حلو سهل جدا جدا جدا من مطبخى >>>>بالصور طبعا

بسم الله الرحمن الرحيم

السلام عليكم ورحمة الله وبركاته
ازيكم يا حبيباتي ?!

بعرض عليكم النهاردة احد اطباق حلوياتي
السهـــــلة جدا واللي عملته في وقت فراغي
من وسائل سهلة جدا ورخيصة
واعجبت به الجماهير العائلية في داخل البيت وخارجه
ههههههه


المهم الوقت
نبدا بالمقادير والوسا ئل :

• لبن (حليب) ونحطه في طبق





• بسكويت شاي (اي نوع )



• شوكلاته سايحة (زي اللي بالصورة او اي نوع ) وهي انواع في نوع منها كادبوري
بس ده اللي لقيته


• شوكلاتة سائلة ممكن تشتريها من بره
او تعمليها بالبيت ومقاديرها : (قشطة – سكر - كاكاو - شوية حليب - قطعة صغيرة زبدة
او سمنة عشان تديها لمعة ) وبعدين حطي المقادير على النار وقلبيها لغاية ما يبقى
قوامها حلو وتقدري انك تصبيها )




• صينية بايركس او اي نوع





الخطوات :

• نحط البسكويت بالحليب ونشيله بسرعة قبل ما يبوش
ونرصصه بالصينية



• نرش مكسرات عليها (فول سوداني - بندق - لوز - فستق )




• وبعدين نحط طبقة ثانية فوق المكسرات
من البسكويت بنفس الطريقة

• ممكن بعد ما تخلصي من رص البسكويت
بالملعقة تحطي على البسكويت باقي الحليب اللي كنتي بتبللي
فيه البسكويت

• وبعدين نحط الشوكلاتة السائلة اللي عملناها في البيت
او المشرية من بره وبعدين نزينها بالشوكلاته السايحة الصغيرة
اللي زي الكادبوري



وده الشكل النهائي






معليش الصور مش حلوة لان
كاميرة موبايلي مش حلوة
بس على الطبيعة اكيد احلى
والطعم احلى واحلى

يلا جربوه وقولولي رايكم فيه


وبالهنا والشفا عليكم
ودعواتكم الصالحة لنا
اختكم :
شموخـ الأمل