انــــــــــا والممـــرضـة ...والافلونزا !!!

الله يمسيكم بلخير جميعا ...واحلى مساء معطر للمنتدى الجميل العروس ...اليوم حبيت اسرد لكم هذه القصة والتي بدأت قصتها الله يبعده عنا وعنكم الامراض انشا الله بافلونزا ، وانا بحكم عملي في احدى الشركات المالية في الرياض يوجد هناك تأمين طبي للموظفين (الله يعز الحكومة انشا الله ) قلت لنفسي اتجه للمستشفى على طول وركبت سيارتي ورحت لافخم مستشفى متعاونة في برنامج التأمين الخاص بالشركة (نحلل ابو التأمين ) ...وصلت الى المستشفى وانا مهدود الحيل وخامل الجسم (ضلوعي متزاعله ) ...واول مادخلت كان يوجد قسم الاستقبال ومواعيد المرضى وكان هناك سوداني عمامته تلامس السقف (من كثر اللفات والمتاهات اللي فيها ) وابتسم ابتسامة واسعه (وصلت لاذنه) كيف اغدر اخدمك؟(ماشفته الايوم ابتسم لي)...وقلت له لو سمحت يازول الدكتور موجود ادخل عليه الان ؟...رد قاللي (آآآآآآآآآآآآآآآآآآآآآآآآآآآآآآآي ...موجود ! ) ...قلت مع نفسي ( وش فيه هذا قام يتوجع؟) اتاريه يقول ايوه بالسوداني ...وقاللي انتظر 5 دغيغه وهما راح يندهوليـــــــك ياخي ...قلت له طيب شكرا واروح غرفه انتظار الرجال ..وجلست على الكرسي ، وكان يوجد شخص اخر بالغرفه وهو مبتسم ويناظر فيني (تقول كني سارق منه فلوس:eek2:) ...انا قلت عفوا اخوي انت تعرفني؟:eek2: ...قاللي لا والله بس وناسة مريضين مع بعض !!! ...(يالله لك الحمد عشنا وشفنا ) ...وانا قعدت اسايره واقوله وانا بعد (صرنا طقم):smile: ...وظهر صوت ينادي يقول : مستر ابدولا ...مستر ابدولا ...اتاريها الممرضه الفلبينية تناديني سيد عبدالله بالفلبيني ...قلت حاضر (من الدوخة ظنيت اني قاعد بمدرسة ) ...وتوجهت للدكتور في خطوات بطيئة ودخلت عليه وكان مصري ، قاللي اهلن بحضرتك (عيونه تلمع يحب الفلوس) قلت الحقني يادكتور تعبان فيني حرارة وزكام والم في راسي ، قاللي ماتخفش انت مش خارج من هينا الا وانتا ميه الميه ( اي قابلني يصير خير) ...وكشف علي وبعدين قال : يانهار اسود ومنيل !!! .. وانا خايف وشفيه يادكتور؟؟؟:eek2:
قال انت عندك انتفاخ في الغدد اللمفاوية (وانا اقول مع نفسي بنت مين هذي؟) ...قلت له والحل يادكتور ..لازم نعملك اشعه وتحاليل ...قلت امري لله ...واخذتني ممرضه سورية على غرفة الابر عشان اخذ ابرة مقوية للجسم وجابت ابرة طويــــــله ...وانا اقولها وش تبين تسوين؟؟؟:eek2: ...قالت لاتخاف هاي مابتوجع ...قلت اي طيب يصير خير وعطتني الابرة وانا قلت اح !...قالت لي انتا دلوع ماافتكرتك هيك ....قلت لها من الدلوع ؟؟؟:eek2: ...وبعدها دخلوني على دكتور ثاني ومصري على حظي وكشف علي قاللي ياخبر !!! يانهار ابيض !!! ...(حشا مافي نهار الا وحطوا فيه الوان ) ...وانا الخوف يملئ جسمي ...وشفيه يادكتور بعد :eek2: ...قالي انت عندك فقر دم ، ولازم نعمل اجراءات عشان نتأكد من نوع الحاله ...وانا صرت :eek: صرت اقوله يادكتور اقول ورا ماتشوف بعد وشفيني من امراض اخاف انك ناسي شئ من هينا او في بيتكم وناسي تقوللي عليه ؟! واقوم اغادر المكان وانا حالتي >>>:mad2: ...واقابل السوداني اللي بالاستقبال وانا بطريقي ، وقال ( داير ياخي اعمل ليــــــــك موعد تاني؟) قلت له مشكور يازول لاثاني ولاثالث ...انا بعالج روحي بروحي ...واروح ياطويل العمر الى الصيدليه ، والصيدلي استقبلني بابتسامه واسعه (صرت اقول الظاهر اليوم العالمي للابتسامات وانا مدري !:eek2: ...قلت له الله يخليك اعاني من كذا وكذا ...ووصف لي 3 ادويه الله يجزاه خير ...وعدت بادراجي الي البيت وانا نادم على ضياع وقتي في المستشفى ، ومن الاخطاء المرافقه لتشخيص المرض ، والتي انتشرت في الاونة الاخيرة ...لكن اعيد واكرر البعـــــــض وليس الكل ...ودمتم .

المخلص :
عبدالله ،