اليوم حابه أراويكم لوكي لنهار العيد ..
لوكي بدرجات الاصفر و البني ..
صوره للفرش المستخدمه


بصبعي وزعت من البينت بوت على الجفن كامل..

بالفرشه رقم 1 بللتها شوي و خذيت من شدو بناي الأصفي ووزعته على الجفن المتحرك بس
و بسرعه خذيت بالفرشه رقم 2 من الشدو الاصفر يسار الصوره و دمجت اللونين..

بالفرشه رقم 4 خذيت من الشدو البني ووزعته على ثنيه العين و شوي لفوق
بدأت اول شي من النص بالطبطبه و بعدين مديت اللون
لبرع و لداخل بدون ما انزل اللون وايد لتحت!
الحين دور الاضاءه استخدم درجه قريبه من لون البشره ووزعتها تحت الحاجب بالفرشه الانجل رقم 3 في الصوره ..
ندمج بين اللون البني و الاضاءه بس.. بالفرشه رقم 7 و بحركه دائريه خفيفه نموه الشدو البني مو وايد ..

الحين ناخذ شوي من شدو بناي الأصفر و نوزعه على الرموش السفليه و من فوقه بالشدو البني بالفرشه رقم 6..
دوور الكحل
استخدمت الكحل الكريمي لأني ما بدمجه ابي خط الكحل يكون واضح
مديت خط الكحل لين يوصل للشدو البني بالفرشه رقم 5((شوفي الصوره المرفقه))
كحلي عيونج من داخل بقلم الكحل البني اول مره ..و بعد ماينشف عيدي عليه مره ثانيه ..
شفو كحلي حليله ما فيه روح مسكيين يبالي آخذ واحد يديد!!

نظفت الحواجب بمسكرة مااك خاصه للحواجب
و بقلم ديوور عدلت الشيب و عبيت الفراغات استخدمت فرشة خاصه بالحاجب رقم 9..

الحين دور المسكره وانا ما صرت استغني ابدا ابدا عن عقاصة الرمووش
لأن المسكره بروحها ما تقدر تعطي تقوس للرموش((على الاقل معاي انا))
و افضل استخدم العقاصه قبل المسكره..


المميز في هذا اللوك ان كل شي فيه ماااااااات حتى البلشر و الروج
بالفرشه رقم 8 حددت الخشم ببودره خاصه للكونتورج ووزعت البلشر بالفرشه رقم 10..

على الشفايف استخدمت محدد بلون طبيعي ..و الروج المات وزعته بصبعي عشان يندمج و يبان طبيعيييي..

خلصت اللوك اتمنى يعجبكم
تحياتي للجميع