قولولى انا صح ولا غلط ...

السلام عليكم ورحمة الله وبركاته
فى البداية يا بنات ما تزعلوش منى لو طولت عليكم بس انا بحكيلكم اللى حصل معايا علشان اعرف انا صح ولا غلط
انا اتخطبت فى 30\6 اللى فات وكان اتقدملى فى 2\5 المهم انا وافقت عليه بشكل مبدئى بعد قعدتين فى المرة الاولى مانطقش بولا كلمة علشان كده انا طلبت مرة تانية قبل ما اقرر ، المهم فى المرة التانية ظهر لى انه كوي سوتمام وخليت واحدة صاحبتى تسالى عليه لانه مش من منطقتنا من بلد جنبنا وقالتلى عليه كلام كويس بس قالتلى نقطة وهى انه ممكن يقول كلام دبش وهو مش بياخد باله ، المهم انا قلت ممكن يكون عادى ووافقت بعد الاتفاق بدا يكلمنى فى التليفون مع العلم وهذه نقطة اخدتها عليه وهى ان انا منتقبة وهو ملتحى وهو وانا عارفين ان الكلام فى التليفون للمخطوبين فى الاصل البعض قال لا يجوز والبعض له راى تانى ) طبعا انا استغربت لان المكالمة كانت بتطول جدا وبيتكلم عادى بس مش فيه كلام حب وكده بس ممكن هزار او ضحك وانا صبرت على موضوع التليفون لانه مش بيتكلم وهو قاعد معايا براحته خجول جداااااااااااااااااا ... المهم خلال 10 ايام بالظبط بعد الاتفاق انا قلت مش عاوزة اكمل الخطوبة دى وانا مش قادرة لانه كان بيدينى كلام بيضايقنى انتوا عارفين لما الشباب يكلم بعضه اللهجة دى كان بيتكلم معايا زيهم بس باسلوب محترم بس بيدنى كلام معتبر طبعا انا كنت حاطة اهلى فى الصورة من الاول علشان يبقوا على بينة طبعا انا لما رفضته بابا فى البيت عاملى حريقة وانتى بتستهبلى وازاى بعد ما وافقتى تتكلمى معاه المهم بردو مش موافق ان انا افسخ الخطوبة وعلى فكرة انا كنت بمهد لبابا من قبلها على اسلوبه وانى مش مستحملة وهو يقولى ده صغير وغشيم لانه اكبر منى بسنتين بس بس بصراحة اسلوبه اصغر بكتير
المهم بابا موافقش وعمل حريقة فى البيت وفضلت يوم ما اردش عليه وهو بيتصل طول اليوم هو حاسس بحاجة بس مش عارف المهم تانى يوم كان خميس قلت لبابا انا هقله خلاص طبعا قالى اا مليش دعوة بيكى وانا اللى كنت هقول لان والدى رفض يقوله لانه جاى تبع والدى المهم اتصل وقلتله واول ما بابا سمع انى قلتله اصدر فرمان بعدم خروجى من البيت وحضورى الدروس الدينية اللى انا بروحها وبالتالى مش هنزل من البيت لانى مش بروح غيرها المهم وكان بكلم محمد خطيبى وسمع منى طبعا اتصم ومكنش متوقع بصراحة يا بنات هوه كان معتبرنى فتاة احلامه بجد بس انا بصراحة لأ وطبعا عامل انى هروح بلد ارياف كان مأثر عليه بس هديت نفسى من النقطة دى واقتنعت المهم فضل ساعتها يكلمنى 3 ساعات وهو بيقنع فيه انى اكمل انا هحاول اصلح من نفسى بس انا مقدرتش اكمل ومعرفتش اقول له ايه بس قفلت معاه
بعد ماقفلت المكالمة بسال ماما بابا قال ايه قالتلى حلف انك مش راحة دروس تانى وطبعا لانه عارف ان ده الشىء اللى بحبه ... المهم انا ساعتها انهرت واتصلت على صاحب بابا المقرب اللى عارف القصة من الاول وعارف انى مش عاوزة اكمل وهو يهدى فيه المهم فى اليوم المشؤوم ده
