جربوه للعيد وبتدعون لي :)

السلام عليكم ورحمة الله وبركاته

بنات من يومين رحت محل فور يو وقلت باخذ عطر لزوجي وانا اشم في العطور جاتني البايعه
وقامت اتشممني في العطور الجديده لحد ماستقريت على عطر وخذته

وبعدين قالت ليش ماتجربين العطور النسائيه الجديده قلت لا انا بجي يوم ثاني وباخذلي على راحتي
قالت جربي ماراح تخسرين شي
وماحبيت اردها قلت اوكي
وتمت تشممني في العطور ورشت لي عطر بصراحه ريحته قوووويه وازعجتني في البدايه
بس بعد ماطلعت من المحل طول الطريج وانا اشمشم في العطر واشمم زوجي بصراحه رهيييب

والله يابنات العطر مايتفوت اول ماترشونه بتزعجكم قوة الريحه بس عطيه نص ساعه يبرد وشوفي حلاته
وامس رحت فيسس وخذت منه وسعره شوي غالي على البعض بس بصراحه يستاهل
وسعره 525 ريال

ادري طولت عليكم بس ببقولكم عن العطرين اللي خذتهم للعيد


هذا الاول والي اقولكم عنه واللي انصحكم تجربونه وانصح كل عروس تاخذه وهي مغمضه

van cleef & arpels

حاولت ادور له صوره بس ماحصلت

تجيج الغرشه زرقه شبه دائريه والغطا فضي بس طويل على شكل حرف او غصن وقاعده عليه مثل البنت على شكل فراشه

اتمنى انكم فهمتوني



اما العطر الثاني فهو حلو ويحته بارده وهو

LANVIN
لونه وردي وعلى الغرشه مثل الشريطه من التور اذا ماخاب ظني

اتمنى يابنات تجربونهم وتعطوني رايكم وخاصة الاول

وكل عام وانتم بخير