تجمع للبنات الى فسخت خطوبتها.... ربنا يعوض علينا كلنا خير

انا حبتدى...
انا اسمى حبيبه....... بكالريوس صيدله....23 سنه
فسخت خطوبتى من 3 اسابيع..... السبب: اهانه خطيبى ليا و رفضه الاعتذار و الى عايز يعرف المشكله بالتفصيل ده الرابط
http://www.3roos.com/forums/t376772.html
الحمد لله انا حاسه انى احسن دلوقتى لكن اشعر بفراغ رهييييب بعد ما كان خطيبى مالى عليا حياتى و مشغوله بالتحضييير لزواجى لكن دلوقتى احسن شويه عشان انا كمان مقتنعه جدا بقرارى....

انا ما مريت بالتجربه مماثله بس ما حبيت اطلع من غير مشاركه...ربنا يعوض صبرك خير يا حبيبه ويرزقك الزوج الصالح الي يقدرك ويسعدك عاجلا غير اجلا الخيره فيما اختاره الله

هلا اختي ومشكوررره ع الموضوع وانا عن نفسي انفصلنا السنه يلي فاتت مثل هذا الشهر الفضيل بسبب انه اكتشفته عنده علاقه مع مطلقه اخوه ومفروض نتزوج ف الصيف بس كل واحد راح ف طريقه والحمدلله عايشه حياتي بس ما انكر احيانا اتذكر الماضي خاصه لما نلتقي مع امه واخواته والحمدلله ع كل شئ والله يعوضني بأحسن منه ودعواتكم بنات .... اختكم ف الله

الحمد لله ان انك اكتشفتى الموضوع ده قبل الزواج.... و ربنا يعوضك بالى احسن منه.....
انا مش عارفه ليه قبل ما افسخ خطوبتى كان دايما عندى شك فى خطيبى انه بيعرف بنات عليا....
مش عارفه ليه دايما عايزة افتش وراه... يا ترى العيب فيا و لا العيب كان فيه؟؟؟

الله يساعدكم

اختي بطه الحين انصحك انك تعيشي حياتك وتشوفي نفسك وحاولي تتطلعيين مع ربيعاتج واخواتج تغيري الجو وياهم وربنا كريم وام شئ انك واثقه من نفسج تقبلي تحياتي

هاى على احلى بنات فى احلى منتدى بالدنيا بطوط حبيب قلبى ازيك وربنا يبقى معانا كلنا يارب
انا غادة 20 سنة فى ليسانس حقوق السنة دى وكنت مرتبطة وفسخت خطوبتى من 13 يوم بالظبط بعد خطوبة دامت شهر و24 يوم وحب قبل الخطوبة 5 سنين
السبب كان اغنية ولكن توابع الموضوع اتناولت بطريقة غلط من خطيبى فا ادت لفشكلتها والموضوع اهو والرابط اهو للى عاوز يعرف الموضوع بالظبط وميرسى اوىhttp://go.3roos.com/dwDlqNKsCTl.3roos.com/forums/t376816.html
http://go.3roos.com/dwDlqNKsCTl.3roos.com/forums/t383155.html
والحمد لله الى حد ما بقيت كويسة طبعا مش اوى لان الموضوع يعتبر لسه سخن لكن واضح انى هعرف ابدا حياتى وامسك نفسى منكرش انه بيوحشنى اووووووووووووووى وانى بفتكر كل حاجة واقعد اعيط بس يعنى الحمد لله ربنا مقوينى الايام دى
وعندى بجد فكرة حلوة اوى البنات ممكن يعملوها بجد احنا لو اعتبرنا البنى ادم اللى كان معانا مات هنرتاح اوى يعنى نتعامل مع الموقف كانه موت بمعنى انه مش راجع تانى بس طبعا اللى بيموت بنحزن عليه وبنبقى هنموت نفسنا بس الحياة بتمشى فا لو بجد اعتبرناه موت هنتعب اوووووووووووووووووى بس هنرتاح لان مفيش ميت بيرجع ولا بيعوددددددددددددددددددددددددددددددددددددددددددددد

السلام عليكم

معلش يا بنات ربنا يعوضكم خير

بجد بزعل جداا لما بلاقى علاقات بتنتهى كدا ,,, بس صدقونى دا اهون بكتير من مصايب تانية

ربنا يبعد عنكم كل شر وسؤ

ويارب يا بطوطة تكونى دلوقتى كويسة ... وانتى يا غادة ,,, وافردويت كمان

وربنا يعوضكم خير عاجلا باذن الله

بسم الله الرحمن الرحيم((وان يمسسك الله بضر فلا كاشف له الا هو .وان يردك بخير فلا راد لفضله يصيب به من يشاء من عباده وهو الغفور الرحيم ))صدق الله العظيم

