امس في الطوارئ وحدة تولد عندي ، جابت لي عقدة وزادت خوفي خوفين..ياويلي ويلاااااااه

خخخخخخخخخخ وريف فليم هندي سويتي يلحين شنو بتسوين بعدين

ولا تبين ايي لج اطيح فيج تفرص لما تصحين


الله يسهل عليج يارب

وريف صج الموقف صعب

بس حطي في بالج كل وحده ولادتها غير عن الثانيه

وماعلييييييج الا بالدعـاااء بتسهيلها ان شاء الله


,, الله يقومج بالسـلامه

الله يسهل ويهون عليك ولادتك يارب العالمين..

هلا حبيبتي

لا تخافيين ولا شي
انا مجربة الولادة مرتين

صج يوم كنت بكرية اتخيل الولادة فيلم رعب
بس بعد ما جربت طلع مو فيلم رعب ولا شي
لانه شي مقابل شي..
ألم مقابل طفل جميل يقولك ماما

بس سبحان الله
الله يسهل على عباده

وكلها كم ساعة وبتشوفين ضناج وبتنسين الألم اللي صادج

ادري طولت
بس قاعدة احاول اخليج ما تخافين

والله يسهل عليج حبيبتي

-

من خاااااااااااااااف سلـــم يااوريف

لحظاات حلــــوه تعيشينهااا ان شاء الله

لمن تشووفين جنينك طلع وجابوه لك تبووسينه:clap:

رااح يرووح منك كل التعب بلحظه

عسى الله يهووووون عليك ويقومك بالسلااامه انتي وجنييينك

يااخوااافه :dd:

الله يعطيكم الف عافية يابنات ،، على مواساتكم لي الله لايحرمني منكم

من جد ردودكم تثلج الصدر وتحسسني اني مو لحالي بالهالمعمعة


الله يهون علي وعلى كل الحوامل

الف شكر لكل اخت مرت من هنا ،(f)

انا بكرية بالخامس واشحن من هالسوالف المرعبة ..
الله يسهل علينا الامر امييين

الله يهون عليكي ويسهل ولادتك وتشوفي ابنك بحضنك سليم معافى ..

عزيزتي الله يسهل عليج و على كل حامل ، لا تحاتين و لا تخافين ، الله معاج و كله بأجره
اشلون عيل الجنة تحت أقدام الأمهات ! ^_^

خخخخخخخخخخخخخخخخخخ انا مااشوف ان الحرمة سوت شي يخوف مسكينه ولادة طبيعيه ولازم ألم وبيروح

سمعي انتي لا تفكرين في الولادة ولا شي وقت الى بتولدين اهي بتيي بروحها هههههههههههه وبعدين فكري شلون يطلع البيبي ان شاءالله بالسلامة

الله ييسرلك ياقلبي ويهوووون عليك

انا كرهت الطواري من الرعب اللي شفته ....

ماودي اروح الإ على غرفة الولاده عالطوووول ولوووحدي ...... :)

الله يسهل على الجميع ان شاء الله
ويرزق الباقيات بالذريه الصالحه

مثل ماقالوا البنات كل واحدة تختلف ولادتها عن الثانية الله يسهل عليك وعلينا يارب ويهون ولاداتنا كلنا وفرحة شوفة الجنين بعافية تسوى الدنيا ومافيها والله يتمم على خير يارب

ياعمري عليكي

الله يسهــــلكـ الولآدة ياااااااااااااااااااااااارب العالميين

(:

مرحبا وروروروفة

<<<<<<دلعك لانها الحين بتهزئك:mad:

هاتي اذنك افركها لك

وشهولة الخوف خبلة انتي << تمون

ترى الخوف هوو اللي يسكر الرحم ماراح تستفيدين شي من الخوف << علمي نفسك

لا والله صدق انتي لاتفكرين بالولادة فكري بالبيبي كيف بيكون شكلة عيونة فمة

فكري كيف بتعيشين معة وايش بتلبسينة فكري بزوجك كيف بيفرح فية

يعني كل ماحسيتي بالخوف طفية بالتفكير بالاشياء الحلوة

فكري انة بيجي شي يقولك ماما

تخيلللي كيف بتحضنية والله صدقيني بتنسين الخوف

<<<<من بيسكتها

انا حاسة فيك كنت مثلك ويمكن اكثر

التساهيل من رب العالمين وتاكدي لو الالم لايحتمل كان محد حمل صح قولي صح ولا لا

<<خلالاص والله بختم

الله يهون عليك واعذريني على التهزيء بس امون مو اختي <<<<نشبة :D

ههههههههههههههههههههههههههههههههههه

وربي ياوريف صار لي نفسك بالضبط قبل كم يوم انا في مستشفى الحرس الوطني

رحت وطلع الرحم مفتوح واحد سانتي ومعاي طلق خفيف وموعد ولادتي فات بس طلعوني

وقالوا خلال هالاسبوع اذا ماجتك ولاده تعالي ونعطيك طلق صناعي:confused:

بس الصراحه شفت افلام رعب هناك وبغيت اصيح حتى اني قلت للدكتوره ابي ابرة ظهر

قالت لي وش تبين انتي ؟؟:ss: توك ماعندك ولاده :mad:

المهم ..الله يهونها علينا جمييييييييييييييعا

هلا بنات نورتو موضوعي الله يخليكم لي يار ب، احلا شي المشاركة الوجدانية لاننا نمر بنفس الوضع الله يهون علينا وعليكم جميعا


/
بارك هايين تمونين يختي صفقيني محتاجة احد يصفقني عشان اصحصح مرة خايفة انا عقدت الدكتورة عند الكشف وش عاد الولادة خخخخ

يالله تساهيلك يارب

/

فراولة القصيم يوووه عاد الحرس شي ثاني كثيرين هههههههههههههه الله يهون عليكي يارب
صديقتي ولدت بالحرس واخذت ابرة الظهر وتمدحها حمدالله

اختي الله يساعدك بس خرعتينا واحنا تونا في البداية إهي إهي

يلا ان شاء الله الله يهون عليج وتولدين بالسلامة ... وشيلي هالافكار من بالج

انا ياما اسمع بس اتناسى أحاول ما افكر من الحين ......

اختي ولا تخافي ولا تحاتي ادعي ربك يسهل ولادتك ............انا بعد لما كنت حامل بنتي كنت اروح الطواري على طول واشوف الي تصارخ والي تبكي واشوف على اختي الكبيره تقولي هذولا يدلعون خلي قلبك قوي والصراحه اجلس ادعي لهم الحمد لله كانوا مقررين لي طلق صناعي ومن كثر ما ادعي ولدت طبيعي وكانت ولدتي سهله ولله الحمد ..........وكانت اختي ويايا في الولاده كله تضحك وتقولي تعالي نتراهن بتطلع بنت او ولد واا ذ بنت فيها شعر او لا .....من سوالفها الحلوه ما حسيت الا وبنتي في يدي فديتها عسوله ومفتحه عيونها كنها تقولي ماما انا وصلت ...... لا تجلسي تثكري في الم الولاده فكري في اجمل لحظه لما تشوفين البيبي والله وربي انها اجمل لحظه في عمر المراه