هل شنطتش أصلية؟

شلون ماركات عادية ؟


ولا شنطة عندي ماركة << حدي صريحه هع


ليش اخلي أغلى ما فيني هو ما علي !!


كل شي بحدود وبمنطقيه شنطة للفشخره وناس تعيش شهر كامل باسرتها على بس سعر هالشنطة :)


انا اقدر ظروف الكل بس عن نفسي مستحيل اشتري شي برميه اخر شي


بس اكيد ما اشتري شي يخل باناقتي اشتري اشياء حلووووووة ولكن بسعر متوسط اذا ما كان قليل :)


وسؤالج حلو وايد

مشكورة عالمشاركة الحلوة و أنا قصدي( ماركات عادية) يعني مثلا شنط آلدو أكيد تعرفونة

اموت على الماركات لكن حسب المناسبه واخذ شنط اصليه بس استخدمها فتره طويله

مرحبا أختي بالانسياجا..

موضوع جميل للنقاش..

ورايي فيه ان الأناقة والجمال ممكن تتواجد بكل الماركات و الأنواع لكن المهم هو الذوق الرفيع..

وشخصيا مو بس جناطي حتى أعزج الله الأحذية وباقي الاكسسوارات في منها الماركات ومنها الأنواع العاديه لكن أراعي انها تكون غريبه وغير موجوده بالبلد و آخذها لما أكون مسافرة فتثير الفضول أكثر من الماركات والكل يسألني عنها وحتى الماركات مايهمني إسم الماركة كثر جمال القطعه وغرابتها..

وموضوعج ذكرني بقصه كل ما أتذكرها انقهر.. تصدقين نسيت جنطتي الكارولينا هيريرا بمحل يوم كنت مسافره ..
ولليوم زوجي يضحك علي لما يذكر السالفه ويقول الحمد لله ما نسيتي عمرج.

وبالنسبة للإستخدام لفترات طويلة او للسفر أكيد الأفضل استخدام الماركات المضمونه الأصلية لأنها تتحمل أكثر.
والتقليد الدرجة الاولى ممكن يكون البديل المناسب لما تكون القطعه الأصليه بثمن يفجع ..

عموما الإنسان هو الي يعطي قيمة للبسه واللبس عمره مارفع قيمة أحد ..

شكرا عالمشاركة التحفة منكم يا بنات

حبيباتي شاركوا احب اني اقرا الي تكتبونة........ لا تبخلون علي بالردود الحلوة

وين المشاركات؟؟؟

هلا حبوبة
موضوع حلو
انا عن نفسي ما احب التقليد.. يعنى افضل الاصلي ولو ماقادرة اشتري فاحسن لي ما اشتري ولا اني اروح اشتري التقليد
نوووووووووووووو للتقليد

100 مشاهدة او 5 مشاركات ليه؟؟؟؟؟؟؟؟؟؟؟؟؟؟؟؟.........زعلتوني

عندنا في مصر أي حاجة ماركة بوجه عام سعرها بيكون مبالغ فيه كتييييير مقارنة بالباقي بالذات الملابس والشنط والأحذية

بس الحمد لله عندنا بدائل كتير جودتها ممتازة من ناحية الجلود والشكل والتصميم

وبالتالي بالنسبة لي مستحيييل أروح أدفع لي 4000 أو 5000 جنيه في شنطة أو جزمة
في حين إني ممكن أجيب حاجة شيك جداً ومميزة ب500 جنيه

في النهاية لازم نستحضر إن ربنا سبحانه وتعالى سيسألنا عما أنفقنا فيه أموالنا، ولو أنا عندي 5000 جنيه زيادة دول هنا في مصر يفتحوا 5 بيوت فقيرة لمدة شهر كامل ... وهذه كله متاع وأمور دنيوية ينبغي ألا تشغل تفكيرنا بشكل كبير

مشكورة على الموضوع يا جميلة

والله بصراحه ما يهمني ما ركه ولا تقليد ولا بو طقه


اهم شي عندي تترس عيني

يعني حلوة

اني اخد تقليد هي كلها شنطه وخلص ادا كانت حلوه احيانا اشتري ماكره عاديه
وكل شيء صراحه ماحب الفشخره ابوي مو مقصر بس انا اشتري اشياء عاديه او حلوه بش مو غاليه

مرحبا حبوبه .. عن نفسي ولا مره خذت شنطه تقليد !! يعني مو سالفة تكبر وفشخره بس انه عندي مبدأ لما أكون مقتدره ماديا احب ادلع نفسي .. يعني عادي اخذ لي شنطتين واستخدمهم سنه كامله ولا اني اخذ 100 شنطه تقليد في السنه .. وبعدين الشناط الأصليه قيمتها فيها وتعمر عندج

انا يابنات عندي ثلاث شنط ماركه والباقي مو ماركه بس تصدقون انو شنطي الماركه كأنها جديده مع اني من زمان شاريتهم واستعملهم كثير واما الباقي وعلى الدنيا السلام لاكن ماقول الا الرخيص بخيس

(خطيرة حدي) كلامك 100% صح بدل ما أخسر فلوسي على شنط تقليد ممكن في أي وقت تخرب.....(تخيلو جدام الناس)..... آخذ أصلية أحسن ولو بألف رح اتدوم مب بس سنة الى سنين......

انا شخصيا ما اهتم بماركة ولا شي ابدددد
أهم شي تكون الشنطه او الجوتي او الساعه عاجبيني

والصراحه احس بالغباء لو بروح ادفع جم مية دينار عشان شنطه بستعملها جم مره وبتملل منها وبرميها
في وايد اشيا اهم منها واقدر ادلع نفسي بها
وانا عندي range معين لكل شي ما اطوفه، يعني اللي اشوفه معقول عندي آخذه واللي لا فأنا مب محتاجه له وفي بدائل غيره

ناس مب لاقيه تاكل وانا اروح ارمي فلوسي على ماركات

كل وحدة و رايها لكن مع ذلك ما اتنازل عن رأيي.....

انا ما احب غير الأصلي،،
ما احس بثقه اذا شليت شنطه مقلده...
هذا رايي

انا الحمدلله ما اشتري غير الاصلي واستخدمها سنوات ولا تخترب

التقليد تخترب بسرعه

اما بالنسبه للنعال اعزكم الله عادي بس تكون كواليتي فخمه