وراي وراي يا حلوات

ما كان ضني فيكم 32 ولا رد وعلى العموم مشكورات

على حسب الميزانيه واللي يحبه خطيب اختج ممكن نحدد

يعني ممكن تكون الهدايا التقليديه مثل : عطور .. بوك .. ساعه .. جوال .. زرار ..

وممكن تكون اشيا ثانيه وبما ان اختج مخطوبه اقترح عليج تحط مع الهديه شي يذكره فيها

يعني اتذكر انا ايام الخطوبه عطيت الغالي سلسله على شكل قلب كنت لابستها لما جا يزورني واهو

طالع فصختها وعطيته قلت له عشان تتذكرني دووووم ... علقها بسيارته ولين اليوم ماشلها

ممكن تهديه شي عليه صورتها او ممكن تروح محلات التغليف يحفرون لها على الهديه اذا كانت زجاج مثلا

اما بالنسبه للتغليف فبكل بساطه جلاد حلو ومن المفضل يكون ساده وشريطه ساتان مو من نفس اللون

يعني مثلا الجلاد ابيض والشريطه حمرا ... او الجلاد عنابي والشريطه جولدن

وشويه ورد مجفف منثور بالداخل وشوية اكسسوارات بنفس لون الشريطه من الخارج

في هديا رهيبة في طقم كالونيا انا شاريتة لزوجي من قزاز بشنطة اسطوانية والحين استعمل الشنطه للسفر احط فيها اغراض الحلاقة والكريمات وصابونتة والله رائعة