الصبر مل مني

ربنا يفرج كربتك ولعلمك كل اللي تشوفيه وتستحمليه من عند الله راح يكفر فيهم ذنوبك ويبدلهم لك حسنات ان شاء الله

شكرا اختي عاشقه وجزاك الله الف خير

[GLOW="FF9999"]الله يعينك ويجعل كل الي تعمليه في ميزان حسناتك

والله شي يملل الله يعينك مالك الا الصبر

مالي غير الدعاء لكي

عيون الفهد[/GLOW]

طيب .. اختي ...

خليني ادردش معك .. لاني لا استطيع ان اقترح عليك حلول .. بسبب ان هناك حلقات فراغ انتي الوحيده التي تستطيعين ملئها ..

اقولج .. يعني لو تطلقتي اريح .. !! .. صدقيني من بعد هالكلمه بتفكرين وبطلعين كل حسنات زوجك ,, وبتقولين هو طيب وزين بس فيه جذي وجذي ..

اختي اربع سنوات ماشاء الله تبارك يعني تقدرين تعرفين شنو يحب زوجك وشنو ما يحب .. وعلى فكره اي بنت تقبل انها تتزوج وتقعد ببيت زوجها .. بس علشان ان العريس ما يطير .. لازم ترضى بالتبعات اليايه .. يعني المفروض تحتمل .. الي يصير .. وتغض الطرف .. لانها بالاول وافقت على هالشي ..

اناما عاتب انا اقولج الواحد لمه تتنازل عن شي .. لازم تعرف شنو ايي وراه ..

شغله ثانيه اختي .. مادري هل كلمتي زوجك او لا .. بس الي ابي اقولج اياه اختي الغاليه .. الحوار الهادئ الرومنسي دائما له مفعول . كلمي زوجك .. هل ممكن تنفصلين بسكن بروحك ,, لو مب ممكن .. ليش ما تكلمينه عن الي مضايقك والي مب مريحيك ..

شنو الي بالضبط مضايقك .. شنو الي يخليك تكرهيهم ... هل ممكن تتفاديهم .. صعب تعيشين في بيت وخصوصا اذا في غرفه تقعدين فيها 24 ساعه ...

هل انت مشتاقه لاهلج عشان جذي حسيتي انك وحيده .. كلمي زوجك واقنعيه بزياره اهلك .... اختي ممكن تؤمنين بشي واحد .. ان مهما ضاقت الظروف تفرج ..

وخلج على ثقه ان هالشي ابتلاء من رب العالمين .. وعليج بالصبر..

تحياتي

أم جنى

شكرا حبيباتي عالردود
والبنسبه لاختي نور
انا فكرت في الطلاق الف مره وطلبت هالشي بس لما اجي افكر في بنتي اقول حرام اللي بيصيرلها خصوصا ان زوجي روحه فيها اكذب عليكي لو اقول ما احب زوجي بس العيشه معاه صعبه عنده اهل شيبون شعر الراس
وانا الحمد لله تزوجته عن رضا مش زي ما قلتي عشان ما يطير (جلست اضحك لما قريت العباره )لانها ما كانت في بالي
اما عن اني كلمت زوجي صار يمل من كثر ما اقوله ترا اليوم صار كذا وصار كذا يصير الكلام يأثر فيه ويقلب علي وفي الاخير انا الغلطانه عشان شكيت يعني حتى لو تكلمت معاه ما في شي راح يتغير
اما عن اهلي اشتقت للحياه معاهم كانت عيشه هنيه حلوه ولو انه كان فيها مشاكل بس فرق بين السما والارض من العيشه اللي انا عايشتها
صرت ما اصدق يجي الويك اند عشان اروح عندهم والله ياناس اكره بيتي كره
بس خلاص اقول عشان تتربى بنتي زي باقي الاطفال ما ابغاها في يوم تلومني على شي ياثر فيها مستقبلا

