للأمانه الموضوع منقول
السلام عليكم ورحمة الله وبركاته
جت في بالي البارح فكرة اني اكتب لكم مذكراتي خلال سفرتي لبريطانيا مع زوجي ان شاء الله تعجبكم .......:D
بسم الله نبدأ
الحلقة الاولى
زوجي كان سابقني قبل بثلاث شهور ويالله وش قد كانت صعبه هالثلاث شهور
واكثر شيء عانيت منه النوووووووووووم
ماكنت اقدر انام بسهولة اتقلب ساعه ساعتين على مايجيني النوم >>>> متعوده على طقوس معينه قبل النوم خخخخخخ :o
المهم عدت هالثلاث شهور وآخر رمضان اتصل زوجي على اخوي اللي فالرياض
على اساس يضبط الفيز حقتي وحقت ولدي
وكان عندي بعثه على اساس ادرس هناك مع زوجي واحط ولدي بالحضانه
بس زوجي مالقى حضانه لولدي
المهم بعد يومين من المداومه عند مكتب مدري وش حقه بس اللي يسوي الفيز
قالوا لأخوي ماتقدر تسافر طيب لييييييييش؟؟؟؟ :confused:
قال عشانها تبي تدرس وماوفرت لولدها من الحين حضانه >>>>> لعنبو ابليسهم بطلقه فشوارعهم انا
اكيد اذا مالقيت له حضانه بقعد معه ماني راميته فالشارع :mad:
قالوا هذي القوانين ........
ودق علي اخوي مستانس يعلمني يوم قالي وخذ ياصياااااااااااااااااح
تقول ميت لي احد على قولة امي ههههههههههه
وادق على زوجي قلت مالي شغل بروووووووووح يعني بروح معك :confused:
قال خلاص بجيبك على فيزة سائح >>>>> لو على فيزة شغاله بس هو ياخذني معه !!
المهم زينوا الاوراق وخلصت والحمدلله بسرعه ماتوقعناها.......
ولو تشوفون خشتي يوم عطانياها اخوي :D
قلت يابنت خبي الاوراق والجوازات بغرفتك وقفلي عليها
اخبر امي وخواتي مايبوني اسافر قلت يمكن يطريلهم طاري
ويقطعون التذاكر والا شيء ( يحبوني ويبوني وانا ابي ابو عيالي :o هههههههه)
على فكرة كانوا يضحكون علي يوم سمعوا اني بطلع فيزا
قالوا منين جايه من اندنوسيا والا النيبال >>>>>>> وش يعرفهم بأوروبا هع هع هع كاشخه عليهم :cool:
المهم الاسبوع الاخير تقضيت لي ولولدي عشان السفر وجهزت اغراضي
وجاء زوجي ليلة العيد الساعه 4 الفجر قبل الصلاة انا عرفته ههههههههه بس ولدي طير عيونه فيه ما عرفه :eek:
المهم جاء وقت الوداع من غير شر وامي تصيح من يوم شلنا اول شنطه
وانا فيني العبرة بس يقالك قويه وادخل الغرفه ادور عباتي
الا وحده من خواتي داخله وراي روعتني واااااااااااااااا وااااااااااااااااااااااااا :confused:
تكفين لاتروحين تكفين اقعدي عندنا >>>>>>>>> عادهذي كانت تبي الفكه مني لأني مطلعه عينها
خخخخخ بس يوم جت الصجيه طلعت مشاعر الاخوه قلت لا خليت زوجي وقعدت عندك
هدي يابنت الحلال كلها كم شهر يعدون الا انا راجعتلكم والا تدحدر العبره واصيح معها :confused:
واروح لأمي والعايله متجمعه بالمجلس واسلم على امي وامي تصيييييييييييييييييييييييييح وانا
اصيييييييييييييييييييييييييح بس بهدوء
واسلم عليهم يوم جاء دور اختي اللي اصغر مني على طول واقرب وحده لي
وتضمني قوووووة وتقعد تشاهق واقعد اشاهق معها
واسلم عليهم كلهم بس ما احس اني سلمت زين اعجلني زوجي بالسيارة ينتظرني
واسلم على الشايب وعلى اخوي واطلع اكمل مناحه فالسيارة
وندخل المطار وكأني والله اعلم لمحت الممثل السعودي عبد الرحمن الرقراق >>> يقالك شايفه مشهور.....:D
ادري ماتعرفونه بس هو مثل مع مناحي ومفرح دوره كان رجل اعمال بس ماهو راشد الشمراني لاتخلطون بينهم
المهم قعدنا فالانتظار وصلينا الظهر وتوكلنا على الله وركبنا الطيارة
نسيت اقولكم واحنا فصالة الانتظار شفت وحده جايه لابسه عبايه كامله وبرقع
يوم جلست عالمقاعد >>>>> لاحظوا اننا باقي ماركبنا الطيارة
المهم جلست الا وتشيل البرقع وخلت اللفه قلت نعمه اهم شيء متحجبه
شوي وتدخل دورة المياه يوم طلعت بنت الحلال الا هي شايله الشيله وفاكه الشوشه .......
