السلامة عليكم ورحمة الله وبركاته
رجعتلكم بطريقة السنفرة اللي ما استغني عنها بتديني نعومة ونظافة من اول مرة ومع الاستمرار بتفتح البشرة انتوا عارفين فوائد الرز في التفتيح فعلا هايلة ومكوناتها سهلة جدا ومتوفرة في كل بيت انا والله مصوراها من فترة بس انتوا عارفين الكسل بقي ولازم تقومي تجربيها وتدعيلي ان شاء الله ومتنسيش انك تكوني مجهزة بشرتك كويس ومحضراها لاي ماسك عشان باذن الله يجيب نتيجة مرضية
هتحتاجي
2 معلقةرز مطحون
هنا الرز والجلسرين
انا طحنته بالكبة
2 معلقةجلسرين
1/2ليمونة
2 معلقة ماء ورد
الخطوات
بنضيف الجلسرين علي الرز المطحون
بنخلطهم كويس
بعدين بنضيف ماء الورد والليمون ونقلبه لو لاقناه خشن بنضيف ماء ورد ولو مش سميك بنضيف رز
وده شكله وهو كده جاهز للا ستعمال
بنغطيه بغطي محكم ونشيله في الثلاجة لحين الاستعمال
بنحطها لحد ما تنشف علي وشنا والرز بيبد ا يتساقط بنجيب فوطة مبللولة مية دافية وننزله وبعد كده تلجة ونمررها ع البشرة وبعد كده قطنة مبللولة مية ورد ونمسح بيها وشنا كله وممكن نستعملها للجسم كمان
انا بستخدم علب الكريمات والزجاجات في حفظ الماسكات بعد ما بفضل نقعاهم يومين في مية فيها كلور وصابون ومية مغلية عشان اطهرهم
يا رب يكون الموضوع عجبكم وتستفيدوا منه
سلاااااااااااااااااام مع ابداع اخر
:8875: :8875: :8875: :8875: :8875: :8875:
