سؤال لبنات البحرين

هلا فيج حبيبتي

تنــــــورينا

امممممممم ماعندي خبر عن التخفيضات

وبالنسبة لمجمع العالي مارحته ولا مره لأن ما سمعت أحد يمدحه

والكل يقول إنه غااالي يعني تلاقين حاجات حلوة بس غالية وايد ..

المجمعات المعروفة والراقية والحلوة عندنا : ( مارينا مول + السيف )

و مع العائلة ( مجمع البحرين ) ومن اسبوع أو أكثر فتحوا ( سيتي سنتر )

هذا راقي وايد ، ماركات .. وكل شي فيه .. بس مب كل المحلات فتحوها

إن شاء الله أفدتج بشي

وكل عام وانتي بخير

ستي سنتر المجمع الجديد روعة ..
بس للحين مو كل المحلات فاتحة فيه

والله مشكورررررررررررررررررررين
وكلكم ذوق
وحبيت اسئل وين موقع السيتي سنتر؟

ام الكتاكيت;7317275:
والله مشكورررررررررررررررررررين
وكلكم ذوق
وحبيت اسئل وين موقع السيتي سنتر؟

هو في نفس منطقة السيف بس قبله بشارع \\\\\\\\\\ يا عيني على الوصف الدقيق

مرحبا اختي

شوفي اذا كنتي من النوع اللي تلبسين غالي و تحبين الماركات و الشي المميز .. مجمع العالي

اما السيف فتقريبا اغلب محلاته عندكم في الامارات .. يعني الماركات المعروفه مثل زارا و منقو و ربعهم

الستي سنتر كذلك .. بس انه فتحت فيه محلات اكثر ...

مجمع البحرين احنا نسميه مجمع ( جيان ) حلو روحي له بعد فيه محلات معروفه بس ايضا فيه محلات مو موجوده في الستي و لا في السيف

مارينا مول .. مجمع صغير فيه سبلاش و شو مارت موجود عندكم في دبي

و حياج الله اختي

هلا حبيبتي حياج الله في ديرتج الثانيه

اذا تبين المجمعات الرخيصه يعني المتوسطه في الاسعار

مجمع اللولو
مجمع مارينا مول
مجمع ستره
مجمع البحرين ( جيان)

واللي شوي احسن منهم

مجمع السيف
مجمع العالي ( كلش غالي ) ما انصحج فيه
مجمع ستي سنتر

الاسواق
* سوق الرفاع
* سوق المحرق
كل شي تحصلين فيهم

وان شاء الله قدرنا نفيدج

اختج
بحرينيه

انا جيت للبحرين قبل كذا
بس رحت للسيف والعالى بس
وحس العالى مرررره حلو واسعاره كويسه بنسبه
لاسواق دبي والرياض
واستغرب انه ماتحبونه كثير ياهل البحرين وماتمدحونه
بس احب اعرف متى تخفيضاتهم

هلا فيج يا الشيخةاتنورينه

بالنسبه للتخفيضات
عندج تبتدي من نهاية شهر 12 الى نص شهر 2 تقريباومن شهر 6 الى النص من شهر 8
هذي بالنسبة لمجمع السيف ومجمع البحرين(جيان)

اما بالنسبه لمجمع العالي مب وايد انروحه ومب ووايد ايسوي تخفيض يمكن محل او محلين الي ايسووون واسعاره مبالغ فيهااااا يعني مره عجبتني تنوره حلووووة وكلها شك وشغل كانت 320 دينار يعني( 3200 درهم تقريبا) تخيلي يعني اقط ثلاثة ارباع معاشي عليهاااا مايسوى وحرام لكن كانت مميزة وحلووووة يعني ماراح القى مثلها بمكان ثاني......

وفي مجمع الدانه بعد بس مافيه محلات واااايدللثياب وغيرهاااا الناس اتروحه لان فيه السينما او عشان لولو هايبر ماركت مثل الي عندكم بالامارات

بس اللحين الكل ايروح سيتي سنتر البحرين لان اهوه المجمع اليديد وفيه ماركات يديده غير عن الي بالسيف والعالي والدانة او مجمع البحرين او المرينا او الاسواق الشعبية والعادية

اتمنى قدرت افيدج

اذا تقولين ان العالي اسعاره كويسه و تعجبج عيل ليش تسألين عن التخفيضات ؟؟؟؟

لان العالي يعتبر من اغلى الاسواق عندنا .. و ترا مو بس عندنا حتى مقارنتا باسواق السعوديه و دبي !!!

روحي سومي الجلابيات عند العالي توصل الى 800 دينار .. و 500 و 400 .. يعني 8 الاف و خمسه و اربعه ..

الجزم و الشنط عندهم بالالوف ..

مادري اذا هالاسعار عندج مناسبه ؟؟؟

انا وضحت فى رسالتى وش اقصد
انا قلت انه اسعاره مناسبه بالنسبه لاسواق دبي والرياض
وذا فهمتى قصدي غلط هذى مشكلتك
وماظن ان فيه احد مايفرح بالتخفيضات ومايدورها!!!
واشكر كل من در على استفساراتي

مشكلتي !! اشدعوه صارت مشكله ؟؟؟

ليش تزعلون من الصراحه .. انتي جايه تسالين عن المجمعات و التخفيضات

يوم قلنا لج ان العالي غالي قلتي اسعاره مناسبه .. عيل بالنسبه لج السيف وباقي السوق في البحرين

كله تخفيضات اذا العالي اسعاره بالنسبه لج مناسب ..

عموما المعذره على صراحتي .. اللي زعلتج

ايوه صح كلام الاخت ذهبه صحيح

العالي اسعاره غاليه مو مناسبه اغلب بضاعته من الالف درهم و طالع

انا اقول بالنسبه لدبي والرياض
يعني لو ابغى الغالي كان تسوقت من دبي وريحت نفسي
انا بضاعت العالى عاجبتي بس انطرهم يسوون تخفيضات
هل السوق يسوون تخفيضات او لا هذا سؤالى
والذاهبه معليش اسلوبك حسيت انه استهزاء فينى علشان كذا عصبت
واعذرينى اذا غلطت عليك

حبيبتي بنات البحرين ما قصرو معاج اذا تبين سوق راقي في المجمعات والعادي وشعبي وتلاقين احلى من المجمعات وارخص ونفس الماركة سوق واقف مدينة حمد شارع الخدمات جد علي وسوق المحرق وسوق المنامة لكن ما انصحج بالمنامة لانه تعب وايد وتغير الا اذا تبين الذهب ومجمع مدينة عيسى ويا هلا في ديرتج.

مشكوره
على ردك وكلك ذوق
بكره انشاءالله عندكم فى البحرين ادعولنا نوصل بالسلامه