يالله بالستر على قولة ام سعيد
.قلت هذا وهي ماركبت الطيارة للحين ايييييه الله المستعان
ركبنا الطياره >>>>> اختكم فالله ماعمرها ركبت طيارة تقطع الخطوط على الكابريس والبليزر وحدها جده والشرقيه خارج حدود هالبحر ماتطلع :(
المهم جلسنا فالمقاعد واي شيء يسويه زوجي اسويه :D
وانا ألقالي تلفزيون واشغله واضغطه اضغطه ابرفع الصوت ماينرفع
قلت يمكن هذا نظامهم عشان مانزعج الركاب
شوي الا يشوفني زوجي ويعطيني السماعات قال هذي تركب هنا عشان تسمعين :o
صار وجهي كبر حبة الفول من الفشله
انا عطانياها المضيف بس ماعرفت وش حقته :sm215:
المهم كل شوي جاي مضيف رايح مضيف اللي يقهوي واللي يحلي واللي يغدي
واللي يجي يتطمن على الوضع واللي يجي يبيع عطور باسطين حتى فالطيارة
وكل شوي جايبين شيء لولدي مرة شنطة رضيع مرة وجبات اطفال طبعا كل الاطفال يعطونهم
وانا رايحه جايه على دورة المياه عيت تفضي
وادخل اول مرة لدورة المياه واخلي الباب مفتوح ما اعرف اسكره بالقفل خبركم اول مرة اركب طيارة :D
مادريت الا المضيف معصب يطق الباب روعني :ss:
ويقول قفلي الباب يامره خخخخخخخخخ
المهم ماقفلت لأني ماعرفت طنشته وطلعت
ورجعت يوم قالوا اربطوا الاحزمه الطياره بتوقع
وهو يتسلط ولدي ويوصخ واقوم بغيرله قال المضيف وين الطيارة بتهبط اجلسي واربطي حزامك
قلت مايمديني اغير لولدي؟؟؟؟؟؟ >>>>>> ما استحت من المضيف تقوله بعد
المهم قال خلاص بسرعه بس شكله كان يقول بينه وبين نفسه الله يخيسك انتي وولدك خخخخخخخخخخخ
المهم وانا اغير له كانت تهبط الطياره والضغط فضييييييييييييييع
قعد يصايح ولدي فدورة المياه يادوب غيرت له
هبطت الطياره و نزلنا مطار هيثرووو وزوجي قالي فالطياره اسمعي تمشين بسرعه و سيييييييييييييييييده
لاتتلفتين لايمين ولايسار
والله وامشي شايله ولدي ومعلقه شنطته ثقيله على كتفي ومشوووته زي ماقال زوجي
والناس كلها تناظرني حتى العرب شكلهم ارحموني على شكلي
مادريت الا ذاك البريطاني اللي رافع لوحه وفيها اسم زوجي
طاح قلبي قلت بس بيمسكونه يحسبونه ارهابي :21_195:
ونوقف عنده ويتكلم مع زوجي شوي قال اوكي
ورحنا وراه بس اشوى طلع حق التاكسي اللي بيوصلنا
المهم ونروح عند حقين الجوازات قالوا خل مرتك تسوي اشعه
واوصل عند حقين الاشعه وانا حالتي حاله الورع بيد والشنطه بيد
والعبايه منحاسه والشيله منعفسه مافيني صالح الا اللثام اشوى انه ماطاح :dd:
دخلت وسويت الاشعه وطلعت ورحنا نجيب شناطنا وركبنا التاكسي ..... يالتااااااكسي خذني لها يالتاكسي ...
المهم ركبنا وانا داااااااايخه حدي وذابحني البرد ونطلع من لندن الى مدينتنا اللي ساكنين فيها
عن لندن ساعتين ونص بالسيارة نمت انا وولدي ماحسينا بالطريق الا يوم قال زوجي قومي وصلنا
وانا اطالع الحي حقنا كني اشوف فيلم ماني مصدقه بيوتهم الخشبيه كنها اكواخ بس اكبر شوي والديره كلها شجر وربيع
دخلنا البيت ماعليه حلييييو بسيط جدا وعملي
مطبخ صغييييير مايدخله اكثر من اربعه وصاله فيها جلسة كنب وطاولة طعام
والدور اللي فوق غرفتين نوم ودورة مياه
انا يوم قالي زوجي دورين استانست احسبه كبير طلعت شقتي اللي بالرياض اكبر منه ههههههه
ونمنا بعد التعب ....اي ماقلتلكم انصدمت بالغرفه متعوده على العز فالسعوديه
كنت متخيله الغررفه شيء يوم دخلتها لقيت فيها يسمونها تسريحه وهي طاوله فيها اربع ادراج بس من غير مرايه
ودولاب فيه بابين باب دولاب ملابس والباب الثاني سخان وش كبره مدري وش جابه فغرفة النوم
ودولاب ثاني لحال والسرير حديد زي سراير الهنود
آآآآآآآآه من عقب سريري الخشب اللي ماخذ نص مساحة الغرفه فالرياض هالسرير
يالله الحمدلله على كل حال البيت حلوووووو بس الاثاث بسييط على
قد امكانياتنا لان الديرة كلها غاليه مو بس البيوت يعني موفرين للمصاريف والفواتير
والله من عقب ماكنا نشتري ونستخدم مرة بس ونقط ونشري جديد
صرنا نحسب الف حساب قبل مانشتري شيء
انتهت الحلقه الاولى
مذكــــــــــرات مغتـــــــــــــربة في بريــــــــــطانيا
س
27-09-2008 | 12:37 AM
ب
27-09-2008 | 12:53 AM
ههههههههههههههههه
قصتج حلوه وكلنه انصدمه بواقع الحال
الله يعينه بس
ننتظر البقيه
تقبلي تحياتي
قصتج حلوه وكلنه انصدمه بواقع الحال
الله يعينه بس
ننتظر البقيه
تقبلي تحياتي
س
27-09-2008 | 01:18 AM
مساء الروقان مع هالعصريه وكاس الشاي اللي يعدل المزاج :wink:
تدرون وش احلى جو عندي .........؟؟؟؟
لما زوجي وولدي ينامون بنفس الوقت ياسلاااااااااام عالهدوء مع كاس شاي وطقطقه عالنت لااحد يزعجني سوي حطي هاتي ولا احد يجي ينقش الكيبورد والا يسدح الشاشه عشان يتفرج ههههههههه لبى قلبه فديتوووووو
"الحلقه الثانيه "
صحيت الصباح فرحانه ومستعجله بستكشف المنطقه بالنهار ماشفت شيء بالليل
وقتها كان الجو عندهم بداية الخريف وكان برد ماتعودت عليه جايه من الشموس والحر فالسعوديه
رتبت شنطي واغراضي ورحت اتفرج عالحديقه تجنن اشجار وورود وشغل مرتب ماودي اطلع منها >>>>>>> ماعندهم فبيتهم حديقه مافيه الا حووش وش كبره فيه نخله وحده متوقف نموها وبراده من عرفت البيت وهي فيه وغازات جنب باب المطبخ :dd:
الاسابيع الثلاث الاولى كان البيت فاضي لاتلفزيون لانت ولا اي وسائل ترفيه وانا فاضيه لاشغله ولا مشغله بس ماكنت طفشانه كثير زوجي ذكر يجيب اغراض الكبسه من اول يوم ولاذكر يجيب تلفزيون :mad:
بس كنت مسليه نفسي ولو يدري زوجي وش كنت اسوي كان ذبحني
كنت اراقب الجيران من شباك غرفتي قلت اتفرج وشلون البريطانيين عايشين
وماتفوتني ولاحرمه تمر بالشارع ههههههه اقوى من حركات الشباب بس طبعا انا قصدي اشوفهن وشلون يلبسن وشلون يسوقون خبركم مانشوف هالمناظر فالسعوديه.........
