مقاديرها ماخذتهم من وحده بس طلعت روعه
مقادير العجينه
3 كاس طحين
ملعقة زيت
بيضه
ملح
كاس ماء دافي
طريقة العجن
تخلطين المقادير مع بعض وتعجنيهم وبعدين تخلين العجينه ترتاح نص ساعه وبعدين تاخذين منها ملئ يدج وتفردينها
اول شي قطعت الطماط
وبعدين قطعت البقل وغسلته وحطيته بالسله عشان ينزل الماي
وبعدين خلطتهم مع بعض وكسرت عليهم 3 بيضات وحطيت ملح
بس نصيحه لاتحطون البيض على البقل والطماط كل ماحطيتوا على العجينه البقل مع الطماط صبوا عليه بالملعقه شوي من البيض
لأن الطماط يطلع ماي وراح يخرب البيض
وهذا بعد مافردت العجينه بيدي تصبين دهن عشان ماتلصق
وبعدين حطيت عليها الحشو
وبعدين تلفينها كذا عشان الحشو مايطلع وانتي تشيينها قلبي اللوح او الصينيه اللي فردتيها فيها على يدج لأنج ماراح تقدرين تشيلينها
وهذا وهي في المقلاه تقلينها مثل البيض بس صغري النار عليها عشان تنضج وماتحترق
وهذي وهي بالصحن نسيت اصور اول طعه لأنها كانت احلى قطعه والباي تأثر لأني خلطت البض مع البقل عشان كذا قلت لكم لاتخلطونه احسن
وهذا بعد ماطعتها واللي يحبها مع الليمون تطلع خطيره
وصحه هنا على قلوبكم
