عرايس قطر تفضلو وساعدوني

ربنا يوفقك ويخليك قدامه احلي عروس يااارب

الله يوفقج حبيبتى ويتمم لج ع خير


اهم شي تسنعى جدامه وتلبسي وتكشخى عشان تطلعين جدامه احلى عروس بعينه


شيلي الخوف حبيبتى ما فيها شي يخوف يس زياره وسوالف ما بكون شي مخيف

ومكياج خفيف مثل ما قلتى احسن لج من تصبغين الوان وايد

والشعر بعد شي بسيط عشان تطلعين احلى وتبخري وتعطري وبخري المكان كله خليه مثل ريحتج

بالعكس قدمي له قدوووووووع العيد مب بس باتشي وانتى بعد اكلي معاه لين اثنينكم بصير عادى ههه عشان محد يستحى من الثانى

الله يوفقج اختي ...

بالنسبه للبس , اذا قصدج مغربي" جلابيه" ؟ احس مب حلوه تلبسين له جلابيه اول مره اكشخي لبسي بدله تنوره وبلوزه شيفونات او حرير , او البسي بنطلون جينز فيه حركات او برمودا مع توب كشخه ولاتنسين الاكسسوارات من خواتم وحلق ولبسي صندل كعب .

بالنسبه للشعر فيه وحده سوريه اسمها ( ام علي) سشوارها وااايد حلو وتجي البيت حتى لو حق وحده وبطرش لج رقمها على الخاص وبالنسبه للمكياج اذا انتي تعرفين اتمكيجين مكياج خفيف يعني بورده وظل خفيف وكحل وجلوس مع مسكره ترى بيكون احلى بوايد من لو تجيبين وحده تمكيجج ترى الرياييل حتى المكياج الناعم يشوفونه اوفر ومب حلو واذا كنتي ماتعرفين اتمكيجين شوفي (جني ) اللبنانيه مكياجها ناعم وانتي وصيها بعد واظافرج رتبيها وحطي مناكير, وبعد ماتنظفين اسنانج اكلي علوج حار او بالنعناع عشان الريحه تطلع منعشه (ادري هاي تفاصيل صغيره بس مهمه ويمكن ماتنتبهين لها) .

وطبعا لاتنسين العطور والبخور ودهن العود وبخري المكان اللي بتقعدون فيه .

بالنسبه للفاله , انتي حطي كل شي على الطاوله اللي حذاج اسهل لج اول شي قدمي العصير ولا تخافين وبعدين قدمي من كل نوع من فالتكم وآخر شي القهوه والشاي عادي لاتتوترين ولا شي وهو اصلا بيقدر انج مستحيه

كل شي تمام ماعدا المغربي

اكشخي ببدله او فستان نعووم بدون شك احلى

اذا بتلبسين شي
البسي بدله احلى وانعم لاحقه على الجلابياات خليها لبعدين
واذا ماتبين شي عاري بتلقين في مانجو منزلين البديات الدانتين تجيج كنها جاكيت تغطي الكتوف والاكمام

ومايحتاي تتمكيجين برا
خلج ناااعمه احلى واحلى
بس اذا تتوهقين في شعرج خل وحده تجيج
وحطي كريم اساس نعوم وكحل في عينج وقلوس
وصدقيني كل ماكنتي انعم كل مااستانس عليج وبتطلعين كيووت

اي وبعد حطي دهن عود وعطرج الي تحبينه
وطيبي المجلس بعود ورشي عطر على الكراسي والزل

والمغاسل بعد بخريها يمكن يبي يغسل يده ولا شي

ومع الفاله جيبي ماي للاحتياط ماتدرين

والتقديم
اول شي العصير وبعده الفطاير

وعقبها بشوي

قدمي الكافي والقهوه

وبس بتاخذكم السوالف وخلج طبيعيه ولاتصنعين

وصدقيني من تقعدون شوي بيخف التوتر


وفي الزيارات اليايه بروحج بتعرفين شنو الي تسوينه قبل لايجي


ان شاء الله بتكون الامور سهالات:wink:


بس كوووني واثقه من نفسج


والله يوفقكم ويتمم لج على خير ان شاء الله

انا بعد اشوف تشترين لج تيور وتكون التنوره قصيره يعني حركات لا تكونين تقليديه واهم شي الكعب تراه ايحلي المشيه واهم شي الاكسسسوارات وايد اتسوي شغل انصحج بألدو اكسسواراتهم حلوه

ايه اهم شي لا تكونين صريحه وخلج متحفظه ترى كل كلمه بتقولينها بتم في باله ولا بينساهااااااا وبعد مده لما تاخذون على بعض بيجيج بيقولج ليش ذاك اليوم قلتي هالشي

أختي نصيحه مني لك لاااااااااااااااااااتحنين عند العروسه صدقيني بتندمين أنا توني مجربتهم من شهر ونص حناهم مووووووب حلو ولا لوووووووون شوفي يا صالون رحاب ياهيلتون والله يوفقك ياحياتي..