السلام عليكم
وعيدكم مبارك
انا فسخت خطوبتي الاولى من 6 سنين ولكن ذكرى الالم الي عانيته الى الحين ماانساها
الحمد لله انخطبت مرة ثانية وصار لي سنة من الخطوبة ولكن عندي احساس وخوف قوي ان افسخ الخطوبة للمرة الثانية بسبب عدة مشاكل
وهذا كان موضوعي
http://www.3roos.com/forums/t334788.html

وبصراحة ماالوم اي وحدة ماتقدر تنسى فترة عاشتها خاصة اذا كان الانفصال بسرعة او بسبب مو قوي مرة بس كل وحدة ان شاء الله ربي يعوضها خير والاهم تشغل نفسها

غاده يا حبيبتى.... انا مبسوطه اوى انك اخيرا ظهرتى عشان اطمئن عليكى.....
ياااااااااااااااه يا درب الحياه 6 سنين....... الله يطمنك بجد
يعنى الواحد فعلا مش حيقدر ينسى.......
تعرفوا النهارده انا اخذت منوم قوى عشان انام.... مش عشان مش عارفه انام.... عشان عايزة انام وقت طويل اوى... عايزة الايام تعدى... مش عارفه انا مستنيه ايه بس عايزاها تعدى و خلاص...
و لما صحيت... حتى ماليش نفس اقوم اغسل وشى و لا اكل.... مش عايزة اشوف حد من الى فى البيت....
فضلت قاعدة فى السرير.... و الحاجه الوحيده الى شجعتنى انى اقوم من السرير هى انى اجى اشوفكم....
هو انا اكتئبت؟؟ و لا داخله على مرحله اكتئاب؟؟؟؟
ساعات بيجيلى احساس انى مش مكتوبه لحد غيره... و اكتر حاجه بقى بتموتنى قهر و دى مش قولتلكم عليها قبل كده.........اكتر حاجه فعلا بتقتلنى هى لما بتخيل انه حيكون لواحده تانيه غيرى....
لما بتخيل انه مع واحده تانيه بحس انى بتخنق و ان الدنيا بتظلم فى وشى و انى بجد عايزة اموت....
مش عارفه امتى حنعدى كل ده و نرجع زى الناس الطبيعيه؟؟؟

انا مش عارفه اقولك ايه
سبحان الله احساسك بيدل علي انك بنوته طيبه ونقيه جداا يا بطه
حبيبتي انا يمكن بقولك الكلام دا ونفسيتي مش متظبطه وعندي احاسيس زي بتاعتك كدا
فكرتيني لما خطوبتي الاولنيه اتفركشت قبل ما تتعمل يعني حتي الفرح ملقتهاش تعرفي احساسك كدا بانك مش عايزه تشوفي حد ولا عايزه تقومي من السرير كان اكتر والله وساعتها كنت لسه بندرس وكانت حياتي متلخبطه جداااااااااااا فوق ما تتخيلي وكل حاجه كنت بحب اعملها راحت ومش عايزه اعملها بس بعد موضوع الخطوبه دا وبفتره طويله يعني سنتين كدا اديني اهو اتخطبت تاني تعرفي والله يا بطه بتنسي بتنسي بتنسي كل الالم اللي راح منك يمكن انا كنت في الاول خايفه وقولت لخطيبي علي كدا قوتله انا بخاف من الارتباط لاني بخاف من الفراق حتي لما حد يقول قدامي عمرك اطول من عمري او انا هموت او الكلام دا حتي والله وانا مقتنعه ومتيقنه في الله خير بخااااااااااااااااااااااااااااااف قوي بس الانسان اللي معاكي بيطمنك


عارفه اللي انتي حاسه بيه دا عباره عن وجع والم تعود وحب وكل مشاعر نقيه كويسه طلعت لانسان بصدق فرغيها في حاجه تانيه انزلي اشتغلي روح دا للايتام واقعدي مع طفل واحضنيه قوووووووووووووووي هتحسي بفرق

في واحده صحبتي كانت لسه يادوب فسخه الخطوبه بعد قصه طويله وحب كبير تعرفي كانت بتقولي انا حاسه ان نفسي في حضن حنين اعيط جوه ومش لقيه بعدها بكام يوم راحت دار للاطفال الايتام وجاء طفل صغير من دون الناس جري عليها وحضنها قووووووووووووووووووووووووووووي والله نفسيتها اتغيرت تمام حاسه ان ربنا بيقولها اهو اصبري

بطه حبيبتي وكل البنات اللي ربنا قدر ليهم يفسخو الخطوبه ربنا اكييييييييييييييييييييييد هيعوضكم بس ادعووووووووووووه قوي قولو اللهم ارزقني الزوج الصالح عاجل غير اجلا وكترو قووووووووووي من الدعاء دا والله ربنا هيعوضكم خير اكتر ما تتمنو بكتيرررررررررررررررررررر

النهارده يا بنات انا نزلت عملت شوبينج... حسيت انى انتعشت...
انا اصلى بحب الشوبينج اوى اوى....

