عاااااجل تكفووووون واسوني لو بكلمه ..تعباااااانه
فــراولــة الــقــصــيــم
04-10-2008
23 رد
841 مشاهدة
ف
فــراولــة الــقــصــيــم
عروس جديدة
04-10-2008 | 10:23 PM
انا خلصت التاسع وقالت الدكتوره ان موعد ولادتي فات وحجم الجنين كبير والمويه باديه تنقص وقالت لازم تروحين للمستشفى اللي بتولدين فيه ويولدونك:confused:
رحت لهم وقالو لي الرحم مفتوح واحد ونص ومانقدر نعطيك طلق صناعي الا اذا كان اثنين او اكثر:confused:
المشكله اني تعبت وربي :confused:معاي آلام فضيعه ونفسيتي زفت :confused:والعالم كلهم ينتظرون ولادتي من رمضان وخواتي جايين من القصيم وتاركين ازواجهم عشاني والحين جا الدوام وبيروحون:confused:
لازم اولد لازم اولد.... والله لازم
خايفه على الجنين وخايفه بعد على نفسي لان الدكتوره تقول لو صبرتي اكثر الجنين راح يزيد حجمه وراح تولدين قيصري:confused:
بنات الله يوفقكم ويسخر لكم ازواجكم ويرزقكم الذريه الصالحه ويهون عليكم ولادتكم
تكفون واسوني لو بكلمه او كلمتين والله محتاجه اي مشاركه وجدانيه وابيكم بعد تقولون لي وش
يفتح الرحم ؟؟؟؟ ابغاه ينفتح لو سانتي واحد بس :confused:
الله يحرم اجسادكم على النار ردوا تكفون باقرب وقت
انتظررررركم:confused:
ع
عذبة الأطباااع
عروس جديدة
04-10-2008 | 10:38 PM
فراولة القصيم خلي ايمانك بالله قوي
ماراح يصير الا اللي كاتبه رب العالمين
انااا مثلج .. موعد ولادتي طاف صارله 5 ايااااام
وفي اللي تولد بعد التاسع باسبووع او 10 اياااام
وكل شي يصير طبيعي
الله المسهل لك ياااااااااااااااااارب
الله يسهل عليج ومووووول لا تحاتين هااي السالفه عادي عندناا بالعايله ويولدن متى الله يكتب لهن ومووول ماشاء الله مافي أي تأثير لا في صحتهن ولا في أولادهن يمكن الغلااا حساابج ماا كان صح وياااماا تعرضت أنا بالذات لهذاا الشي وإمااا أنج مب ريااضيه بمعنى ماا تمشين كل يوووم على الأقل كيلو
نصيحتي لج شربي كاااست حلوول ومشي وشوفي إذااا مااتولدين عقبهاا وتبشرينااا تراااا ماااعرف
والله يتمم لج على خير
حبيبتى الله يهون عليك ويسهل لك امورج
ان شاالله ياقلبى ادعى رب العالمين يهون عليك
واكلى تمر اسمع انه مفيد كثير .. وانا اختى كانت بكر اول مرة تولد
وتاخرت ولادتها بعد التاسع ب5 ايام وكانت تشرب القرفة وتاكل تمر
لين اذن رب العالمين وولدت .. بس يااختى للامانة سمعت بنات يقولون القرفة لا
وعليكى بالتمر وانا ماجربت لان ولادتى قيصرى .. الله لا يكتبها لك وويهون لك الطلق
ان شاالله ..
ادعى ربك وقولى ياحى ياقيوم برحمتك استغيث .. يامغيث اغثنى وكررى كل شوى عسى الله يفرج
لك كربك ان شاالله ويفرحك بسلامة طفلك وسلامتك ..
ا
الفراشة الذهبية2006
عروس نشيطة
04-10-2008 | 10:50 PM
الله يسهل عليج إن شاءالله
ف
فــراولــة الــقــصــيــم
عروس جديدة
04-10-2008 | 10:54 PM
عذبة الاطباع
مشكوره ياقلبي الله يفرج لك همومك ويوفقك
مسكته
ياقللبي رفعتي معنوياتي والله الله يجزاك الجنه ويسعدك وين مارحتي بس
بسالك ايش هو الحلول وش مكوناته وكيف طريقته ماعليك امر
اميرة النجوم
الله يجزاك الجنه ويسعدك دنيا واخره بسوي اللي قلتي عليه والله يهونهاا
الفراشه الذهبيه
يعطيك العافيه والله يوفقك يارب
الدعاااااااااااااااء ثم الدعاء عسى الله يسهل عليج
شربي زيت خروع مع عصير برتقال يمكن يحمى الطلق
توكلي على الله يافراولة ولا تقولين لازم خليها على رب العالمين وكل تأخيرة ان شاء الله فيها خيرة شربي زعفران سمعت انه زين والتمر بعد والمشي بعد يمكن يزيد عليش بس لا تتعبين حالش واجد لان مو زين حقش ولا حق الجنين اهدأي ان شاء الله ماراح يصير الا كل خير.