بس قهروني كلهن مفاصيخ ذكرت زوجي قلت اكيد هالاشكال معه بعد فالمعهد وادعي من قلب متى يجي البرد ويسترهن غصب :mad:
ومن الجيران اللي راقبتهم بعد واحد تركي ساكن قبالنا عزابي كاسر خاطري 24 ساعه يحوس بالمطبخ صدق ان العرس استقرار ........... ومن الفراغ اتهاوش انا وزوجي على العلم هو يقول تركي وانا اقول تونسي
وهذولا عايله ثانيه عجوز وشايبها وعندهم بنت وولد كبار اعمارهم بالعشرين وهذولا قصتهم قصه اقولها لكم بعد شوي وعندهم بنات صغار وولد اعمارهم من عشر وتحت يمكنهم 4 بنات وولد مو متأكده بس كل يوم اشوف وجه جديد من هالصغار
العايله الثالثه رجال ومرته معهم ولدين بس لو اقولكم عن الرجال يابنات ووش يسوي مع زوجته والله لاتعافون ازواجكم :D
اراقبهم من شباك مطبخي مقابل شباك مطبخهم المرة ماتدخل المطبخ الا مرة باليوم وزوجها 24 ساعه مسنتر فالمطبخ يطبخ ويغسل المواعين ويشيل عياله
مو مصدقه انو فيه رجال يسوي كذا حتى لو هو غربي عارفين الشرقي مامنه امل :dd:
يجي من الدوام على طول يدخل المطبخ طبعا اكون وقتها اسوي غداي المشكله ان زوجته ماتشتغل قاعده فالبيت طول النهار والله كسر خاطري يعجبني التعاون بس هذي كارفته ........
اجيب زوجي للمطبخ واقول شوف جارنا يطبخ ويغسل قال هع هذا ماعنده دروس زيي ............قايلتلكم شرقي مامنه امل ولاسعودي بعد
المهم جاء عندهم مناسبه اسمها عيد الهلوين هذا يوم يطفون اللمبات فالليل ويلبسون ازياء تنكريه ويشغلون شموع
حتى العفاريت يحتفلون فيها بس غالبا للاطفال .......
على فكرة هذا قرقيعان بس بطريقه بريطانيه احسب القرقيعان عندنا بس اثر الدنيا كلها تقرقع
جاب زوجي شوكولاته وقال ترى بيطقون عليك الباب وراعين عطيهم حلاو واذا قالولك .......................
نسيتها :sm215: بس كلمتين صعبات بالانجليزي يجيك الورع ويقولك كذا والا كذا طبعا بالانجليزي وحده من هالكلمتين اذا قلتيها تعطينهم حلاو واذا قلت الثانيه صقعوك بالبيض
عاد زوجي قعد يفهمني ساعه ولا حفظت الكلمه قال شكلك بتجيبين العيد اسمعي لاتقولين شيء بس لافتحتي الباب روحي جيبي لهم الحلاو ووزعي عليهم طبعا نص الحلاو اكلته ونصه وزعته :dd:
ورحت اتفرج عليهم من الشباك وهم يدورون على البيوت يقرقعون وطلعوا عيال العجوز والشايب اللي قلتلكم عليهم اول شيء ومعهم اختهم واخوهم الكبير لايفوتكم المشهد الكبار يمشون ورى الصغار عشان ينتبهون لهم بس اهبلوني انا ماني مصدقه اللي اشوفه >>>>> بتطرد من المنتدى
وطول ماهم ماشين متماسكين :eek:
خخخخخخخخخخخخ اخواني فالسعوديه لو جلستي جنبهم انحاشوا لآخر المجلس ......والا اللي تقعدين شهووور ماتشوفينه ولاسلم عليك مرة وحده على خدك اليمين وحذفك وسلم على اللي عقبك هههههههههه فديتهم اللي يستحون متربين ماهم مثل عيال الخواجه الله يقرفهم انا قلت يمكن خويها بس طلع اخوها
الموقف الثاني اللي شفته هالبنت بعد بس هالمرة مع البوي فريند حقها خخخخخخخخخخخ ابو الشباب اثره داخل عندها ومتعشي مع ابوها تخيلوا ولاقاله شيء :rolleyes:
ويوم طلع الساعه 11 يادوب صالب طوله شكله مكثر شرب .... الخ
الرجال بيروح وهي متعلقه فيه ههههههههه
بس انا يوم شفت هالمنظر وقفت مطيرة عيوني تحسبوني استحيت والا صديت .....لااا قعدت مفهيه ماني مصدقه اشوف جيراننا والا ام بي سي 2 :rolleyes:
وعلى هالحال طول هالثلاث اسابيع ماعندي وسائل ترفيه غير مراقب خلق الله من الشبابيك :cool2:
اول مشوار رحته مع زوجي كان للشرطه نسجل عندهم .......هم سواقتهم عاليمين وانا متعودة على سياراتنا فالسعوديه طلعت من البيت وجيت بركب مكان السواق عاليمين قالي زوجي هييي هيييييي مناك مناك خخخخخخ
وشدراني عن سياراتهم .....:(
"انتهت الحلقة الثانيه "
الحلقه الجايه ان شاء الله اقولكم على زيارتي لأول سعوديه تعرفت عليها واللي صار لي فيها موقف محررررررج جدا والسبب زوجي :confused:
س
27-09-2008 | 01:45 AM
السلام عليكم ورحمة الله
آسفه سامحوني على التأخير بس انا صارلي 6 شهور هنا ومعظم الاحداث ناسيتها علشان كذا مابقى الا حلقتين
حلقه اليوم ان شاء الله اكتبها وحلقة بكتبها لما ارجع السعوديه وبتكون الرابعه والاخيرة
"الحلقة الثالثه "
كنت قلتلكم اني بكتب لكم الموقف اللي صارلي مع جارتي ام فهد السعوديه
بس ماامداني اكتب الحلقه الثانيه الا والاسرة الحاكمة فبريطانيا على رأسهم الملكة اليزابيث يتصلون فيني ويقولون لي انسي تكتبين هالموقف .....ضغوطات سياسية حتى في منتدياتنا
لا بس الصراحه خفت لاتزعل جارتي لو قرت هالموقف وتاخذ على خاطرها مني مع انه عااااادي يصير فأحسن العائلات
