بنات انا في مشكلة كبيرة تكفون ردو علي
قمر^الزمان
27-09-2008
76 رد
4,448 مشاهدة
السلام عليكم و رحمة الله و بركاته ...
بنات انا في طحت في مشكلة كبيرة و ما اعرف وش اسوي ...صج متوهقه و ما عندي حد يشور
علي شسوي ....مشكلتي من خدامتي حسبي الله عليها تبي تدمرني و تدمر حياتي ,,
اسمعو القصه خواتي و ما راح اطول عليكم عارفة الوقت ضيق و العيد على الابواب و الناس مشغولين ....
مشكلتي انا من قطر و جايه مع اختي ندرس بالجامعة الامريكية بالشارقة و امورنا زينة لكن كل
بلاوينا من الشغالات حسبي الله عليهم ....تذكرون قصه الخدامه الي سحرتنا هالسالفه كانت من كم شهر ....و سفرناها و يبنا خدامه ثانيه ....
عندنا في الشارقة ابوي مأجر لنا بيت و عندنا سايق و خدامه بس ...
الخدامه اليديده فلبينية و وصلت في اول رمضان و يا بنات ما تصدقون شسوت فينا من يوم ما وصلت جننتنا ...كل يوم مسوي مشكله و كل يوم قصه ...
طبعآ اول ما وصلت تبي موبايل و خط و خرابيط و مدري شنو و من ثاني يوم تقول لي تبي day off اجازه يوم بالاسبوع و كل شوي تطلب مني جوالي تقول تبي تكلم اهلها و
و صارو صديقاتها يتصلون على تلفون البيت و على الجوال و مرات يدق واحد من الفلبين يقول انه اخوها و مرة صديقها ....لاحظو كل هاي الشغلات صارت في ظرف اسبوعين بس يعني ما صار لها اسبوعين و جي سوت فيني ...
و يوم قعدت من النوم لقيتها في غرفه الغسيل تشد شعرها و تصارخ و ترمي روحها بالارض و قعدت اهديها و شليتها من الارض و تقول ان امها ماتت و لازم تسافر حالا للفلبين عشان تشوف امها وطبعآ قلت لها شلون تسافرين احنا دافعين عليج مبالغ و قدرها والحين منو بيشتغل كل هالشغل في رمضان ...
المهم يوم الجمعه اللي راحت قالت لامي تبي راتبها مقدمآ وامي قالت لها ما اقدر اعطيج اياه الا بعد ما يخلص الشهر على الاقل ..
و يومها رحت انام عادي فوق و اختي تنام فوق و امي ...
و تركنا جوالاتنا تحت ....جوالي و جوال اختي و امي ....
المهم يومها كان جمعه صحينا متأخر و بالصدفه امي تدور الجوالات ..
ما لقينا ولا واحد منهم ....
دورنا بكل البيت و احنا بعمرنا ما اختفى من بيتنا شي و دايما نترك فلوسنا و جناطنا في الميلس تحت عادي و لا مرة انسرق من عندنا شي ...
مالكم بالطويلة حققنا معاها و اول شي تقول لا ماعرف ....و قعدت تصيح و تحلف ايمان بأعظام انها ما تعرف وينهم ...
و انا قلبي يغلي نار عليها ....و فتشنا دارها و اغراضها و ما لقينا شي و فجأه اعترفت تقول انها قطتهم بالزباله عشان نكرهها و نسفرها ....
حسبي الله عليها
بس يا خواتي يا ليت المشكله جت على جذي ....يا ليييييت
[قعدنا نحاول ندق على ارقامنا اول شي كلها مغلقه ....
ثاني يوم الصبح دقيت الا يرد علي واحد مواطن .... طبعآ جوالي فيه صوري و فيه فيديوهات بنات عماتي و خالاتي و رقص بالاعراس و حفلات بنات صار قلبي يدق بالقوة ومو مصدقة الي اسمعه ...قلت له لو سمحت هذا جوالي ممكن اعرف شلون وصل لك ...قال لي لا انتي غلطانه بالرقم هاي رقمي...
قعد يماطل بالحجي و كان حده مستانس و يبي يزيد بالكلام ...ماعرفت شسوي سكرت في وجهه...
من يومها و هو يرسل لي مسجات ...غزل وكلام حقير وواطي و احيان يدق على ارقام رفيجاتي من جوالي ...