الف مبروك حبيبتي والله يتمم لج على خير يااارب................

مثل ما قالو البناات خووذي لج تيوور احلا وارقى بس نصحيه مني لج لا تاخذينها قصيره يعني خلي لبسج حلو وستر والمكياج خلي ميرا او جنى يحطون لج لان اول مره يشووفج غير...........
وشعر كذلك..........
وكرززي على العطر الي بتحطينه لانه دايم بتذكر هل ريحه فيج والله............
وخلج ساكته اعلب الوقت لان الحرمه الغاامضه يمووووووت فيها الرجال مو تقعدين طول الوثت تهذرين عدتها وحده من ربع خخخخخخخخخخخخخ
والاكسسوارت والمناكير بعد مهمه ولا تسين اكسسورات شعر بعد............
واممم شنو بعد....
وانتي قدمي له كل شي وبيني انج مهتمه فيه يعني ولو تسوين له حلا يكو احسن بعد عشان تكشخين فيه قدامه خخخخخخخخخخ
والله يوفقج يا قلبي...................

اول شي الف مبروك اختي

ثاني شي ما قصروا البنات

بس اختى لا تلبسين جلابيه مغربيه

انتي من راء اهلج لج من قبل تعرفين وشو الاحلى عليج سواء تاير او فستان نعوم او بنطلون وتوب

انتى البسي الشي اللى تحسين احلى شي عليج لا تنسين هذا اول لقاء وجلسه بينكم

سوى شعرج ناعم يعني خلج نعووووومه واجد عشان الانطباع الاول يتم راسخ بالذاكره بيرد عقب بيقولج اول جلسه لنا كنتى كذا وكذا

ومممم ومكياج انتى حطي ناعم وبسيط والا خلى جني تمكيجج انا شفت مكياجها نعوم ولبناني

الله يهنيكم ويبعد عنكم العين

اما الافاله ممم اول شي عصير وفطاير وعقب قهوه وشاى وسويت عاد اذا كان من محبين الكرك ومدمنينه مثلي لا تنسين تسوينه ههههههه

مبرووووووووووووووووووووووووووووووووووووووووووووووووووووووووووووووك

والله يتمملكم على خير ياارب (f)

البنات مااااقصرووو

وانا معااهم بكل شي قالووه

لاتلبسين جلابيه... أول مره يشوفج ..توالنااس ..توووج على هالأشيااا (n)

رووحي خذيلج بدله كشخه ورتبلي لها اكسسوارات تناسبهاا

بخري البدله من قبل لايجيج بيوم وفاليوم اللي بيجيج بعد

تعطري وتبخري وحطي في شعرج مخمريه او عطور الخاصه فالشعر ((أنـا أستعمل عطر ألــور من شانيــل حق الشعر)) روووووووووووووعه

مافي داااعي حق التسريحه....دامه مدرج خلااص استشوار يكفي

والمكيااج ماااااافي دااعي حد يجي يمكيجج...انتي حطي اي شي بسيط ونااعم

ترا الشباب مايحبوون المكياج الوااضح والتلصع @@

حطي اساس يكون لونه طبيعي موفارق واايد عن بشرتج ..وبودرا خفيفه وبلاشر وشدو نااعم ع حسب لوون البدله وقلوس حلوو ونعووم ..وبسس بتطلعين قمر :)

صـــدقييييني والله بتصيرين قمر وهو بيقووولج هالشي^_*

وووووالافاله ... حلوو باتشي وقهوه....بس موحلو يكون أوووول شي(n)

أول شي قدميله عصير مع فطاير أو ساندويشات حلووه ((ساندويشات الأوبرا رووعه ))

أو ممكن عصير وقطعة كيكه(y)

وبعديين ممكن يجي دور باتشي:)

خلج دلوووووعه وهااااديه .....وياالله يسمع صووتج << زيدي الحيا خخخ

وبسسس

************الله يوفقكم*********

جزاكم الله خير خواتي على النصيحه وتسلمون
بلبس مغربي لانه هوطلب
وباذن الله بسوي اللى قلتو عليه

هااااا قوليلنا شو صااار؟

الف مبروووووووووك

الله يتمم لج على خير

البنات ما قصروا وياج وكل كلامهم صحيح

موفقه يااااااارب

هلا حبيبتي اللله يبارك لج بهالزواج ولاتنسين الدعاء دايما عشان اللله يبارك لج بالهالزواج


اختك ام فيصل