بس بعطيكم تفاصيل سريعه عن زيارتي لها
الساعه 11 الصباح زرتها واخذ زوجي زوجها وطلعوا لمدينه ثانيه تبعد عن مدينتنا ساعه بالسيارة واستقبلتني وللتذكير اول سعوديه اقابلها هنا
وقهوتني مشرووووووب اسمه قشر قهوة بس لاتخافون حلال وهو مشهور عند اهل الجنوب ......جارتي من ربع مفرح اللي فبيني وبينك :dd:
وتغديت عندها وفي تيه تلقفها تاك أكلت ألذ مكرونة بالباشميل لولا الحياء والا ادق عليها تسويلي مثلها الحين ههههههههه
ووالله انبسطت معاها بنت حلال وطيوووووووووووبه وعيالها عسل الله يصلحهم ويخليهم لها >>>>> مسوين لها شيء خخخخخخخخخخ :21_133:
وهي من أعز جاراتي اللي تعرفت عليهم هنا يكفي انها من اهل الجنوب ....(اصلا نص جاراتي من الجنوب ) تصير لي مشكله احيانا فالترجمه للهجات افهم كلام الاماراتيات اكثر منهم ههههههههه
المهم مصخها زوجي وقعد هو وابو فهد الى الساعه 8 لو داريه جايبه فراشي معي ماتسوى عاد الساعه 8 ارجع لبيتي هههههههه
بعدها بفترة دقت علي وقالت لي تراك معزومه عند جارتنا الاماراتيه قلت ابشري >>>>> حرمة ولقت لها جمعة حريم وهذرة ماتفووووووووووتها
سيرنا على الاماراتيه ولقيت عندها اماراتيه ثانيه وأردنيه
الاردنيه متزوجه سعودي وجايبه منه ولد ماشاء الله لااله الا الله يجنن الله يحفظه لها ويبلغها فيه عريس
اشقر وعيونه عسليه بسم الله عليه ......تخيلوا سعودي >>>>>>>> اتحداكن يالسعوديات تجيبن مثله هع هع هع
وكاشخه فيه انا كل ماجت وحده قلت شوفي ترى هذا سعودي
طبعا لو يوقف جنب ولدي وعيال جاراتي يبين كل واحد وجذوره خخخخخخخخ
سهرنا مع البنات وانبسطنا ورحت للبيت اهل الشريط على زوجي فلانه عندها كذا ولد وفلانه ماتدرس وفلانه زوجها يشتغل بالمكان الفلاني والخ من صجة الحريم
بعدها بفترة تعرفت على كويتيه وياسبحان الله ياهالكويتيين وشقد يتشابهون لو اشوف كويتي قدامي اقدر اعرف اذا هو كويتي او لا من قبل يتكلم وبرضوا هالبنت عسووووله
وبعدين جت اماراتيه جديده فدييييييييتها وش قد حبابه وعسوله
ثم جووا اربع سعوديات ورى بعض منهم اللي عاشرتهم ومنهم اللي ماشفتهم غير مرة او مرتين لحد الآن
ومنهم وحده معنا هنا فالمنتدى فديتها هي وكتاكيتها .........اعلم .........اعلم بإسمك
اي انتي !!!!!!
>>>>>>>هههههههههه بتذبحني
طيب ماعلينا ........هذولا كل اللي تعرفت عليهم بس وربي ماعمري شفت ناس بطيبتهم وصفاء قلوبهم .......صدق الغربه تقرب غصب صايرين مثل الخوات
ماودي اخليهم
لـــــــــــــــــــــــــــــــــــندن
جت اجازة الكريسمس وشلنا شناطنا ورحنا على لندن بس الصراحه ماعجبتني كثير تمشية بجده 3 ايام احلى بكثييييييييييير من لندن اسبوع كامل >>>>> بنت فقر :dd:
اول كان يقولي زوجي معانا شهر بعد اللغه وين تبيني امشيك فلندن والا باريس والا جنيف ......قلت لا عند امي فالــــــ............ >>>>>>>> قال والله انك وجه فقر خخخخخخخخخ
هي حلوة المدينه بس الظروف ماساعدت يعني زوجي راتبه مابعد نزل ومحاسبين شوي علشان يكفينا المصروف لآخر الاسبوع وولدي ازعاج كل مافتح فمه وصاح فالمطاعم والا الاماكن العامه قال ابوه مشينا مشينا بيفضحنا :mad2: من وين استانس
مايمديني اتهنى بالطلعه علشان كذا انصحكم اي وحده بتسافر مع زوجها وتبي تنبسط بسفرتها تخلي عيالها عند جدتهم عشان وهي مسافره تحس انها عرووووس مو يمشي وراها درزن ماما ابي آكل ماما ابي حمام ماما اشتريلي هذا والا اذا كان صغير زي اللي عندي وااااااااااا وااااااااااااااااا حليب عربه نزله حطه شيله والله دووووووووشة راس
المهم معظم تمشياتنا كانت بالاسواق رحنا الهاروودز زوجي يقولي هذا حق محمد الفايد وانا اقول..... والله ؟؟؟؟؟؟ اصلا ما عرفت محمد الفايد ذا وشو الا بعد مارجعنا من لندن ههههههههههههه
ورحنا الهايد بارك وصورت البط فالبحيرة يجنننننن
اكثر شيء عجبني يمكن الهايد بارك ودي اجيب امي وعمي واخليهم يتبطحون في هالثيل خخخخخخخخخخ ودلالهم معهم :dd:
مدري ليش اول مادخلتها ودي انزل عباتي والبس بيجامه واركــــــــــــــــــــــــــــــــــــــــض هذي الاماكن اللي تنفع للرياضه مو حوشنا اللي ام فيصل تدور فيه يقالها بتنحف وماتغيرت هههههههههه الله يذكرها بالخير اشتقت لها هي وعيالها >>>>>>>>> عشان ماتهاوشني :o
ووين رحنا بعـــــــــــــــــــــــــــد .........رحنا البيكادلي ولندن آي وساعة بق بن وقضينا هناك لحظــــــــــات رومنسيه :15:
مايخربها الا ولدي وصياحه
واكيد رحنا اكسفورد وشارع العرب....... كل مادخلنا شارع العرب قال زوجي تلمثي عرب واذا طلعنا قال اكشفي عادي ههههههههههه
والخليجيات هناك حدث ولاحرج ..........