بنات لا تقولون لي ما رحتي الشرطه ...ابوي و اخوي جو خصيصآ حق هالسالفه من قطر و قدمو بلاغ للشرطه و الحين الموضوع في التحريات
بس المشكله اني ما قلت لهم عن سالفه الصور والفيديوهات و انا بعد صوتي حلو و اغني ومسجله جمعات بنات صديقاتي و انا اغني و هو يدز لي شنو تغنين لهم بس و انا لا ...
بنات انا في مشكله كبيره ماعرف كيف اطلع منها حاولت ارسل له مسجات تهديد و قلت له راح اعرفك و الشرطه راح يجيبونك و من يومها و هو يدز لي مسجات تهديد من رقمي و لما ادق الاقيه مقفل الجوال ...
بنات تكفوووووووووون تكفووووون قولولي شسوي انا في مشكله كبيرة كبيرة حيل حيل و الذنب كله مو ذنبي ....
انا شكيت اخر شي انه الخدامه اعطت الجوالات حق واحد من الجيران او قطته على بيت حد من الجيران لانه في منطقه كلها مواطنين قلت يجوز قطته على بيت حد منهم ...
و هم بعد انا شفتها قبل بيومين تأشر لخدامه الجيران و تكلمها ....
مو قادرة اقول لاهلي عن سالفة اني مخزنة صوري في الجوال لانهم بيزفوني ....
و ابوي جاب الشرطة على البيت وحققو معاها و نفت كل شي و قالت انها ما شافتهم ...
تصورو يا بنات يعني كل هالمصايب منها لا تهنيت برمضان ولا فرحت فيه مثل الناس و الحين انا طول اليوم احاتي و افكر
كلمنا المكتب عشان ياخذونها بس احنا اصلا طالبينها عن طريق مكتب في بيروت و الحين المكتب يقول موب مسؤول عنها ...
ابوي وسط وايد ناس في التحريات بس المشكلة انه رجع الدوحة من كم يوم و من يومها السالفة ضاعت و بس انا و اختي نحاتي و خايفين ....
في شخص في التحريات ماسك الموضوع كلمته و شرحت له كل شي و قال ان شالله خير بس ما وعدني يشي....و الشرطه بصراحه شكلهم ما يبون يشتغلون و عندهم مليون بلاغ و مليون سالفه اهم منا :((((((((((((((((((
خواتي بليز ردو علي ......لو اي وحدة تقدر تساعدني بأي طريقة ....
انا بانتظاركم آسفة طولت عليكم
%
%الشاكره لربها%
عروس مشرقة
27-09-2008 | 04:04 PM
مالك حبيبتي الا الدعاااااااااااااااااء...
ط
طُهْر النّدَى ,.
عروس رائعة
27-09-2008 | 04:20 PM
الله يعينج
بعدين أنتي شلون تحطين صورج و الفيديوهات ف الموبايل انتي ما سمعتي عن الهوايل اللي
صارت من وراه
!!
ع العموم أنتي مالج ألا الدعاء الا مشكلتج حييل معقده و أتمنى من البنات يساعدونج
ب
بناتي ياكل حياتي
عروس متألقة
27-09-2008 | 04:36 PM
حبيبتي لايرد القضاء الا الدعاء
عليش بالدعاء والاستغفار وقراء سورة البقرة يوميا
والله ان شاء الله بياخذ حقش
حسبي الله وهو نعم الوكيل( مو تنسين ترددينها دائما)
سهله احبسو الخدامه من دون اكل و شرب و نوم كل ما اتنام ذبو عليها مي بارد بس ها لازم ايكون معكم رجال ايجوز هذي متوحشه الخدامه و انتو مو قدها ليحد ما تعترف و اتقول شنو سوت بلكامل و الله ايعينك على هل مشكله خل التليفون ايولي بس الصور الله يهديكي في احد ايخلي صوره في الجوال كنتي تفرضين انه ضاع مو صورك راح اتضيع وياه و تصير نفس السالفه يمكن شاب يمسكها الله ايصبرك انشاء الله وشوفي طريقتي بلكي اتجيب حل
شكرآ خواتي اللي ردو علي ....
احنا طقيناها و حاولنا نخليها تعترف بس هيه مثل ما قلتو متوحشه و احنا مو قادرين عليها ...
و لما اعترفت قالت رمتهم بالزبالة الي برة البيت ....
مدري شسوي:(
الله يعينكم والله صدق هذي مشكله كبيره ان شاءالله ربنا يستر عليكم
وياريت كل بنت تاخد عضه وعبره من موقف اختنا قمر الزمان وتحاول ماتحتفظ بصورها او فيديو يختص فيها بالموبايل لان بعض الناس ماعندهم ضمير
شكرآ اختي على الرد.....