يا الغاليهـ مني نصيحه لج

اقرااي سووره البقره 20 يومين وكل يووم.. وبكل ما تقرينهااا ادعي رب العبااد

ان حيااتج تتغير للاحسن ومن العذااب اللي تحسينهــ


وان شاء الله راح تتحسن امووورج



والله يووفقج ويعينج ع كل شيء

الله يعينك يارب ويفرج همك يااااااارب

ادعي ربنا وان شاءالله ربنا ماراح ينساكي وياااااارب تفرج عليكي

الله يفرج همك وهم جميع المسلمين
اللهم ارح قلبها وكن حسبها وحل مشاكلها
واستر علينا وعليها واجمع شملها مع اسرتها في بيتها
امن يجيب المضطر اذا دعاه
لا اله الا انت سبحانك اني كنت من الظالمين
امين امين امين

كل الشكر الجزيل لكل الردود الله لايحرمني منكم ويخليكم لازواجكم واللي مو متزوجه الله يسخرلها ابن الحلال اللي يعزها ويحفظ مكانتها

اسأل الله العظيم رب العرش العظيم ان يسخرهم لك ويعينك على حياتك

ربنا يفرج كربتك وكرب المسلمين جميعا

اصبري اختي فان الله يحب الصابرين. و رددي كتيرا هدا الدعاء"اللهم اجعل لي فرجا و مخرجا من امري".

ما اقول الا الله يفرج همج ويسخر لج زوجج
ويرفعج الله من اهله ويسكنج ان شاءالله سكن خاص فيج
وماكو شي بالدنيا يدوم يالغاليه كل شي يتغير
الحين والا بعد حين وينصلح الحال

ماعليج الا الدعاء لربج خصوصا في هذه الايام المباركة العشر الاواخر اقيمي الليل واختمي قيامك بصلاة الشفع والوتر وادعي ادعي دعاء خالص من قلبج انتي صاحبة المشكله
والله يراك ويعلم في حالك
وكل شي بالدنيا تحتاج صبر يالغاليه

وان شاءالله ينقبل دعائج في احدى هذه الليالي التي سوف يصادف فيها ليلة القدر


إِنَّا أَنْزَلْنَاهُ فِي لَيْلَةِ الْقَدْرِ (1)
وَمَا أَدْرَاكَ مَا لَيْلَةُ الْقَدْرِ (2)
لَيْلَةُ الْقَدْرِ خَيْرٌ مِنْ أَلْفِ شَهْرٍ (3)
تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِمْ مِنْ كُلِّ أَمْرٍ (4)
سَلَامٌ هِيَ حَتَّىٰ مَطْلَعِ الْفَجْرِ (5)


والله يتقبل دعائج يارب ويفرج همج اللهم امين اللهم امين اللهم امين



دمتم سالمين
اختكم شريفة

عزيزتى:
إحتسبى أجرك عند الله واستعينى على ابتلاءك بالصبر والصلاة والدعــــــــــــــــاء


وحاولى تلفتى نظر زوجك لعدم رغبتك فى العيش مع اهله يأسلوب رقيق وابتعى تماماً عن الشكوى واحذريها


ولا ترغبى فى عودتك لبيت أهلك فهذه سنة الحياة أن تذهبى لبيت زوجك وتستقرى به وتبدأى حياة جديدة وتربى فيه اطفالك ... إستعيذى بالله من الشيطان وادعى الله أن يصلح لكِ الأحوال وكونى على يقين من الاجابة ...

الله معك

الغاليه ..
انا ماقولج قعدي واشكي الهم عن اهله .. لا اختي . تكلمي معاه عن حياتكم وعن نفسك ؟

وبعدين ما رديتي علي ليش ما تطلعون سكن لحالكم ,, لو كانت المشكله الاساسيه اهله .

وكا انتي قلتي بنفسك طيب وزين معاك . بس المشكله اهله ..

قعدي فكري انتي كيف تتجاهليهم .. احسن.

تحياتي

أم جنى

عانك الله ربي يفرج همك يارب العالمين...

حبيبتي ليش ما تطلعين في بيت بروحكم وتتركين عنش اهله وعوار الراس واذا كنتو ما تقدرون حاولي ادخلين احد من اهلش ان يكلمه عشان ما يوقف في صفهم واذا يتساعدون اهم واخوانه ويحطون خدامه

والله يوفقش