وزي ماقلتلكم انا ماكنت مبسوطه كثير بالسفره كنت اتعب كثييييييييييير مايمديني امشي خطوتين الا انا هلكانه واحس بألم ...................... طلعت حامل بالشهر الاول وانا ما ادري
وزوجي يسحبني من شارع لشارع واقول انا تعبانه حاسه اني حامل ويقول امشي يابنت الحلال مافيك شيء ههههههههههه جفس سعودي لو هو لبناني كان قال تؤبريني بشيلك على ظهري لو بدك >>>>>>>> لاعاد هذي قووووووووووووووويه
بس الحمدالله دامني مع ابو سعد فأكيد بكون مبسوطه حتى لو خيمنا فالبر
>>>>>>> هذي حالتها ميئوس منها ماينفع معها الا الصمان
وانتهت رحــــــــــــلة لـــــــــــــــــندن ورجعنا بالسلامه لمدينتنا
"انتهت الحلقة الثالثه
آسفه سامحوني على التأخير بس انا صارلي 6 شهور هنا ومعظم الاحداث ناسيتها علشان كذا مابقى الا حلقتين
حلقه اليوم ان شاء الله اكتبها وحلقة بكتبها لما ارجع السعوديه وبتكون الرابعه والاخيرة
"الحلقة الثالثه "
كنت قلتلكم اني بكتب لكم الموقف اللي صارلي مع جارتي ام فهد السعوديه
بس ماامداني اكتب الحلقه الثانيه الا والاسرة الحاكمة فبريطانيا على رأسهم الملكة اليزابيث يتصلون فيني ويقولون لي انسي تكتبين هالموقف .....ضغوطات سياسية حتى في منتدياتنا
لا بس الصراحه خفت لاتزعل جارتي لو قرت هالموقف وتاخذ على خاطرها مني مع انه عااااادي يصير فأحسن العائلات
بس بعطيكم تفاصيل سريعه عن زيارتي لها
الساعه 11 الصباح زرتها واخذ زوجي زوجها وطلعوا لمدينه ثانيه تبعد عن مدينتنا ساعه بالسيارة واستقبلتني وللتذكير اول سعوديه اقابلها هنا
وقهوتني مشرووووووب اسمه قشر قهوة بس لاتخافون حلال وهو مشهور عند اهل الجنوب ......جارتي من ربع مفرح اللي فبيني وبينك :dd:
وتغديت عندها وفي تيه تلقفها تاك أكلت ألذ مكرونة بالباشميل لولا الحياء والا ادق عليها تسويلي مثلها الحين ههههههههه
ووالله انبسطت معاها بنت حلال وطيوووووووووووبه وعيالها عسل الله يصلحهم ويخليهم لها >>>>> مسوين لها شيء خخخخخخخخخخ :21_133:
وهي من أعز جاراتي اللي تعرفت عليهم هنا يكفي انها من اهل الجنوب ....(اصلا نص جاراتي من الجنوب ) تصير لي مشكله احيانا فالترجمه للهجات افهم كلام الاماراتيات اكثر منهم ههههههههه
المهم مصخها زوجي وقعد هو وابو فهد الى الساعه 8 لو داريه جايبه فراشي معي ماتسوى عاد الساعه 8 ارجع لبيتي هههههههه
بعدها بفترة دقت علي وقالت لي تراك معزومه عند جارتنا الاماراتيه قلت ابشري >>>>> حرمة ولقت لها جمعة حريم وهذرة ماتفووووووووووتها
سيرنا على الاماراتيه ولقيت عندها اماراتيه ثانيه وأردنيه
الاردنيه متزوجه سعودي وجايبه منه ولد ماشاء الله لااله الا الله يجنن الله يحفظه لها ويبلغها فيه عريس
اشقر وعيونه عسليه بسم الله عليه ......تخيلوا سعودي >>>>>>>> اتحداكن يالسعوديات تجيبن مثله هع هع هع
وكاشخه فيه انا كل ماجت وحده قلت شوفي ترى هذا سعودي
طبعا لو يوقف جنب ولدي وعيال جاراتي يبين كل واحد وجذوره خخخخخخخخ
سهرنا مع البنات وانبسطنا ورحت للبيت اهل الشريط على زوجي فلانه عندها كذا ولد وفلانه ماتدرس وفلانه زوجها يشتغل بالمكان الفلاني والخ من صجة الحريم
بعدها بفترة تعرفت على كويتيه وياسبحان الله ياهالكويتيين وشقد يتشابهون لو اشوف كويتي قدامي اقدر اعرف اذا هو كويتي او لا من قبل يتكلم وبرضوا هالبنت عسووووله
وبعدين جت اماراتيه جديده فدييييييييتها وش قد حبابه وعسوله
ثم جووا اربع سعوديات ورى بعض منهم اللي عاشرتهم ومنهم اللي ماشفتهم غير مرة او مرتين لحد الآن
ومنهم وحده معنا هنا فالمنتدى فديتها هي وكتاكيتها .........اعلم .........اعلم بإسمك
اي انتي !!!!!!