:( واللي عندها حل او فكرة بليز لا تبخلون علي
اسمعي ليه ماتعملي نفسك انه تريدي تشوفيه وانتي تخبري البوليس ويقبضو عليه
ما انا غلطت من البداية لما هددته بالشرطة و من يومها ما عاد يرد و بعدين اغلق الجوالات ...
و اذا ارسل يرسل مسج و ادق الاقيهم مغلقين
ك
كبريـ ـاء أنثـ ـى
عروس جديدة
27-09-2008 | 09:09 PM
حبيبتي الله يعينك وييسر لك أمرك
بس نصيحه لاتسفرون الخدآمه هي هذه اللي تبغآه تبغي تسآفر لكن لو جلست عندكم وشافت ان مافي أمل انها تسافر اكيد بتعترف وقولوا لها بنخلي الشرطه تأخذك ولو لزم الأمر خلوها لو تنحبس حسبي الله عليهآ
واذا أرسل لك رسآيل هالرجآل لاتردين عليه هو هذه اللي يبغاه وانا حآسه ان الخدآمه متعرفه عليه وأديتو الجوآل وانتبهوآ من الخدآمه لاتشرد
وعليكي بالدعآء حبيبتي وقولي لأهلك أكيد بيتصرفون ولأنه لو لآقدر الله نشر صورك مارآح يشكون فيكـ
الله يعينكم على ما صابكم،،، وإنشا الله مخلين البشكارة تسرح وتمرح على كيفها في البيت بعد إلي سوته،،، يمكن هذا الشخص إهي كانت تشوفه (ماحط في ذمتي، بس تصرف الشخص إلي عنده الموبايل واطي)، وبعدين خلو الشرطة يحطونها في الحبس إلين ما تنتهي القضية، عشان تعرف نفسها شوي...
الله يهديج على إلي سويتيه... وإنشاء الله خواتنا يتعضون من هذا الموقف إلي انتي فيه،،،
حاليا هدي،،، وبعدين موصعبة على الشرطة يعرفون الشخص إذا كان عندك رقم موبايله الشخصي لأنهم يقدرون يطلعون بياناته من اتصالات... خلي فترة تمر بعدين طلبي منه أنك تكلميه ويدزلك رقم موبايله ( لا تتصرفين دون استشارة الشرطة)... وإنشاء الله خير،،، أهو ما يقدر ينشر الصور في الانترنت لأن الشرطة تقدر توصله بهذي الطريقة، فحاليا ما أتوقعه يسوي شي،،، بس العله تراها في البشكارة وما عليكم منها جان طاح الموبايل في إيد راعي البلدية (هندي) يوم هي رمته في الزبالة مو مواطن قليل الأدب، راقبي البشكارة لو حتى بكاميره...
ولا تنسين يا أختي أهم شي الدعاء خاصة نحن في العشر الأواخر...
الله يستر على الجميع
حسبي الله عليه ونعم الوكيل
حبيبتي عليك بالدعاء والاستغفار
الخدامه لا تسفروها خلوها عندكم لانها لو شافت مافي فايده راح تعترف ان شاء الله
اهم شي تخبري اهلك بسالفه الصور عشان يعرفون كيف يتصرفون.
اختي تقدري تروحي شركه الاتصالات وتخبريهم ان تلفونك انسرق وخليهم يراقبوا الاتصالات او حتى الشرطه تتعاون مع الشركة ويراقبونه ولوبيسوي شي يقدروا يمنعوه
الله يستر علينا وع جميع بنات المسلمين
ادعي وبالذات في الثلث الاخير وكرري اللهم اكفنيه بماشئت والله ربي حيخلصك منه باذن الله تذكري"" امن يجيب المظطر اذ دعاه""
ولااحد يلومها خلاص انتهى الموضوع والشغاله جننوها لو عندي والله لامسيها بكف واصحيها بكف لاتقولوا قاسيه هاذي اعرااااض مو عرض واحد بس
ولاتسفروها ذحين خلوها حتى تعترف بالكامل ترى كثرة الدق يفك الحديد مادري لحام هههه والله ناسيه المثل
الله يكفيكم شرها
[GLOW="FF9999"]الله يعينك
انا جوالي ملياااااااااااااااااااان كلها صوري فوق 400 صوره
بس انكسرت الشاشه وخطيبي كسرو بالمطرقه خلاه فتافيييييييييييييييييت وما رماه
وبعده حرمت اتصور في الجوال الدنيا تخوف والله
المهم انا مره قريت رد لوحده تقول انو صحبتها قبل ماتسافر قصت من شعرها وقالت لها لو عرفت انك سرقتي اي شي حأسحرك واحنا نعرف في السحر
جربي الحركه هذي وروحي لشركة الاتصالات واعطيهم رقمك الي انسرق وقولي لم انو فيه صورك والرجال جالس يهددك وخليهم يحددو مكانو
وانتي ارسليلو مسج انو يفتح الجوال عشان تتفاهمي معاه وطبعا خليهم يراقب حتى الجوال الي بتتكلمي منو
وحاولي انكم تتقابلو وكلمي الشرطه ولما يجي ويشوفك خليهم يمسكوه بس لاتنسي انو ممكن يكون نسخ الصور والفيديوهات
والله مشكلتك صعببببببببببببببببه
قولي اللهم اجرني في مصيبتي واخلف لي خيرا منها
طمنينا عليكي [/GLOW]
شكرآ كل اللي ردو علي...
