أناقهـ بنكوشهـ في العيــد2008

صباح العيد مع طلوع الفجر ومع سماع صوت المنبه وتجاهله مع دقة الباب
فديتهاااااااااااااا اول ويه شفته ويه امي تقولي بنكوووشه يالله قومي لوولز تخيلوا تواعيني
امييييه اقول ليش شو السالفه بعدني مب مستوعبه تحت مخدر النوم لوولز

كان شعوري وانا اتعدل غيررررررر ماادري كيف اوصفلكم بس صدق شعوور رووعه

احين تفضلوا لوك بنكووووشهـ الصبح وجلسه صامته واتمنى تفهمون الدرس
حبايبي انا حبيت اسوي مكياجي مكياج الستينات 1960s

حطيت sun block

عقب حطيت من اي كون تحت عيني

وتريت شوي وحطيت كونسيلر ع تحت عيني وع الجفن كامل

وعقب حطيت بودره شيسدو ع عيني

استخدمت
اي شدو بيج - بني فاتح

اول شي حطيت اي شدو بيج ع كامل الجفن وعقب حطيت اي شدو بني فاتح ع طرف زاويه الخارجيه من العين ومديته ع فوق ع الجفن الثابت ولا يبين اني انا حاطه لون يعني مخلتنه جنه طبيعي فهمتوا؟؟

عقب يبت الكحل المائي وبديت ارسم من الزاويه الخارجيه خط ومديته شوي ع برع مثل هاي الصورة

وعقب رسمت من فوق خط لين بداية العين بس تعرفون ف 3 ارباع العين قمت اغلظ الخط وامده ع الزاويه الخارجيه

وجذي كانت رسمة العين من فوق
تم حذف الصورة الرجــــاء التقيد وتقطيع الصور

عقب ركبت رموووش (نسيت اصور الرموش:( )مثل ما تعرفون اللي يميز لوك الستينات الرمووش وكثفت الماسكرا ع الرموش

وحطيت ماسكرتي العجيبه

وعقب رسمت خط رفيع لين نص العين ومن داخل العين حطيت كحل فضي

وجذي كانت رسمت عيوني

ملاحظه: بنات هب كل بنت تناسبها هالرسمه يعني لا تسون غلطة اربيعتي مره انا كنت جي راسمه وحبت تسووي نفسي ابد ما ناسبهاا يعني انتوا خذوا مني اللي يناسبكم وتقدرون تغيرون

بعد ما خلصت من رسمة عيوني دمجت البيس مع الفاونديشن ووزعته ع بشرتي وحطيت بودرةشيسدو

ولونت حواجبي بالأي شدو لووولز بس يبين طبيعي لأن صابغه شعري وصار اختلاف باللون لووولز

حطيت بلشر عنابي بس يعطي أحمر

وحطيت ليب ستيك احمر صارخ

وبصراحه كان اللوك رووووووووووووووووووعه ^_^ مداح نفسه يباله........... بكلمها مالي شغل (بوسه)

اماااااا شعري كنت حاجزه وحده اتيني البيت وتسويلي شعري ويتني الساعه 9 فديتها وخليتها تلبسني العدسات لووولز وكانت عدستي هذي ( مادري متى بيقوى قلبي وبقدر ألبس العدسات بروحي) :o

طبعا ما قصرت لوولز كنت عطاتنها الإستايل اللي ابيه من اسبوع واتصلهاا اقولهاا ها عايشه شفتي الصوره
جربتيها ع حد بنت اختج بنت اخوج عسب تضبطيلي ياهاااااا عدددل وبصراحه هييه فنااانه
بس عاد انا الوسواسيه لووولز اخاف ما تضبطهاا وبنات مثل ما تشوفون هاي الصورة انا صبغة شعري نفسهاااااااا بالضببببببببط وسووتلي ياها بصراحه رووووووووووووووعه حتى الكل يسألني
وين مسويه شعرج

طبعا ممكن تشوفون أغلب تسريحاتي شعري يعني ماانزله ع ويهي
لأن قصتي طويله وما قصيتهاا وماافكر لووولز بس يمكن ع العيد الأضحى لو الله حيانا كتغير استايل

وسويت في نيلزي لوولز ---->حلوه نيلزي هذي فرانش ما نكير
مثل ما تشوفونها بالصوره ( مب ايدي هذي)

بدلتي آه يا بدلتي بصراحه كان خاطري البس فستان ناعم لوولز بس يوم انا رايحه اشتري شفت اربيعتي في المول وقالتلي خلينا ناخذ نفس بعض وعاد انا انحرجت لووولز
هذي التنوره اللي انا اخترتها

وهذا القميص

التصوير هب عاطنها حقها بس حللوه وايد في اللبس

وهذا الإكسسوار اللي لبسته

وهذي عباتي بعد هب امبين مووديلهاا بس رووعه صورت جزء منهاا

يتبع حبايبيـــــ

مرحبااااااااااا حبااااااااايبي رجعتلكم مع لوكي التركواز والفوشي

طبعا هاي طلعتي كلنا متيمعات البنات وحددنا المكاان اللي نروح فيه وكانت طلعتي من الساعه 7 المغرب لين 8:15
اول شي بدت معاناتي مع العدسه لوووولز^_^ عاد انا روحي مااعرف ألبس واتصلت لأخوي
ايي يلبسني لووولز ربع سااااعه اظني واكثر يلبسني لين ماعصب وقالي خلاص ما بلبسج
وانا اقووله خلاااااااااص تكفى بس ما بغمض عيووني


وكانت عدستي Gray ( صورتلكم ياها قبل عن احطها في العلبه وإن شاءالله تكون واضحه )


واحين بيبدا مشواري في شرح رسمة عيوني اسمحوولي يعني مااعرف ارسم ع الرساام ولا جان رسمت لووولز احسن مااعرف لوولز^_^ ولا بيكون الشغل زياده علي ولا بخلص لووولز


استخدمت الفضي..والتركوااز..الفوشي..الاسود..




اول شي وزعت الكونسيلر ع جفن العين وع تحت العين ومن عقب حطيت فاونديشن وزعته بطبقة ثجيلة ع العين ويتم التوزيع بطرف الأصبع وانا حطيت طبقه ثجيله عسب يكون الجفن رطب عسب يمسك الأي شدو
وعقب حطيت البودرة الحره تحت العين وكثرت منها


رسمت عيوني
حبيت اقولكم حبايبي في البدايه لازم تكون ايدكم خفيفة بالشغل وبالراحه يعني تكونون رايقين هب بسرعه يالله أي شي والسلاام
وزعت الظل الفضي تحت الحاجب
وعقب وزعت الأي شدو التركواز ع الجفن الثابت من اول طرف العين"صوب الدمعه" إلين نص العين وعقب وزعت الأي شدو الفوشي ع الزاويه الخارجيه ومديته ع برع ورفعته ع فوق وحاولت امووه بين التركواز والفوشي
بعدين يبت أي شدو اسود وع الطرف العين الخارجيه حطيته كل ماوصلنا الي زاوية العين الخارجية ثقلت الأي شدو
وحاولت ادمج ما بين التركواز اللي في نص العين وما بين الفوشي اللي وزعته فوق الجفن الثابت وعقب رسمت عيوني من داخل

وبعدين رسمت عيوني من الخارج بالكحل السائل من فوق وتحت وعقب رسمت بدايه العين يعني من تحت الكحل لون التركواز تقريبا لين ربع العين وحاولت ادمجه مع الكحل وبعدين كملته بلون الفوشي ومديته ع الزاويه الخارجيه من العين



عقب استخدمت الماسكرا ونظفت تحت العين وحطيت لمعه خفيفه تحت الحاجب


وكانت رسمة عيوني جي




حطيت البيس من ميك أب فور إيفر وطبعا مثل ما تعرفون البيس يشكل طبقة عازلة بين البشرة والأساس ويساعد ع ثبات المكياج ويعطي رونق للمكياج

وبعد 5 دقايق سويت خلطتي لوولز^_^

حطيت نقطه من الدايموند فور إيفر وانا عندي بلون اللؤلؤي ونقطتين من فاونديشن من ميك أب فور إيفر ليكويد
ودمجته بصبعي وحطيته ع بشرتي
وبعدين حطيت بودرة ميك أب استيديو

وعقب غمجت حواجبي المغبره لووولز*_^



حطيت هذا البلشر بنكي



وحطيت قلوس فوشي من ديووور



Ma Nails

حطيت مانكير فوشي عاد بدت حركاتي في نيلز خرمت ظفري مثل ما تشوفون في الصورة خرامه الأظفار وخرمت ظفري يعني لا تقولون شوهت ظفري لا يعني يا دوب تنشاف وعلقت الفلاور البنكي ع ظفري



تسريحة شعري بصراحه انااا سويتها مع مساعدة الخدامه لي لووولز^_^
وكانت تسريحتي مثل هذي

بالضبط طبعا انا قبل كل شي مسويه Search كيف استايل شعري اباه وقمت ادرب عليه لين ما ضبطتهاا يعني لو حبيتوا تسون شي لازم تجربون قبل عسب ما تتورطون عقب والحمدالله قدرت اسويهااا


وهذي كانت بدلتي طبعا لبست شي ناعم مب ربشه لأن طلعتنا ما راح تكون في البيت لوولز
ما فيني ألق من بعد امتار لووولز وهاي صورة البدله



احس القميص هب واضح وهذي صورت القميص هو لونه فوشي بس ماادري ليش يبين عنابي


وهذي Accessories اللي لبستهاا.. والهارت الوردي هذا حطيته ع شعري شورايكم؟؟

وهذي كانت عباتي لوولز موديلها شوي غريب بس صورت جزء منها



يتبع حبايبيـــــ لا تروحون مني مناااك تابعوني

اللوك الأخيـــــــــــــــر


لوكي الأخير بلون الأخضر طبعا هذي يلسة الأخوه يعني العزيمه تكون اخواني وحريمهم وخواتي

فحبيت يكون اللوك ناعم

رطبت بشرتي بكريم نيفيا


وحطيت كونسيلر ع تحت عيوني وع جفوني



استخدمت أي شدو لون واحد مثل ما تشوفون في الصورة


وزعته ع خفيف ع الجفن المتحرك وعقب خففت اللون بالطبطه عليه
كحلت عيوني خفيف يعني ما يبين اني مجحله لأن لو ما جحلتها يبين شكلي تعبان ورسمت ع خفيف اللون العشبي تحت عيوني
وحطيت الماسكرا

وكانت رسمة عيوني جي



استخدمت فاونديشن سماش بوكس وزعت البودرة الحره


حطيت البلشر هذا وحطيت قلوس من ديور يعني ع وردي ع بطيخي جي يعني وبس






لبست هذي الجلابيه اللي تشوفون صورتهااااا لووولز ياحليله الخياااااااط والله تعب مني تخيلوا عسب اوصل هذا المووديل قولوا عادي 10 مرات رايحه راده عليه وكساعه ازيد شي واغير شي
بس صدق صدق التصوير ابد مب عاطنها حقها يعني في اللبس غيررررررررررررررررررر جنج لابسه فستان بس حبيت تاخذون فكره كيف شكل الجلابيه بس



واهني صورة اوضح للجلابيه



تسريحة شعري ما غيرتها نفس شي في لبس التركواز بس شليت الإكسسوار الوردي اللي ع شعري

Ma nails

سويت فرنس ما نكير بس تدرون بدال الابيض حطيت لون زيتوني وحطيت ع ظفري شانيل اكسسواريز
عاد ميووووودي فديته شوي ويبى ينشعه من ظفري وانا شوي بصيح عاد خايفه لووولز^_^



ولبست التراجي هذي




هذا كان لوكاتي في العيد اتمنى حبااااااااايبي حبيتوا اللوكات واستفدتو مني ولو شوي
شفتوا كيف نتعب في العيد لووولز كذا لوك وكذا بدله ويالله يالله نلحق لووولز وعقب كل هذا نظفت بشرتي تنظيييييييف محتررررررررم لووولز وشليت كل بقايا المكيااااج

ولا تنسوون دعواتكم لإختكم بنكووووشهـ

تقبلوا مني التحيه العطره الموشاه بالورد الجوري

وعيـــــــــــــــــــــــــــــد سعيــــــــــــــــــــــــــــــــــــد

2008 Miss P!nky ©