>>>>>>>هههههههههه بتذبحني
طيب ماعلينا ........هذولا كل اللي تعرفت عليهم بس وربي ماعمري شفت ناس بطيبتهم وصفاء قلوبهم .......صدق الغربه تقرب غصب صايرين مثل الخوات
ماودي اخليهم
لـــــــــــــــــــــــــــــــــــندن
جت اجازة الكريسمس وشلنا شناطنا ورحنا على لندن بس الصراحه ماعجبتني كثير تمشية بجده 3 ايام احلى بكثييييييييييير من لندن اسبوع كامل >>>>> بنت فقر :dd:
اول كان يقولي زوجي معانا شهر بعد اللغه وين تبيني امشيك فلندن والا باريس والا جنيف ......قلت لا عند امي فالــــــ............ >>>>>>>> قال والله انك وجه فقر خخخخخخخخخ
هي حلوة المدينه بس الظروف ماساعدت يعني زوجي راتبه مابعد نزل ومحاسبين شوي علشان يكفينا المصروف لآخر الاسبوع وولدي ازعاج كل مافتح فمه وصاح فالمطاعم والا الاماكن العامه قال ابوه مشينا مشينا بيفضحنا :mad2: من وين استانس
مايمديني اتهنى بالطلعه علشان كذا انصحكم اي وحده بتسافر مع زوجها وتبي تنبسط بسفرتها تخلي عيالها عند جدتهم عشان وهي مسافره تحس انها عرووووس مو يمشي وراها درزن ماما ابي آكل ماما ابي حمام ماما اشتريلي هذا والا اذا كان صغير زي اللي عندي وااااااااااا وااااااااااااااااا حليب عربه نزله حطه شيله والله دووووووووشة راس
المهم معظم تمشياتنا كانت بالاسواق رحنا الهاروودز زوجي يقولي هذا حق محمد الفايد وانا اقول..... والله ؟؟؟؟؟؟ اصلا ما عرفت محمد الفايد ذا وشو الا بعد مارجعنا من لندن ههههههههههههه
ورحنا الهايد بارك وصورت البط فالبحيرة يجنننننن
اكثر شيء عجبني يمكن الهايد بارك ودي اجيب امي وعمي واخليهم يتبطحون في هالثيل خخخخخخخخخخ ودلالهم معهم :dd:
مدري ليش اول مادخلتها ودي انزل عباتي والبس بيجامه واركــــــــــــــــــــــــــــــــــــــــض هذي الاماكن اللي تنفع للرياضه مو حوشنا اللي ام فيصل تدور فيه يقالها بتنحف وماتغيرت هههههههههه الله يذكرها بالخير اشتقت لها هي وعيالها >>>>>>>>> عشان ماتهاوشني :o
ووين رحنا بعـــــــــــــــــــــــــــد .........رحنا البيكادلي ولندن آي وساعة بق بن وقضينا هناك لحظــــــــــات رومنسيه :15:
مايخربها الا ولدي وصياحه
واكيد رحنا اكسفورد وشارع العرب....... كل مادخلنا شارع العرب قال زوجي تلمثي عرب واذا طلعنا قال اكشفي عادي ههههههههههه
والخليجيات هناك حدث ولاحرج ..........
وزي ماقلتلكم انا ماكنت مبسوطه كثير بالسفره كنت اتعب كثييييييييييير مايمديني امشي خطوتين الا انا هلكانه واحس بألم ...................... طلعت حامل بالشهر الاول وانا ما ادري
وزوجي يسحبني من شارع لشارع واقول انا تعبانه حاسه اني حامل ويقول امشي يابنت الحلال مافيك شيء ههههههههههه جفس سعودي لو هو لبناني كان قال تؤبريني بشيلك على ظهري لو بدك >>>>>>>> لاعاد هذي قووووووووووووووويه
بس الحمدالله دامني مع ابو سعد فأكيد بكون مبسوطه حتى لو خيمنا فالبر
>>>>>>> هذي حالتها ميئوس منها ماينفع معها الا الصمان وانتهت رحــــــــــــلة لـــــــــــــــــندن ورجعنا بالسلامه لمدينتنا
"انتهت الحلقة الثالثه
س
27-09-2008 | 02:00 AM
السلام عليكم .... عدت لكم بعد طول غياب
واسمحولي بس الظروف ماسمحت اكمل الجزء الاخير من المذكرات
الحلقة الرابعة
باقي 3 اسابيع ونرجع للسعودية .... على قد ما انا فرحانه اني بشوف اهلي اخيرا الا اني متضايقه لأني بخلي زوجي هنا فالغربة لحاله والبنات جننوني اللي تقول لاتخلينه تري بيعرس عليك والا تقول ينساكم :ss:
واللي تقول روحي بس لأهلك ووسعي صدرك وادرسي ... وانا محتارة وبنفس الوقت ماعندي خيار ثاني الا اني ارجع للسعودية لأني حامل وممكن بأي وقت اولد
المهم توكلت على الله وجهزت اغراضي وتسوقت هدايا للفاملي ... ويوم السفرة الصباح قمت مبسوووووطه والدنيا مو سايعتني من الفرحه تروشت ولبست ولبست وليدي وافطرنا وشلنا قشنا ومشينا لمحطة الباصات
وركبنا الباص من مدينتنا الى لندن ساعتين بس كانت ممتعه الرحلة فيه وماراحت عيوني عن الشباك قاعده اتفرج على المدينة والطبيعه لأني مابرجع لها ثاني بتوحشني المدينه وجاراتي وذكرياتنا فيها
وصلنا المطار خلصنا الاجراءات فتشوني لين شبعوا
بالجهاز وباليدين وافتحي عباتك ومدري وش سوي .... خوفوني
وفتشوا شنطتي ولقوا فيها مايلي :
رضاعه لولدي متروسه حليب احتياط للإزعاج ههههههه بس كبوه .... حقد عليه ولدي :mad:
كرتون حليب لولدي :D
مقص صادروه على طووووووووول تحسبا لأي هجمات ارهابية مني <<<< من كبر المقص عشان اسوي فيه تهديد....كنت ابغاه عشان افتح حليب ولدي
لوشن مرطب لليدين صادروه الظاهر عجب المفتش واخذه يشتري مثله لزوجته
(................) احتياط لأي ظرف طارئ اتحداكم تعرفون :o
وقعدنا ننتظر ساعتين فصالة الانتظار ماحسيت فيها من ازعاج ولدي يتمشى فالمطار تقول بيت ابوه وابوه المسكين يطرد وراه وانا قاعده احرس الشنط
باقي نص ساعه ويجي موعد الرحلة قالي زوجي روحي البسي عباتك ونقابك...