29/5 بعدها بنص ساعة هو اتصل على البيت تانى وسال ماا هو عمل ايه وهى مش عارفة تقوله انه بيدينى كلام دبش واسلوبه معايا وحش انتوا عارفين يا بنات اقسم بالله العظيم انه وهو قاعد معايا انا جسمى كان بيتنفض وببقى قرفانة منه ومش طايقة اقعد معاه وبعيط ليل ونهار المهم ماما ردت عليه وقالتله كل شى ء قسمة ونصيب وقفل صاحببابا جه البيت واتكلم مع بابا ونادانى ولما جيت اتكلم بابا زعق لى وصرخ فى وكان هيقووم يضربنى طبعاانا تصدمت وكنت بعيط بشكل جنونى لدرجة انى والله العظيم فكرت يومها انى اموت نفسى لانه كان بيقتلنى باسلوبه معايا كانه مصدقانه هيجوزنى مع العلم انى الصغيرة ولسه قبلى واحدة المهم اليوم ده عدى وكنت صايمة طبعا مفيش اكل اعيط وانام بس تانى يوم خطيبى اتصل تانى هو واخته وحاولت تكلمهم وانا مش عارفة اقول ايه المهم قالتلى فكرى تانى قلتلها مش هقدر المهم اتحايلت عليا بشكل مش ممكن فعلشان اخلص منها قلتلها خلاص انا سيبنى لبكرة اما انى هقولك خلاص مش هكمل او انى ساعتها هسيبله فرصة يحاول يحسن من نفسه طبعا انا كنت مقررة
شوفوا الضغط بقى اللى حصلى بابا اول ما عارف اتصل بناس تبعنا بعتبر طنط دى بعد امى باخد برايها دايما اتصلها عليها وهى كلمتنى قالتلى عاوزة اشوفك قلت ماشى يا طنط بعد المغرب وهنخرج بره المهم قبل المغرب على طول اتصل خطيبى وقالى اخواته البنات هيجولى يتعرفوا على شوفوا الضغط طبعا اتضايقت واتصلت على طنط وجت البيت ووصلوا ودى اول مرة اتعرف عليهم وفضلوا يتكلموا وعاوزين ياخدوا منى القرار طبعا انا كنت مخنوقة من الحركة دى بس سكت وطنط كلكتنى وهما بصراحة كانوا زوق بس المفروض يسيبونى اقرر بنفسى
المهم فضلت اصلى وادعى وقلت خلاص انا هسيب فرصة يمكن يكون رزق وانا هرفضه المهم قلت خلاص اشوف الفرصة دى وهو ماقلش غير لاخواته بس على الحركة دى ، المهم فضلنا على الحال ده لغاية شرا الشبكة والده مش حدد سعر محدد للشبكة فضلوا يقولولى نقى كذا وانا اختار وبعد ما خلصت باباه قالى اختارلها شبكة فى حدود 2500 طبعا احنا استغربنا لان بالنسبة لى الشبكة جت غالية وانا مكنتش عاوزة كده بس انا مطلبتش والله اى حاجة بس هما زعلوا من حاجة قبلها لان هما كانوا جايبين شبكة معاه وكانوا عاوزنى اخدها وبصراحة هى مكنتش حلوة خالص كان زوقها بلدى جدااااااااا لما رفضتها خطيبى زعل اوى واتقمص وهو فى البيت عندنا وكان زعلان بشكل مش ممكن وبابا يقوله انت ززعلان ليه الواحد حر وبصراحة بابا دخلى المطبخ يقنعنى انى اخدها بس مش عجبتنى المهم بعد ما اخترنا الشبكة المعاملة اتغيرت اخته مشيت مكشرة فى الشارع معان ومش بتتكلم وطبعاانا اتضايقت اوى وبعدها بيومين جابلى كاتلوجات العفش لان الفرح كان بعد العيد فجابلى كاتلوج انتريه واحنا اتفقنا على صالون ولما جيت اتكلم لاقيت كلامه متغير معايا ويقولى بلاش صالون خليه انتريه طبعا انا اتضايقت بس قلتله ليه بس قالى عملى وكده وقعد يتلكك علشان ارضيه قلتله خلاص اللى نرفزنى انه قالى متقوليش لباباكى حاجة دلوقتى بلاش احراج معاه بعدها بكلمه فى الدهاانات لان النقاش شغال فى الشقة وكنا اتفقنا هنوع فى الالوان لاقيت بيقولى لا هى لون واحد يهديك يرضيك لا لون واحد طبعا زعلت لانى لاقيته بينزل فى اى طلب بطلبه بس هو فى الاخر وافق على الالوان وطبعا ساعتها عرفت انه فيه مشكلة حصلت على الشبكة وتيقنت كمان من اسلوبه بس انا مش ليا ذنب .. الى ان جاء يوم لبس الشبكة
معلش يا بنات هطول عليكم بس انا بحكى كل حاجة علشان تعرفونى رايكم انا صح ولا غلط
وياريت محدش يرد الا لما اخلص الموضوع علشان التتابع بس