للدرجه دى ؟ آخر الاحداث منه

ازيكم يابنات
واسفه جدا انى قلقتكم عليا كده والله كان غصب عنى
تصوروا ؟؟
مش هاين عليهم اعيد وانا مبسوطه ؟
يعنى بكره العيد عندنا تصوروا عملوا ايه دلوقتى (ليله العيد)
اتصلوا على بابا علشان عايزين الشبكه
البيه اللى متصلش ينهى حتى او يعتذر عن تكلمت الخطوبه مخللى جوز اخته اللى عمرنا ماشوفناه يتصل هو مش علشان يعتذر او ينهى؟
لا
اتصل علشان عايزين الشبكه :eek:
تصوروا
مش هاين عليهم اعيد وانا ناسيه او فرحانه
لازم ينكدوا عليا مع انى كافيه خيرى شرى ومانعه اى كلام فى الموضوع توقيت غريب للاتصال مش كده ؟؟

هحكيلكم بقى اللى حصل وانتوا احكموا وياريت لو بنات من المنصوره يحضروا ويفهمونى ده كده عندهم طبيعى ولا لآ :(:(

طبعا انتوا عارفين اخر حاجه لما قولت هروحله برغم ان ده عندنا غلط وعيب وكده
انا فعلا روحت فى يوم والله وانا صايمه وسفر واول مرره اسافر مواصلات عند صاحبتى دى
وفطرنا وجه جوزها كلم محمد لقاه مش هينزل الشركه بعد الفطار وكده طبعا محدش قاله انى موجوده علشان ميتهربش وكمان علشان ميزعلش من صاحبه انه خبى عليه ومتفق معايا !
المهم نزلنا الساعه 8 بليل كده وفوتنا على الشركه وكانت معايا صاحبتى وجوزها كلموا محمد فينك يابنى ؟
انا جاى اهو ادخلوا دى هاله جوا (اخته الكبيره) وكان ليها موقف غريييييييييب جدا هتستغربوه مناقض لكل اللى فات .........
المهم مرضيناش ندخل الا لما يجى انا خفت صراحه
المهم محمد جه علينا وسلم على صاحبتى الا ولقانى طبعا ملامحه اتغيرت مش مصدق سلم عليا ومسك ايدى كده وهو بيسلم طول شويه وسحبها براااحه فاستغربت قوى (يعنى واحشاه؟)
عزم علينا ندخل وطبعا موجهليش كلمه واحده ولا انا كمان خصوصا وانه مش معرف حد انه خاطب لظروف برضه قالها واحنا قدرناها وياريتنا ماكنا اصحاب اصل وياريتنا ما صدقنا ومتكموش علينا فى النقطه دى برضه غير لما تستفسروا عنها كويس
المهم اخته شافتنى فرحت قوى وايه المفاجأه الجميله دى وكده وحضنتنى وكانت فين من زمان المفاجأه دى؟:ss::ss: قولتلها كان ليها ميعاد وضحكت
وهنيتها على انها فكت دراعها لانها كانت عملت حادثه وركبت شريحه فى دراعها الفتره الاخيره ..
المهم محمد فضل يدخل ويخرج والله لطعنى فى الشركه لحاااااد 10 بليل واللى عرفته بعد كده انه مكنش عايز يقعد معايا وانوا بيقنعوه وانا كنت حاسه وقولت لاخته الكلام ده قوللى لا والله ابدا هو بس مع عميل وكان فعلا قدامنا مع ناس وصاحبتى تكلمه وجوزها يخرج وراه وانا كنت حاسه وكل مااسألهم يقولولى لا ابدا هوبس بيقول هخلص من الراجل ده واجى
ياااااااااااااااااااااااااااااااه حسبى الله ونعم الوكيل على جرحى وجرح قلبى وكسرت فرحتى منهم لله
والله اعصابى بدأت تسيب لما افتكرت اللى حصللى وانا عنده .......
الراجل اللى كنت هأمنه على نفسى مش راضى حتى يقعد معايا وبيقنعوه يقعد بس
يااااااااااااااااااااااااااااااااه فين ده من اللى كان ؟
فين لما كان بيكلمنى كل شويه
كان بيتحكم فيا بناءا على ايه؟
كان بيعمل معايا كده ليه ؟
كان بيحلفنى عمرى مااسيبه ليه؟
كانوا بيتشرطوا عليا ليه؟
كان بيحكيلى عن حياتنا الجايه ليه؟
كان بيصبرنى عليه ليه؟
كان وكان وكان كل شئ مناقض للى سمعته وصدمنى ..................
المهم فين وفيييييييين ركبنا العربيات وطبعا ركبت مع جوز صاحبتى تصوروا:eek:؟
وروحنا مكان
كان متجاهل وجودى تماما لحاد ماصاحبتى قالتلى ايه ياميرا خدى محمد وقوموا
فقومنا
طبعا نسيت اقولكم ان كل كلام اخته انها طايره بيا وانها مش مصدقه انى موجوده وانها احلى مفاجأه وكده ونصحتنى انى مسيبش محمد غير واحنا متراضيين ومتصالحين وقالتلى مهما قالك قوليلوا لآ انا عايزاك وهتجوزك غصب عنك وكلام كده خصوصا لما قولتلها انا عرفت انكم زعلانين قولت اجى اصالحكم قالتلى لالالالا احنا عمرنا مانزعل منك ياقمر انتى عارفه احنا اخوات وياما بيحصل انتى بس كنتى مشدوده يوم دمياط الله يكون فى عونك برضه كنتى عصبيه غصب عنك ؟
انصدمت قولت تانى؟ :ss::ss: قولتلها لا والله هو يوم كان غريب منا بقى مش رايحه اتخانق خصوصا وانها خليت الموضوع بينى وبين محمد وهم خلاص متصافيين من ناحيتى وكمان محمد مكنش قاعد فاهفتح فى الموضوع ليه وهى بتضحك وكويسه معايا؟ وبتقوللى لازم تعرفى اننا عايزينك مهما حصل وبنحبك قوى ومش هناخد غيرك :(:(