واروح لدورة المياه والبس عبايتي ونقابي نسيت نسفة الشيلة من فوق النقاب خخخخ وحسيت بكتمه مدري وشلون كنت متحملة النقاب قبل بالسعودية ...>>>>> خربت البنت من عقب بريطانيا :D
والبريطانيات عيونهن طايرة فيني وفـــــنقابي ولبسي
واطلع لزوجي ونروح نركب الطيارة وخذ ساعه كاملة على ما اقلعت الطيارة
مدري ماعجبني جو الرجعه احسه كان ازعاج وفوضى
هبطت الطيارة في مطار الرياض الساعه الثانية والنصف صباحا
خلصنا الاجراءات وطلعنا ويوووووووووووووووه ياعجاج الرياض غبرة مو طبيعية ....خبركم متعودين على جو بريطانيا :cool: خاصة الايام الاخيرة كانت روووووووووووووعه بداية الربيع
ونركب مع ليموزين هندي ويعلمنا بأخبار الديرة من عقبنا مسكين متعقد من غلاء الاسعار
ونروح لشقة اختي الناس كلها نايمه وراها دوامات مافيه الا اختي فتحت لي الباب وقهوتني وراحت تنام عشان تصحي عيالها للمدرسة
وانا يادوب جاني النوم مع اني صاحية 7 الصباح الى 4 الفجر ....وايدي تاكلني ودي اروح اصحي عيال اختي اسلم عليهم بس وراهم مدارس بس صحى الكبير عمره 11 سنه وياليته ماصحى ازعجني نااااقتي ياناااااااقتي لارباع ولا سديس .. وعيا يسكت وانا اجامله بس عشاني توي جاية بس بعد كم يوم صرت اصرخ بوجهه اذا اطرى الناقة ...:mad:
ويوم صحينا العصر رحنا لأمي مادرا عني الا امي الباقين شالوا ولدي ومن واحد لواحد مع انه مايبيهم خايف منهم ويقعد ولدي على هالحالة حوالي 10 ايام مافكني ومن بعدها ماعاد يسأل فيني تعود على امي وخواتي وجده واستغنى عني ماعاد اشوفه ماصدق يلقى حوش وناس يلعب معهم من عقب الحبسه فبريطانيا وماكان عنده الا انا وانا مقابله النت وابوه مقابل دروسه
قعدنا اسبوع مفطح بالليل ومفطح بالنهار إلين انحاس ابو الجهاز الهضمي هههههههه وعقب اسبوع سافر زوجي :(
وانواع ضيقة الخلق كم يوم لحد ماتعودت عالوضع وبعدين عدت الايام والحمدالله وسافر 3 شهور وهذا هو رجع بالسلامه لنا
وتوتة توتة خلصت الحدوتة ............ :D
واسمحولي بس الظروف ماسمحت اكمل الجزء الاخير من المذكرات
الحلقة الرابعة
باقي 3 اسابيع ونرجع للسعودية .... على قد ما انا فرحانه اني بشوف اهلي اخيرا الا اني متضايقه لأني بخلي زوجي هنا فالغربة لحاله والبنات جننوني اللي تقول لاتخلينه تري بيعرس عليك والا تقول ينساكم :ss:
واللي تقول روحي بس لأهلك ووسعي صدرك وادرسي ... وانا محتارة وبنفس الوقت ماعندي خيار ثاني الا اني ارجع للسعودية لأني حامل وممكن بأي وقت اولد
المهم توكلت على الله وجهزت اغراضي وتسوقت هدايا للفاملي ... ويوم السفرة الصباح قمت مبسوووووطه والدنيا مو سايعتني من الفرحه تروشت ولبست ولبست وليدي وافطرنا وشلنا قشنا ومشينا لمحطة الباصات
وركبنا الباص من مدينتنا الى لندن ساعتين بس كانت ممتعه الرحلة فيه وماراحت عيوني عن الشباك قاعده اتفرج على المدينة والطبيعه لأني مابرجع لها ثاني بتوحشني المدينه وجاراتي وذكرياتنا فيها
وصلنا المطار خلصنا الاجراءات فتشوني لين شبعوا
بالجهاز وباليدين وافتحي عباتك ومدري وش سوي .... خوفوني
وفتشوا شنطتي ولقوا فيها مايلي :
رضاعه لولدي متروسه حليب احتياط للإزعاج ههههههه بس كبوه .... حقد عليه ولدي :mad:
كرتون حليب لولدي :D
مقص صادروه على طووووووووول تحسبا لأي هجمات ارهابية مني <<<< من كبر المقص عشان اسوي فيه تهديد....كنت ابغاه عشان افتح حليب ولدي
لوشن مرطب لليدين صادروه الظاهر عجب المفتش واخذه يشتري مثله لزوجته
(................) احتياط لأي ظرف طارئ اتحداكم تعرفون :o
وقعدنا ننتظر ساعتين فصالة الانتظار ماحسيت فيها من ازعاج ولدي يتمشى فالمطار تقول بيت ابوه وابوه المسكين يطرد وراه وانا قاعده احرس الشنط
باقي نص ساعه ويجي موعد الرحلة قالي زوجي روحي البسي عباتك ونقابك...
