هل وحام البنت يختلف عن وحام الولد ؟

اكيد يختلف وحام البنت عن الولد

موشرط الله اعلم

بس اذا تبين تعرفين من تاخذين الاشعا اذا كان شكل البويضه دائري فيه بنت واذا كان شكله زي الهلال هو ولد

والله اعلم


















































ربي يرزقج ماتتمنيه يارب

اني دوم اسمع ان وحام البنت يختلف عن وحام الولد

اني عندي بنت والحين حامل ببنت والله يسهل عليي ان شاء الله

وحامهم ثنتينهم يختلف عن بعض مع ان ثنتينهم بنات

يعني مثلا اذا انتي حامل ببنت .. تييج لوعة أول ما تقعدين الصبح سواء في ترجيع ولا مافي ..

أما إذا كنتي حامل بولد .. تييج اللوعة بس مو أول ما تفتحين عينج من النوم ..

وكل وحدة حامل وحمها يختلف عن الثانية .. أنا مثلاً ما كرهت نوع معين من الأكل ولا حبيت نوع معين .. واللوعة كانت تجيني لما أشرب عصير برتقال أو الشاي .. وقطعتهم في الشهور الأولى ..

ما اعتقد الاختلاف كبييير
بس اتوقع الوحم على حسب هرمونات الحمل
وتقبل الحمل بجسم الحامل

وانا عن نفسي اتعب بالبنات بس
بمحمد ولدي زوااااااااااع بس خفيف الوحم

والله العالم يا اختي توكلي عليه

البنت وحامها قوي ووايد إتعب أمها بس الولد وحامه خفيف

والبنت وحامها غالبا ع السكريات والولد ع الموالح

انا ما اتوحم على شي معين ... يعني مرة سكر ومرة ملح ...

تدرون أتمنى بنت بس اللي ايي من الله حياه الله ...وان شاء الله بكون راضية 100%

بس قلبي يتمنى البنت ... قلبي يريد البنت :o

وفي الأخير كله على رب العالمين

بس ان شاء الله يارب يا مصورنا في الأرحام كيف تشاء يا من ترزق من تشاء الذكور وترزق من تشاء الإناث ارزقني ما هو لي خير وقرة عين .... ربي اني تمنيتها أنثى ربي فاعطني اياها ان كانت خيرا لي .... آمين وصل اللهم على سيدنا محمد صلى الله عليه وسلم

ادعولي

انا عندي بنت واحده بس في حملي فيها

احب كل شي حامض

وكرهت اللحوم والمشويات

وبالنسبه للترجيع قليل

اناا يوم حملت بولدي توحمت وكرهت عطر ريلي وبس الحمدلله كان سهاله ولا تنسيت

اما الحين احس اني وايد دايخه ونفسي منسده شوي يعني احس بتعب اكثر من حمالي الاول

واللي يي من الله حياه الله بس هم خاطري ببنت :)

وحده كويتيه;7354242:
اناا يوم حملت بولدي توحمت وكرهت عطر ريلي وبس الحمدلله كان سهاله ولا تنسيت

اما الحين احس اني وايد دايخه ونفسي منسده شوي يعني احس بتعب اكثر من حمالي الاول

واللي يي من الله حياه الله بس هم خاطري ببنت :)

وأنا مثلج عزيزتي ... ريلي ما تفرق معاه عنده الولد واذا جاه ولد زيادة الخير خيرين ...الرياييل يحبون يفتخرون بالأولاد

بس حنا الفقارى الحريم نتمنى لو بنت وحدة علشان ندلعها ونلبسها ونمشط شعرها مثل اللعبة وها الأشياء ما تصير للولد .... وبعدين الولد تربيته صعبة !

أنا بعد في حملي الأولاني كرهت العطور والدخون الحسن تعبانة من الحمل الثاني .... الله كريم

رهينة الخيال;7348816:
انا عندي بنت واحده بس في حملي فيها

احب كل شي حامض

وكرهت اللحوم والمشويات

وبالنسبه للترجيع قليل

غريبة

انا لما حملت بالولد حبيت كل شي حامض !

الظاهر ان الوحام يعتمد على الحرمة نفسها مو نوع الجنين

انا عندي ولد بس الحمد الله كنت احب السكريات لما صار عندي سكر حمل الله يسهل عليج..