وربي يسهل عليش يارب وتولدين طبيعي بس لا تنسينا من دعائش حبيبتي
المشي والتمر وماء زمزم والله الله بالدعاء وربك متى مااراد جابه ادعي انك تقومين وياه بالسلامة هذا اهم شي والله يسهل عليك يارب وتولدي قريب بإذن الله تعالى وطبيعي بعد ..
الله يسهل عليج وتولدين طبييعي
الله يسهل عليك ان شاءالله وتولدين بأقرب وقت . بس لاتقلقين انا مثلك خلصت التاسع ودخلت ع العاشر
وكل اللي كانو حاملين معي ولدو وانا جالسه انتظر متى الفرج . حتى قالو لي ان حجم الجنين كبير ولو ماولدتي
خلال هالاسبوع راح نسويلك قيصري بس كلامهم كذذذذب ولدت وحجم ولدي ماكمل 3 بالعكس مره صغير
الله يسهل عليج ياااااارب حاولي انج تمشين وااااايد ,,,
وانشاءالله تولدين بالسلامه وتشوفين النونو في حظنج ياب...
.
..★شـــااانيل★..
مشرفة سابقة
05-10-2008 | 12:40 AM
الله يسهل عليج
الله يسهل عليج اختي فراولة
اختي صار لها نفسج .. وخذت زيت الخروع مع كاس عصير برتقال والحمدالله بعد 6 ساعات ربت
السلام عليكم
انا اختي قالولي نفس الكلام في المستشفى ان الماي شوي وحياة البيبي في خطر وكنت بعد اراجع في عياده خاصه في دبي دكتوره شاطره ومعروفه وطمنتني وقالتلي مب ضروري تولدين بطلق صناعي الحين صح الماي شويه بس تقدرين تستنين وتميت من نص التاسع والمستشفى يبغون يولدوني بطلق صناعي لين كملت تسع شهور وخذت فوقه خمسة ايام والله راد ويسر الامور من عنده سبحان الله وبحمده وتمت ولادتي والحمدالله ماشاءالله سهله وماطولت .
لاتصدقين كل دكتور يقول الي عنده والله يقول ومايتم الا بأمره سبحانه وتعالى .
[GLINT][BLINK][GLOW="FF0000"]الله يسهل عليك عزيزتي
حاولي تشربي القرفة ممتازة في هذه الحالات مشت مع اختي من 2 سانتي إلى 10 خلال أقل من نصف ساعة والله يسهل عليك
أما انا حاولت أشربه ولكن للاسف رجعت ورجعت ورجعت وكل مرة كنت ارجع كان الرحم يفتح عندي سانتي واحد :)
والله يسهل عليك ان شاء حبيبتي عليك بالدعاء وإللي فيه خير رب العالمين الرحمن الرحيم يقدمه لك وللجنين [/GLOW]
ربي يسهل لك ولادتك ويقومك بالسلامه ..
عادي اختي الجنين ماعليه خطر لين يعدي الاسبوع ال42 من غير ولادة لان الموية تضر بالجنين ، وتصبب له استسقاء في الراس..
ولكن انتي وضعك عادي بما انك ماعديتي اسبوعين عن موعدك ..انتظري والبكرية لازم تتوقع التاخير
ترا حنا الي يضيق صدرونا ويخرب نفسياتنا هو سوال الي حوالينا من الاهل والخوات والزوج
ماولدتي؟
ماولدتي؟
ماولدتي
ازعجوووووووني كانه بيدي الولادة لو بيدي ولدت اليوم قبل بكرة،
الله يكتب لك كل خير ويسهل لك يارب..اشربي قرفة مع كمون، وكثري مشي ، وكولي تمر..
وجيبي فوطة وحطي عليها شوي حلتيته والبسيها مدة ساعة ..وراح يفتح عندك الرحم
او سوي الكبو (التبخر) الي هو مرة+قشر بصل+كمون+حبة سودا ..وتبخري فيه لمدة خمس دقايق
وبيفتح الرحم باذن الله
اذا شفتي انك طولتي.،خليهم يسوون لك قيصيرية .. خاصة اذا عديتي اسبوعين بعد التاسع
الله يقومك بالسلامة فراولة ونسمع خبر ولادتك الليلة يارب
الله يسهل عليج إن شاءالله
الخوات ما قصرواو المشي والتمر وماء زمزم والله الله بالدعاء وربك متى مااراد جابه ادعي انك تقومين وياه بالسلامة هذا اهم شي والله يسهل عليك يارب وتولدي قريب بإذن الله تعالى وطبيعي بعد ..