واروح لدورة المياه والبس عبايتي ونقابي نسيت نسفة الشيلة من فوق النقاب خخخخ وحسيت بكتمه مدري وشلون كنت متحملة النقاب قبل بالسعودية ...>>>>> خربت البنت من عقب بريطانيا :D
والبريطانيات عيونهن طايرة فيني وفـــــنقابي ولبسي
واطلع لزوجي ونروح نركب الطيارة وخذ ساعه كاملة على ما اقلعت الطيارة
مدري ماعجبني جو الرجعه احسه كان ازعاج وفوضى
هبطت الطيارة في مطار الرياض الساعه الثانية والنصف صباحا
خلصنا الاجراءات وطلعنا ويوووووووووووووووه ياعجاج الرياض غبرة مو طبيعية ....خبركم متعودين على جو بريطانيا :cool: خاصة الايام الاخيرة كانت روووووووووووووعه بداية الربيع
ونركب مع ليموزين هندي ويعلمنا بأخبار الديرة من عقبنا مسكين متعقد من غلاء الاسعار
ونروح لشقة اختي الناس كلها نايمه وراها دوامات مافيه الا اختي فتحت لي الباب وقهوتني وراحت تنام عشان تصحي عيالها للمدرسة
وانا يادوب جاني النوم مع اني صاحية 7 الصباح الى 4 الفجر ....وايدي تاكلني ودي اروح اصحي عيال اختي اسلم عليهم بس وراهم مدارس بس صحى الكبير عمره 11 سنه وياليته ماصحى ازعجني نااااقتي ياناااااااقتي لارباع ولا سديس .. وعيا يسكت وانا اجامله بس عشاني توي جاية بس بعد كم يوم صرت اصرخ بوجهه اذا اطرى الناقة ...:mad:
ويوم صحينا العصر رحنا لأمي مادرا عني الا امي الباقين شالوا ولدي ومن واحد لواحد مع انه مايبيهم خايف منهم ويقعد ولدي على هالحالة حوالي 10 ايام مافكني ومن بعدها ماعاد يسأل فيني تعود على امي وخواتي وجده واستغنى عني ماعاد اشوفه ماصدق يلقى حوش وناس يلعب معهم من عقب الحبسه فبريطانيا وماكان عنده الا انا وانا مقابله النت وابوه مقابل دروسه
قعدنا اسبوع مفطح بالليل ومفطح بالنهار إلين انحاس ابو الجهاز الهضمي هههههههه وعقب اسبوع سافر زوجي :(
وانواع ضيقة الخلق كم يوم لحد ماتعودت عالوضع وبعدين عدت الايام والحمدالله وسافر 3 شهور وهذا هو رجع بالسلامه لنا
وتوتة توتة خلصت الحدوتة ............ :D
أ
27-09-2008 | 12:18 PM
ههههههههههههههههههههههههه
مذكرات رائعة وخفيفة
ما شاء الله عليك واضح من طريقة سردك أن دمك خفيف وإنك شخصية محبوبة ورائعة :)
ربنا يحفظ لك زوجك وولدك ويخلي لك اللي جاي إن شاء الله وما يفرق بينكم أبدا :)
استمتعت جدا بمذكراتك وننتظر المزيد منك :)
مذكرات رائعة وخفيفة
ما شاء الله عليك واضح من طريقة سردك أن دمك خفيف وإنك شخصية محبوبة ورائعة :)
ربنا يحفظ لك زوجك وولدك ويخلي لك اللي جاي إن شاء الله وما يفرق بينكم أبدا :)
استمتعت جدا بمذكراتك وننتظر المزيد منك :)
س
27-09-2008 | 11:58 PM
بنت الرافدين1;7289358:
ههههههههههههههههه
قصتج حلوه وكلنه انصدمه بواقع الحال
الله يعينه بس
ننتظر البقيه
تقبلي تحياتي
سعدت بمرورك يالغلا (f)
س
28-09-2008 | 12:09 AM
أسماء زكي الدين;7292748:
ههههههههههههههههههههههههه
مذكرات رائعة وخفيفة
ما شاء الله عليك واضح من طريقة سردك أن دمك خفيف وإنك شخصية محبوبة ورائعة :)
ربنا يحفظ لك زوجك وولدك ويخلي لك اللي جاي إن شاء الله وما يفرق بينكم أبدا :)
استمتعت جدا بمذكراتك وننتظر المزيد منك :)
سعدت بمرورك عزيزتي بس للأمانه الموضوع منقول
B
29-09-2008 | 12:56 AM
راائعة هذي المذكرات.. على فكرة ودي تشرحين لي كيف وضع الحجاب ببريطانيا يعني عادي لبس العباية والنقاب ولا فيه مشاكل وبعدين كيف التفتيش بالمطارات وكيف وفرتي أحتياجاتك للطبخ خاصة مقاضي الكبسة اللي أعرفه أنها مو متوفرة برة
س
02-10-2008 | 03:07 AM
Basmah99;7303203:
راائعة هذي المذكرات.. على فكرة ودي تشرحين لي كيف وضع الحجاب ببريطانيا يعني عادي لبس العباية والنقاب ولا فيه مشاكل وبعدين كيف التفتيش بالمطارات وكيف وفرتي أحتياجاتك للطبخ خاصة مقاضي الكبسة اللي أعرفه أنها مو متوفرة برة
اهلين حبيبتي انا رحت بريطانيا فترة وكنت البس عباية ملونه وحجاب بس الحمدالله ماكان فيه مضايقات بالعكس جارتي كانت تداوم بالجامعه وتلبس عبايه كامله ونقاب ولا حصلها مضايقات و معظم جاراتي يلبسون عبايات ملونه مثلي وحجاب والعباية الملونه يعني ممكن رمادي او بيج او اخضر غامق
التفتيش كان بالعوده بالجهاز وباليدين و اللي تفتشك مره ,,, بس بالقدوم مافتشوا بس عملوا لي اشعه للصدر فالمطار
احتياجات الطبخ اخذي معك قد اسبوعين ثلاثه لحد ماتلقون محلات علابية تبيع اغراض الطبخ العربي فيه باكستانيين وهنود كثير يبيعون اغراض الكبسه واللحم والدجاج الحلال
ن
02-10-2008 | 05:14 AM
الله يسعدج ويسخر لج زوجج يارب
حلوة مذكراتج وطريقة سردها خطيرة انواع الوناسة
حلوة مذكراتج وطريقة سردها خطيرة انواع الوناسة
م
12-10-2008 | 04:13 AM
ماشاء الله أسلوبك أكثر من رائع . عن جد ونستينا .
الله يقويمك بالسلامة و يوفقك
الله يقويمك بالسلامة و يوفقك
ا
12-10-2008 | 06:05 AM
هههههههههه مذكرات حلوه واسلوبك حلو كمان
u
12-10-2008 | 06:11 AM
حلو كثير استانست وانا اقراء المذكرات تذكرت ايامي الاوليه بالغربه
س
22-10-2008 | 08:19 PM
سعدت بمروركم عزيزاتي
ع
23-02-2009 | 08:44 PM
تسلمين على المذكرات الروعه
:21_161::21_161:
:21_161::21_161:
ك
23-02-2009 | 10:20 PM
روووووووووووووووووعه الموضوع استمتعت و انا اقراه
شكرا اختي على النقل
شكرا اختي على النقل
ا
23-02-2009 | 10:43 PM
استمتعت جدا بمذكراتك
*
26-02-2009 | 12:51 AM
مشكووووره ..
ا
03-03-2009 | 04:01 PM
موضوعك