قصــة ولادتــي مع زيت الخــروع0000!

اهلين حبايبي اطول عليكم بدخل بالموضوع على طول

موعد ولادتي كان في 24/8 المهم جا في الاسبوع الثالث من الشهر التاسع وقلت الا بولد

وانا من قبل سئلت الدكتوره قلت لها بشرب زيت الخروع قالت لي إوك اشربيه يعني عطتني الضوء الاخضر00المهم جا يوم الاحد بالليل الساعه 11 شربت تقريبا ثلاثة ارباع العلبه((خربتها بقووه)) واقاعده استنى بعدها بس مافي اي اعراض الم00المهم جت الساعه سته الصباح وبدت آلآم معي حاولت اتصبر للساعه9 وبعدها ماعاد قدرت طلعت برا الغرفه وقعدت امشي وادور فيها وقعدت اشرب زعفران واكل تمر وحليب دافي يعني اشرب وادور اشرب وادور00المهم زاد الالم مره ماقدرت اتحمل صحيت زوجي وقلت له يالله فيني ألآم ورحت لهم الساعه 11 الظهر وكشفت على الدكتوره قالت لي الرحم مفتوح 2سـم قلت لها خلاص بطلع واذا زاد الالم برجع مارضت قهرتني من جد وحاولت فيها بس مارضت00والوقت اللي جيت فيه كانت فيها وحده تولد ومن سمعت صراخها وقف الطلق عندي على الساعه2 الظهر وقلت لهم بطلع مارضوا المهم نوموني ويوم جت الساعه 5 الفجر جاني طلق من جديد وكشفت على الدكتوره لقته 3 سم وجت الساعه 10 الصباح وفيه وحده تولد وبعدها من روعتي يوم سمعت صراخها وقف الطلق عندي وقتها خلاااااااااااااااص طفشت قلت طلعووني والله تعبت نفسيتي كل ماجت وحده تولد يوقف طلقي وش السالفه
المهم قالوا اطلعي فوق تنويم قلت اريح لي بعد وطلعوني الظهر الساعه12 ونمت نومه حلووووه للساعه 5 العصر بدون اي ازعاج وجتني الدكتوره وقلت لها ابي طلق صناعي قالت لا مانعطيك لانك والده قيصري قبل كذا00قلت طيب اوريكم شلون اجيب الطلق الصناعي والله واكلم زوجي قلت جيب لي زيت خروع وشربته الساعه 6 المغرب وماجت الساعه 2 بالليل الا وجاني الطلق من جديد وزادت الالام وانادي الممرضه وحطوا لي التخطيط ونادت الدكتوره وكشفت على لقو الرحم مفتوح 4سم ونزلوني تحت على طول والحمد الله يوم نزلت ماكان فيه احد يولد بس انا وبعدها زاد الالم
وبعدها كشفت على ولقته 5 سم وجت على الساعه 5 الفجر وكشفت لقته8سم وقالت لي بفجر موية الجنين وقت الطلق وماشاء الله عليها فجرتها ووالله العظيم ماحسيت بأي ألم طبعا بيدها فجرتها وماجت الساعه6 الا وانا والده وجبت ولد ولله الحمد

بس سمعت بعض الحريم يقولون طلق الولد حامي بالعكس والله ولدي طلقه غير بارد يروح ويجي على كيفه00وهذا قصة ولادتي وعسى ربي يتمم على الجميع بخير ويكتب لنا في اطفالنا الخير