اعلنووووووووووووووا العيد

اذا اعلنو على عيد اول شي بابوس يد وراس جوزي واقولو الله مايحرمني منك واقلو كل عام وانته بخير وتاني شي اروح اكلم ماما واقولها كل عام وانتي بخير وارسل رسايل وارسل في منتدى والبس بجامة العيد وبجامة العيد للانمار ولدي والله يدوم الفرحه بيننا وتسلمي ياقلبي على الموضوع الرائع والله لايحرمنا جديدك وكوني بخيييييير

بما إن هذا أول عيييد لي وانا عرووس...أوول شي راح اقول حق زوجي كل عاام وانت بخيير... وماأعرف شنو رااح اسوي بعدين^_^

وبتصل في أمي حبيبتي....لأني قطريه وزوجي امارااتي...وهذا اول عيد لي بعييد عن امي:(

وبطرش مسجاات وبتصل حق صديقااتي حباااااااايبي في قطر وبقوولهم كل عام وانتو بخيييير:(


أمممممم وبسسس مادري عن بااقي الجدول@@

إذا أعلنو عيد

راح أدخل المطبخ وأجهز كيك العيد وشوية حلويات وبنشتري حلويات جاهزة وبنجهز صواني قدوع العيد

وبعدين بنكنس البيت وانبخره

وبعدها أروح أتحمم (تسبوحة العيد) وأسوي شعري (لأن الصالونات مثل خلية النحل ههههههه) وأبخر غرفتي والبس بيجامة وأنام

والصبح أفز من وقت عشان صلاة العيد وأجهز نفسي وأتبخر وما يتم كريم ما أحطه ولا عطر ما أرشه ههههههه وأجهز عيادي اليهال، وأنزل أعيد على أمي وأبوي وخواتي وأخواني وأنتظر عماتي يمرون ايعاديونه، وطبعا أطالب بالريوق وبشده من أمي اللي لازم تكون مسوية بلاليط مع قرص بيض وشاي حليب بالهيل. يم يم يم

وما يحلى العيد إلا لما تسمعين أغاني عيال الفريج يهنون ويباركون (عيدعليكم مبارك عساكم من عواده )

وبعدين اروح أغير ثيابي وألبس جلابية بسيطة عشان الغدا (الجلابية الفخمة أخاف عليها هههههه) ونقعد ناكل غوزي اللحم مع المكسرات والبصل المحمر يم يم يم والأهل والجماعة كلهم على السفرة.

اللــــــــــــــــــــــــــــــــــــــــــــــــــــــــــــه محلاه العيد، وطبعا ما أنسى أطرش مسجات للحبايب والخلان

إذا أعلنوا العيد أقعد أبجي ، عشان رمضان خلص !!!!!!!!!!!!!!!!!!!!

وإذا اقتنعت إن باجر عيد لا مفر أروح داري وأطلع ملابس اليهال وأجهزها وأكويها وأنوم اليهال
( أهم شي ) عشان نصحى بدري أول يوم العيد قبل الساعة 6 الصبح ( قمة النشاط ) عشان
نحلل العيد من أول لحظة ونطلع من البيت وما نرجع له إلا حزة النوم في آخر الليل ، هذا برنامجي
من أول ما أسمع أغنية باركوا ياأحباب أتوقع ل عبداللطيف الكويتي !!!!!!!!!!!!!!!!!!


وتقبل الله طاعتكم ، وكل عام وا،تم بألف خير

يعطيكم العافيه ع التفاعل

ما راح اكون موجوده بالعيد... :(..