ممكن بنات المنصورة و دمياط يساعدونى بليز

السلام عليكم و رحمة الله و بركاته

انا عضوة جديدة لا بليز اعتبرونى اختكم اصلا انا مليش اخوات بنات و محتاجة قوى لاخت خصوصا ان ماما مش فاهمنى

انا يا جماعة زى ما قولتيلكم البنت الوحيدة عمرى ما اشتريت حاجة لنفسى اقصد الاندر وير طبعا لكن لبس الخروج كان بيبقى معايا حد و عمرى ما اشتريت حاجة لوحدى او مع صحباتى علشان كده للاسف مش حافظة محلات او ماركات

انا اولى تربية عام دمياط و فى الغالب بشترى حاجتى من المنصورة علشان مطولش عليكم انا محتاجة مساعدة بنات دمياط و المنصورة انهم يعتبرونى اخت و ينصحونى ايه المحلات اللى اشترى منها و تكون محلات مضمونة مش البس اللى اشتريه منها النهارده يتقطع بكره و مش مهم الفلوس

و تعرفونى على الماركات بتاعة اللبس و الترح و ازاى اعرف الانواع و افرق بينها و كده اصل معرفش حاجة خالص

و ياريت بقى تدلعونى يعنى تعرفونى اسماء اللبس اللى بيتلبس فى البيت اصل بسمع ان لكل تفصيلة اسم يعنى اقصد الباديهات اللى بكم و اللى من غير خالص اسماءهم ايه منعا للاحراج فى المحلات

و بعدين الصراحة من ساعة ما اتقدملى عريس و انا بدات انتبه لنفسى هو صحيح رفضت لكن عايزة بقى اعرف الحاجات اللى ممكن اعينها اصل صحباتى قالولى يعنى ابدا بقى تعينى لبس عايزة اعرف اي ايه اللى ممكن اعينه من دلوقتى

اه انا سمعت كلمة لانجيرى هى يعنى قمصان نوم مش كده و لا حاجة تانية

اعذرونى فى جهلى بس ممكن تساعدونى اخواتى الحبايب
و ليكم جزيل الشكر