سؤال محيرني بس لا تضحكون علي !!!

هلا اختي ام جهاد .. شخبارج عسج بخير

بصراحة هذا السؤال ما قط خطر على بالي ,,,,,, بس صج من ينظفهم ...؟؟؟؟؟؟؟؟؟؟؟؟؟؟

ما ادري يا نياز العلم عند الله و عند البنات ههههههه

ماقد جربت الشي هذا

عزيزتي الغالية ، لما تروحين المستشفى للولادة يعطونج الثوب الأبيض تلبسينه ، أنا لما رحت أولد بولدي عطوني الثوب الأبيض و أنا بدلت بنفسي ( أنا رحت المستشفى لما انفتح كيس الماء و كان ينزل مني ماي و دم ) وبعدين خذوني غرفة الولادة ^_^

بعد الولادة تطلع المشيمة بمساعدة الدكتورة و الممرضة و ينظفون لج و يخيطون المكان .. بعدين يساعدونج تروحين الحمام ( قلت لهم ما أحس اني حصرانه ) لكنهم اصروا اني لازم اروح الحمام و الممرضة مسكتني من ذراعي و قالت هذا لازم نسويه مع كل وحدة تولد .. بعدين خذوني الى غرفتي و انا بدلت الثوب الأبيض بالملابس اللي في شنطتي

وكل يوم تجي الممرضة مرة أو مرتين بالمعقم تنظف لج مكان الولادة (المنطقة الحساسة عشان الجرح لايلتهب)

أما الفوط الصحية فاللي ولدت تبدلهم بنفسها

والله يقوم كل حامل بولادة السلامة

نسيت أذكر لج ان بعد الولادة مباشرة ينظفون الياهل شوي و يخلونه فوق صدرج ^_^ وبعدين يشيلونه

ههههههههه المحاتة من الحين ؟؟؟


مثل ما قالت الاخت بحرينية ..

انا تحملو فيني عددددل و اسمع هدرتهم بالانجليزي يقولون انا بيبي و جبت بيبي و جان وحدة من النيرس تبي تحملني خخخخ ، قلت لها لا بمشي و يمسكوني من ظهري و ايدايي و يوقفون ع راسي في الحمام عزك الله ليما اقدر اقضي حاجتي بسهولة حتى يطمنون .. !


و بعدها اللي ذهلني و صدمني ، يجون ممرضات بحرينيات يبدلون لي الفوط كل شوي .. و انا حدددي خجووولة ، لحظة اللي تدخل ابي اصيييح لان وحدة منهم من ديرتنا فشلـــــة !


لكن مجرد يومين و يطوفون و تفتكين و الله يقومك بالسلامة !

ههههه حبيبتي سؤالج في محله عيل لو تعرفين انا شو احاتي مع ان هذا ثاني بيبي.احاتي كيف بيلس هالساعات حزه الولاده من غير ملابس داخليه فشله..خخخخخ ويلست افكر في الموضوع طول الليل

ان شالله البنات فادوج

انا لما رحت كنت 2 سانتي لبسوني ثياب المستشفى لونه ابيض بعدين لما ولدت اهم نظفوه وودوني الاستراحه لما نمت جم ساعه قعدوني اروح الحمام علشان يتطمنون قلت لها لو سمحتى مااعرف اسوي شي وانتي تطالعيني صكت الباب شوي بس ما تحركت من مكانها وتالي لبستني ثياب ثانين نظاف ولما ودوني الحجره بعدين بدلت بروحي والعصر اختى عدلت شعري ولبست ثياب الاستقبال

الله يعين المتزوجاااااااااات هههههههههههه

مواقف صعبة

يحليلج أم جهاد ضحكتيني.. شلي ياب طاري هالسؤال على بالج الحين .. الحين بس فكري باللي في بطنج وبعدين فكري بالولادة... باقول لج مختصر ولادتي عاد هالسالفة عتيجة من أربع سنين....

اولا ماتدخلين يلبسونج ثياب المستشفى اللي مفتوحين من ورده وبعدين عقب ماتولدين وحالتج حالة من العرق والخياس والدم.. طبعا بيرجعونج حجرتج بس مافيج شدة تقومين.. آنه ولدت الفجر وماقدرت آقوم الا الظهر وكانت كشتي حالتها حالة وبعدين قمت بروحي الحمام وزوجي ساعدني وصرت نظيفة آلق.....


الله يهون عليج ويسهل حملج ويفرح قلبج بأحلى نونو... وقولي لي وين بتولدين يكون آزورج وآشوف شلون بتكون نظافتج....

مرحبا حبيبتي ..

بعد الولاده ... يودوننج غرررفة ويخلونج ترتاحين فيها ..

بس ما تطلعين منها الا أول مودينج الحمام تفضين بطنج :p

وبسس يودونج بعدين الجنااح

واذا صرتي زينه الصبح تقومين تسبحين بروحج :p

وبالنسبه للفوطه :) بعد الولاده الممرضات لما يخلصون من الخياطه يحطون لج الفوطه

وبدون ملابس داخليه بعدددد .. يحطون الفوطه وما أدري شلون يربطونها خخخخخخخ

وبسسسسسسسسسس

وبالسلامه ان شاء الله

وتحياتي

مثل ما قالوا المجربات

والله يعدي لج هالأيام على خيررر

وبالتوفيق للجميع,,,,

غيرت رايي ما ابغي اولد :confused::confused::confused:

يعني خواتي صار لهم جذي مثلكم

استحي اسئلهم :(

يالله كلها يومين و بنرجع البيت

و لا بشوف الممرضات مره ثانيه و لا يعرفوني هههههههه

الصراحة ما خطر هالشي عبالي ابد خخخخخخخخخخخخخخخخخخخخ


بس مساكين الممرضات

حتى انا حامل في الشهر الخامس وافكر نفس التفكير كيف ينظفوني ويخيطوني والله احرااااااااااااااج ويناظرون عورتي
الله يفرجها من عنده اللهم اااااااااااامين

ام جهااااااااد


وسعي صدرج يا عيوني.. المتزوجات مساكين ترررا .. حتى انا الفترة اللي راحت يوم فحصت علي الدكتورة داخلي..

مت من الاحراج .. الله يكون بعوناااااااااا يارب..

مشكورين كل يلي ردو على موضوعي
و اخذت فكره بشكل عام عن الموضوع كله
و ان شاء الله بعد ما اولد بخبركم الي راح يصير معاي ..
و اتمنى لكل البنات ولاده سهله و بدون احراج هههه