من الضرب جدا وكنت لما بشوف العصاية في وشي بغمض عيني حتي لو مش حضرب

المهم وصل الموضوع للمديرة وهزأت الابله ( ماهي صاحبة ابويا وهو اللي باني المدرسة ) قالت لها زينب مش بتضرب بس بيني وبين المديرة مسكتني من حتة شعري اللي جنب ودني ودي كانت عادتها

قالتلي مش تبقي تردي ع الابله

المهم جت سنة رابعه والابله دي بقت الميس بتاعتي وكانت مضطهداني فعلا جت امتحانات نص السنة وطلعت الاولي ولكن معايا بنتين

والمدرسة عملت رحلة للمتفوقين انا بصراحة ابويا كان مش بيطلعني رحلات فكنت مكبرة فالميس المفروض تطلعني وانا ادلل واقول لأ

جت الامورة غلطت غلطة عمرها وكتبت اسماء البنتين التانين ومش كتبت اسمي لاقيت استدعاء من المديرة بتقولي انتي عملتي ايه الترم ده قلت لها طلعت الاولي انا وفلانة وفلانة

قالت لي امال اسمك مش مكتوب ليه قلت لها معرفش قالت لي طيب انا حطلعك الرحلة قلت لها ابويا مش حيرضي قالت لي مالكيش دعوة انا حقوله وفعلا طلعت

جيت بقي يوم السبت الابله اللي مخها مخ اطفال قااااااال ايهههههههه بتغظيني وبتسال العيال اللي طلعو الرحلة كانت حلوة رحت رافعه ايديا قلت لها ممكن اقول انا ياميس

قالت لي انتي طلعتي قلت لها طبعا مش الاولي ههههههههههههههههه طبعا اتفقعت مرراتها

طبعا كل اللي فات ده لحد اعداي الكل يعرفني اي مكان ادخل فيه حتي البنات في المدرسة محدش كان يقدر يتنفس لو واقفة ع الفصل

والله مش بفشر هو ده اللي كان حاصل كنت زيي زي الميس بالظبط

وبمناسبة اعدادي قبل ما اسيبها كان في مدرس شايف نفسه كان شبه راغب علامة وكانت البنات بتموت عليه واللي حسبي الله نعم الوكيل فيه

اهو ربنا خلص ماعلينا كان بيلعب بالبنات تخيلو بنات سن 12 و13 سنة البيه كان بيلعب بيهم وبيعشمهم بالجواز وطبعا هما عيال وهبل

المهم مرة جت بنت معايا بالفصل اخدتني ع جنب قالت لي عايزة احكيلك ع حاجة مش عارفة صح و لا غلط

فقلت لها قولي في ايه قالت لي استاذ فلان عايز يتجوزني رديت انا بكل سذاجة انتي هبله يابنتي انتي لسه صغيرة انتي مبتتفرجيش ع اعلانات كريمة مختار البنات اللي بتموت

قالت لي لا هو حيخطبني ولما اكبر شوية نتجوز فسكت فقالت لي بس انا مضايقة اوي اصله عمل حاجة وحشة خالص واحنا نازلين من الدرس وفي بير السلم باسني

قلت لها اصلك حيوانة وعايزة تتعلمي الادب ( معلش انا لساني طويل ) فقالت لي اعمل ايه وخايفة اروح الدرس يعمل كده تاني

قلت لها يابنتي قوليله لا اللي حيخطبك حيكلم باباكي قالت لي طيب

تخيلو افاجأ بعد كده ببنات بتتكلم انه عايز يخطب واحدة تانية و ان فلانة بتحبه وهو معشمها والله اعلم مين كمان

المهم خرجت من الاعدادية للثانوي وعرفت اللي شفي غليلي منه وان ربنا اخد بتار البنات

الاستاذ لفت عليه مدرسة من عندنا والله العظيم ما بعايب ولكنها فعلا وحشة جدا وحولة واخلاقها وحشة سبحان الله اتجوزها ازاي مش عارفة كانت فين عينيه

وع اللي عملته فيه بهدلته وبهدلت امه الاستاذ اللي ريحة برفانه كانت تجيب اخر المدرسة شفته مبهدل وشكله يغم

حتقولولي عرفتي منين من حكايات ابلتي ( ححكيلكم عليها بعدين ) دي واحدة جارتنا ( ربنا ما يوريكم جارة زيها ) كان بيدي بنتها درس وكانت متصاحبة ع امه :


المعلومات بتجيلي جاهزة هههههههههه


في ثانوي اتغيرت حاجات كتير لاني ابتديت اروح النادي وابتديت اتعرف ع اشكال جديدة ونوعيات غريبة في اول 3 سنين كنت متفرجه فقط وكنت بسمع حاجات عمري ما كنت سمعتها قبل كده

وكل شئ اتفسرلي لما كبرت شوية حتي الالفاظ مش فهمتها الا لما كبرت

نيجي لابويا واللي ليه الفضل الاول والاخير في اللي وصلت له كله ( العند )

طبعا ماكنش في ولد يقدر يقرب لبنت الحاج ولا حتي يقدر يعاكسها

فكرت كتير اوي ازاي اخلي بابا يتخلي عن كل الافكار دي لاقيت حل واحد ان اللي عايز يعمل شئ مش يسير ضد التيار لا بالعكس يمشي مع التيار وبقوة

وفعلا بابا يقولي اياكي اشوفك واقفة مع ولد في النادي اقوله اساسا لو ولد كلمني انا ممكن ابطحولك واعمل مشكلة الاقيه يصعق من الرد ويسكت

يقولي اديكي دخلت الجامعه يالا بقي اتحججي وكل يوم انزلي اقوله ومين قال لحضرتك اني حروح اساسا انا حاخد دروس وحكتفي بيها وع الامتحانات اروح امتحن

وهكذا لحد ما الراجل جاب جاز هههههههههههههه

بعد ما وصلت تقريبا ل19 سنة ومعظم قربياتي اتخطبو لاقيته بيقول لماما هي بنتك مافيش حد كلمها يتقدم لها ولا حبت حد ولا حاجة انتي امها واكيد سرها معاكي

قالت له لا البركة فيك بعدتها عن كل شئ ههههههههههههه

ساعتها ابتسمت وحسيت بأولي علامات النصر

يتبع