أخواتي المبدعات ..أرجو المساعدة !!!

اختي المنتدر مليء بتجارب و نصائح الأخوات

دوري و ان شاء الله تلاقي اللي يسرك

هلا اختي الله يوفقج الروتين ذابحنا والله المستعان

شوفي اختي عندج دزيله مسجات عتب على الخفيف ومره مسجات حب ووله

غيري من لبسج والالوان اللي متعود يشوفها عليج وطريقة اللبس طلعي معاه عزميه على اي شي

اشتري ورد طبيعي وخليه بغرفة النوم ترى انا بين فتره وفتره اشتري ورد ترى يعطي دافع وتغيير والله المستعان

يا حيالله هل السعودية ..^^

شوفي الغالية DrEaMeR22

الحياة الزوجية روتين يومي وانتي كزوجة محتاجة التجديد فحياتج لكسر هالروتين الممل

ومحتاجه اتدققين في كل شي

أول نقطه اذا انتي متينة ........يبالج تضعفين وتتبعين نظام غذائي ورياضه
وحتى لو مب متينه اتبعي الرياضه تراها ترسم الجسم وترتبه
وفوق هذا كله تعطيج دافع للتجديد وتغير فنفسيتج وايد ..

ثاني شي يبالج تغير لوك كامل في الصالون صبغه وتنظيف ويبالج حمامات مغربي بشكل شهري
وحمامات زيت ومساج للشعر لان هالامور تحليج وتزيد ثقتج بنفسج..

ثاالث شي يبالج تغيرين لوكج في الميكب اذا انتي من النوع الللي تستخدمين البوده اللي تبيض غير واستخدمي اي بودره برونزيه تعطيج شكل برونزي وغيري في الوان الاي شدو والارواج..

رابع شي نظمي وقت رقادج ترا هالشي وايد ياثر فنفسيتج ..جربي تنشين من الساعه 8 الصبح ..وارقدي من وقت فليل..

خامس شي
وهو اهم شي غير ترتيب الاثاث بين فتره وفتره اصبغي حجرتج اذا كملت الحجرة فتره على نفس لون الصبغ
وغيري اكسسوارات البيت وبالذات غرفه النوم غيري الاضاءة غيري الفراش عليج بالقطن الناعم والكوشنات (المخدات الصغار)الناعمه وابتعدي عن الشراشف الفخمه المخمل واللي فيها كرستال احسبها صدق مفارش كئيبه

سادس شي ..عزج الله الحمام

غيري مفارش الحمام وحطي ستاره يديده واكسسوارات يديده وخذي ارواب وفوط يديده وعليج بتبخير الارواب والفوط لان يوم الجسم خرسان وتتنشفين تثبت ريحه الدخون ع جسمج ^^

وعقب ماتخلصين من هذا كله اتبعي هالنقاط..

طرشيله مسجات حب وغرام ..قصايد ام ام اس ..احبك..اشتقتلك..حياتي ماتسوى شي
بدونك..

اعزميه على عشا فمطعم ..

احجزيله ليله في اي ففندق وبعيد عن اجواء البيت ..

واذا كان الجو حلو زهبي عدة الشوي وعلى طول ع البحر او فالحوي اذا عندج حوي مستاسع..وخذيلج هالخيمه الجاهزه وعيشو اجواء البر..

جهزيله غرفة النوم وحطيله شموع ..

غيري اسلوب لبسج اذا انتي من النوع اللي دايما تلبسيله قصير البسيله لبس طويل بس يكون لبس جذاب

وهالله هالله بالريحه ترا الريحه من اكثر الاشياء اللي تجذب الريال غيري عطورج غيري الدخون اللي تستخدمينه
وعليج بالفواحات والزيوت العطريه..

وبخصوص الحمام اترسيله الباونيو وعليج بالرغوده وزهبيله العده الليفه واللوشن والشاور جل ورتبي هالاشياء بطريقه حلوه في سله..

واذا عندج اي استفسار انا حاضره

ماشاء الله أختي as I think ماقصرت والله000

الله يسعد قلبك ويسخرلك زووووووجك ويتمم لكم على خير000

شكراً لكم أخواتي على الرد...وخاصة أختي رشة مطر وأختي as I think:1_3: بس من جد اللي قاهرني في الموضوع إني إنسانة جداً رمانسية:21_186: وأهتم في مظهري دايم:21_207: وأغير منه باستمرار عشان ما يمل وجسمي الحمد لله حلو والكل يقول لي كذا وأكلي صحي والبيت دائماً أحاول أغير فيه :sm215: والعطور وكل يوم شكل وهو ما يفرق بينهم :cry: والمسجات صار هالأيام مهملها ولا عاد أثر فيه الكلام الحلو وكثير حركات من هالمنتدى من الأيام الرومنسية طبقتها بس سؤالي ليييييييش الملل :sm229:

أرجوك أختي as I think ردي علي :21_201: ولك مني أصدق الدعوات

وينكم أخواتي الله يجزاكم خير ................

الملل محتاج لكسر روتين الحياه الزوجيه ...

جهزي اغراضج لاحلى سهرة باربيكيو وتكون خاصه بينج وبين ريلج..

لاتقولين انا مهمتمه وخلاص انتي انسانه محتاجه للتجديد فكل شي

حتى لو انتي حلوه ومرتبه بعد محتاجه للتجديد

لاتنسين ان ريلج مجابلنج 24 ساعه اكيد بيمل

الريال دوووم يطمع بانه يجوف حرمته كل يوم بشكل

حتى في الطلعات

انتوا محتاجين للطلعات الرومانسيه اللي تكونون فيها رواحكم انتي وهو وبس

نشوا نص الليل من النوم واطلعوا في السياره واشربوا عصير واكلو اسكريم

هالطلعات وولو انها خفيفه بس صدقيني لها تاثير كبير في تقوية العلاقه الزوجيه

اذا انتي من النوع اللي مجابله ريلج 24 ساعه انشغلي عنه شويه بزياره اهلج ولا حد من ربيعاتج

دشي النادي وقضي وقتج بالرياضه

انشغلي بشغل البيت وترتيبه بس لاتهملين ريلج

بهالطريقه بتفتقدون بعض وبيزيد الشوق

ما شاء الله عليكي اختي as I think

كفيتي ووفيتي

أنا كنت نفسج لييين عرفت المنتدى و شفت فيه

اشياء حلوه و عرفت اخلي ريلي يستانس اسوي

اي شي يباه و البس اي شي هو اللي يحبه

بين فترة و فترة احجز في فندق و اسوي له

مفاجاة و اسوي طلبية كيكة و اكتب داخلها

إن شاء الله ايامنا كلها عسل بعسل يل عسل

أو اكتبي انت اللي تامر على حياتي و أقولك تم

أنا ريلي قام هو يسويلي حركات من كثر انا

ما اسويله خلاص عودتة , عودي ريلج على

كل حركاتج و كلامج الحلو, ترى الريال يكون

يهال يبه حد يلعبة و يهتم فيه أي شي

يحبة ريلج انتي حبيه مثل (ابلي استيشن)

أو الكرة و الورقة اللي الجنجفة..


ربي يسعدج و يوفقج في حياتج

شكراً أخواتي ما قصرتوا والله يوفقكم:up: