بنات البحرين/العملية القيصرية!!!

حبيبتي سمات الحمدلله على قومتش بالسلامة
عندي لش اسئلة..
من الي سوت لش العملية؟؟
وشلون تحسي مكان الكبس؟ هل كان مؤلم؟
وحاليا هل تحسينه مب حلو مكانه؟

هلا حبيبتي الشيخة الله يسلمج من كل شر يارب
اللي سوت لي العملية اتوقع دكتورة اسمها باسمة شفت اسمها في الاوراق لاني لما ولدت عملية ماكنت متوقعة اولد بعملية بس نزول ضغطي وضعف نبض البيبي وقام يوسخ في بطني هني اضطروا يعملوا ليي عملية لذلك ماكنت متاكدة من الدكاترة ومن هم ووش اسماءهم كنت في حال مايعلمها الا الله طلق طبيعي وصناعي واخر شي عملية:D
مكان الكبس صراحة نظيف مرة يعني مااحس ان فيني عملية وربي الشاهد حتى لما كنت في فترة الاربعين امي تنظف مكا العملية تقول مرة نظيفة ماشاء الله ..

بالنسبة للالم شوفي ياقلبي مافي شي بدون الم اكيد بتحسين بألم واجدب عليج ان قلت لج مافيه الم بس يوم عن يوم بيخف وبتقدرين تتحركين انا بداية الايام كانت حركتي صعبة خصوصا لمن كنت بالمستشفى حتى ساعات ولدي يصيح مااقدر اشيله من على سريره ادق على النيسرات عشان يعطوني اياه..

وبالنسبة لشكله حاليا زي ماقلت لج العملية نظيفة تماما وشكلها عادي ولكأني مسوية عملية..

بصراحه اشكر تعليقش هذا .. ريح فؤادي شوي
وخصوصا انش لسه مجربة قريب

الله يقومج بالسلامة ولاتخافين ولاشي صدقيني تجربة الولادة جميلة حتى لو فيها الم :)

ابي اعرف منش مارستي الرياضة الحين؟؟
تحسين في تعب للحين؟؟
تحسين في امل الوحده ترجع مثل قبل؟؟
و اذا حبيت امارس الرياضة بعد الشهرين او 3 شهور اقدر ارجع بطني مثل قبل؟
لاني طويلة وجسمي ما تغير اللهما تنفخ من الماي
بس ما بتحمل تكون فيني كرشة وخايفة من الاكتئاب بعيد الشر عنك وعن السامعين

بالنسبة للرياضة والله مامارست للحين لاسباب منها اني مارتحت ابدا لما ولدت ولدي الصلاة على النبي واله تحرسه ماينام وكل يصيح فكنت كل قاعدة ماارتاح ابدا
ولما رجعت شقتي زادت المسؤوليات فما سويت رياضة لكن جتني فترة كنت ابي اسوي بس حسيت ان داخل بطني لازال الجرح يألمي من الداخل لاني مارتحت اصلا لكن لو تحصلين الراحة صدقيني تقدرين بعد 3 اشهر تسوين رياضة..
بالنسبة ل في امل الوحدة ترجع مثل قبل كل وحدة يختلف جسمها عن الثانية عن نفسي ماني راضية عن نفسي لان صارت فيني كرشة بس مو كبيرة عاديةولاني قصيرة فـ متأزمة عدل لكن قلت انتظر لين سيداني يكبر شوي ويصير عمره 7 شهور او 8 يكون فهم وقدرت اتحكم في نومه ومل شي بسوي رياضة البطن وبمشي كل يوم الحين مافي امل ..

وبالنسبة للرياضة على حسب ارادة الوحدة تقدر ترجع بطنها مثل اول واحسن ..وبالنسبة للاكتئاب اكتشفت ان الوحدة اهي الا تجيبه لنفسها عن نفسي الحمد لله على رغم الصعوبات ماحاشني اكتئاب بالعكس كل ماتنرفزت من قلة النوم مع عصفوري الصغير اخذه واضمه لصدري واطيح فيه بوس :D

ربي يسلمش يا سمات
عساش القوة
ويجزاش الرحمن خير

ماسويت شي ياقلبي تجربتي وحبيت افيدج فيها ويارب تكون ولادتج سهلة ميسرة ان شالله..

الشيخة;7332384:
سمات مشكوورة يا قلبي
ما قصرتي والله
دايما راسمت لي الحياة وردية وخضرة في العملية هذي خخخخ

رزقش حلو لانه الله سخر لش ناس زينة، وعندها ذمة
ادعي لي انا كمان
وما تيسرينا إلا على رب العالمين


افدتيني وااايد غاليتي
الله يحفظ لك النونو ان شاء الله
عقبال ما تيبين اخوانه وخواته يزفونه

عساش سالمة دوووم

هههههه العفو يالقمر وصدق عمليتي كانت وردية وخضرا وخيال يمكن لاني ماكنت مخططة لها ولاكنت حاطة في بالي اني بولد عملية..

وتسلمين حبيبتي على هالدعوة اقشعر بدني من قريتها ياجعلج انتي و اللي في بطنج سالمين وغانمين يارب:)

وتقومين بالسلامة حبيبتي ,,