بنوته مصريه..... انا مبسوطه اوى انك فهمتينى
انتم عارفين يا بنات المشكله فى ايه؟؟؟
المشكله فى التمثيل... كله فى البيت بيمثل على كله.... انا بمثل عليهم انى كويسه و بخير و مش فارق معايا فى الوقت الى انا حاسه انى بموت من جوا و الايام مش بتعدى.....
و هما بيمثلوا عليا انهم مش فارق معاهم و انهم متعاطفين معايا.... فى الوقت الى انا حاسه فيه ان بابا مخنوق منى و انهم قلقانين عليا عشان مش اتخطبت و كل بنات العيله عندنا بيتجوزوا واحده ورا التانيه.....

انا كنت مخطوبه
من سنه

سبب الانفصال
كذاااااااااااااااااااااااب
بخيل
عدم احترامه لامى


مع العلم انها خطوبه ( جواز صالونات)

وانا ما كنت مرتاحه نهائى بس امى هى اللى خليتنى اوافق

واكتر حاجه كانت مضايقنى بعد الانفصال انها خطوبه واتحسبت عليا

فتره الخطوبه شهر

Batta_Fares;7314168:
النهارده يا بنات انا نزلت عملت شوبينج... حسيت انى انتعشت...
انا اصلى بحب الشوبينج اوى اوى....

بنوته مصريه..... انا مبسوطه اوى انك فهمتينى
انتم عارفين يا بنات المشكله فى ايه؟؟؟
المشكله فى التمثيل... كله فى البيت بيمثل على كله.... انا بمثل عليهم انى كويسه و بخير و مش فارق معايا فى الوقت الى انا حاسه انى بموت من جوا و الايام مش بتعدى.....
و هما بيمثلوا عليا انهم مش فارق معاهم و انهم متعاطفين معايا.... فى الوقت الى انا حاسه فيه ان بابا مخنوق منى و انهم قلقانين عليا عشان مش اتخطبت و كل بنات العيله عندنا بيتجوزوا واحده ورا التانيه.....

ياااااااااااااااااااااه يا بنتي بتحكي عليا ايام الخطوبه الاولنيه فعلا والله الكل بيمثل وانا كان المفروض اخد اوسكار في التمثيل دا انا كنت بهزر وبضحك قدام الكل ومن جوايا بموت مليون مرة في اليوم
حبيبي زي ما قولتي الشوبنج والتغير هم الحل وربنا معاكي

شهر!!!!!!!!!! ايه يا شيرى الكلام ده و لا اتحسبت عليكى و لا حاجه و لما تقولى قولى اتقرت فاتحتى مش لازم بقى خطوبه و حوارات... اصلها و لا حاجه يعنى.....
انت فسختى خطوبتك من اد ايه؟؟؟ و اتخطبتى دلوقتى و لا لأ...
بس عارفه احسن حاجه انه و لا كان فيه حب و لا تعلق عشان صالونات.....
انا كمان النهارده اكتشفت انى مكنتش بحب خطيبى.... و ان الموضوع كله انى فرحت بالارتباط و الجواز و زعلانه دلوقتى من الفشل مش من فراق الشخص

بصى اللى مضايقنى ان لبست دبله مكنتش مقتنعه بيها نهائي

واسماعيليه صغيره خير خطوبتى اتسمع فيها بسرعه رهيبه

حتى بعد الانفصال كانت ناس تقبلنى تبارك لى على الخطوبه
احساس رخم موووووووووووووووووووووووووووت

والحمد لله انا قاعده متهنيه فى بيت اهلى
وانا شاء الله ربنا حيرزقنا بازواج صالحيييييييييييييييييييييين

الله يعينكم ان شاء الله 000000000000000
ويريح بال المسلمين اجمعين0000000000000000000000