المهم اول ماقعدت مع البيه
بقوله مالك يامحمد ؟
قاللى مفيش
لا بجد مالك؟
مفيش
امال زعلان منى ومش بترد عليا ليه؟
لا ابدا مشاكل
مشاكل ايه ؟ انا جايه افهم منك مالك

لا ابدا يااميره كل الحكايه انى مش هقدر اكمل معاكى
:eek:
عارفين اللى يقابلك ويخبطك على راسك جااااااامد
محمد انت بتقول كده ليه ؟ ايه اللى حصل فهمنى طيب (بحاول افهم وياسبحان اللى خلانى اقدر اتكلم)
لا ابدا مش هينفع
ليه؟
كده مش هينفع
طيب فهمنى ايه اللى خلاك تحكم انه مش هينفع قوللى فهمنى طيب
مفيش حاجه هو كده
وطبعا كل ده ومجتش عينه فى عنيا ولا مرره
محمد بصلى وقوللى ليه ؟
ابدا انا مش هينفع انى ارتبط دلوقتى
قولتله ليه هو احنا ماشيين مع بعض؟
جاى بعد سنه ونص تقول مش هينفع ارتبط
كان فين ده قبل ماتخطبنى ؟
مكنتش اعرف الظروف حصلت ظروف مش هعرف اتجوز قبل سنه على لاقل
قولتله بسلامه نيه وكنت بتمنى تكون دى الحقيقه مش حاجه تانيه هستناك يامحمد ؟
قاللى لا حرام انتى شوفى حياتك ليه تستنيينى ؟
قولتله
اولا انا حرره
الصح انك لما تكون عندك ظروف يبقى كنت تحكيلى وتقوللى وانا اللى احدد اقدر اكمل معاك ولا لآ مش انت يقوللى معلش :confused::confused: قولتله طيب ليه ؟
وبعد كلام كده ملوش لازمه انى افتكره حفاظا على باقى اعصابى
قاللى ادينى فرصه بعد مااجى من العمره اكون فكرت
المفروض انه كان رايح عمره بعدها بيوم
لما لاقى بقى انوا مفيش مبرر مقنع وصاحبتى تقوله محمد كده هيبقى ظلم وربنا مش هيسيب حق اميره يقولها ليه عادى هو انا عملت فيها ايه؟
اتخطبنا ومحصلش نصيب فين الظلم ؟
تصوروا مش واخد باله من اى حاجه خاااااااااالص ولا فاكرين ليا حاجه واحده حلوه ؟
كفايه انك مش معرف حد وكل مااتكلم يقوللى انتى مش مستحمله ولو عايزه تكملى معايا متتكلميش فى الموضوع ده المفروض انك تتحملينى وكلام من كده كفايه دى ؟
بس قال كلمه غريبه
انتى مبطلطيش تشتكى منى واى حاجه كانت بينى وبينك كنتى بتقوليها لطوب الارض :eek::eek: قولتله نعم ؟
اشتكيت لمين؟
وطب الارض مين اللى يعرف انك خاطب وليك كلام معاه اساسا ازا كنت انا من بلد وانت من بلد؟
قصده اخواته وصاحبتى واخته اساسا اللى اتصلت بصاحبتى مش انا .............

ده حتى مفتحش اى مواضيع ينفع نتكلم فيها وصدنى قوى حتى معرفتش افهمه اللى حصل والله انظلمت منهم كلهم ............
اكيد الموضوع معكوك جااااااااامد
كمان قاللى انا بقالى كام شهر بفكر فى القرار ده
قولتله يااااااااااااااااااااه كام شهر ؟
ليه ايه اللى حصل لده كله
يقوللى لا مفيش
اقوله طيب بسبب حاجه فيا يقوللى لالا خالص انتى محترمه جدا وممتازه
طيب ايه ؟
يقوللى خلاص ادينى فرصه لحاد مااجى من العمره وخلاص
والله يابنات فعلا دوقت الذل والله انذليت لاول مرره بحياتى وندماااااااااااانه انى عملت كده اساسا مع الانسان ده ..............
اخته كلمتها وحكيتلها لما كان قاعد مع صاحبتى وقالتلى سيبك منه ومن كلامه قولتلها طيب تعالى اتصرفى ساعدينى
قالتلى حاضر والله جايه خلاص
كلمته بعد فتره رد عليها وكنا خلاص نازلين على القرار ده وانا كنت حاسه انه هروب برغم ان الكل كان بيقوللى لالا ده هيفكر بجد لكن ده خطيبى ياجماعه بحس بيه من عنيه :(:(
نزلنا كان جوز صاحبتى اساسا مشى علشان شغله
ركبنا عربيته مع السواق انا وصاحبتى وهو قال هيتمشى
وطبعا اصر انه السواق يوصلنى وانا رفضت فزعقلى وقاللى اسمعى الكلام بقى مينفعش وبعد فتره وافقت ..........
يابنات انا زى كل البنات لما خطيبك يفاجأك بقرار او اى كلام عمتا مش فى البدايه بتعترضى وتتخانقى كمان ؟
انا ده اللى كنت بعمله لكن والله عمرى مااتخانقت بالعكس هو اللى لما كان يتخانق كنت بكون هاديه ...............
معلش هكمل بعدين يابنات اهدى وهرجع لانى تعبت والله