بس يا خواتي انا ما عندي رقم موبايله الشخصي ...هو يتصل و يدق من ارقامنا و تحديدآ من رقمي آنا ...
لو كان عندي رقمه كان بسهولة الشرطة بيطلعون بياناته الشخصيه من الاتصالات ...
و اعطيت ال serial numbers للشرطة و قالوا لي لو جبتوهم راح نطلعه و للحين ما سوولنا شي...
من ناحية الخدامة انا قلت لامي ما بنسفرها حتى تعترف بس ما راح تتصورون هي شكثر قوية عين و بعدين على كثر ما انطقت مو فارقة وياها و كل يوم تسأل امي متى بتسفروني ...و بعدين امي خايفه علينا منها ...و تقول هاي شكلها مستعدة تقتلنا و تسممنا عشان نسفرها حسبي الله عليها...عشان جي امي تقول تبي تخلص منها باسرع وقت عشان تتطمن علينا ....
حاولنا نخلي الشرطة يحبسونها لكن قالوا ماكو دليل انها هي الي رمتهم و بالتالي ما يقدرون يحبسونها بدون دليل مادي...
بنات الحين المشكلة ان هالواطي قفل الاجهزة يعني شلون بوصل له ...
وهالخدامه ما منها خير ولا هي ناوية تعترف و موفارقة معاها مثل ما قلت لكم عادي قلنا لها بنحبسج و ما راح تطلعين من الغرفه حتى تعترفين و مو مهتمة وكأني اكلم الطوفة ...بس يوم شافت الشرطة ماتت خوف و قامت تصبح و اول ما راحو جات تتشكرني اني بفتح تحقيق عشان نعرف الشخص الي عمل هالعملة ...
تصورو يعني هالخدامه ينطبق عليها المثل شين و قوي عين ..صدقوني ما ينفع معاها شي ....و الشرطة آآآآآه من الشرطة ...كل واحد يقول لنا يصير خير وللحين ما شفنا شي...
مدري شسوي تعبتكم معاي ...
كل الي نصحوني و دعولي ربي يخليكم و يجزيكم كل خير يا رب...
بس لا تتركوني بليز حتى الاقي حل لهالسالفة
ح
حصوصة الخربوطة
عروس مشرقة
27-09-2008 | 10:33 PM
حبيبتي أنا أشوف خدمة الأمين يمكن تكون أحسن في مثل الحالات... بيتعاملون ويا موضوعج بسرية تامة ..
شوفي حبيبتي لا تردين على مسجات هالشخص ولا تردين عليه اذا اتصل
احقريه
والخدامه عذبيها واحبسيها بغرفه وخليها تكره حياتها
لين تعترف
ترا سمعة البنت غاليه
لا تستهينين بالموضوع
شوفي حبيبتي
احنا عندنا بالكويت ... اذا بيعرفون موقع موبليل معين...ياخذون رقم هالموبايل ويودونه لامن الدوله ويطلعونه بظرف خمس دقايق
كبري القضيه ووصليها لامن الدوله (اذا كانت عندج واسطه بتتسهل امورج) وعطيهم رقم موبايلج وراح يطلعون البيت الموجود فيه هالشخص ويجرونه للمخفر
بس لا تسفرون الخادمه قبل ماينتهي الموضوع
عذبيييييييييييييييييييها
طقيها هدديها بسكين حاااااااااااااره
احرميها من الاكل والشرب والنوم
ليييييييييين تعترف
الله يفرج كربتج وهمج