ازيكم يااجمل بنات

اتمنى تكونوا عارفيننى ههههههه
انا اميره .. 23 سنه خريجه نظم معلومات
خطوبتى اتفركشت من .............................. والله ما عارفه هى من زمان وهى بايظه
ولحد دلوقتى ابتدت المشاكل
انا معاكم فى كل احاسيسكم دى
عارفين ؟؟
برغم كل حاجه وبرغم انى حبيته قوى
لكن كتير قوى بحس انى مش زعلانه عليه خااااااااالص لدرجه انى تانى يوم فسخت فيه خطوبتى خرجت وكنت عماله اضحك فى الشارع وكل اللى يقابلنى ميصدقش انى فسخت الخطوبه من كتر منا مهيسه ........ لان الكل كان عارف محمد ايه بالنسبالى وقد ايه كان تاعبنى معاه .............
بس اللى قاهرنى بجد!!
مش متخيله انه يطلع ندل كده معايا
معقول كان رقيق قوى كده وهو من جواه مش عايزينى ؟
اصحابى بيقولولى اكيد فى واحده تانيه متتصوروش الكمه دى وجعتنى قد ايه ؟
قد كده انا رخيصه فى نظره قد كده ولا كان ليا وجود
يااااااااااااااااااه اهانه بجد تفتكروا؟ واصبر نفسى واقول ازاى ده على طول فى مشاكل جامده فى الشغل والكلام ده اصحابه والناس اللى معاه اللى بيقولوه.........
معقول الشقه دى اللى ملحقتش افرح بيها كام ساعه دنا حتى ملحقتش اقول تعليقى عليها
معقول كل ركن اتخيلتنى مع محمد فيه هيكون مع واحده تانيه فيه ؟
دخلته من الباب دى هتكون مستنياه واحده تانيه؟
هيدخل ينده عليها هى مش انا؟
اوضه النوم دى هتبقى لواحده تانيه مش انا؟
كل حاجه اتخيلناها سوا هتبقى مع واحده تانيه ؟
طيب هزاره هيبقى زى ماكان معايا ؟
كل الكلام اللى كان بيصبرنى بيه ده كان وهم ملحقتش احققه؟
معقول واحده تانيه اللى يروح لحضنها وقت اشتياقه ليها ؟؟؟
آآآآآآآآآآآآآآآآآآآآآآآآآآآآآآآآآآآه من المى ونارى
طيب كان ليه بيصبرنى عليه؟
كلمنى مخصوص ليه علشان يقوللى وحشتينى قوى وقفل؟
ازاى ؟
هتجنن
ومع ذلك بقول الحمدلله والله فعلا
انا مش زعلانه عليه كل زعلى على احلامى مش اكتر
لكن هو لآ
مش هو ميستاهلنيش يابنات؟
تفتكروا ربنا هيرزق مين فينا الاحسن انا ولا هو؟ ولا رزقه هو الاحسن منى يبقى حقى انا فين؟
بس ربنا كبيييييييييييييير قوى انا عارفه
طبعا مشكلتى مواجهتى للمجتمع اللى حواليا
مين هيرضى بيا بعد كذا خطوبه اى حد هيخاف منى
يوم ماالخطوبه اتفشكلت كنت عيط ماما قالتلى بالزمه ده يتزعل عليه؟
قولتلها انا مش زعلانه عليه انا زعلانه من زعلى عليه وزعلانه من اللى بيحصللى مش اكتر لكن كنت بتحرق من جوايا .....
طيب هآمن تانى ازاى متخطبش احسن؟
اخاف اتخطب وافشكل
اتجوز على طول
اخاف اطلق وفى الحالتين ورايا شبح الفشل

لالالالا يا اميرة متقوليش كدا فشل ايه بس يا بنتي
صلي علي النبي احنا في العيد وبلاش تنكدي علي نفسك
يا حبيبتي امال المطلقه وبعدين تتجوز تاني دي تعمل ايه تتنتحر بقي
طيب تعرفي والله انا عندي بنت خالتي اموره لا دي اموره جدا كمان وبنت ناس ومثقفه ومحترمه واطلقت بعد ما جوزها طلع عنيهاااااااااااااااااااااااااااااااااااااااا وقال كان قبل الجواز بيحبها لا والله بيموت فيها تخيلي كان لما ميعرفش كلمها مثلا لاي سبب يكلمني(( لانه كان في نفس البلد اللي انا كنت فيها)) المهم يكلمني ويسئلني عليها ويقولي وحشتني موت وهموت ونتجوز وبتاع وبعد ما اتجوزها طلع عنيهاااااااااااااااااا والله يا اميرة لدرجه انها ابنها مات بعد ولادته بيوم واحد تعرفي دلوقتي بعد ما انفصلت والله بيجيلها عرسان وكويسين وهي مطلقه اهو مش بس مجرد خطوبه


حبيبتي والله رحمه ربنا واسعه واسعه واسعه فوق ما تتخيلي انا معاكي انك تزعلي وعلي نفسك وعلي حياتك انما عليه هو لا وكمان متزعليش علي نفسك ابدااااااااااااااااااااااااااااااااااااااا بالمعني لا ازعلي بس انك ضيعتي وقت محد ميستاهلكيش وادعي ربنا كتيررررررررررررررررررررررررررررررررررر قوي